Ky vit ka nisur mbarë për skulptorin shqiptar, Genti Tavanxhiu, i cili prej vitesh jeton në Itali. Pas sukseseve të vitit të kaluar artisti shkodran prezanton programin e tij për këtë fillimviti. Gjatë këtij muaji do të përurohet skulptura monumentale me titull “Spiral”. Eshtë një vepër që do të vendoset në hyrje të ndërtesës së re të një nga firmave më në emër në provincën e Ascoli Picenos, Itali, “Marmi Puglia”. Ndërkohë projekti më i afërt i tij është një udhëtim drejt Dubait, gjatë muajit shkurt, ku artisti është ftuar të marrë pjesë në një nga programet më të rëndësishme kulturore të këtij qyteti dhe i vetmi në llojin e vet. I sponsorizuar nga agjencia dhe kompania e udhëtimeve “Emirates”, si dhe nga Bashkia e këtij qyteti ai do të marrë pjesë në “Emaar Art international Symposium 2008”, i cili është një simpozium arti, ku marrin pjesë 40 artistë nga vende të ndryshme të botës, të cilët për një muaj do të kryejnë punimet e tyre. Panorama