Edhe une karrotat perdor, nga ato ha derisa te lodhem....se per tu ngopur as qe behet fjale...ato dhe te tresin...por te pakten e shtyn me ato derisa te vije momenti te hash diçka prej "verteti".
Nuk ka nevoj mi zemer te shkosh ne palester, bli nje litar kercimi, dhe bej kercime perdite, po jo shume pernjehere...ne fillim 100...pastaj 200...e keshtu me rradhe
Tre dite te dhembin pak muskujt e pulpave...por sa te mesohen eshte puna....
Eshte diçka qe nuk te ha me shume se 10 minuta, dhe eshte dore me nje....ate 1kg e humb per me pak se nje jave
(kuptohet po nuk e shoqerove me te ngrene te tepert)
Une per vete se sa here shtoj ndonje kg, me litar bej...se dhe un skam kohe per palester, per vrap....skam ndonje park afer.....mjafton te kesh vullnet per litarin...

hmm gjeja e pare esht guximi motra,
po nuk pate guxim esht e kot sepse do fillosh te hash fsheurazi nqs thua mbaj diete dhe se mban dot
por edhe nje gje se trupit nuk i ben mir te bier nga pesha direkt, dieta me e mir esht te besh ushtirme aerobike tre her ne jav 30 min dhe te largosh buken dhe makaronat , gjerat me lyr dhe brumrat dhe embelsirat  un kur kam mbajt diet me pare me kan then te pija nje got uj te ngroht ne mengjes te vjen cik ligsh po mesohesh , dhe te ndihmon shum se nuk te shkon mendia per buk ,nuke  di por mua me ndihmoi per vete,
te gjitha kto jan shum te lehta por duhet guximi, po patet ate kto te tjerat sjan  asgje,   shpresoj tju kem ndihmuar noi cik edhe pse do thoni "po kto i dim ne "

 32 Gabimet me te medha gjate dietes


Eshte e rendesishme te dini se cilat jane zakonet e demshme per shendetin ne menyre qe te jeni ne gjendje te percaktoni veshtiresite tuaja. Shikoni nese e gjeni veten ketu poshte… 1. Te mbash diete NUK eshte nje menyre te ngreni te cilen mund ta perdoresh gjate gjithe jetes. 2. Eshte e gabuar te mendosh se do te hash supe me lakra gjate gjithe jetes. 3. Nuk duhet te fiksoheni pas numerimit te kalorive. 4. Nuk duhet te peshoheni me shume se nje here ne jave. 5. Mos mendoni se nuk duhet te pini uje. 6. Gaboni nese mendoni se te jesh me diete do te thote te pish pije freskuese me sheqer. 7. Nukk duhet te konsumoni ushqime te konservuara me shpesh sesa ushqime te fresketa. 8. Nuk duhet te hiqni vlerat ushqyese te perimeve duke i gatuar me shume sec duhet. 9. Nuk duhet te mbani nje qendrim negativ. 10. Duhet te keni ne mendje nje plan. 11. Duhet te jeni te ndergjegjshem per vlerat ushqimore dhe demet qe mund t'ju shkaktojne ushqimet qe konsumoni. 12. Nuk duhet te mbaroni te gjithe pjaten edhe pasi te keni ngrene shume. 13. Nuk duhet te hani ushqimet qe mbetene gjate nje vakti. 14. Nuk duhet te hani cdo gje qe mundeni ne kokteilet per te cilat keni paguar ne menyre qe te mos ju ikin leket kot. 15. Mos rrini pa ngrene mengjes. 16. Nuk duhet te rrini pa ngrene gjithe diten, duke menduar se kjo eshte e vetmja memnyre per tu dobesuar. 17. Nuk duhet te mendoni se struktura juaj eshte e tille qe ju te jeni te shendoshe. 18. Nuk duhet te mendoni se nuk jeni te afte te ndryshoni. 19. Nuk duhet te mendoni se nuk jeni terheqes dhe interesant. 20. Duhet te jetoni cdo dite sa me mire dhe mos prisni ta beni kete "kur te jeni dobesuar". 21. Nuk duhet te mendoni se pilulat, pudrat dhe perberjet e tjera jane te magjishme. 22. Duhet ti shihni ushtrimet si nje pjese e rendesishme e dites. 23. Nuk duhet ti jepeni alkolit. 24. Eshte mire te beni sport dhe jo ta shikoni ate. 25. Nuk duhet te shikoni televizor me shume se nje ore ne dite. 26. Nuk duhet te dorezoheni dhe te pranoni faktin qe do te jeni gjithmone te shendoshe. 27. Nuk duhet te hani dhe ushqimin e te tjereve kur ngrini tavolinen. 28. Nuk duhet te provoni ushqimin kur gatuani. 29. Nuk duhet te gatuani biskota, torta apo kek pervec rasteve te vecanta. 30. Nuk duhet te hani embelsirat qe ruani per miqte. 31. Duhet te konsumoni perime dhe/ose fruta ne cdo vakt. 32. Nuk duhet te konsumoni rregullisht fast food.

