Pas koncerteve të “Europe” dhe “Deep Purple”, një tjetër grup i madh ka konfirmuar pjesëmarrjen në një koncert në Tiranë. Janë amerikanët “Tito And Tarantula”, të cilët do të kenë më 25 prill në sallën e Pallatit të Kongreseve, ndalesën e tyre të turit evropian, për promovimin e albumit të ri “Andalucia”. “Tito And Tarantula” janë veçanërisht të njohur në Shqipëri me këngën “After dark”, e cila përbën edhe kolonën zanore të filmit (Quentin Tarantinos) “Nga muzgu në agim”, po kaq popullor në Shqipëri, ku interpretojnë një kast i famshëm aktorësh, midis të cilëve spikasin George Clooney dhe Salma Hayek. Duket se tashmë Shqipëria ka nisur të bëhet pjesë e turneve evropianë të këngëtarëve nga vende të ndryshme të botës dhe ndoshta të mos shihet më si tabu. Po kështu edhe shqiptarët nuk po i konceptojnë më si të pabesueshme vizitat e emrave të njohur të skenës botërore. Së shpejti, në Tiranë pritet të jenë edhe dy figura të skenës ndërkombëtare, si trashëgimtarja Paris Hillton dhe Robie Uilliams.

G.Panorama