Këshilla të thjeshta dhe efikase për të hequr kilet e tepërta të belit dhe vitheve dhe për t'iu rikthyer formës së humbur. Ja disa sugjerime, që me pak vullnet të mirë, por që duhet të zbatohen rregullisht, do t'ju ndihmojnë të tonifikoni muskujt e barkut dhe të vitheve, dhe në të njëjtën kohë të ulni barkun që ju bezdis kaq shumë

Sekreti për të qenë në formë

Këshilla të thjeshta dhe efikase për të hequr kilet e tepërta të belit dhe vitheve dhe për t'iu rikthyer formës së humbur.

Me verë vjen edhe periudha ku nga trupi heqim rrobat e trasha, komode dhe që mbi të gjitha mund të mbulojnë edhe ndonjë defekt të vogël. Pra, me pak fjalë vjen momenti për t'u dukur. Por jo gjithmonë kjo periudhë na gjen në formën maksimale. Por si të bëjmë për të rifituar linjat e bukura dhe të heqim kilet e tepërta.

Dhe, ndërsa gjatë dimrit gjithmonë kishim gjetur justifikime për të hequr dorë nga palestra, tani nuk kemi më asgjë për të kundërshtuar. Koha është e bukur, ditët janë zgjatur, është ngrohur, pra është koha ideale për të rifituar formën e trupit.

Ja disa sugjerime, që me pak vullnet të mirë, por që duhet të zbatohen rregullisht, do t'ju ndihmojnë të tonifikoni

muskujt e barkut dhe të vitheve, dhe në të njëjtën kohë të ulni barkun që ju bezdis kaq shumë.

1: Shumë herë lihet pas dore, por do të ndalim së këshilluari të shkoni në një palestër për të marrë edhe ndihmën e specialistëve të fitnesit. Kjo është mënyra më e mirë për të pasur rezultate të mira. Në një palestër do të këshilloheni nga një trajner dhe do të bëni edhe ushtrimet e duhura për problemin që keni, pasi persona të ndryshëm, trupa të ndryshëm dhe sigurisht edhe shqetësime të ndryshme.

2: Ndërkohë, në rast se palestra nuk bën për ju, ja disa këshilla që mund t'i realizoni edhe në shtëpi. Lëvizni vazhdimisht. Mundohuni të ecni sa më shumë, mos hipni në ashensor, por ngjisni shkallët, shëtisni shumë dhe, nëse keni mundësi edhe me biçikletë. Asnjëherë mos neglizhoni rëndësinë e lëvizjes fizike, edhe nëse ju duket e lodhshme, pasi kështu do të arrini të digjni kaloritë e tepërta, dhe në këtë mënyrë edhe yndyrën e tepërt në trup.

3: Kushtojini të paktën 5 minuta ushtrimeve fizike për barkun. Ato duhet t'i bëni çdo mëngjes pasi të zgjoheni. Ndoshta ditët e para do të ndieni ndonjë dhimbje të vogël të muskujve, por mos hiqni dorë. Forcimi i muskujve është rezultati më i mirë. Mos lini asnjë ditë pa bërë ushtrime.

4: Mundohuni të pakësoni konsumimin e alkoolit dhe të pijeve me sheqer, sidomos ato të gazuara.

5: Mundohuni të pini sa më shumë ujë që të mundeni. Kthejeni këtë në zakon. Pini ujë edhe kur nuk keni etje. Uji nuk të shëndosh, madje e kundërta. Ai ndihmon në eliminimin e toksinës që mblidhet në trup. Mungesa e ujit në organizëm ul ritmin e metabolizmit, gjë që duhet evituar. Ndaj pini shumë ujë.

6: Nëse kaloni shumë orë në ditë të ulur mundohuni të lëvizni herë pas herë për të shkrydhur muskujt, sidomos ato të barkut dhe të vitheve.

7: Evitoni konsumimin e ushqimeve që nxisin fryrjen e barkut. çdokush e di se cilat nga produktet që konsumon i shkaktojnë fryrjen e barkut, ndaj evitojini ato.

8: Evitoni ushqimet me yndyrë. Mundohuni gjithashtu që t'i shpërndani vaktet. 4-5 vakte në ditë janë ideale. Nëse ju merr uria mundohuni të mbani me vete, për ta konsumuar në moment, një produkt me pak kalori, p.sh. një mollë. Në mëngjes evitoni qumështin e papërpunuar, marmelatat dhe bëni kujdes me kaloritë e biskotave. Ka raste që janë të mbushura me gjalpë dhe sheqer.

9: Nëse ndonjëherë nuk hani një vakt apo ndonjëherë në një vakt e teproni me ushqim, mos u ndjeni në faj. Nëse e shkelni rregullin një herë nuk është ndonjë gjë e madhe, por ama të ndodhë vetëm një herë.

