Deep Purple “ndezin” Tiranën

Grupi legjendë i rock-ut, Deep Purple, për 90 minuta me rrallë ka elektrizuar sallën mbrëmë, në një koncert live, për disa mijëra fansa shqiptarë në Pallatin e Kongreseve, në Tiranë, pas mbërritjes së tyre të shtunën, me një avion të Albania Airlines, ndërsa u vendosën në një nga hotelet më luksozë të Tiranës, ku dhanë edhe një konferencë për shtyp. “Na vjen mirë që turi ynë pranveror nis me Shqipërinë," është shprehur për shtypin lideri i grupit, Ian Gillan, i cili ka cilësuar se shpresonin të shihnin entuziazmin e fansave, që ua kishin përshkruar si shumë “të zjarrtë” dhe ”besnikë” ndaj tyre. Dhe, në të vërtetë, ata morën një përgjigje pozitive, se ata janë të adhuruar në kryeqytetin e Shqipërisë pasi, teksa ata këndonin së bashku edhe me publikun në sallë. "Ne nuk donim t’i pengonim fansat, ndaj këmbëngulëm që koncerti ynë të mos xhirohej," janë shprehur ata, por, nëse gjithçka ndërtohet sipas një strategjie, nuk ka pse jo, edhe kamerat të jenë në koncert për një farë kohe,” kanë shtuar ata. Biletat janë shitur të gjitha; shumë fansa kanë ndjekur edhe në këmbë koncertin e legjendës së rock-ut. Grupi legjendë i viteve 70-80, i njohur për publikun shqiptar me këngët "Soldier Of Fortune" apo "Smoke on the Water", performimi i tyre live nisi me këngë nga albumi i fundit "Rapture of the Deep tour", kurse pjesa e dytë e show-t të vërtetë nga albumet e tyre të mëparshme. Ardhja e "Deep Purple" në Tiranë u iniciua nga kompania "Living Room Show", me producent Blendi Bombaj, e njëjta kompani që solli në Tiranë, pak kohë më parë, grupin “Europe”. Tirana shënon, njëkohësisht, fillimin e turit të tyre pranveror, që do të vazhdojë në disa nga shtetet kryesore të Evropës, si Itali, Angli, Zvicër, Holandë, Norvegji, Danimarkë.

Leontina Nika