Kosovë, zbulohen 15 vajza-prostituta

Informacionet e shumta se seksi me pagese po gelon ne Kosovë, shtyne Sherbimin Policor te nise një operacion te koduar me emrin "Pranvera 2008", i cili vetëm ne aksionin e tij të parë, korri sukses befasues. Të paktën 15 vajza, qe bënin prostituten, u zbuluan ne te gjithë territorin e Kosoves, ndërsa 40 lokaleve iu vu kyci, pasi u provua se nuk ishin asgjë tjetër veçse bar-restorant-motele, qe vetëm si fasade kishin këto funksione. Ne te vërtetë, ato perdoreshin si mjedise te seksit me pagese, ku kliente ishin kryesisht te huajt qe ndodhen ne Kosovë.

"PRANVERA 2008"

Burime zyrtare nga Sherbimi Policor i Kosoves, bene te ditur dje se operacioni i koduar "Pranvera 2008" u zhvillua ne te gjithë vendin, gjatë 24 orëve te kaluara. Dje, ne mesdite, doli dhe raporti me perfundimet e aksionit, qe u cilesua si i pari ne serine e aksioneve qe do të vazhdojnë dhe gjatë veres. "Qëllimi i këtij operacioni, i cili perfshinte bastisjen dhe kontrollimin e disa lokaleve te "ndaluara" (te dyshimta për veprimtari të ndryshme kriminale) dhe njerëzve, te cilët i frekuentonin ato, ishte identifikimi i viktimave te mundshme te trafikimit apo edhe identifikimi i ndonjë vepre penale si mundesim ne prostitucion apo edhe zhvillimi i prostitucionit", deklaruan zyrtaret e SHPK.

REZULTATET

"Kontrolli, vijuan ata, u be ne mënyrë te njekohshme nga disa qindra forca policore, ne rajonet Gjakove, Ferizaj, Prizren, Prishtinë, Mitrovicë, Gjilan dhe lokalitete me te vogla". Sipas SHPK, pasi u kontrolluan disa qindra qytetare, shtepi, lokale dhe makina, u gjeten 15 vajza te cilat bënin prostituten ne 40 bare te rajoneve te siperpermendura. Mes vajzave te bllokuara, kishte nga Shqipëria, Kosova, si dhe një bullgare pa leje qëndrimi. Qe të gjitha, u derguan ne një qendër rehabilitimi te femrave te keqtrajtuara, pasi u moren ne pyetje lidhur me origjinen e trafikimit të tyre.

Ne përfundim te kësaj faze te operacionit, policia tha se arrestoi edhe 32 persona te dyshuar si tutore dhe trafikante te vajzave, qe u gjeten te bënin prostituten ne 40 lokale te Prishtinës, Gjakoves, Mitrovicës, Ferizajt, Gjilanit etj.

Ed.Ku Koha Jone