Dieta verore, si të nxihemi me fruta dhe perime


Portokalli, e kuqe, e verdhë dhe pak e gjelbër. Ja ngjyrat e dietës për këtë stinë, karota, radhiqe, speca, dhe pjepër. Mjaftojnë këto për një nxirrje të shëndetshme të lëkurës, duke marrë një dozë të mirë vitaminash. Karota mbetet mbretëresha e kësaj stine, e cila ndihmon në nxirrjen e lëkurës, falë betakarotemit që ajo përmban, por edhe specat, pjepri, qershia, luleshtrudhja, nuk ngelen pas. Mos harrojmë sasitë e mëdha të ujit që ndodhen tek këto fruta, bëjnë të mundur që organizmi të zëvendësojë shumë mirë humbjen e lëngjeve, ndërkohë që perimet që mund t'i përdorim në këtë stinë, për furnizimin e trupit me potas, kalcium dhe hekur. Karotat janë të pasura me vitamina A, përgjegjëse për shëndetin e syve dhe lëkurës, luleshtrydhet, përvec se njihen për praninë e antioksidantëve, janë të pasura me vitamina C që mbrojnë organizmin nga alergjitë tipike të stinës. Të gjitha perimet me gjethe të gjelbër paksa të errëta, përmbajnë dukshëm acid folik, sasi të konsiderueshme të vitaminës B, të cilat ndikojnë në formimin e rruazave të kuqe të gjakut, të cilat kanë veprojnë në palcën e kockave dhe janë të efektshme për mbrojtjen e ngjyrës së flokëve nga rrezet e diellit. Domatet përvecse janë ortake të mira të dietave ushqimore, pasi përmbajnë 17 kalori në 100 gram, i dhurojnë organizmit një ndihmesë të mirë me fibra, vitamina, kripëra minerale, veçanërisht me fosfor, kalcium dhe magnez.

Putkisto, si të dobësoheni pa dietë

Përmirëson trupin, zgjat muskujt dhe i bën ata më fleksibël, duke i dhënë trupit një pamje më të bukur dhe të lehtë. Dhe gjithçka arrihet pa shumë mund. Metoda e re e fitnesit, që është edhe një domosdoshmëri për periudhën e vjeshtës dhe dimrit, quhet Putkisto, një teknikë e re që ndërthur bashkë jogën me stretching.

Vjen nga Finlanda dhe ka çmendur të gjithë Britaninë e Madhe, Putkisto është medota ideale për t'u dobësuar pa qenë e nevojshme t'i nënshtrohesh dietave të shumta apo qëndrimit për orë të tëra në palestër.

E ideuar 20 vjet më parë nga Marja Putkisto, nga ka marrë edhe emrin, ajo është një teknikë e veçantë ushtrimesh. Nuk është aspak e lodhshme dhe mund të praktikohet nga të gjitha moshat dhe çdo ditë. Mjaftojnë 20 minuta në ditë për të tonifikuar muskulaturën, për të ulur tensionin dhe për të përmirësuar sistemin e qarkullimit të gjakut, dhe si pasojë edhe pakësimin e celulitit.

