Vitin e kaluar e lanë shtetësinë 352 shqiptarë, ndërsa e morën 48 shtetas

Shqipëria, dalëngadalë po braktiset nga shtetasit e saj. Nevojshmëri lëvizjeje, apo një tentativë për një jetë më të mirë, apo shumë arsye të tjera, të cilat nuk mungojnë, bëjnë që me dhjetëra shtetas shqiptarë të kërkojnë lënien e shtetësisë së vet, për t’u pajisur me një shtetësi tjetër. Numri i personave që “kanë fituar” lënien e kësaj shtetësie për vitin që lamë pas tregon se një vazhdimësi e tillë do t’i pakësojë banorët e Shqipërisë. Nga statistikat e publikuara në faqen zyrtare të Presidencës, mësohet se numri i shqiptarëve që e kanë lënë shtetësinë e tyre, me dekret të posaçëm të presidentit të Republikës, është plot 352 persona. Ndërsa kanë kërkuar dhe fituar shtetësi shqiptare 48 shtetas, prej të cilëve vetëm shtatë persona nuk kanë kombësi shqiptare; pjesa tjetër u përket trojeve shqipfolëse.

Lënia e shtetësisë

Pavarësisht morisë së dokumentacioneve që u nevojiten shqiptarëve, për të plotësuar “dosjen” e kërkimit të lënies së shtetësisë, për ta marrë atë në vendin ku jetojnë, sërish numri i aplikuesve për të mundësuar diçka të tillë duket se është gjithnjë e në rritje. Nga janari i 2006-s, në fundin e të cilit u dekretua lënia e shtetësisë për plot 70 shtetas shqiptarë, shumë prej tyre familjarisht, numri i aplikuesve edhe për muajt në vazhdim ka qenë i madh. Ndonëse duhen 6 muaj që nga koha e dorëzimit të materialeve, për t’iu nënshtruar kontrollit të imtësishëm, që kryejnë instancat përgjegjëse, sërish vazhdohet të aplikohet përditë për lënie shtetësie. Ndërkohë, ndodhë e kundërta me personat që kërkojnë ta fitojnë këtë shtetësi, sidomos shtetas shqiptarë që e kanë lënë dhe duan ta rifitojnë, por që, mesa duket, kjo tendencë shqiptarësh do të jetë e vonë.

Kronologji

Janar 70 shtetas e lanë shtetësinë

Shkurt 57 shtetas e lanë shtetësinë

Gusht 24 shtetas e lanë shtetësinë

Shtator 43 shtetas e lanë shtetësinë

Shtator 16 shtetas e morën shtetësi

Tetor 38 shtetas e lanë shtetësinë

Tetor 32 shtetas e morën shtetësinë

Nëntor 71 shtetas e lanë shtetësinë

Dhjetor 49 shtetas e lanë shtetësinë

Peripecitë e lënies së shtetësisë shqiptare

Me ligj përcaktohet afati 6-mujor, nga dita e dorëzimit të dokumenteve deri në dekretim

Përgatitja e dokumentacionit, që kërkohet për lejimin e lënies së shtetësisë shqiptare, që rregullohet mbi një ligj të miratuar në vitin 1998, si dhe mbi disa shtesa të realizuara një vit më vonë, kalojnë rreth 6 muaj nëpër zyrat e ndryshme të përcaktuara edhe në ligj. Edhe për këtë kategori aplikuesish, kalimi nëpër një mori dyersh dhe zyrash, për t’u pajisur me dokumentacionin e duhur, është një stërmundim i vërtetë, pasi të gjitha dokumentet që duhen të paraqiten kanë një afat të caktuar kohor, në të cilin duhet të nxirren. Shkresat që prezantojnë aplikantin duhet të jenë të lëshuara nga zyrat lokale në dymuajshin e fundit, nga koha kur bëhet dorëzimi i parë i “dosjes”, pasi mund të ndodhë edhe të kthehen dokumentet për plotësime të mëtejshme apo për ndonjë kleçkë tjetër, që mund të dalë nga verifikimet që kryhen nga komisariatet e policive. Prej andej, peripecitë me vërtetimin e të gjitha të dhënave të aplikanteve vazhdon deri në instancat më të larta, siç është edhe ministria, për të përfunduar më pas në zyrën e drejtorisë juridike të Presidencës. Nga aty, për të marrë spunto, si dhe dekretimi i një liste të caktuar emrash që, sipas pikave të përcaktuara edhe në ligj, nuk duhet të zgjasin më shumë se 6 muaj, që nga data e dorëzimit të dokumenteve në një prej bazave lokale. Thuajse të njëjtës procedurë do t’i nënshtrohen edhe aplikuesit e marrjes së shtetësisë shqiptare, edhe pse në numër janë shumë herë më të pakët. Ndërsa, për këtë vit, ende nuk bëhet e ditur kur do të niset me dekretimin e shqiptarëve, që do ta lënë shtetësinë e tyre, për një shtetësi tjetër. Nikoleta Kovaçi

Marja e nje nenshtesie tjeter mund te behet per shume arsye. Themi gjithmone qe Shqiperia nuk ofron asgje per shqiptaret...eshte e prishur e gjitha kudo nga tja fillosh, Atehere cbejne shqiptaret...i kthejne shpinen. Shkojne ne dhe te huaj..por kuptohet qe dhe atje nuk eshte shesh me lule por gjithsesi marja e pashaportes apo nenshtesise u ofron ndihme te madhe.


