Ekzema? Ja si ta parandaloni

Në mjaft raste janë bashkëshoqëruese të astmës ose bronkiteve azmatike

TIRANË- "Nëse kërkohen "fajtorë" për shfaqjen e rasteve të ekzemave, duhen kërkuar gjithandej, pasi nuk ka një shkak të vetëm. Zakonisht janë polenet e luleve, mykrat, pluhurat, alergjentë të shumtë që qarkullojnë në ajër dhe një sërë substancash që shkaktojnë dermatitet e kontaktit",- sqarojnë dermatologët.

Sipas specialistëve, në shumicën e rasteve ekzemat janë bashkëshoqëruese të rasteve të astmës ose bronkiteve azmatike.

Kështu,  vendet më të "preferuara" të sëmundjes janë ato që ekspozohen dhe janë më në kontakt me alergjentë e shumtë. Fytyra, duart, pjesa e dekoltesë janë pjesët më të predispozuara për të patur të tilla probleme.

Si manifestohet

"Në fazën akute të sëmundjes, në lëkurë shfaqen skuqje lokale, puçrra, që në shumicën e rasteve janë të mbushura me lëng, ose lëkura sa vjen e bëhet më e thatë në vendet ku shfaqet ekzema.

Ky kuadër klinik zgjat disa ditë, por mund të zgjasë edhe deri në disa kohë, nëse nuk kurohet në kohën dhe mënyrën e duhur",- nënvizojnë dermatologët.

Kur duhet t'i drejtoheni mjekut

-Kur kruarjet bëhen të padurueshme.

-Në momentin kur ekzema nis të përhapet dhe nuk përmirësohet brenda një jave.

-Kur lëkura nis të infektohet dhe keni temperaturë mbi 38° C.

Parandalimi

"Personat që shfaqin probleme të tilla në këtë periudhë duhet të bëjnë disa teste të lëkurës (alergjikë), të cilët do t'i ndihmojnë që të kuptohet origjina e problemit, në mënyrë që të shmanget dhe parandalohen komplikacionet. Vetëm nëse arrihet të kuptohet arsyeja, mund të jepet dhe mjekimi i duhur në varësi të formës dhe stadit të sëmundjes",- përfundojnë specialistët.

KËSHILLA

 Ã§farë duhet bërë

-Në rastin e dermatiteve të kontaktit duhet të individualizohen substancat që e shkaktojnë, në mënyrë që mënjanohet origjina e problemit. Natyrisht kontakti me këto substanca mund të shmanget duke veshur veshje mbrojtëse ose duke lyer lëkurën me kremra mbrojtës;

-Në të njëjtën kohë duhen eliminuar, sidomos te fëmijët, aplikimi në lëkurë i substancave irrituese, si kremat kozmetike apo parfume;

-Fëmijët e prekur nga ekzema duhet të lahen me ujë të vakët dhe me detergjentë jo aromatikë; -Në pjesët e prekura nga ekzema duhet eliminuar kontakti me sapunët apo detergjentët e zakonshëm;

-Pas banjës aplikoni në lëkurën e njomë krem hidratues, i cili duhet përdorur nën rekomandimin e mjekut specialist;

-Visheni fëmijën me rroba të lehta pambuku, duke eliminuar veshjet prej leshi dhe fije sintetike;

-Përdorni medikamentet dhe pomadat që ju ka rekomanduar mjeku rregullisht;

-Ndiqni rekomandimet e mjekut dhe qëndroni gjithë kohën nën vëzhgim mjekësor.

