Duke qene se marketingu eshte baze per suksesin e çdo biznesi apo organizate fitimprurese/ ose jofitimprurese, gjykoj qe çdokush te mund te sjelle materiale apo te diskutoje per çeshtje qe i has ne jeten e perditshme dhe qe kane lidhje me reklamen, marketingun direkt, marketingun online, shitjet, business to business, ndertimi i markes, kerkimet e tregut etj.

Instituti Shqiptar i Marredhenieve Publike (www.albpr.org) ka ndertuar nje blog qe i kushtohet Marketingut dhe Marredhenieve Publike, me qellim ngritjen ne nje stad me te larte te komunikimit dhe teknikave te marketingut.

Gjithsesi po e nis me nje artikull qe ka te beje me marketingun online qe vit pas viti gjeneron te ardhura per reklamuesit.

Marketingu Online

Alban Bala- AIPR

Në Shqipëri marketingu online është një risi. Ai nisi të aplikohej së pari si një formë për të thirrur në tregun shqiptar të huajt. Analizat e marketingut online tregojnë se ende sot fjalë-kërkimet që lidhen me Shqipërinë më së shumti pikëzohen në "Travel Albania" dhe "Accomodation Albania", pra udhëtime për në Shqipëri dhe akomodimi hotelier atje. Më pak këto kërkime janë të orientuara për klimën "weather Albania", ndërsa kërkimet e njëmendëta të tregut janë ende shumë larg.

Kjo pikë së pari sepse oferta e tregut shqiptar, të ngritur kryesisht mbi importe, nuk paraqet ndonjë interes. Shumë pak prodhues kanë përmirësuar imazhin e tyre në rrjetin botëror të informacionit këto vitet e fundit, ndërsa shumica e biznesmenëve shqiptarë edhe kur përdorin postën elektronike, pavarësisht se kanë internet faqet e kompanive të tyre, përdorin adresa që merren falas në Internet si Hotmail, Yahoo, etj, duke humbur maksimalisht besueshmërinë. Këto adresa sot përdoren kryesisht nga individë të dëshpëruar në vendet aziatike që kërkojnë me ngulm të emigrojnë drejt Perëndimit duke u paraqitur pa sukses si sipërmarrës me përvojë, sa për të garantuar një ftesë nga një kompani europiane, qoftë edhe shqiptare.

Në databazat kryesore të shkëmbimeve tregëtare në internet kompanitë shqiptare numërohen me gishtat e njërës dorë. Pasi numri i kompanive të regjistruara nga Shqipëria kaloi 6-tën, portali "Go4worldbusiness.co m" hodhi në rrjet ndër-faqen e saj "Go4albanianbusiness .com", e cila për ironi brenda dy javësh u popullua me "kompani" dhe "oferta" nga India, Pakistani dhe Nigeria.

Kompanitë shqiptare megjithatë kanë filluar ta kuptojnë rëndësinë e internetit falë takimeve shumë më intensive me partnerë apo klientë nga Europa perëndimore. Për këtë shkak, numri i atyre që kërkojnë të kenë një faqe interneti të ofertës është gjithnjë në rritje.

Vazhdimin e gjeni ne linkun e meposhtem:
http://www.albpr.org/g-news/modules.php?name=News&file=article&sid=26

Komplimente per temen. Marketingu eshte nje fushe e gjere dhe e bukur, ku pervec njohurive shkencore duhet te kesh edhe nje shprit teper krijues per te qene nje profesionist i vertete ne kete sektor.
Edhe une po nxjerr nje artikull nga faqja e  ISHMP-se, qe flet per reklamat ne Internet dhe marketingun online ne pergjithesi.