Është një teknikë e ndërmjetme midis jogas dhe stretching dhe bazohet shumë edhe në frymëmarrje. Duke marrë frymë në mënyrë të rregullt dhe të thellë, gjatë ushtrimeve, arrihet një energji dhe ekuilibër që ndihmon në forcimin e muskujve. Ushtrimet që kanë emra enigmatikë si 'salamandra'

'ngritja e diellit', 'lepuri'apo 'macja'mund të realizohen edhe në kushtet e shtëpisë, madje, edhe nga ata që nuk janë mësuar të stërviten.

Kjo teknikë ndihmon në vendosjen e një ekuilibri midis trupit dhe mendjes, duke ndihmuar në njohjen e një pjese të organizmit tonë. Me pak fjalë, është një metodë gjimnastike e përshtatshme për të gjithë, femra dhe meshkuj, nga mosha 8 deri në 80 vjeç

Une s'e pi dot te nxehte ama... E di qe eshte i shendetshem per trupin, s'e dija se ben mire per diete.
Une qe thoni ju e gjeta dieten kete vere... 2 muaj pune, mezi te del koha per nje vakt, kam rene 8 lbs!

edhe un kam k'te qaj .. por se perdor fare ,, pasiqe e bleva degjova se eshte shum i demshem ... demton shum keq organizmin prandaj edhe nuk e perdor ... por qe t'rrim ne banjo   .. un perdor nje gje tjeter qe ma kan propozuar ... uj me lemon ... provoje ( sigurisht pa sheqer )

e tani kush din t'me thot mua nje diet .. me pak ushtrime ...... si bej dot  

Ha më shumë në mëngjes dhe në drekë
Ka ndonjë mënyrë për të asimiluar më pak kalori pa ulur hyrjet e energjisë? A është e mundur në praktikë të dobësohesh pa mbajtur dietë, por thjesht duke nxitur metabolizmin për të djegur më shumë? Po, ja të gjitha dinakëritë e shmangies së kalorive.

Shpejto metabolizmin
Mënyra jonë e të ushqyerit ndikon në metabolizëm, në kaloritë e konsumuara nga organizmi në gjendje qetësie ose në kohën që asimilon dhe transformon në energji ushqimin. Shih faktorët që shpejtojnë (ose ngadalësojnë) metabolizmin, dhe mund të influencosh në mënyrë të ndjeshme tendencën e trupit për të shtuar ndonjë kile.
Gjithmonë para orës 14.00
Në pjesën e parë të ditës metabolizmi është më efikas. Aftësia për të djegur kalori është në maksimumin e saj në orët e para të mëngjesit deri në orën 14.00. Prandaj bën mirë të hash mëngjes shumë të pasur (me drithëra, bukë dhe reçel), një vakt të vogël para drekës (fruta, kos frutash, lëngje), ose një vakt të plotë në mesditë (një pjatë e parë e lehtë dhe një e dytë po e lehtë me garniturë zarzavatesh, të pagatuar ose të pjekur). Linjat e trupit nuk do të ndryshojnë me kusht që edhe në darkë të hash diçka të lehtë një pjatë supë me zarzavate me mish ose peshk.
Sa më shumë vakte, aq më mirë
Sa herë që ha, organizmi vihet në lëvizje për të tretur ushqimin, duke e ndarë në përbërës të ndryshëm për ta tretur. Një punë për të cilën është e nevojshme një sasi e caktuar energjie. Ja përse sa më shumë vakte të hash aq më mirë është. Studime të ndryshme kanë treguar se nëse e njëjta sasi ushqimi nëse hyn në organizëm në 4-5 vakte gjatë ditës, ka një konsum kalorish më të mirë.