# Depresioni
Të rinjtë me depresion janë shtuar dhe po trajtohen me ilaçe e jo psikoterapi, sepse numri i vizitave mjekësore për adoleshentët e depresionuar vazhdon të rritet, sipas një studimi në Universitetin "Stanford". Akademia Amerikane e Fëmijëve dhe Psikiatria e Adoleshentëve, u imponojnë mjekëve të përdorin psikoterapinë si një mënyrë e mirë për të zgjidhur problemet.
# Kola-kafeine
Lajm i mirë për gratë. Kafeja nuk e shton rrezikun e tensionit të lartë të gjakut, kjo sipas një studimi të Shoqatës Amerikane të Mjekësisë. Studimi u krye për 12 vjet dhe përfshiu më shumë se 150 mijë gra. Nuk mund të thuhet e njëjta gjë për gratë që e marrin kafeinën nga kolat. Kola e rregullt e shton rrezikun me 44 për qind tek gratë më të moshuara dhe 28 për qind tek të rejat.
# Viagra
Trajtimet me viagra mund të përmirësojnë aftësitë funksionale te pacientët me hipertension pulmonar arterial, një sëmundje serioze, që ka të bëjë me presionin e lartë në enët e gjakut që hyjnë në mushkëri. Zbulimi bazohet në një studim të 278 pacientëve që kanë marrë viagra, në një nga tre doza, apo "placebo" inaktive tre herë në ditë për 12 javë.
# Neuroshkenca
Në Uashington përfundoi këto ditë takimi i 35-vjetorit të Shoqatës së Neuroshkencës, me mijëra neurologë nga mbarë bota. Shumë prej tyre sollën në këtë takim arritjet kërkimore në këtë fushë. Besohet se 25 deri 50 për qind e kodit gjenetik të njeriut gjen shprehje në tru e në sistemin nervor. Kjo tregon edhe rëndësinë e neuroshkencës, e cila shpjegon se si funksionon truri.
# Antibiotiket
Përdorimi i antibiotikëve më shumë se 10 herë në fëmijëri rrit mundësinë e zhvillimit të limfomës, një lloj kanceri që prek sistemin limfatik të trupit. Dr. Ellen T. Chang në qendrën e studimit në Kaliforni ka zbuluar sëmundjen edhe tek përdoruesit e shpeshtë të ilaçeve antiinflamatore, si ibuprofen, por nuk ka gjetur lidhje ndërmjet sëmundjes dhe mjekimeve të tjera.
# Uje deti
Një grup ekspertësh janë shprehur se e marrin në konsideratë idenë për të injektuar ujë deti nën Venecia, në mënyrë që të ngrenë qytetin italian të mbushur 30 cm me ujë. Projekti që kushton 117 milionë dollarë detyron rrëmimin e 12 gropave me diametër 30 cm brenda një zone 6 milje rreh qytetit të Venecias, dhe të bëjnë të rrjedhë ujë deti në tokë në një thellësi 766 jard.
Nikotina
Shkencëtarët thonë se nikotina nuk është më shumë e dëmshme sesa kafeina, por ajo që e bën të rrezikshme nikotinën është mënyra e marrjes së saj nëpërmjet tymosjes. Sipas një studimi në kolegjin mbretëror të mjekëve në Londër, duhani pa tym është 10 herë më i padëmshëm sesa tymi i cigareve.
Hekuri
Një formë trajtimi për aneminë te pacientët e moshuar është terapia me doza të ulëta hekuri. Por, ka një mundësi të ulët të efekteve anësore. Anemia ndodh kur rruazat e kuqe të gjakut nuk transportojnë mjaftueshëm oksigjen sa i duhet trupit. Hemoglobina, proteina te këto qeliza, është përgjegjëse për këtë detyrë dhe që kjo të kryhet, nevojiten sasi të mjaftueshme hekuri.

Mjeku që zbuloi virusin, optimist pas testeve te majmuni
Progres në vaksinën e AIDS-it

