Lansohet makina e kërkimit nga Microsoft

Makina e re e kërkimit të internet nga kompania Microsoft me emrin Bing që prej tani është në dispozicion të gjithëve, mirëpo nga premtimet të cilat i kemi dëgjuar nga Microsoft, Bing megjithatë nuk ka realizuar shumë.

Bing aktualisht është në dispozicion në disa versione. Në disa shtete paraqitet versioni i plotë, me opsione të kërkimit të video materialeve, tiketave dhe blerjeve, derisa disa përdorues mund të shohin një version të kryqëzuar e cila mund të kërkoj vetëm internetin dhe fotografitë.

Arsye për këtë është fakti se Bing është shumë i ngjashëm me makinën e vjetër të kërkimit të kompanisë Microsoft, atë Live.com (e cila tani automatikisht të ridrejton në adresën e Bing).

Rezultatet janë identike, derisa nuk ka shumë risi, posaçërisht kur bëhet fjalë për organizimin më të mirë të rezultateve për të cilën gjë është përfolur shumë në paralajmërimet fillestare.

Risitë janë shumë të vogla: nëse kaloni me mi mbi një nga rezultatet e ofruara, do të fitoni një pamje të përmbajtjes, derisa video materialet do të hapen vetvetiu në mënyrë automatike.

Nëse zgjidhni Shtetet e Bashkuara të Amerikës si lokacion tuajin, do të ju hapet organizimi më i mirë i rezultateve, të cilat janë të ndara sipas temave. Nuk jemi shumë të sigurt se si do të duket kjo në fund, derisa vet makina e kërkimit Bing është në fazën e saj të hershme të zhvillimit, kështu që duhet të pritet nëse Microsoft do të shtoj ndonjë mundësi interesante gjatë muajve në vijim.
http://www.telegrafi.com/?id=8&a=1292