Po, mishit dhe peshkut, nëse preferon proteinat
Zgjidh mirë
Nëse do të dobësohesh, prefero mishin dhe peshkun, jo vetëm se janë mesatarisht me pak kalori, por edhe sepse i japin një marsh më shumë metabolizmit falë përqindjes së lartë me proteina.
Më shumë tule nëse..
Është llogaritur që ushqimet e pasura me lyrna dhe karbohidrate kanë një aftësi të vogël (sa një e treta) për të aktivizuar proceset e djegies. Për këtë arsye transformohen më lehtë në tule. Kjo nuk do të thotë që duhet të heqësh dorë nga brumërat dhe buka, por përpiqu të zvogëlosh sasinë dhe të hash më shumë në pjesën e parë të ditës, kur organizmi është në gjendje të konsumojë më shumë.
Më pak drithëra të zinj
Brumërat dhe buka e zezë, të konsumuara duke u alternuar me njëra tjetrën, ndihmojnë punën e stomakut dhe kufizojnë thithjen e yndyrnave dhe sheqerit, pra janë të dobishëm për të mbajtur trupin në formë. Por kujdes mos e teproni! Studimet e fundit kanë treguar se një dietë shumë e pasur me fibra mund të jetë pengesë për metabolizmin. Orizi, brumërat dhe buka do të përfundonin, pas njëfarë kohe, duke djegur më pak kalori në krahasim me të njëjtat ushime të përpunuara.
Kurrë nën 1000 kalori: jo dietave drastike
Bëj një kafe të mirë. Kërkime të ndryshme kanë demonstruar se marrja e kafeinës (e pranishme në pije si kafeja, kola dhe çaji) stimulon metabolizmin
2/3 filxhan në ditë
Më saktë 2 ose tre filxhanë kafe do të ishin të mjaftueshëm për të rritur termogjenezën (procesin e djeguies) në 5 % duke i lejuar organizmit të djegë disa dhjetëra kalori më shumë në ditë.
Mos ekzagjeroni
Nëse ndjek një regjim tepër të fortë në tavolinë, organizmi regon, trupi kursen energji, metabolizmi bie në gjumë, djeg përherë e më pak. Kështu kur i futesh përsëri të ngrënit shëndoshesh. Është llogaritur që ata që ndjekin dieta drastike (nga 800-1000 kalori në ditë) mund të arrijnë të konsumojnë deri në 20 përqind më pak kalori.
Metodat më të mira të gatimit? Zgarrë, furrë dhe zjerje.
Është e vërtetë që gatimi redukton pak pasurinë me minerale e vitamina të disa ushqimeve, por lejon të ulë edhe kuotën e yndyrnave, dhe e gjithë kjo favorizon prurjen kalorifike finale.
Mish i zjerë, brinjë qengji, fileto zgare, fileto derri, sapo dalin nga tenxheret, piastrat apo furrat, rezultojnë më të dobët, sepse dhjamrat shkrihen dhe mbeten në ujë ose në lëngun e pjekjes.
Me ndihmën e nxehtësisë mishi formon një lloj shtrese mbrojtëse.Nëse shpon sipërfaqen me pirun përpara se ta vësh në furrë, dhjamrat nuk do të mbeten brenda mishit, por do të treten.
Edhe me zjerjen ushqimi mund të bëhet më i lehtë sepse yndyrnat mbeten në ujë. Por kujto: humbja e yndyrnave është më e madhe sa më e gjatë të jetë koha e gatimit dhe sa më i ftohtë të jetë uji ku vendoset në fillim mishi. Nëse mishi vihet në ujë që zjen, temperatura e lartë çon në një koagulim të shpejtë të proteinave, që bëhen barrierë për daljen e dhjamrave.
Një këshillë e fundit : nuk ka kuptim ta lehtësosh mishin me këto truke të vogla, nëse konsumon edhe lëngun.
Në dimër konsumo më shumë