Një shkencëtar, i cili ka ndihmuar në zbulimin e virusit HIV tha se, ka arritur progres drejt prodhimit të një vaksinë efikase kundër AIDS-it dhe shpreson që brenda një viti të fillojë eksperimentet klinike. Dr. Robert Gallo, drejtori i Universitetit të Marilandit dhe Institutit për Virologjinë Humane tha se, rezultatet nga studimet te kafshët ishin vërtet inkurajuese. "Mendoj se ka përparime në krijimin e antitrupave që do të reagojnë me shumëllojshmërinë e HIV-it", tha mjeku, duke iu referuar virusit që shkakton AIDS-in. Shkencëtarët besojnë se, vaksina është shpresa më e mirë për t'i dhënë fund pandemikut të AIDS-it, që vret rreth 3.1 milionë njerëz në vit. Mundja e virusit ka qenë më e vështirë se sa kanë parashikuar shkencëtarët. Ata besojnë se, për prodhimin e vaksinës duhet ende kohë. "Ne kemi marrë disa rezultate interesante nga studimet te majmunët, që tregojnë se, sistemi imunitar mund të përgjigjet. Ne kemi bërë progres të dukshëm, por nuk jemi ende gati për vaksinën", tha Gallo.

Zbulimi i shkencëtarëve italianë
Molekula e dashurisë zgjat vetëm një vit

Rrahjet e zemrës shtohen, stomaku ju gurgullon dhe ndjeheni euforike, edhe pak budallenj. Kjo është e gjithë ndjesia e një dashurie pasionante që ju filloni të përjetoni. Shkencëtarët tani ju thonë se, kjo ndjesi nuk do të zgjasë më shumë se një vit. Deri tani nuk ishte shpjeguar pse një gjendje e tillë shoqëron gjithmonë fillimin e një dashurie pasionante. Por, shkencëtarët e një populli, që njihet në botë për mënyrën e të dashuruarit, italianët, kanë mundur të shpjegojnë fenomenin, duke i shtuar "veshje" të re tiparit të tyre njohës në vendet përëndimore. Emocionet e forta që sillen rreth të dashuruarve të rinj janë të stimuluara nga një molekulë e njohur si "faktori i rritjes së nervave" (NGF), sipas shkencëtarëve në universitetin e Padovës. Shkencëtarët italianë gjetën nivele shumë të larta të NGF-së në gjakun e 58 njerëzve, të cilët sapo kishin rënë në dashuri çmendurisht me njëri-tjetrin dhe tek ata, niveli i molekulës ishte shumë më i lartë i krahasuar me nivelin e të njëjtës molekulë te njerëzit singëll, apo të padashuruar, dhe njerëzit që janë në një lidhje të gjatë dashurie. Studimi i tyre ka zgjatur mëse një vit dhe pas një viti, të njëjtët të dashuruar, i testuan përsëri dhe shkencëtarët panë se, ata kishin nivele më të ulëta të molekulës NGF në gjakun e tyre dhe ajo ishte e njëjtë me grupet e tjera, që ishin testuar më parë. Shkencëtarët italianë e kanë publikuar studimin tyre në gazetën "Psychoneuroendocrin ology", dhe janë shprehur se, nuk është e qartë se, si dashuria ndikon në rritjen e niveleve të NGF-së. Ajo që është shumë e dukshme qëndron në faktin se, molekula qartësisht ka një rol të rëndësishëm në "kiminë sociale" ndërmjet njerëzve në fillim të një marrëdhënie dashurie. Por, për fat të keq, ndjesia gurgulluese nuk mund të zgjasë më shumë se një vit, ndërsa për fat të mirë, edhe budallallëku që shoqëron fillimet e dashurisë i humb gjurmët pas 12 muajve të caktuar nga shkencëtarët e popullit "dashurues". Molekula, që sipas shkencëtarëve krijon këtë ndjesi, ka merituar emrin "Molekula e dashurisë", sepse ajo është gjithmonë ndikuese dhe shoqëron fazat e para të ndjenjës më të bukur për të gjitha moshat.

* Transplanti i parë i fytyrës
Mjekët francezë kanë realizuar për herë të parë në botë transplantin e fytyrës, duke i dhënë një hundë, mjekër dhe buzë të reja një gruaje të shfiguruar, e cila ishte sulmuar nga një qen. Operacioni i gruas franceze 38-vjeçare u krye nga kirurgë të njohur francezë të dy spitaleve, në qytetin Amiens. "Pacientja është në një formë të shkëlqyer dhe transplanti duket normal", janë shprehur mjekët. "Pjesët e transplantuara janë marrë nga një dhurues multiorganesh, me miratimin e familjes". Gruaja nuk kishte hundë dhe buzë që në maj. Ajo nuk ishte e aftë të fliste apo përtypej.

