Kur Seksi Kthehet Ne Ferr

Irma Hoxhaj

LUSHNJE -Shkolla, klasa e saj, shtëpia, rrugët që kalon përditë dhe ku e njohin, i janë shndërruar në një ferr. Shumica e tregojnë me gisht, të tjerë cicërojnë vesh më vesh: Ja kjo vajza e videos seksi. Bëhet fjalë për vajzën 16-vjeçare të gjimnazit "18 Tetori" në Lushnjë, të cilën i dashuri i vet e filmoi duke bërë seks me të dhe më pas e përhapi në celularët e të tjerëve, duke bërë kështu që lajmi të marrë dhenë. Madje, megjithëse mundohen ta justifikojnë duke folur fjalë të mira për nxënësen e tyre A.Gj, edhe mësuesit pa dashje e pranojnë se e paragjykojnë që në komentin kur thonë: "Mos na e publikoni në gazetë emrin e gjimnazit, për të mos e njollosur atë". Po jo vetëm shoqëria është makthi i vajzës që ra viktimë e hakmarrjes së të dashurit të saj, pasi më parë ajo e kishte lënë njëherë. Nëna e saj zihet çdo ditë e natë me të. Ndërsa frika se mos e marrin vesh babai dhe vëllai i saj që ndodhet në Itali si emigrantë, është makthi më i tmerrshëm i saj. Megjithëse nuk mund ta ndërpresë, shkollën as që do ta shohë me sy. Madje, dje ajo ka menduar në mësim. Me anë të një mikes së saj, vajza ka mundur të tregojë vetëm pak detaje në telefon, ndërsa nuk ka pranuar të flasë nga afër me askënd.

Rrëfimi
Uron që çdo ditë që kalon të fshijë sadopak efektin e videos së famshme që ka gati 20 ditë që e ka fundosur në një ferr të vërtetë. Ky është urimi që tashmë pret nga të gjithë ata që i flasin apo e mbajnë afër vajzën gjimnaziste të vitit të dytë në qytetin e Lushnjës, e cila ka kohë që është bërë objekt i bisedave të tavolinave në lokale dhe rrugë të qytetit myzeqar. Por më së shumti në shkollën e saj, "18 Tetori". Një çast intim i filmuar, edhe pse pabesisht ka krijuar një shok të vërtetë tek miqtë e vajzës 16-vjeçare dhe për më tepër tek nëna e saj. "Uroj që këtë gjë të mos e marrë vesh babi dhe vëllai im, të cilët ndodhen në Itali", - thotë mes pikëllimit vajza. Ajo rri në ankth në çdo telefonatë që bëhet prej pjesës tjetër të familjes nga jashtë, me frikën se mos një "bombë" që ka plasur në Lushnje mund të jetë marrë vesh edhe andej. "Tani nuk është e vështirë që si u përhap këtu në celularë të shkojë dhe andej, prandaj jam në ankth. Kur hap sytë në mëngjes nga gjumi, dua t'i mbyll sërish, për të mos u ngritur dhe të përballem me realitetin që shoh çdo ditë. Dua të mos dal në rrugë për një periudhë kohe dhe të mos më shohë njeri deri sa të harrohet ajo që të tjerët kanë në dorë për mua", - tregon ajo. Një luftë e vërtetë ka gati 20 ditë që ka nisur në familjen e saj, e cila kohë më parë është shpërngulur nga Divjaka për të jetuar në qytetin e Lushnjës. Ajo jeton me nënën e saj, ndërsa i ati së bashku me vëllain më të madh kanë emigruar në Itali për të siguruar më shumë të ardhura për ta. "Kur e ka marrë vesh nëna ime ka qenë një tmerr i vërtetë. Nuk di si ta shpjegoj. Ajo ndihet shumë e tërbuar dhe ka të drejtë për këtë", - thotë vajza. Nëna e adoleshentes, e cila e ka marrë vesh nga fjalët e të tjerëve, por që nuk e ka parë vetë videon, çdo ditë dhe çast shpreh dufin dhe turpin mbi vajzën e saj duke e sharë dhe i kërkuar pse-në, e cila nuk ka një përgjigje.