Personalisht nuk dua te nderroj nenshtetesi...nese edhe ketu do me dilnin pengesa..preferoj kthimin ne Shqiperi sesa marjen e nje nenshtetesie te huaj.

Per mua eshte poshtersi te mohosh identitetin. E te vjen te plasesh kur degjon ca plehra qe kane turp te flasin shqip dhe me vete shqiptaret.

Une nuk kam per ta lene kurre nenshtesine shqiptare. Pasaporten e kam dhjetevjecare dhe do ta perteris kur te vije koha.

Une jetoj ne SHBA, vend i cili nuk te kerkon te heqesh dore nga nenshtetesia jote qe te marresh te tyren; me sakte, ne SHBA nenshtetesite e tjera nuk kane vlere ligjore perpara nenshtetesise amerikane.

Shqiptarët mohojne Shqipërinë???


Pika qe su bie!!! Un se doja pashaporten Amerikane, po me shtyu mami me zor, eehh c'te ben inati! Po prap si prap, e kam edhe nenshtetsin Shqiptare 

Lisa, te kuptoj, por mua tani per tani s'me hynte n'pune pashaporta Amerikane, pervec votimit.. Mbase me vone do me nevojiteshe nq do doja te dilja jashte shtetit, se sa per tani jam shume e zene me shkolle dhe pune, edhe sikur te doja te shkoja dikund se kam mundsine.. prandaj...  Qefi ma ka te shkoj ne Cancun kte Pranvere, por kismet..

  pse ti s'ke as Green Card?

nuk dua dhe nuk nuk mundem te mohoj te qenit shqiptare.anje pashaporte e botes mund ta bej kete,ne vena rrjedh giaku shqiptar,ne zemer e mendje shtepia jote mbetet ajo ku ke lindur e mezi pret te kthehesh.por mos ngaterrojme mohimin me kerkimin e nje jete me te mire.pas pak do marr nenshtetesine e dyte,ate italiane,por jo per kete do jem italiane.jam dhe mbetem shqiptare

Une nuk e kam me shtetesine shqiptare. E kam hequr me shume mundime. Nuk jam e lumtur per kete gje. Kam humbur nenshtetesine e cila s´me eshte futur ne pune keta 15 vjetet e fundit.
Ama ndjenjat e dashurise ndaj Atdheut tim nuk m´i heq dikush me nje firme a me nje vule. Ne gjermani keshtu eshte ligji; keshtu jane marreveshjet midis paleve gjermano-shqiptare.
Une edhe mund ta marr nenshtetesine shqiptare perseri po te bej kerkese (po si me kane thene me shume komplikacione)por humb njekohesisht ate gjermane sapo keta ta marrin vesh.
Une ne Gjermani jetoj dhe dua te kem te drejten e votimit dhe natyrisht te drejten e udhetimit pa vize...
Le te rrime shtrember e te flasim drejt, cfare kombi eshte ai qe s´ja rregullon shtetasit te vet kushtet qe ai te rrije me deshire dhe shprese per te ardhmen ne vendlindje?
Pse po ikin ende kaq shume shqiptare nga Shqiperia?Pse?
Pse po e marrin kaq shume Shqiptare kombesine e huaj?
Po te ish rregulli qe s´do te me duhej ta hiqja kombesine shqiptare per te marre gjermane, kurren e kurres nuk do ta hiqja.

Kush shkruan nje postim te tille, s´e di c´i thone te lypesh nje vize per te pare familjen qe jeton ne nje kontinent tjeter dhe s´ka letra per te udhetuar:
"Për lenjen e shtetesise nga shqiptarët nuk do duhej fare te merzitemi ne.Ajo çka do duhej permiresuar ne këtë ligj është futja e një kostoje te nevojshme për te.Kam pare ne Gjermani problemin qe kanë shqiptarët e Kosoves  te lënë shtetesine e imponuar me dhunë te serbosllavise.Atyre u kerkohen nga 8 mijë Euro dhe duhet te presin 6 muaj për aprovim.Përse nuk do kishte fituar Shqipëria nga këto 352 shtetas nga 8 mijë apo 10 mijë Euro? Dhe pa aspak dhimbje as nostalgji për ta do pershendetej prej tyre edhe për faktin qe ata qe s`duan te jenë shqiptare,ata për shqiperine janë vetëm plehera dhe demtues te saj!Nuk do ishin pak te inkasonte nga ata arka e shtetit shqiptar reth 3 milione Euro!
Kur këtë e bëjnë te tjerët qe bota demokratike i do dhe i ka ne zemër pse t`mos e beje edhe Shqipëria jonë?"

Kam lene qimet e kokes duke dhene rryshfete duke filluar nga Amabsada Shqipater ne Gjermani, deri tek zyrtari me i vogel ne Shqiperi. Po dashkan disa te na vene ne 8 apo 10 mije Euro per heqjen e nenshtetesise?
Ik o lal mo, mendohu mire para se te flasesh, se te mos isha shqiptare ne shpirtim tim, pse do te humbisja kohen ne kete forum?

Ta them une ty edhe te tjereve qe s´e kuptojne drejt kete gjene e heqjes se nenshtetesise: jam ketu vetem per te folur Shqip edhe vetem Shqip! Se me eshte lodhur shpirti e truri me gjuhet e vendeve te huaja!

S´e mohoj Shqiperine kurre! E dua vendin tim si nje femi i deshperuar e i ngelur rrugeve prinderin. Po qenkemi jetime! C´fatkeqesi!

Tung!