Mundohuni t'i ndiqni këto këshilla të thjeshta, pasi nëse do të zbatohen për disa javë do të japin rezultatet e dëshiruara. Të provosh nuk të bën dëm, nëse gjithmonë dëshironi të keni një trup të bukur gjatë sezonit të verës.

Aerobia me ngjyrat e Indisë

Tendenca e fundit vjen sërish nga India. Pas kinemasë, modës dhe kuzhinës, tani edhe fitnesi po merr ngjyrat e Indisë. Në palestrat amerikane po çmenden pas 'masala bhangra'(që përbëhet nga dy fjalë indiane, Masala që do të thotë pikante dhe Bhangra, që është vallëzimi tradicional indian, është një lloj aerobie e butë, që duket se po pushton edhe Evropën.

Duart ngrihen lart, beli lëviz, trupi djersit si në një maratonë dhe të gjithë jetojnë të lumtur dhe duke rikthyer trupin e tyre në format e dëshiruara. Muzika indiane duket se po infekton modën, kinemanë, sportin dhe tani edhe palestrat. Është e ëmbël, plot ndjenja, humor dhe pasion, romantike dhe ende shumë e lidhur me tradicionale. Ajo të bën të zbulosh feminilitetin dhe butësinë, lëvizjet janë më sensuale, sfondi është i këndshëm dhe argëtues.

Ndoshta është vetëm një tendencë e re, por është edhe një mënyrë shumë e mirë për t'u njohur me një kulturë të largët, dhe ajo që vlen edhe më shumë është fakti se të ndihmon shumë në rigjetjen e linjave ideale të trupit, duke të lehtësuar nga kilet e tepërta të akumuluara gjatë sezonit të dimrit.

Në bazë të aerobisë indiane, e rëndësishme është të mësosh të lëvizësh çdo pjesë të trupit në harmoni. Kjo aerobi nxit të qenin të lirshëm gjatë lëvizjeve, të interpretosh sipas fantazisë dhe ndjesive personale muzikën, si dhe duke qenë të lirë në stil. Varianti indian i aerobisë ka një avantazh të madh, pasi ndërthur shumë mirë jogën me vallëzimet indiane elegante, në kërkimin e sensualitetit të lëvizjes.

Fitnesi indian është në kërkim të emocioneve, pasi nuk mjaftojnë më vetëm rritja e adrenalinës, ndërsa duket se kanë dalë jashtë modës përzierjet latino-amerikane dhe afrikane. Pra, duket se nuk ka asgjë më të mirë se sa fitnesi indian për të hequr kilet e tepërta, në ritmet e tambureve, muzikës rege, hip-hop, salsa, etj.

Tërheqëse, argëtuese dhe e shëndetshme.

Krahas dobësimit para sezonit të verës, duket se bëjnë mirë edhe për ritmin kardiovaskular, tonifikimin e muskujve dhe të largon stresin.

G.Metropol

Të dobësohemi me zgjuarsi


 
Dieta funksionon më mirë kur ndjekim edhe disa këshilla të vogla, për të mos gabuar gjatë këtij procesi.

Të mbash dietë nuk është e thjeshtë dhe këtë e dinë të gjithë, sidomos ata që të hënave apo në fillim të muajit kanë vendosur të rregullojnë regjimin e ushqimit dhe pas disa ditësh kanë hequr dorë.

Megjithëse të shumta janë reklamat që premtojnë mrekulli pa asnjë sakrificë, është e kotë të gënjejmë veten. Për të humbur kilet e tepërta, duhet të bëhet ndonjë sakrificë dhe të heqim dorë nga ushqimi apo ëmbëlsira e preferuar.

Atëherë si t'ia arrijmë qëllimit kur gjendemi përballë mijë tundimesh që shqetësojnë atë që po mban dietë?

Ja një listë me këshilla për të gjithë ata që kanë vendosur të nisin një dietë.

1. Fillimi i mbarë gjysma e punës. Është e kotë të nisësh dietën në një ditë jo të mirë apo në një periudhë stresi. Të ndjekësh një regjim apo një dietë kërkon shumë energji, për këtë arsye është shumë e rëndësishme të nisësh dietën në një moment pozitiv.

2. 7 kg në 7 ditë. Përcaktojini vetes një objektiv të arritshëm. Një dietë shumë e fortë, përveçse nuk është e ekuilibruar nga pikëpamja e ushqimit, por do të nxisë të biesh më shpejt pre e tundimeve.

3. Mos u izolo! Një nga armiqtë kryesorë të dietës është ideja fikse që keni mbi ushqimin. Gjatë kësaj periudhe takohuni me miqtë, programoni një mbrëmje për të vajtur në kinema apo në teatër, për të larguar mendjen si dhe për t'u argëtuar.

