Si gjithmone shume enigmatik ti. Asnjehere nuk jep pergjigje deri ne fund siç duhet, por duhet t'a nenkuptojme vete.

 
Ilir Babaramo
Vetëm dy politikanë kanë ndikuar kaq shumë në historinë e Shqipërisë sa Sali Berisha. Janë Ahmet Zogu dhe Enver Hoxha. Po bëhen më shumë se 15 vjet dhe gjithë jeta politike shqiptare po dominohet nga kryeministri aktual. Gjithë vitet e tranzicionit karakterizohen nga dy rryma: njerëzit që votojnë emocionalisht për Berishën dhe pjesa tjetër, me të njëjtin pasion voton kundër ish-presidentit. Ndonëse socialistët ishin për tetë vjet në pushtet, e vetmja platformë politike që paraqitën në zgjedhjet e fundit ishte ajo anti-Berishë. Kryetari i të parës parti antikomuniste në Shqipëri arriti të krijojë për vite e vite me radhë iluzionin se ai është i vetmi pol që mund të bashkojë të djathtët shqiptarë. Të gjithë ata që kishin arsye për të votuar kundër komunizmit u bashkuan nën flamurin e Sali Berishës. Gjatë viteve 1992-1997, presidenti i atëhershëm u konceptua si ylli polar që përcakton pikat e horizontit. Kush sulmonte Berishën, automatikisht shpallej i majtë. Këtij etiketimi nuk i shpëtuan as të burgosurit politikë apo ish-pronarët që regjimi komunist i kishte shpronësuar në të njëjtën mënyrë si ligji 7501, ligj i hartuar në zyrën e Ramiz Alisë dhe i aprovuar me konsensusin e Nanos dhe Berishës.
A është realisht i djathtë kryeministri aktual? Partia Demokratike, në fillimet e veta, ishte më shumë një lëvizje që përfshinte gati një pafundësi shtresash sociale. Presidentit të zgjedhur në mënyrën më brohoritëse i duhej të ruante ekuilibrin mbi gjithë këto grupime. Qeverisja e tij përfshiu shumë reforma standarde, që duhej ta nxirrnin Shqipërinë nga vendi ku u kolektivizuan dhe pulat në një shoqëri të hapur dhe ekonomi tregu. Qeverisja e dytë e Berishës, ajo që ka nisur një vit më parë, është pikërisht mjeti për të përcaktuar kahun politik të njeriut që mund të ketë lexuar letërsi më shumë se çdo politikan tjetër shqiptar.
Gjatë ditëve të fundit Berisha bëri një deklaratë që la pa gojë shumë prej të djathtëve, që besojnë se Adam Smith mund të aplikohet në Shqipëri. Kryeministri paraqiti projektin e “kafshatës së gojës”. Në Shqipëri ka njerëz që lahen në vaska floriri, ndërsa shumë të tjerë blejnë bukën me listë, tha kryeministri i koalicionit të djathtë. Pavarësisht gjuhës që përdori, e cila është harruar bashkë me vargjet e poetëve gjysmë anonimë të Komunës së Parisit, kjo nisëm e kryeministrit nuk pritet të sjellë ndonjë gjë të re. Berisha u shpreh se e kishte thjesht si ide dhe i takon Ministrisë së Punës ta plazmojë. Kjo deklaratë pritet të harrohet pas disa ditësh, si shumë të tjera, që bëhen nga të dyja kampet e politikës. Do harrohet, sepse defterët e dyqaneve të bukës nuk mund të shërbejnë si dokument zyrtar për ministrinë e Barkës, e cila duhet t'i rimbursojë. Gjatë ditëve të fundit, më shumë se në çdo rast tjetër, kryeministri është shfaqur si kalorës i njerëzve në nevojë. Nëse historia e bukës me listë do harrohet, një tjetër projekt pritet të ketë efekte të pallogaritshme. Janë ndryshimet që bëhen në ligjin e legalizimeve. Eshtë diçka e paprecedent, e paimagjinueshme për një vend normal. ALUIZNI, agjencia që po merret me legalizimin e banesave të paligjshme të ndërtuara në tokat e pronarëve të ligjshëm do ketë tashmë kompetencën që të heqë titullin e pronësisë së tokës nga pronari i ligjshëm, për ta kaluar tek ai që ka zaptuar tokën. Pavarësisht se Komiteti i Kthimit të Pronave mund t'ua ketë njohur të drejtën pronarëve, pavarësisht se ata mund ta kenë regjistruar atë në Hipotekë, gjithçka bëhet nul. Rrëmbyesi i tokës prevalon në çdo rrethanë. ALUIZNI, si komisionet e shpronësimet që u ngritën pak kohë pas kongresit të Përmetit mund t'i shpronësojë për tua dhënë atë “njerëzve në nevojë”. Një zell kaq i madh për të shpronësuar “latifondistët” dhe kishën e gjen vetëm në fjalimet e montanjarëve, pjesës më ekstreme të jakobinëve. Nuk duhet shumë mend për të kuptuar se gjykimi për qeverinë “Berisha” duhet të ndajë deklaratat nga aksioni. I vetmi institucion që punon me një ritëm të jashtëzakonshëm, si në ethe, është agjencia e legalizimit. Nuk ka asnjë dyshim se përfituesit e këtij procesi janë prioriteti absolut i qeverisë “Berisha”. Ata duhet ta falënderojnë kryeministrin si njerëzit në nevojë që përfitonin nga operacionet ndëshkimore të Robin Hudit. Eshtë vërtet e çuditshme. Pasuesit e Partisë së Punës, partisë më të egër komuniste në të gjithë Lindjen, bënë ligjin më të favorshëm për ata që shpronësuan etërit e tyre. Në ligjin e socialistëve parashikohej që toka të paguhej me vlerën e tregut. E çuditshme është gjithashtu që PS u bë streha e miliarderëve. Për këtë arsye, nocionet e majtë dhe e djathtë në Shqipëri provokojnë të qeshura. Mjaftojnë të shikojmë projektbuxhetin e vitit 2007 për të gjykuar sa e djathtë është qeveria aktuale. Për të dëmshpërblyer të përndjekurit politikë janë parashikuar vetëm 4 milionë dollarë dhe për të kompensuar ish-pronarët, 5 milionë dollarë. Dy shifra qesharake, të barabarta me ato që lëvronin socialistët në buxhetet e tyre.

