Meta thjeshtë kërkon te mbijetoje ne jetën politike shqiptare. Me ligjin e ri elektoral duhet t'i jepet fund partive parazitare, parti ne fakt qe nuk janë parti, por vetëm grupe qe kanë vetëm një synim: t'i japin mundësi liderit/themeluesit te jetë i pranishem ne jetën politike shqiptare.
Me sistemin e ri elektoral nga partite e vogla ndoshta vetëm ajo e Metes do arrije te marrë perqindjen e duhur për te hyrë ne parlament. Por këtë radhe nuk besoj se Ilir Meta do arrije te marrë me shumë se dy deputete. Ne këtë mënyrë ai do jetë ne parlament, por i paperfillshem. Kjo pra është arsyeja pse gerthet aq shumë ky skraparliu. Unë uroj me gjithë zemër qe ky sistem te vihet ne pune sepse vendi vetëm te mira do këtë duke zhdukur nga skena politike këto shushunja.

Ajo qe thua ti Dalber do qëndronte, por ama ne një sistem politik shumë te stabilizuar dhe ne kushtet kur populli i thjeshtë ka kulturë politike dhe demokratike ne masë relativisht te lartë.
Fakt është se sot për sot 90% e njerëzve ne Shqipëri votojne ne baze te preferences politike dhe jo sepse kanë apo nuk kanë respekt për personat qe i perfaqsojne këto parti ne terren.
Mënyra e deritanishme e votimit vetëm se i ka komplikuar gjërat dhe u ka dhënë mundësi edhe me halabakeve te zgjidhen deputete. Sistemi aktual gjithashtu ka lënë shumë shteg për blerje te votes, sepse personat e interesuar direkt për t'u zgjedhur deputete bënin gjithçka e perdornin çdo mënyrë e rrugë për te arritur qëllimin. Nuk po zgjatem te përmend gjeresisht dhe fenomenin e "Dushkut" gjithashtu.

Prandaj dhe sistemi qe u vendos dhe qe do përdoret ne zgjedhjet e ardhshme është me optimali për kushtet e sotme te Shqipërisë. Normalisht sistemi me optimal për një demokraci do ishte sistemi pastër mazhoritar, por për arsyet qe përmenda mësipër dhe shumë te tjera ky nuk mund te përdoret. Ndoshta pas 20 vjeteve po.

Ndërsa për të mos iu larguar shumë temës duhet te shtoj gjithashtu se Ilir Meta i ka shancet shumë me te pakta se ato te 2005 dhe kjo jo vetëm nga sistemi zgjedhor, sepse ky është problemi me i vogël për te. Ndryshe nga 2005 kur Ilir Meta ishte i vetmi person kundër Nanos nga kampi majte, sot ai duhet te përballet me vete liderin e socialisteve, Edi Rama, i cili ndryshe nga Fatos Nano është pergjithesisht i pëlqyer nga masat socialiste.
Mos harrojmë dhe daljen ne skene edhe te Erjon Velise dhe G99, te cilët nëse do vendosin te bëhen force e vërtetë politike sigurisht qe pjesen me te madhe te votuesve do e marrin nga ata te kahut te majte.

Kështu Meta nuk është me "hit" siç ishte para 5 vjeteve, por thjeshtë një nga te shumtet, madje dhe i konsumuar e perdorur nga vetja e te tjerët.
Ai shpresonte qe sistemi zgjedhor sepaku te ngelte siç ishte, sepse ne këtë mënyrë do i zhvaste Rames vota dhe zona te lira, duke e kercenuar me pare se do bëhej kundershtar i tij gjatë zgjedhjeve- dhe me këtë sistem kjo mundësi digjet. Edhe sistemi propoconial i pastër gjithashtu nuk u zgjodh si opsion, sepse ky do e demtonte shumë te djathten dhe do sillte gjithashtu qe Shqipëria për shumë dekada te pesonte fatin e Italise, ku për 50 vjet u nderruan me shumë se 50 qeveri, pra kohe qeverisje nga një parti a grup politik me një mesatare jo me te madhe se një vit, gjë qe i bën te pamundura reformat e thella e te domosdoshme dhe qe sjell një destabilitet politik permanent.

Besoj se pa frikë mund të themi "bye bye Iliro"