4. Pazari. Jeni në treg dhe sytë ju mbeten te një sërë produktesh që për ju janë të ndaluara? Ekspertët e dietave ju këshillojnë që sa herë shihni ndonjë produkt të ndaluar ta lidhni me ndonjë gjë jo të pëlqyeshme për ju, dhe në këtë mënyrë do të arrini të mos tundoheni. Dhe një sugjerim tjetër, asnjëherë mos bëni pazar me stomakun bosh.

5. Syri bën punën e tij. E keni dëgjuar shprehjen "të ngopet syri". Është e rëndësishme që gjithmonë para se të hani vaktet ta përgatisni tavolinën më së miri, me fantazi, dhe po të jetë e mundur edhe me ndonjë vazo të bukur me lule. Vendosni të gjitha gjërat që keni përgatitur dhe më pas uluni për të ngrënë. Do të vini re që kështu nuk do të keni aq shumë uri.

6. Një nga rregullat kryesore është të keni kujdes me ritmin e ngrënies. Mos nxitoni, por përtypni ngadalë çdo kafshatë. Kjo është mënyra më e mirë për t'u ndjerë të ngopur dhe për të mos tentuar të marrim edhe një pjatë të dytë.

7. Pasi keni ngrënë për të mos tentuar të hani ëmbëlsirë lani dhëmbët si dhe lyeni duart me një krem hidratues aromatik. Kjo do t'ju ndihmojë të mos ndieni aromat e desertit apo ushqimeve të tjera.

8. Jeni në një periudhë kur keni vendosur të hiqni dorë nga shumë gjëra? Për të plotësuar mungesën e ushqimit kënaquni me blerje dhe pazarin. Shkoni në një parfumeri për të blerë një deodorant të ri, apo blini diçka që ju nxit edhe më shumë për të ndryshuar.

9. Lamtumirë peshore. Të fiksoheni pas peshores nuk ju ndihmon aspak për t'u dobësuar, madje ju fut në një gjendje ankthi. Është mirë që të merreni me ushtrime fizike, pasi në këtë mënyrë dhjamërat zëvendësohen me muskuj. Fillimisht pesha nuk do të ndryshojë, por mos u shqetësoni. Më shumë shihuni në pasqyrë se sa të peshoheni, dhe do të vëreni dallimin.

10. Familjarët. Ata që na shtyjnë më shumë drejt tundimit janë familjarët. Ata nuk janë në dietë ndaj kanë mundësinë të gatuajnë dhe të konsumojnë çdo gjë. Kur familjarët gatuajnë dhe hanë, ju merruni me diçka tjetër, si lexoni, shihni ndonjë film apo bëni shëtitje.

11. Shija e trasgresionit. Është e vërtetë se për t'u dobësuar duhet të impenjoheni plotësisht. Por, nëse ndonjë herë ju ftojnë në ndonjë festë, martesë, apo për një darkë në restorant, ju mos e kufizoni veten. Por, sigurisht pa abuzuar si duke ngrënë shumë, ashtu edhe duke porositur ndonjë sallatë.

10 këshilla për një dietë të thjeshtë

1. Pakësoni ushqimin ngadalë, por vazhdueshëm

Tregoni kujdes, pasi sasia dhe cilësia e ushqimit mund të mos mjaftojë, ndaj duhet ndjekur një strategji graduale. Fillimisht nisni me aktivitetin fizik, më pas bëni një ditar për ushqimin dhe pastaj nis pakësimi i yndyrnave.

2. Aktiviteti fizik duhet të jetë i rregullt

Organizoni veprimtarinë tuaj fizike në mënyrë të rregullt. Shëtitjet, ngjitjen dhe zbritjen e shkallëve, zëvendësoni stacionin e fundit të autobusit me ecjen në këmbë, evitoni të udhëtoni me makinë apo autobus për të shkuar në vendet pranë vendndodhjes suaj.

3. Matini ushqimet me një lugë

Vajin, salcën apo sheqernat llogaritini të jenë një lugë për vakt. Mundohuni të mos konsumoni ushqimet e gatshme që nuk dini përbërjen.

4. Hani një vakt të mirë

Në ditë duhet të konsumoni 4 deri në 5 vakte të vogla, por me kalori. Hani mëngjes për të mos u ndjerë të uritur në mbrëmje. Kjo është një këshillë që duhet ta mbani gjithmonë parasysh. Nëse në mbrëmje jeni të uritur dhe hani shumë më vonë do të përballeni me shtimin në peshë.

5. Përtypuni ngadalë dhe me kafshata të vogla

Për të tretur më mirë duhet ta përtypni ushqimin ngadalë dhe kafshatat të jenë të vogla. Tregohuni të duruar gjatë ngrënies.