G.Panorama

# Duhanpirja
Rezultatet e studimit "diskutimi i ekspozimit të duhanpirësve pasivë" tregojnë se, pirja pasive e duhanit rrit rrezikun e kancerit të gjirit, sidomos te gratë para menopauzës, në një shkallë të ngjashme si duhanpirësit aktivë. Rezultatet janë publikuar në "International Journal of Cancer" dhe tregojnë se rreziku është i njëjtë .
# Krijimtaria
Një jetë aktive seksuale dhe krijimtaria mund të ecin dorë për dorë së bashku, sipas një studimi të ri britanik, i cili ka vënë re se artistët dhe poetët profesionistë kanë rreth dyfishin e partnerëve seksualë në krahasim me njerëzit e tjerë. Krijuesit shpesh cilësohen shumë joshës. Ata prodhojnë art e poezi që rrëmben interesin e njerëzve.
# Bakteri
Një bakter vdekjeprurës, i cili shfaqet te njerëzit që trajtohen me antibiotikë po përhapet në Amerikën Veriore dhe është edhe rezistues ndaj ilaçeve. I provokuar nga antibiotikët brenda zorrëve të pacientëve të spitaleve, bakteri ka treguar aftësinë për mutacion dhe ka rritur rezistence ndaj mjekimeve, tregon raporti.
# Gjumi i mirë
Një studimi i ri tregon se, gratë e moshuara, të cilat flenë mirë apo kanë edhe lidhje të forta sociale kanë nivele të ulëta të interleukin-6, një proteinë e sistemit imunitar që ndihmon inflamacionin dhe që tenton të rritet me shtimin e moshës. Pra, një gjumë i mirë dhe një jetë shoqërore të mbajnë të shëndetshëm.
# Mbipeshe
Një studim i ri ka treguar se fëmijët e lindur nga nënat që pinë duhan apo janë në mbi peshë, lindin mbi peshë. Shkencëtarët kanë zbuluar se, fëmijët që lindin nga nëna që janë mbi peshë gjatë shtatzënisë së tyre janë tri herë më shumë të rrezikuara për të qenë me shëndet të tepërt.
# Injeksionet
Veterinerët në kopshtin zoologjik në Romë kanë trajtuar një luan të moshuar për artritin, duke i futur 50 pilula floriri në muskujt e tij, thanë zyrtarët. Luani aziatik i quajtur Bellamy, kishte vështirësi në të ecur deri në mbarimin e procedurës dy javë më parë, ku pilulat 24-karat të floririt u futën në muskujt e tij afër kyçeve.

Shkencëtarët: 58 për qind e sëmundjeve, nga kafshët

Shëndeti i njeriut rrezikohet nga sëmu-ndjet e kafshëve në të gjithë botën.