Thuhet që në mot të ftohtë është e ligjshme të hash pak më shumë, sepse me teperaturat bazë konsumon më shumë kalori . Eshtë e vërtetë? Po. Nën 15 gradë në fakt organizmi i jep nxehtësi ambjentit rrethues dhe prandaj duhet të prodhojë më shumë energji për ta mbajtur konstante temperaturën e trupit. Djegia rritet edhe kur bën shumë nxehtë (mbi 30 gradë).Në këtë rast sepse trupi duhet të eliminojë djersitjen. Morali: lejoji vetes pa u shetësuar shumë, ndonjë kalori më tepër nëse ke në plan të bëj një shëtitje në mal ose një vrap në park Dhe nëse mendon të bësh një leksion gjimnastike në palestër kjo duhet të pasohet me një sauna të kënaqshme.
Gjysëm kile më pak në muaj duke hequr 100 kalori në ditë
Është e mundur të dobësohesh thjesht dhe pa sforco? Po. Mjaft të lehtësosh menunë e përditshme me 100 kalori që në fund të kesh gjysëm kile më pak pa bërë as sforcon më minimale. Nuk të besohet? Bëj ndonjë llogari: ki parasysh që gjysëm kile dhjam trupor është gati 3500 kalori
Prandaj, nëse çdo ditë kursen 100 kalori brenda muajit do të arrish të heqësh 3100, pra gati gjysëm kile tule.
Ju duket pak? Nuk është kështu, nëse do të dobësohesh, por edhe të mbash rezultatet e arritura. Sipas studimeve të fundit është shumë më e shëndetshme dhe e sigurtë të dobësohesh ngadalë, dhe të rimarësh veten nga rreziku për t'u shëndoshur përsëri siç ndodh menjëherë pas një diete tepër të fortë dhe të shpejtë.
Ja disa nga truket e thjeshta për të zbritur shigjetën e peshores pa e ndjerë .
Mëngjes
Jo, një tasi të madh plot me qumësht të plotë (200 ml, 130 kalori) Por më mirë një gotë qumësht i skromuar (100 ml, 30 kalori)
Po, bukës me marmalatë (një lugë 75 kalori), por pa shtuar gjalpë (një lugë 175 kalori)
Në vend të një racioni korosan (40g, 200 kalori ) Një tas me corn flakes (30 gr, 100 kalori)
Zgjidh një kos të hollë natyror (një vazo 55 kalori ) sesa një kos me fruta 155 kalori
Nëse ha mëngjes në një bar mos u josh nga një kifle e bërë me çokollatë ose me krem (280 kalori) por zgjidh një më të thjeshtë 180 kalori
Drekë dhe darkë
Një kuti me ton në vaj (85 g 210 kalori)? Zëvendësoje me ton natyror (105 kalori)
Një pjatë me patate të skuqura (280 kalori), zëvendësoji me dy patate të pjekura me (180 kalori)
Po, bukës së thekur nëse përdor dy feta tepër të holla (40 g 80 kalori ) në vend të atyre normale (120 kalori)
Ha një pizë me perime pa vaj (500 kalori) dhe hiq dorë nga margarita klasike (600 kalori)
Ha një pjatë me byreçka të mbushura me spinaq,(630 kalori) më të lehtë se me mish (730
kalori)
Sapo ta kesh gatuar, hiqi lëkurën mishit të pulës kështu do të fitosh (108 kalori kundrejt 210 për një racion 120 g)
Vakt i ndërmjetëm
Akullorja me krem (120 g, 265 kalori) është më kalorike se një akullore me fruta (100g, 165 kalori)
Në vend të një gote me kola apo aranxhatë (140 kalori) pi një gotë lëng grepfrut(dru dhe frut) (38 kalori).
Më mirë një akullore kaush me fruta (110 kalori) në vend një kaush akullore me krem (220 kalori)
Një copë të vogël kulaç (80g, 320 kalori) zëvendësoheni me një panine të vogël me katër feta proshutë të gatuar të hollë (220 kalori)
Në momentin e aperitivit shmang koktejlet( një gotë e vogël 180 kalori) dhe porosit pije spumante (80 kalori)
Kujto se 6 feta me proshutë të gjallë kanë 185 kalori që ama zbresin në 105 nëse kujdesesh t'i heqësh pjesën e dhjamit.