Nëse jeni aq të guximshëm sa që dëshironi të luani me versionin e ri të sistemit operativ të Microsoftit, keni parasysh se këtë mund ta bëni qysh prej ditës së nesërme, 9 janar 2009.



Me disa versione eksperimentale të Windowsit të ri përdoruesit në mënyrë të paautorizuar janë duke luajtur që bukur një kohë, i kanë siguruar ato nëpërmes torrentave të caktuar, mirëpo që prej ditës së nesërme këtë mund ta bëj kushdo që ka dëshirë. Microsoft ka vendosur që publikut t’i ofrojë versionin eksperimental të Windows 7, e sipas paralajmërimeve, atë do të mund ta shkarkojnë rreth 2.5 milionë përdorues.

Të gjitha këto që u përmendën më lartë i ka bërë të njohura Steve Ballmer, drejtor ekzekutiv në Microsoft, në fjalimin e tij drejtuar vizitorëve të panairit të elektronikës shpenzuese - CES 2009.

Sipas tij, kërkesat minimale harduerike për Windows 7 janë procesori me shpejtësi prej 1 GHz, 1 GB memorie e sistemit, 16 GB hapësirë e të dhënave dhe mbështetja për DX9 me 128 MB memorie.

Data zyrtare e daljes së Windows 7 nuk është bërë e njohur, mirëpo ende mbetet në fuqi ajo e paralajmëruar më herët, në fillim të vitit 2010.
http://www.telegrafi.com/?id=8&a=929