6. Mos hiqni dorë nga buka, makaronat apo patatet

Asnjëherë mos mendoni se kilet e tepërta vijnë nga ngrënia e bukës, patateve, makaronave apo brumërave të tjera. Karbohidratet në sasi të kontrolluara nuk janë të dëmshme, ndërkohë që ato që gjenden te perimet janë shumë të kripura dhe të dëmshme. Ndaj, nëse tregoni kujdes në konsumimin e këtyre produkteve, mos i eliminoni nga menuja juaj.

7. Konsumoni fruta dhe perime

Duhet të konsumoni mesatarisht 3-4 fruta në ditë. Dhe në menunë e ditës nuk duhet të mungojnë 3 porcione të mira me perime.

8. Hani peshk

Të paktën dy herë në javë duhet të konsumoni peshk të gatuar me perime apo sipas dëshirës.

9. Mos pini pije alkoolike

Pijet alkoolike duhet të evitohen, pasi pakësojnë eliminimin e yndyrnave.

10. Objektivi duhet të jetë i kapshëm

Gjatë dietës mos e kini mendjen te peshorja apo pakësimi i kileve të tepërta. Kontrollojeni peshën apo linjën tuaj me rrobat e përditshme.
 

O berno ti e ke mire po halli eshte se kush i mban keto se vajzat bejne projekte t emedh aper tu dobesuar dhe kur vjen puna mbajne 1 jeve diete te forte dhe javen tjeter hane shume!Rezultati:asgje!
Me mire eshte te besh palester dhe pak sport,kjo per mua esht menyra e vetme!

Pershendetje

Te mbash dieta eshte gjeja me e veshteire dhe me e pakendshme per kedo. Nuk i thone pak te privohesh nga ushqimi yt i preferuar dhe te depresohesh nga deshira e imponuar e kesaj diete.
Per mua ka nje zgjidhje e cila bazohet tek ushtrimet me biciklete ose vrapimi me natyre. Kjo e fundit per mua eshte sporti me fantastik i te gjitha koherave dhe kuruesi me i mire i trupit dhe i mendjes. per fat te mire tani eshte edhe pak nxehte dhe te beje nje vrap 1_oresh nga liqeni perdite ( jo shetitje   ) jam i sigurt se per nje kohe te shkurter do te humbisnit kile te dukshme dhe per me teper do ta ndienit trupin ne forem optimale dhe sexy
rekomandim per ato qe shkojne ne plazh sa me shume not ne kohegjatesi notimi dhe jo ndenjtjeje ne uje.

A ka degjuar ose a e ka provuar dikush qajin per dobesim Herbalife ? Jam e interesuar te di me shume per te, flm
pershendetje

Flm shume  mpuuuqqqqq, sidoqofte shikoji mesazhet private nderkohe  
pershendetje

1- Fiskulture... ushtrime te shpeshta si për muskujt e barkut po ashtu dhe për krahet dhe kofshet!
2- Ushqimi nuk duhet te permbaj shumë yndyrna... dhe te jetë i pasur me peshk, mish te kuq (jo shpeshherë te konsumohet ky), me zarzavate dhe plot fruta.
3- Thuaj JO brumerave... nëse je tip qe organizmi te vendos peshe direkt me konsuminin e tyre.
4- Po ashtu duhet të mos mbi-konsumosh sheqernat dhe ëmbëlsirat. Për vete jam e cmendur nga cokollatat por unë s'fitoj peshe si tip. Kështu qe, jam ne rregull
5- Të pish 8 gota ujë ne ditë.
6- Të hash vaktet e ushqimit ne orar te caktuar dhe mundohu t'i permbahesh këtij regjimi.
7- Të mos hash kurrë me vonë se pas orës 9 pm, sepse dhe gjumin nuk e bën te rehatshem dhe mundësia për te tretur te gjithë ushqimin e ngrënë është shumë i vogël.
8- Mundohuni te zgjidhni te ecni ne të gjitha vendet ku duhet të merrni ashensorin, autobuzin për 1-2 stacione, apo berje pazari...etj etj.
9- Pesho veten çdo fund jave... ne këtë mënyrë je nën-kontrol dhe koshiente për sa mund te shtosh apo biesh nga pesha.
10- Te mos abuzohet mbi sasine e pire te alkolit. Krijon fryerje barku dhe venie peshe nese konsumohet tej mase...
11- Ah... se mos harroj, larg gjerave shumë te kripura... janë shumë me te rrezikshme se ato embla


Ja kaq... boll i keni. Ndiqini dhe do te ndjeheni shume me energjik, me ne forme.. e plus dhe me te gezuar ;-)

sipas antarit fort te nderuar Pemethymi....ja tek keni nje shanc me shume sesi te dobesoheni....