Muzika pa na ktheket ne pornografi,zhvishu e zhvishu, dridhu e perdridhu na berje sytë miza miza aq sa harojme tua dergjojme zërin kengetarve.

Qyqja po nuk u zhveshen ato...s'ka shitje albumesh..

Ne një dorë mikrofonin, ne tjetrën rimelin! 

Nëse legjenda e muzikes se lehtë shqiptare, Vace Zela do të ishte 18 vjeç sot, me po atë ze dhe pamje, ndoshta nuk do të bëhej kurrë e njohur. Jo sepse talenti i saj nuk do të binte ne sy, por sepse ajo nuk mund ti plotesonte dot standartet e bukurise qe po kerkohen “me dhunë” nga marketuesit moderne te kengetareve femra.

Ne një numer te meparshem te gazetës , ne ju treguam për politikat e ashpra te Hollivudit ndaj artisteve femra, te cilat për tu bërë te famshme duhet te zbatojne rregullin numer një : te jenë seksi. Edhe pse ne Shqipëri industria e muzikes nuk është aq e zhvilluar dhe e organizuar san e Amerikë, pak me nuhatje dhe pak me sugjerime tavoline, duket se edhe ne Shqipëri, seksualiteti ka triumfuar mbi talentin.

Nëse i hedhim një sy vetëm BBF-se apo kanaleve simotra, te duket sikur kengetaret po luajnë “kush bën poza me te bukura” por ne këtë rast loja naïve e femijerise është reformuar ne poza gjysëm nudo, me shtrirje e zvarritje ne krevat apo me levizje lozonjare ndaj një partneri mashkull te videoklipit.

Të qenit I bukur ka qenë gjithmonë një plus për kengetaret. Parashqevi Simaku kishte talent, por do të ishte edhe pamja e saj qe do të tejmbushte sallen e koncerit te saj recital ne Teatrin e Operas dhe Baletit pak përpara se te largohej nga Shqipëria. Buzeqeshja e Liljana Kondakci apo sjellja prej kokete e Nertila Kokes do të mbeten gjatë ne memorjen e atyre qe kanë jetuar festivalet e periudhes se komunizmit. Por ne ato skena u ngjiten dhe u duatrokiten edhe këngëtare te mëdha, si legjenda e muzikes se lehtë Vace Zela gojen e saj te madhe dhe floket e gjatë pa ndonjë model te caktuar, apo Myfarete Laze dhe Aurela Gace qe futeshin tek kategoria e “femrave te mbushura”. Pavareisisht lukut, njerëzitë i adhuronin sepse të gjitha kishin talent dhe aftësi te rralla interpretimi.

Sot është me e lehtë te gjesh një kegnetare me një pamje te bukur sesa një këngëtare te talentuar. “Normalja” pothuajse është hequr nga fjalori. Ato qe janë seksi luftojne te qendrojne te tilla, ato qe u vleresuan nga zëri tani kërkojnë ti vlerësojnë me shumë edhe nga pamja dhe te tjera përpiqen te zhvishen sa me shumë për te qëndruar sa me gjatë ne garen e kësaj industrie muzikore shqiptare. Një nder te parat qe e kuptoi marketingun e imazhit, ishte Bleona Qereti,e cila ne një prej festivaleve te pas 90-tes, (kur artistet ende visheshin thjesht për inerci te asaj periudhe ku iu kerkohej llogari për një centimeter fundi sipër gjurit), veshi një pale pantallona te shkurtra fare dhe cizme pothuajse deri tek gjuri qe nxirrnin ne pah kembet e saj te gjata. Ne atë festival, ajo u përmend me shumë se çdo këngëtar tjetër pavarësisht se zëri i saj nuk te krijonte ndonjë emocion te veçantë, dhe pavarësisht se konkuronte me këngëtare profesioniste. Një vit me vonë, një veshje e zeze si e marrë borxh nga filmat erotike, do të krijonte një efekt aq të madh saqë mediat dhe njereezit do të flisnin mbi te për një kohe te gjatë. Ne këtë mënyrë Bleona me një vokal aspak te veçantë, spikati mbi te tjerat dhe gradualisht ajo u be një nga kengetaret me te shitura shqiptare. Ajo I hapi sytë edhe menaxhereve dhe producenteve muzikore gjithnjë e ne shtim, te cilët tashmë ishin gati te investonin edhe tek këngëtare më pak apo fare talent, vetëm e vetëm te ishin te bukura.

Sot ish-modelet dhe misset si Ciljeta XHilaga, Ingrid Gjoni , Zajmina Vasjari, janë kengetaret me te rezervuara ne koncerte brenda dhe jashtë vendit, albumet e tyre shiten njeri pas tjetrit, dhe çdo intervistë apo thashethem për to, është garanci për shitje gazetash. Ishte ky brez miss-esh te kthyera këngëtare qe I vuri vulen domosdoshmerise se te qenit “seksi” ne ekran.

