Proteina kyç për të bllokuar procesin tumorial është "S1000A10", që gjendet në sipërfaqen e makrofageve. Një studim i një grupi kanadez, i publikuar në "Cancer Research", mund të rezultojë si zbulimi më i rëndësishëm i shekullit. Bëhet fjalë për mekanizmin për të bllokuar zhvillimin e tumoreve, duke ndaluar shndërrimin e qelizave të shëndetshme në qeliza neoplastike. Kyçi duhet të jenë makrofaget, qeliza primare të mbrojtjes së organizmit, që tërhiqen në membranën tumorale dhe "riprogramohen" për të qenë të aftë të kundërshtojnë përhapjen e të keqes në organizëm. Faktikisht do të mjaftonte të bllokohej veprimi i një proteine, që gjendet në makrofage, për të ndaluar riprodhimin e qelizave tumorale.

Nëse bllokohet proteina kyç për të bllokuar procesin tumorial "S1000A10", mund të ndërpritet edhe mbështetja e këtyre qelizave ndaj atyre tumorale. Pa mbështetjen e makrofagëve tumori nuk rritet. "Kjo proteinë - pohon David Waisman i Departamentit të Biokimisë dhe Biologjisë Molekulare të qendrës së kërkimit mbi kancerin në 'Dalhouse University' të Kanadasë - vepron si një palë gërshërë, që presin përmbajtjen barrierë që krijohet rreth tumorit". Hapi i ardhshëm i studiuesve do të jetë zbulimi...

Shweeb, monoshina ku pedalohet në ajër

E dobishme, argëtuese dhe tepër ekologjike. Quhet Shweeb dhe është monoshina me pedalet e parë në botë. Imagjinoni të pedaloni të "varur" në një monoshinë mbi qytet. Në praktikë mund të revolucionojë trafikun e qytetit. Në krahasim me biçikletën lodhesh më pak, nuk ke rrezik aksidenti me makina dhe motoçikleta, në rast shiu je i mbuluar, ndotja është zero dhe mund t'i themi lamtumirë palestrës, sepse gjimnastikën ditore e bëni këtu.

Ideja vjen nga Zelanda e Re dhe është një nga pesë fituesit e iniciativës Google. Projekti 10 (100), është një konkurs idesh dhe objektivi kryesor i tyre është "të ndryshojnë botën".

Ky konkurs ka dhënë 10 milionë dollarë të destinuara për zhvillimin e pesë ideve më novatore dhe origjinale nga mbarë bota. Kanë ardhur 150.000 ide nga e gjithë bota. Pesë fituesit janë zgjedhur në bazë të një procesi me votim publik.

Shweeb do të marrë 1 milion dollarë për të zhvilluar idenë dhe të transformohet në një sistem transporti. Në këtë moment ekziston veç një prototip i gjatë 200 metra në një park në Zelandën e Re, në të cilën kapsulat transparente arrijnë të kenë një shpejtësi prej 50 kilometrash në orë...

Përgatiti: KLARITA BAJRAKTARI

Hygeia, teknologjia e fundit për mjekimin e kancerit

Sëmundja e kancerit nuk përbën më tabu, pasi ajo mund të kurohet me sukses si të gjitha sëmundjet e tjera. Në spitalin Hygeia, bëhet mjekimi i kësaj sëmundjeje me akseleratorëët linarë. Falë kësaj teknologjie ekziston mundësia e shërimit të kancerit në shumë organe, si: prostata, laringu, mushkëria, zorra e trashë, gjiri etj, me përqindje të lartë suksesi.

“Është fakt sot se pacientët që vuajnë nga sëmundja e kancerit 70% e tyre do duhet të bëjnë radioterapi. Nga këta pacientë reth 11% e tyre trajtohen sot nëpërmjet akseleratorëve linearë. Qëndra radioterapeutike e spitalit Hygeia të Tiranës është e paisur me akseleratorë linearë të fjalës së fundit të shkencës të shoqëruar nga sisteme elektronike, mjaft të fuqishme të teknologjisë së fundit. Nëpërmjet tyre bëhet e mundur që radioterapia apo ndryshimi i rrezeve të shkojë direkt te tumori, të thithet nga zona tumorale, dhe të mos krijojë apo të mos ketë efekte për indet e shëndetshme përreth”,- sqaron radioterapeuti onkolog në spitalin Hygeia, në Athinë Kostas Dardoufas.

Trajtimi i pacientëve me aparatura të radioterapisë me rezonancë të lartë nuk ka efekte anësore për ta. Gjë që përbën një tjetër avantazh të kësaj teknologjie.
(el.me/NEWS24/BalkanWeb)