Kurthi
Askush, madje dhe ajo nuk e di vetë se si u mashtrua dhe u fut në kurth nga ish-i dashuri i saj. Ajo është një vajzë në vitin e dytë të shkollës së mesme, ndërsa ish-i dashuri, një djalë 19-vjeçar, po nga ky qytet. Kishte gati një vit që ishin njohur dhe kishin një lidhje të rregullt. Para 3 muajsh vajza vendos që ta ndërpresë lidhjen me djalin dhe për këtë kishte shkruar dhe tek një gazetë e përjavshme, kryesisht që lexohet nga femrat, ku cilën shkruajnë dhjetëra njerëz, duke treguar dhe motivet e ndarjes së saj. "Ndihem paksa e vetmuar, se sapo jam ndarë nga i dashuri im. Nuk e di nëse bëra mirë apo jo, por nuk duroja dot më. Ai ishte xheloz, fanatik dhe madje ishte një përdorues droge". Këto në mënyrë të përmbledhur ka shkruar vajza tek kjo gazetë, e cila kishte rënë në dorë dhe të vetë djalit për të cilin bëhej fjalë. Menjëherë pas kësaj ai e ka takuar sërish ish-të dashurën e tij dhe i ka thënë që do ta shikonte dhe se ai kishte për t'ia punuar këtë që i kishte bërë dhe e kishte njollosur tek miqtë dhe shokët e tij, të cilët e dinin historinë e tyre. Por mendohet se me kaq çdo gjë u mbyll deri përpara 2 muajve, ku ai sërish u kthye dhe i kërkon vajzës të rifillonin lidhjen, pasi ai nuk mund të jetonte më dot larg saj dhe të harronin atë që kishte ndodhur. Pas disa ditësh hezitimi, vajza vendos të rifillojë lidhjen, e cila për fat të keq i ka sjellë dhe të papriturën më të madhe të jetës, atë të skandalit filmik të publikuar vetëm pak javë më pas rilidhjes së saj. Vetë vajza mendon se videoja është bërë kohët e fundit, madje herën e fundit që ata të dy kishin ndarë çaste intime së bashku, në një nga ambientet private që ata zinin kur ishin bashkë, pa përmendur emrin apo vendin e tij. Rrethanat edhe ajo vetë i ka shumë konfuze, por thotë vetëm se i ka rënë telefoni dhe ai e ka marrë, duke i thënë se ishte një shok. Pasi ai e ka mbyllur mendohet të ketë aktivizuar videon, e cila zgjaste rreth 25 sekonda. Asgjë nuk i ka thënë për këtë gjë të dashurës së tij dhe as më vonë. Ata sërish janë ndarë, por kësaj here me dëshirën e djalit, i cili nuk i ka shkuar më në takime dhe ka përfituar nga dobësia e saj (për t'u rilidhur), që të hakmerrej. Një video erotike e xhiruar në celularin e tij tashmë është bërë ferr për 16-vjeçaren A.Gj. Shumë persona e kanë marrë videon e vajzës, e cila dallohet qartë në të. Ata që e njohin nuk lënë fjalë fyese dhe diskriminuese pa thënë për të, madje do të bënin çmos që asnjë i njohur i tyre të mos shoqërohej me të, ndërsa disa të tjerë e shohin me keqardhje historinë e vajzës dhe skandalin që e kapur atë në këto momente. Shumë të tjerë i tremben dhe ndonjë momenti dobësie të saj që mund ta çojnë paragjykimi dhe fjalët, apo shikimet e të tjerëve.

Pasojat që ka lënë publikimi i videos për vajzën janë të mëdha. Një familje e ndarë në mes, në sherr dhe lot çdo mbrëmje dhe çdo çaste të ditës dhe një njollë e madhe për adoleshenten dhe familjen e saj. Shoqërinë, që ajo kishte nuk e ka më, edhe pse ata e dinin për këtë lidhje të saj. Pavarësisht nga kjo, bërja publike e një fakti të tillë i ka bërë edhe një herë dyshues rrethin shoqëror të saj për atë që duhet apo jo ta kishin më në mesin e tyre. Opinioni mesa duket ka qenë më i fortë se shoqëria, pasi ajo nuk mundi ta rrëzojë atë dhe të bëhet mbështetje për një nga pjesëtaret e shoqërisë, e cila kishte nevojë në një moment të tillë. "Njerëzit më largohen sa më shikojnë, ose më fyejnë kur kaloj në rrugë. Shoqëria më është shkëputur dhe nuk më flet më. Klasa më është kthyer në një dhomë ferri, ku unë jam shënjestra", - është shprehur ajo.