panorama

Berisha eshte populist dhe te tille politikane jane bere shume te deshiruar ne gati te gjitha vendet e bllokut lindor. Eshte gjendja ne te cilat ndodhen vendet tona qe i jep vend politikaneve te tille.
Por nga ana tjeter te jesh populist nuk ka asgje te keqe.
Sado shume mund te mos ta duan, por Berisha tashme e ka futur veten ne librat e historise. Ne historine moderne shqiptare ai mbetet shqiptari qe ka marre freret e vendit ne dy momente teper delikate: se pari pas shembjes se komunizmit dhe futjes se vendit ne rrugen e demokracise dhe se dyti tani, ku vendin tone e perfshiu ne permasa te frikshme korrupsioni dhe degjenerimi total i institucioneve.
Ai mund te kete bere dhe mund te beje shume gabime, por keto dy momente kaq delikate ne historine tone kane pasur nje njeri si zgjidhje dhe ky  quhe Sali Berisha.

Sali Berisha ka hyre ne histori si ish komunist qe luftoi komunizmin e qe solli demokracine e cale!

e ore qe beri sikur e luftoi , pra

Dhe Saliu nuk di hic, ne fakt!

Po patet kohe pa qeshur, degjoni fjalimin e kryeministrit ne mbrojtje te buxhetit te qeverise per 2007.

http://www.youtube.com/watch?v=rS9RWcdj0qE