Ngroh vezët e supermarketit në inkubator, çelin zogj

Angli – Një vajzë 10-vjeçare nga Devon tani ka dy zogj pule, të cilët kanë çelur nga vezët e blera në supermarket. Jessica Sanson ka vendosur dy vezë organike në një inkubator që familja ka përdorur për të ngrohur vezët e patave dhe pulave në fermën e tyre. Një muaj më vonë ajo pa si lëvozhga u thye dhe prej tyre dolën zogjtë e verdhë, të cilëve ua ka vënë emrat Splish dhe Splosh. Jessicka, nga Ilfracobe thotë: “Doja të shija se çfarë do të ndodhte, dhe mami më tha se edhe mund të lindnin zogj”. Mamaja Elizabeth, 53-vjeçare, e cila ka blerë 1.95 paund gjashtë vezë në “Waitrose”, thotë: “I hëngrëm katër, por Jessicka donte t’i ruante dy të shihte se çfarë do të ndodhte”.

Thonjtë, 1 metër të gjatë, 15 vite pa u prerë

KINË – Një burrë nga kina ka 15 vite pa prerë thonjtë e njërës dorë. Li Jianping, 43-vjeçare, nga Shishi, në provincën Fujian, thotë se thonjtë e dorës së majtë janë gati një metër të gjatë në total. Ai pranon para mediave se ndihet mjaft krenar për to, por pranoi se ndonjëherë bëhen të bezdisshme. “Kurrë nuk shkoj në vende plot me njerëz. Gjatë natës duhet ta mbajë kyçin e djathë poshtë kokësh në mënyrë që të mos lëviz”, thotë ai. Për të arritur gjatësinë e tanishme i janë dashur 15 vite, por fillimisht filloi t’i rrisë 23 vite më parë. Para vitit 1992 thonjtë i janë thyer dy herë, në dy aksidente. Një herë kur po zhvendoste ngarkesa, dhe herën e dytë nga një mik. Secilën herë i është dashur t’ia nisë nga e para.

OMGGGGG sa kam qeshur!!!!!!!!!!!!

ahahahahahahahaaa pika qe s'i bie burrit
njerez te dobet
alamet sakrifice paska bere, s'e sheh

Ajo gje duhet shkruar te tema: Sakrifica me e madhe(per hir te dashurise)

Padit të motrën se macja e saj i kafshoi dorën

SHBA – Një ish-marins nga Miçigani mori 60 mijë paund kompensim nga e motra e tij, pasi macja e saj i kafshoi dorën. Michael Sabo, 57-vjeçar, nga Flushing thotë se dhimbja ishte më e keqe se kur u godit nga plumbi i një snajperi në Vietnam. Ai sapo kishte marrë copën e mishit gjatë darkës tek e motra, Jean Toney, kur macja siameze, Randy, e gërvishti dhe i kafshoi dorën. Avokati i tij, Tom Pabst, tha në gjykatë: “Këto janë dhëmbët e një foke, ose më mirë të një pitbulli. Kjo është e keqe dhe e hidhur. Gishtërinjtë e zotit Sabo u enjtën kaq shumë sa dukeshin si salsiçe. Infeksioni, që e kuroi në spitalin e veteranëve, i kushtoi 10 mijë paund. Kur kompania e sigurimit të së motrës nuk ia pagoi paratë, ai e çoi çështjen në gjykatë.

Boshnjaku inatoset se askush nuk i shkon në funeralin e sajuar

BOSNJE – Një boshnjak u shkroi të gjithë miqve dhe familjarëve letra, në të cilat ankohet se vetëm mamaja i kishte shkuar në funeral. Amir Vehaboviç, 45-vjeçar, bëri gjoja sikur kishte vdekur për të parë se sa persona, duke përfshirë dhe miqtë e tij më të mirë, do të merrnin pjesë në funeral. I fshehur pas shkurreve, në qytetin verior të Gradiskas, ai pa se si nëna e tij e moshuar shkoi e para, por përveç saj nuk kishte asnjë tjetër. Në letrat drejt 45 personave të ftuar ai shkruante: “Pagova shumë para për të organizuar këtë vdekje të rremë dhe certifikatën, dhe pagova ata që mbajtën arkivolin tim. Mendova se ju, gjoja miqtë e mi, do të vinit të më nderonit për herë të fundit. Këtë e bëra që të kuptoj se sa rëndësi kam për ju”.

Qenushi kthehet në shtëpi 7 orë pasi kishte ngordhur

KINË -  Një këlysh i cili kishte “ngordhur” gjatë një aksidenti me makinë, është zvarritur në shtëpi shtatë orë pasi kishte ngordhur. Qeni qimedredhur, Dudu, nga qyteti Nanjing, Kinë, u godit nga një kamion ndërkohë që po shëtiste me të zonjën. “Ishte kaq i gëzuar që kishte dalë jashtë sa më iku nga litari”, thotë e zonja. “Dudu fluturoi në ajër dhe përfundoi në buzë të trotuarit. Kur u afruam ai ishte gjakosur dhe nuk mori më frymë”, shton ajo. Familja e varrosi qenin në oborrin poshtë pallatit. Të gjithë u habitën kur qeni priste para derës së shtëpisë. Për fat të mirë, dheu nuk ishte mjaft i ngjeshur dhe ari arriti të dalë.

Shkolla padit nxënësen për shkak se vesh çorape me kukulla

SHBA – Një nxënëse e klasës së shtatë mund të përfundojë në sallën e gjyqit, për shkak se ka veshur këpucë me personazhin e filmave vizatimorë, Uini-Puh. Toni Kay Xcot, 14-vjeçare, u dërgua në një program të veçantë për fëmijët me probleme, për shkak se dhunoi uniformën e shkollës. Në çorapet e saj ishte personazhi i Tigrit. Përveç tyre ajo kishte koordinuar edhe fundin dhe bluzën. Rregullat e shkollës janë që ajo të veshë vetëm veshje në ngjyrën blu, të bardhë, të gjelbër, të verdhë, kaki, gri, kafe apo të zezë. Xhinset nuk lejohen. Avokati i saj në sallën e gjyqit argumentoi se rregullat janë shumë kufizuese.

Indi, çifti varet në shtëpi pas ngordhjes së qenit

Dhimbja për zhdukjen e qenit të tyre të dashur ishte bërë e padurueshme për një çift të moshuarish, të cilët kanë vendosur t'i japin fund jetës së tyre. Ngjarja ka ndodhur në Hyderabad, vend në jug të Indisë. Çifti, C.N. Mandanraj, një ushtarak në pension, 67 vjeç dhe e shoqja Tarabai, 63 vjeçe, kishin organizuar edhe një funeral në nder të qenit para se t'i jepnin fund jetës, duke u varur në dhomën e gjumit. Trupat janë gjetur nga forcat e policisë. Çifti nuk kishte fëmijë. E vetmja prezencë në jetën e tyre të vetmuar ishte Pupyy, qeni 13-vjeçar. Pas vdekjes së kafshës, dy të moshuarit kishin organizuar edhe një festë. Pasi kanë hyrë në dhomat e gjumit, i shoqi ka përgatitur litarët dhe më pas që të dy i kanë dhënë fund jetës. Ata kanë lënë pas një letër, ku kanë shpjeguar motivin e gjestit të tyre.