Një prej mësueseve të vajzës ka thënë se ajo nuk ishte problematike dhe me rezultate relativisht të mira në mësime, por kohët e fundit ajo ka një rënie të menjëhershme nga mësimet duke e krahasuar me vitin e parë. Madje, mësuesit kanë kërkuar që të mos publikohet emri i shkollës së tyre për të mos e njollosur atë.


http://www.balkanweb.com/gazetav4/index.php?id=22517

kan filluar cdo kund qe keto gjera te ndodhin edhe une njoh disa vajza te cilat pre e ketyre gjerave dhe kan po te njejtin fat si te vashesh nga Lushja eshte tmerr te shohin ashtu njerzit me vjen keq per keto vajza

Me vjen gjynah per ato vajza kaq naive dhe njekohesisht te pafajshme. Asaj tani i duhet nje psikologe per ta ndihmuar te rimari veten. Mosha e asaj eshte teper delikate.

Sic e tha dhe bekimi jane bere te modes keto gjerat e shperndarjes me blutooth. Sa keq kur e mendon!

Po pse, e para 16-vjecare Shqiptare eshte ajo qe ka marredhenie seksuale me te dashurin e saj?! Hap syte dhe jeto me kohen sepse s'eshte as e para dhe as e fundit. Jam dakort me ata qe thone qe ajo eshte treguar mjaft naive dhe mendje-lehte, per kete po qe e bej fajtore: qe e ka besuar kaq shume te dashurin, apo me keq akoma e ka lejuar veten e saj aqe te filmohej. Por nuk i ve faj qe beri seks, se njeri eshte edhe ajo o Karatisti. Pastaj keta cunat e te dashurit e diteve te sotme keshtu e kane. Ku te lene ata (po flas per shumicen) te qendrosh ne marredhenie dmth e lidhur me ta, pa bere seks?! Por problemi ketu s'qendron tek seksi se le te themi ate qe eshte: e kryejne te gjithe. Problemi qendron tek ky psikopatllek (it's sick) qe ka treguar ky djali qe jo vetem ka filmuar seksin, por eshte bere aq katil saqe ta perhape vidjon kudo. Atehere sigurisht qe do te me vije keq per vajzen, dhe jo vetem per faktin se jam vajze vete dhe s'do doja kurre te me ndodhte nje gje e tille, por sepse jam humane perpara se gjithash dhe si qenie njerezore veprimin e atij djalit e shikoj dhe gjykoj (se ky eshte veprim tamam per tu gjykuar) shume te keq e manipulues.

Elegance lexo këtë:

Simbas kësaj, ai e paska zhiruar pa dijen e saj.

Diku jam dakort me Karatistin, ne moshen 16 vjeçe duhet vajzat të merren me mesime dhe te riten, e jo te mbajnë mend tek seksi! E di qe sot koha është ndryshe dhe se sot te rinjet duan te experimentojne dhe shijojne dashurinë, por për çdo gjë ka kohe te vete, e 16 vjet për mua personalisht s'është moshe adekuate. Si e dyta, meqë ajo për here të parë është ndare nga ai dhe e përshkruan si fanatik dhe perdorues i droges, çka dreqin kerkoj te lidhet përsëri me te?! Kjo dëshmon vetëm naivitetin e saj dhe se sa e papjekur është për te marr vendime me vend për jetën e saj.
Sidoqoftë mosha është e tillë, te rinjet sprovohen dhe shumicat gabojnë.

Është për keqardhje pasojat qe i ka tani, streset psiqike, izolimin social etj, por mend për heret tjera...

Sirio, kam dy pyetje:

1. Do te thuash qe vajzat kur dashurohen behen teresisht budallaqe?
2. Per cfare province shqiptare po flisje, tek mentaliteti mesjetar?

Wow!!!!!!!!!!!!!!!!!!!!!!!!!!!!
Flm Sirioo!Nje tekst gjenial!!!Nuk i heq asnje pike dhe asnje presje!!Respekt total nga ana ime !!!!!!!!

Flm, ta kthefshim per te mire!

Nuk po e qesh kush Emira, na vjen keq per te, shume keq ama jeta nuk eshte kopsht me lule, saher qe nuk hap syte ti hap dikush.

Nuk po zgjatem me shume se shifet mire shifet kush po paragjykon ketu, jam i sigurt se une di me shume per ate gocen vetem pasi kam lexuar ate artikull se sa ti per mua!