Një aparat i ri celular nga kompania japoneze DoCoMo do t’u shërbejë tani aspiranteve për t’u bërë nëna.   
Aparati, ka të inkorporuar një program që, mjafton vetëm t’i fusësh datën e ardhjes së ciklit menstrual dhe telefoni do të ta kujtojë vetë datën e nisjes dhe mbarimit të ovulimit, afrimin e ciklit të ardhëm, madje edhe orën e saktë kur duhet të kryesh marrëdhënie për të realizuar kështu një shtatzëni të dëshiruar. Ky aparat ka lindur nga nevoja e japonezëve për ta shtuar popullsinë, ndërkohë që shumë shpejt pritet të mbërrijë edhe në Europë.