Abonentë me kontratë janë rreth 24 mijë ose 3 për qind e 800 mijë, sa ka gjithsej Vodafone     

Abonenët me kontratë të Vodafone-s përbëjnë burimin kryesor të të ardhurave për këtë kompani, pasi koha dhe lekët që ato shpenzojnë janë mbi dyfish më të mëdha, krahasuar edhe me disa vende evropiane, siç janë fqinjët tanë grekë, hungarezë, por edhe me vendet më të pasura, siç është Suedia. Kështu, referuar bilancit të VODAFONE-s për vitin 2006, abonentë me kontratë janë rreth 24 mijë veta ose 3% e 800 mijë abonentëve gjithsej që ka Vodafone. Por ajo pjesë trepërqindëshe e Vodafone Albania, që ka zgjedhur abonimin me kontratë, janë klientë të shkëlqyer. Secili prej tyre ka paguar gjatë vitit 2006 mesatarisht 195 euro në muaj, kurse klientët grekë me kontratë të Vodafone-s kanë paguar mesatarisht 781 euro në vit gjatë 2006 ose vetëm 65 euro në muaj. Edhe suedezët paguajnë vetëm 619 euro mesatarisht gjatë vitit të kaluar, afërsisht sa hungarezët me 617 euro për vitin 2006. Kjo do të thotë që të ardhurat nga kjo kategori, që është sa 3% e të gjithë abonentëve, janë rreth 56 milionë euron vit. Shaqir Dabulla