Mi magjik – pa butona!
Zëvendësimi i miut tanimë të plakur “Mighty Mouse” vjen në një version shumë më elegant dhe vetëm pa tela me funksionalitet multitouch.

Së bashku me modelet e reja të kompjuterëve Apple, kompania pas një kohe të gjatë ka lëshuar edhe një version të ri të miut, tani me emërtimin Magic Mouse. Bëhet fjalë për një mi laserik pa tela i cili për punë normale kërkon dy bateri AA, e me kompjuter lidhet me anë të Bluetooth.

Mirëpo “miu magjik” krahasuar me atë paraprak “Mighty Mouse” nuk ka asnjë butona. Në vend të kësaj e tërë sipërfaqja e epërme është e llojit multitouch. Teknologjia për njohjen e lëvizjeve është e njëjtë si ajo në iPhone apo në touchpad të MacBook, derisa janë të mbështetur edhe gjestet multitouch për veprime të ndryshme.



Magic Mouse shitet me kompjuterët e ri iMac, e ndarazi kushton 69 dollarë. /Telegrafi/