FADIL VOKRRI EDHE ZYRTARISHT APLIKON PËR POSTIN E KRYETARIT TË FFK-së

     
e martë . 29 janar 2008
 
Nga Federata e Futbollit e Kosovës, bëhet e ditur se sot edhe zyrtarisht ka aplikuar kandidati i parë për kryetar të FFK-së. Ai është legjenda e futbollit kosovar, Fadil Vokkri, i cili aplikoi me rreth 50 nënshkrime të delegatëve të Kuvendit të FFK-së dhe me plan-programin zhvillimor, me të cilat e plotësoi kushtin dhe kriterin legal për aplikim në bazë të statutit të FFK-së. Është kjo hera e dytë që Fadil Vokrri synon postin e kryetarit të Federatës së Futbollit të Kosovës. Ai kishte aplikuar edhe 2 vite më parë, mirëpo në zgjedhje ishte befasuar nga atëherë kryetari i suspenduar Sabri Hashani, i cili kishte fituar votat e delegatëve. Jo zyrtarisht bëhet e ditur se për postin e kryetarit të FFK-së do të konkurron edhe kryetari i klubit të futbollit Prishtina, Remzi Ejupi.