Kufizimi i porosive SMS në 150 shenja, ekskluzivisht në përmbajtje tekstuale dhe karakteristika të ngjashme ekzistuese brenda këtij protokolli komunikues, së shpejti do të mund të bëhej pjesë e së kaluarës. Një kompani britanike paralajmëron gjeneratën e re të SMS-ve.
Kompania britanike Affle i ka paraqitur publikut gjeneratën e saj të re teknologjike për të cilën besojnë se do të revolucionarizojnë komunikimin tekstual mobil në mesin e shfrytëzuesve.

Porosi në ngjyra të ndryshme, fotografi të animuara dhe përmirësime tjera vizuale, pranim i titujve RSS, shfletim i internetit, janë vetëm disa nga risitë të cilat do të duhej të gjenden në protokollin e gjeneratës së dytë të SMS 2.0.

Sipas të dhënave të publikuara SMS 2.0 do të duhej t’i përafrohej mundësive të aplikacioneve IM për komunikim të ndërsjellë në celularë, mirëpo nuk do të duhej t’i zëvendësojë ato.

SMS 2.0 është paraqitur në panairin e industrisë CTIA Wireless i cili sapo është mbajtur në Las Vegas të SHBA-ve.

Shërbimi do të duhej të ishte tërësisht pa pagesë, do të paguheshin porositë sipas tarifave të operatorëve të veçantë, mirëpo brenda tyre do të shfaqeshin porositë miniaturale.

Burimi: Telegrafi