Edhe kegnetaret e talentuara, me një ze te veçantë e kanë kuptuar rendesine e imazhit. Jonida Maliqi, e laureuar për kanto nga Akademia e Arteve, e mesoi se luku ka po aq rëndësi sa interpretimi. Fillimisht e nisi me veshjet, duke u kthyer ne një kameleone te modës shqiptare, ndërsa tani është perqendruar me shumë tek fiziku i saj. Dikur e beshme, Maliqi sot hyn tek kengetaret e dobeta, ne saje te një diete qe ka nisur nën kujdesin e një dietologeje.

Për Ledina Celon dukej se kurimi i imazhit nuk ishte aq i rëndësishëm, përderisa këngëtarja ishte bekuar me një trup prej modeleje. Nga ana tjetër ajo ka një vokal vërtetë te admirueshem. Por duket se kaq nuk mjaftonte për te shitur disqe. Tashme, pranë te 30-tave, Celo ka nisur te guxoje me seksualitetin e saj. Videoklipi me I fundit, ishte një përpjekje e suksesshme, madje u quajt si një nga videot me te nxehta te prodhuara ndonjëherë ne Shqipëri. Nëse kjo do të ndikoje ne shitjen e albumit te saj, kjo ngelet për tu pare, por është e sigurtë se tani Ledina tani ka fituar me shumë audience.

Një prej ndryshimeve me ekstreme drejt seksualitetit është ai i kengetares Rovena Stefa. Stefa, e cila nuk shquhet për një këngëtare e bukur, u fokusua shumë tek trupi I saj, madje u fol për një nderhyrje kirurgjikale qe ajo kishte bërë për zmadhimin e gjoksit. Me pas vijoi me veshjet, ku nga ato veshje normale me pantallona dhe bluze, ne albumin e saj me te fundit, Stefa është pothuajse aq e zhveshur sa Zajmina Vasjari; një pale pantallona shumë te shkurtra dhe një pale recipeta.

Sa te ndihmon te qenit seksi? Duket se shumë! Aq I rëndësishëm është bërë imazhi ne marketingun e muzikes sot ne Shqipëri, saqë te gjithë kengetaret iu janë nënshtruar një shndërrimi estetik, çfarëdo qoftë ajo. Një shembull me i fundit është ai i kengetares Marjola. Kengarja vlonjate hyri ne treg pak pas prezantimit te suksesshem te bashkeatdhetares se saj Ponit, e cila thithi menjehere audience jo vetëm për këngët e miksuara labe, por edhe për pamjen e saj simpatike. Marjola me një timber zer te ngjashem me atë te Ponit, me një re-miks te repertorit folklorik lab pothuajse te ngjashem me te koleges se saj, fillimisht ngeli ne hije për një arsye te thjeshtë: nuk ishte aq e bukur sa c’duhet. Ne këngën e saj të parë “Sa ne Vlore, sa ne Tiranë”, ajo ishte veshur pothuajse démodé, prerja dhe lyerja e flokeve dukej sikur ishte bërë nxitueshem nga ndonjë parukiere lagjeje. Por gradualisht, duke e kuptuar edhe suksesin e konkurentes se saj, Marjola nisi te shnderrohej. Tashme, për koincidence apo me qëllim ajo ka pothuajse te njëjtin luk si te Ponit (me floke te zeza pis), madje luan po aq shumë me kostumografine sa vlonjatja tjetër.

Duket se rendesine e te qenit seksi e kanë kuptuar jo vetëm protagonistet e kësaj industrie, menaxheret dhe kengetaret, por edhe ata qe qendrojne jashtë saj, ose qe deri tani kanë luftuar për talentin dhe origjinalitetin. Ne një puntate te spektaklit Star Akademi, poetja qe kohët e fundit po eksperimenton me këngën, Mimoza Ahmeti, i tha njeres prej sfidanteve (Megit) se ajo duhej te humbte ne peshe nëse do të vazhdonte karrieren si këngëtare. Kur e degjon, te duket si një koment i ashper dhe i pavend ndaj një adoloshenteje ende ne rritje, por ja qe ne këtë rast, Ahmeti e prezantoi sfidanten me një copez te realitetit te industrise se muzikes, qe fatkeqësisht ne këto kohe moderne nuk pyet me vetëm për talentin, por edhe për gjoksin e mbushur, kembet e gjata, belin e holle, floket e shndritshem, levizjet sensuale.....dhe lista vazhdon.
 

G.Korrieri

..nuk është e drejtë..
rinia jonë po merr një shembull absolutisht te keq duke pare gjëra te tilla..

në vend të mbarojnë një uni apo degree...mendojnë se është me mirë apo me lehtë te krijosh karriere duke ekspozuar veten ne mënyra dhe forma te tilla...

keq...vërtetë...