Shkencëtarëve kanë dokumentuar 38 sëmundje që kanë bërë kalimin nga kafshët te njeriu në 25 vitet e fundit. Ky nuk është lajm i mirë për përhapjen e gripit të shpendëve, për të cilin ekspertët mendojnë se mund të pësojë mutacion dhe do të transmetohet ndërmjet njerëzve. Ka 1 407 patogjene; viruse, baktere, parazitë, protozoare dhe kërpudha që mund të infektojnë njeriun, tha Mark Uoolhouse i Universitetit të Edinburgut në Skoci. Prej tyre, 58 për qind vijnë nga kafshët. Shkencëtarët konsiderojnë se 177 prej këtyre patogjeneve "shfaqen" apo "rishfaqen". Pjesa më e madhe e tyre nuk mund të shkaktojnë epidemi, por shkencëtarët mendojnë se gripi i shpendëve mund të bëjë një përjashtim. Përparimet e fundit të virusit vdekjeprurës H5N1 në të gjithë botën kanë forcuar frikën për përhapjen e një epidemie. "Strategjia është të vëzhgosh se si ta frenosh atë vetëm te kafshët", tha Nina Marano, një veterinere, eksperte e shëndetit publik në Qendrën për Sëmundjet infektuese.
"Gripi i shpendëve mund të pësojë mutacin dhe në këtë mënyrë të kalojë nga njeriu në njeri", tha dr. Stanley Lemon, i universitetit "Texas Medical Branch" në Galveston. "Ka shumë mundësi që numri i viktimave të rritet shumë herë më tepër nëse virusi e kapërcen provën e mutacionit", tha Lemon. çdo vit në 25 vitet e fundit, një apo dy patogjene të reja dhe variante të ndryshme të patogjeneve kërcënuese të mëparshme kanë infektuar njerëzit. "Njerëzit janë sulmuar gjithmonë nga patogjene të reja. Ky proces ka mijëra vjet që vazhdon. Por duket se po ecën me shumë shpejtësi kohët e fundit", tha Uoolhouse. Diçka e çuditshme sot që i lejon shumë prej tyre të rrënjosen te njeriu. Një shpjegim është se ka ndryshime të mëdha në mënyrën se si bashkëveprojnë njerëzit me ambientin, popullata më e madhe në një ambient më të ngrohtë dhe në të cilin udhëtimi është më i shpejtë dhe më i gjerë, tha Marano. Këto ndryshime mund të sigurojnë se patogjenet nuk do të qëndrojnë të kufizuara vetëm te kafshët, shtoi ajo. Shembuj të rasteve të fundit të infektimit nga kafshët përfshijnë HIV, Marburg, SARS dhe viruse të tjera. "Eshtë shumë e vështirë që të gjesh se çfarë do të vijë pas kësaj". s.xh G.Panorama

Dhjete këshilla për ata që vuajnë nga zemra

1.Mos pini duhan.
2.Mos u aktivizoni ne lodra sportive qe shkaktojne lodhje fizike te madhe.
3.perdorni ushqime,te pasura me vitaminen E.
4.Ecni çdo ditë,te paktën një ore.
5Qendroni larg ambjenteve me zhurme.
6.Mundoheni te hani sa me shumë fruta e perime te fresketa.
7Qendroni sa me larg mjediseve shumë te nxehta.
8.Beni një jetë te qete dhe mos qendroni te mbyllur me vehten tuaj.
9.Ne rast se do të kini renie flokesh ne pjesen e siperme te kokës,shkoni te mjeku.
10.Pakesoni peshën e tepert trupore dhe perbajtjen e kolesterolit ne gjak..........

Forme e re e insulines

Departamenti i ushqimit dhe medikamenteve në SHBA ka rekomanduar aprovim të formës së parë të insulinës që mund të merret me frymë në vend që të injektohet. Ka miliona diabetikë në gjithë botën me ndërlikime si sëmundje të zemrës dhe të të parit që prekin ata që vuajnë. Forma më e dukshme e diabetit, Tipi 2, lidhet me obesitetin dhe kurohet me tableta ose injeksione të insulinës. Sipas departamentit për ushqim dhe medikamente në SHBA, Exubera,(medikamenti i ri) mund të përdoret për njerëz që kanë diabetin e tipit 2 ose më rralllë kur kanë tipin 1 të cilët kanë nevojë për injeksione para se të hanë. Medikamenti nuk do të zëvendësojë injeksionet e insulinës për ata që vuajnë nga tipit 1. Megjithatë, rregullatorët amerikanë të medikamenteve kanë vënë në pyetje sigurinë e përdorimit të Exuberas kur përdoret nga njerëz që pijnë duhan, apo kanë sëmundje të mushkërive. Ata gjithashtu kanë shprehur shqetësim për efektet afatgjata të Exuberas, ndërsa prodhuesit e medikamentit kanë rënë dakord të vazhdojnë studimet deri në 2019.