Përshëndetje stafit dhe te gjithë webmasterave dhe antarve.
Doja mendimin tuaj për diçka, shpresoj se do me ndihmoni.

Para disa ditesh një forum ku isha unë antar u prish dhe i zoti vendosi ta shiste. Duke kaluar disa çaste te këndshme ne atë forum vendosa qe ta blej dhe kështu bëra dje. Por nuk ja kam haberin fare nga bota e webmasterave dhe nga gjuhët qe te duhen për te mbajtur një forum.

Ai çuni qe e kishte me dha mendimin e tij dhe me drejtoi te pyesja këtu pasi sipas tij juve keni shumë njohuri rreth këtyre gjerave dhe keni ndihmuar shumë veta te tjerë si puna ime, fillestare.

Sajti ka qenë me një forum mybb, i cili më ka pëlqyer shumë. Por dikush tjetër me foli për Smf dhe Phpbb versionin 3 qe dhe ata janë te mirë. Dhe mund ta imagjinoni hezitimin tim. Ja tregova ish webmasterit tjetër qe bleva forumin për çfarë kisha dëgjuar dhe ai mi instaloi te 3 forumet dhe më tha qe ti shikoja vet se cili me pëlqen dhe cili jo.

Deri tani më ka pëlqyer shumë mybb dhe phpbb3. Kurse smf nuk mu duk ndonjë gjë kush e di se çfarë. Ishte shumë i thjeshtë dhe i mungonin disa gjëra qe për llojin e sitit qe do kem janë shumë te domosdoshme. Sigurisht mu spjegua qe ato gjërat mund te shtohen dhe si modifikime por duke pare mungesen e njohurise time për këto gjëra nuk me duket ide e mirë.

A ka mundësi ju lutem te me thoni te mirat dhe te keqiat e forumeve Mybb dhe phpbb3? Ju falenderoj paraprakisht për përgjigjet tuaja.

Me respekt
Calo

Këshilla e M A X është goxha e mençur dhe mendoj se s'është aspak keq ta ndjekesh.

Një liste krahasuese te SMF, phpBB3 dhe MyBB mund ta gjesh këtu:
http://www.forummatrix.org/compare/SMF+MyBB+phpBB

SMF ka gjëra qe MyBB nuk i ka dhe anasjelltas. Jam kureshtar te di se çfarë te duket se i mungon SMF?

SMF është bërë qellimisht i thjeshtë ne pamje, perdorim dhe administrim, por ne fakt është shumë i fuqishem. Një nga gjërat me fantastike te SMF është Package Manager, qe te lejon te instalosh modifikime direkt nga paneli i administrimit, pa qenë nevoja te futesh duart ne kod (përveç rasteve kur ka konflikte me modet qe janë instaluar tashmë); kjo perfshin edhe freskimet për versionet e reja. Për shembull, kalimin nga SMF 1.1.4 ne 1.1.5 unë e bëra këtu te zeriyt.com brenda 10 sekondash (përfshirë këtu edhe kohën për te zbrazur filxhanin e kafes qe kisha përpara ).

Një veçanti dhe interesante e SMF është SSI, një mënyrë e perparuar për te paraqitur informacion nga forumi ne një faqe jashtë forumit, për shembull ne faqen kryesore.

Gjithashtu, siguria e SMF është shumë e mirë. Përsa i përket MyBB, kam dëgjuar se ekipi i MyBB nxjerr shumë shpejt version te freskuar nëse versioni aktual raportohet me probleme sigurie. Ndërsa ekipi i phpBB, mbas incidenteve te shumta qe kanë ndodhur me phpBB2, kanë paguar një kompani qe merret posacerisht me sigurine informatike qe te analizojne dhe rregullojnë kodin e phpBB3 për probleme sigurie.

Një nga gjërat qe, mendoj unë, duhet te marrësh parasysh është edhe mbështetja teknike: shpejtësia e ndihmes, gjuhët ne te cilat ofrohet ajo etj.

Pamje për SMF, ashtu si për çdo forum, mund te gjenden te gatshme (me disa ndryshime, edhe kjo qe kemi ne e tillë është). Ka lloj-lloj pamjesh, deri te ato qe e bëjnë forumin te duket si wiki apo si blog.

E kuptoj atë punën e Safe Mode dhe vërtetë ashtu është: Package Manager ne SMF nuk punon mirë ose nuk punon fare kur PHP është ne Safe Mode.

Por mbi të gjitha, ty te pëlqen MyBB dhe je mësuar me te. Të uroj me gjithë zemër suksese!

Gjithashtu, kur ta hapesh faqen je i mirepritur të postosh linkun te Prezantimi i Faqeve.