E keni pare?
Si ju duket?

Sapo humba gati një ore kohe për te rikthyre versionin e vjetër. Se di për c'arsye por tek mua F3 dukej tmerrshem. M'u desh te rremoj nëpër internet e te gjej versionin e para F3; ta c'instaloja F3 dhe me pas te riinstaloja F2.14. Me besoni se me iku truni duke punuar me IE për te bërë gjithë këtë pune

po ju keni shkarkuar versionin zyrtar apo rc3?

unë deri tani nuk kam patur ndonjë problem me Firefox 3.
jam akoma ne vleresim.

me pëlqeu opsioni i kerkimit te lista e shkarkimeve.

nuk e kam testuar nëse ka opsione built-in n.q.s. unë i c'aktivizoj gjithë add-on qe kam.

Për mua FireFox3 është perfect te mbron nga webet e sulmuara me viruse + bëni shfletimin e të gjitha gjuhev programuse. Tani për tani firefox ka thyer rekord nga shkarkimet ditore dhe si duket është ne libër te Guinness-it...

Firefox për Guinness
Mozilla u pat bërë thirrje shfrytëzuesve që në ditën e lansimit të Firefox 3 të shkarkojnë shfletuesin nga faqja e tyre dhe kështu të tentojnë të vendosin rekord në numrin e shkarkimeve brenda një ditë të vetme. Komisioni i librit të rekordeve Guinness ka njoftuar se ata edhe kanë arritur të korrin sukses, që nuk është për tu çuditur, sepse kjo është hera e parë që dikush ka tentuar të thyej këtë rekord.

Firefox 3 është lëshuar për shpërndarje më 17 qershor dhe atë ditë është shkarkuar nga më shumë se tetë milionë shfrytëzues. Komisioni i Guinness nuk ka mundur të marrë këtë të dhënë si punë të kryer dhe është dashur të kontrollojë të gjitha regjistrat në server dhe të largojë shkarkimet e dyfishta si dhe ata që nuk kanë arritur ta shkarkojnë deri në fund, e të tillë në orët e para kanë qenë të shumtë, sepse serveri ka qenë nën ngarkesë të jashtëzakonshme.

Një ditë para fillimit të shpërndarjes serveri ka rënë sepse ka qenë i madh numri i shfrytëzuesve të flaktë të cilët kanë ardhur të shikojnë nëse Firefox 3 ishte në dispozicion për tu shkarkuar. Në momentin kur ka filluar të shkarkohet serveri ka përpunuar 9.000 shkarkime në minutë, e vetëm gjatë pesë orëve të para është thyer rekordi i Firefox 2 prej 1.6 milionë shkarkimeve në ditë.

Pas dy javësh kontrollimesh numri zyrtar i shkarkimeve është 8.002.530 dhe ai është i mjaftueshëm që Firefox të hyj në 'Librin e Rekordeve Guinness’.

Paul Kim, shef i marketingut në Mozilla, u ka thënë të gjithë të punësuarve se tani mund të shkojnë të pushojnë lirshëm dhe të përgatiten për ndejën të cilën planifikojnë ta organizojnë me rastin e dorëzimin të certifikatës nga ana e Komisionit të Guinness.