Tenton të mbysë me kabëll rivalen,arrestohet studentja

Sherri mes dy vajzave konviktore ka nisur për motive xhelozie, ngaqë të dyja kishin marrëdhënie me të njëjtin djalë

Elbasan - Takoheshin më shumë se pesë herë në ditë, jetonin në të njëjtën godinë konvikti, por ishin rivale në dashuri, ndaj dhe kanë ngritur sherrin me njëra-tjetrën, një grindje që për pak sa
nuk i ka marrë jetën njerës prej vajzave, që të dyja studente të Universitetit “Aleksandër Xhuvani”. Sipas versionit paraprak të konfirmuar edhe nga burimi zyrtar i policisë, sherri mes dy vajzave ka nisur për motive xhelozie. Mësohet se të dyja vajzat kishin marrëdhënie me të njëjtin djalë dhe këtu e ka zanafillën përleshja e djeshme që e ka bërë 23-vjeçaren të tentojë të vrasë
rivalen e saj, Malvina Toska, e akomoduar në konviktin e universitetit. Burime të policisë bëjnë të ditur se ngjarja ka ndodhur rreth orës 22:30 minuta të mbrëmjes së të mërkurës, kur nga ana e uniformave blu është bërë arrestimi i shtetases Denisa Kuka, 23 vjeç, nxënëse e vitit të katërt në degën Matematikë-Fizikë, lindur në qytetin e Lushnjës, aktualisht studente në Universitetin “Aleksandër Xhuvani”.

Ngjarja
Deri në momentin kur Denisa Kuka ka mësuar që i dashuri i saj ishte njëkohësisht edhe i dashuri i shoqes së saj, Mavlina Toskës, marrëdhëniet mes dy protagonisteve të ngjarjes kanë qenë më se normale dhe miqësore. Por, kur Kuka ka mësuar që shoqja shkonte me të dashurin e saj, atëherë gjithçka është kthyer në një urrejtje ekstreme. Pasi ka mësuar këtë fakt, 23-vjeçarja Kuka rreth orës 22:30 të mbrëmjes së të mërkurës, ka shkuar në dhomën e Mavlina Toskës dhe e ka kapur menjëherë prej fyti. Në gjaknxehtësi e sipër, Kuka i lidhi shoqes së saj në fyt edhe një kabëll kufjesh, duke tentuar që ta mbyste. Por fatmirësisht, këtu ka ardhur ndërhyrja e shoqeve të dhomës së Toskës, të cilat përkohësisht arritën që t'ia shkëpusin shoqen e saj nga duart e Kukës. Sakaq, në vendngjarje kishte mbërritur edhe policia e Elbasanit, e cila ishte njoftuar nga konviktore të tjera në lidhje me ngjarjen. Uniformat blu kanë dërguar në spital për ndihmë mjekësore Mavlina Toskën, ndërsa Denisa Kuka është shoqëruar në dhomat e paraburgimit, e akuzuar për veprën penale të "vrasjes me dashje, të mbetur në tentativë", akuzë e cila, nëse pranohet nga gjykata, i rrezikon 23-vjeçares Kuka minimalisht 10 vite burgim.

Dëshmia
Pas shoqërimit në dhomat e paraburgimit, Denisa Kuka ka pranuar autorësinë e ngjarjes, duke deklaruar se motivi kishte të bënte pikërisht me faktin se shoqja e vet, Mavlina Toska kishte marrëdhënie me të dashurin e saj. Ajo ka deklaruar se kishte shkuar mjaft e irrituar në dhomën e Mavlinës dhe gjithçka ndodhi ka qenë në gjaknxehtësi e sipër. "Situata më doli jashtë kontrollit, nuk mbaj mend se çfarë kam bërë, pasi e kam kapur prej fyti", - mësohet të jetë shprehur Kuka përpara oficerëve të policisë gjyqësore. Ndërkohë bëhet e ditur se edhe përpara hetuesve, Kuka ka paraqitur shenja nervozizmi dhe urrejtjeje ndaj shoqes së saj, Mavlina Toska, të cilën shpeshherë e shante me fjalë të ndryshme. Pritet që sot, Gjykata e Elbasanit të vendosë masën e sigurisë për Denisa Kukën.

Nga Suela Azemi Gazeta Tema & Shqiptare

Femra debile....kaq mund te them !

Mua me shumë çudi më erdhi,skishte pse tu zinte me atë gocen po të bënte fjale me atë çunin.

sa çudi dhe sa xheloze shtriga!! pse?? Një gjë te till e quajn çmenduri!! Të rrihen për një mashkull, ket s'e kuptoj!! Pse të mos mund dhe tjetra ta shijoj te dashurin e saj?? Pse ai për te tjera vajza te jet "moll e ndaluar"?? Sikur ai te ishte pron e saj (18 vjecares)?? Po do doje ai te ket edhe 16 vjecaren, cfar te keqe ka nga kjo!!!??? Megjithat, po ashtu do ishte ne favor te 18 vjecares, ngase ne ket rast ai dëshmon se ajo nuk ka ardhmëri me te (nëse nuk duan një lidhje siç kam un me te dashurin tim, kuptohet, përndryshe aty ku mbreterojn xhelozi te ketilla nuk do funksiononte për askënd). Pse te vret mendjen koti!!??? Edhe, nëse duhet then realiteti, këtu pergjegjesin amorale mban mashkulli, jo 16 vjecarja, meqë ai ka lejuar te zgjerohet kjo e ter dhe te tejkaloj deri tek dhuna e panevojshme!!

As un nuk jam dakort me veprimin e aty vajzave,është një gjest shum i ulet,se nuk u shua bota për meshkuj dhe e kundërta.
por ky mendimi yt qe djali s'është një moll e ndaluar!!!!!!!!
ok nëse ke një lidhje respektoje atë lidhje nëse sdo shum mirë mund tja thuash vajzes dhe te ndahesh e te gjesh një tjetër po jo ne te njëjtën koh ,si do reagonte ai djal nëse dashura e tij aktuale ka dhe një ose 2 te tjerë?????
prandaj askush nuk është moll e ndaluar për askënd por 2 kunguj ne një sjetull nuk mbnahen.
ne një çift duhet ket barazi ne te kundërt nuk mund ta quash te till
uroj mos i kem keqkuptuar fjalët e tua se ne te kundërt i bie qe dhe ti ta ndash te dashurin tënd me te tjera femra
ciao

Erdha me vrap, këtu se thash se mos ishin zënë për mua.

Uroj te jetë rasti i fundit ky.