Reklamat ne internet


Reklamat me internet mund të çojnë në një rritje të konsiderueshme të të ardhurave, të numrit të konsumatorëve dhe të përhapjes së emrit të kompanisë. Jo vetëm kaq, por ato janë një kanal marketimi me kosto të ulët që bizneset e vogla mund ta shfrytëzojnë për të depërtuar direkt tek konsumatorët dhe për të shitur prodhimet.
Reklamat në internet janë mënyra efikase për t'ja përcjellë mesazhin klientëve të mundshëm, duke ju lejuar që të depërtoni në një klientelë më të madhe dhe duke ulur ndjeshëm shpenzimet e marketimit. Ndryshe nga shumica e programeve të marketingut që janë të vështirë për t'i ndjekur, reklamat me internet të japin një ide të drejtpërdrejtë të fitimit nga investimi i bërë në marketing si dhe ndihmojnë për të ndërtuar një bazë më të madhe klientësh dhe të ardhurash.
Klientët e sotëm e vizitojnë internetin jo vetëm për lajme nga teknologjia apo për të blerë, por edhe si një burim për të njohur produkte dhe shërbime të ndryshme. Studimet e reja të kompanive "Kelsey Group" dhe "ConStat" tregojnë se 70 përqind e të rriturve amerikanë e përdorin internetin si burim informacioni kur kërkojnë të blejnë produkte dhe shërbime në zonën ku banojnë, nga 60 përqind që ishte kjo shifër në vitin 2003. Reklamat me internet jo vetëm ndihmojnë për të shtuar trafikun në një faqe të caktuar interneti por edhe ndikojnë pozitivisht në shitjet me mënyra tradicionale, pasi shërbejnë si burim për të përhapur emrin e kompanisë.
Kompani të mëdha dhe madje kandidatë presidencialë me fushata tradicionale marketingu kanë zgjedhur rrugën e reklamave me internet. Gjatë përgatitjeve për zgjedhjet e vitit 2004, kandidati demokrat Howard Dean grumbulloi më shumë se 60 përqind të fondeve të tij përmes internetit.  
Firma studimore "eMarketer" parashikon se më shumë se 12 miliard dollarë do të shpenzohen këtë vit për reklamën me internet, dy herë më shumë se sa ajo që u shpenzua në vitin 2004. Por si e arrijnë suksesin kompanitë në këtë fushë reklamimi? Tre janë hapat më të rëndësishëm që çojnë në suksesin e kësaj lloj reklame:  Njohja e audiencës, testimi i vazhdueshëm  dhe ndjekja hap pas hapi e rezultatit.

Njohja e audiencës
Kur përpiqesh të mësosh rreth audiencës tënde ka rëndësi të imagjinosh se ku duhet ta gjesh atë dhe cili është mesazhi që i përshtatet asaj më shumë. Përcaktimi i karakteristikave demografike të audiencës, si profesioni, industria, të ardhurat, madhësia e kompanisë ku punon etj., është hapi i parë për ta kuptuar më mirë atë. Kjo të lejon të zgjedhësh Internet-faqet e duhura si dhe të krijosh një program specifik, i cili t'u përshtatet sa më mirë karakteristikave demografike që përmendëm.
Për të ulur shpenzimet e njohjes së audiencës, duhet të kërkoni klientë me interesa të caktuara, të cilët mund të jenë më afër jush se sa mendoni ju vetë. Ndoshta këta janë kolegë të punës ose miqtë tuaj – ata mund t'ju japin mendimet e tyre drejtpërdrejt dhe me sinqeritet mbi atë se ç'mendojnë për reklamat tuaja në interent dhe e bëjnë këtë pa shumë shpenzime. Nëse nuk e keni këtë mundësi, atëhere provoni të lidheni direkt me audiencën duke përdorur databazën tuaj të klientëve dhe duke u dërguar atyre me e-mail një anketë të shkurtër. Nëse jua lejon buxheti, ju mund të paguani edhe një kompani anketimesh për këtë qëllim.

Testimi i vazhdueshëm
Menjëherë sapo të keni identifikuar publikimet dhe Internet faqet që viziton audienca juaj, përcaktoni buxhetin tuaj dhe objektivat që kërkoni të arrini përmes reklamave me internet. Buxheti dhe objektivi juaj duhet përcaktuar qartë, pavarësisht nëse qëllimi juaj është të shtoni numrin e atyre që do të regjistrohen në site-in tuaj, të shtoni trafikun e vizitorëve apo numrin e blerësve në internet.
Fillojeni me testime të vogla për të kaluar më pas në një fushatë më të madhe. Një gjë duhet patur kujdes: shumë reklamues e fillojnë me fushata të mëdha reklamimi, të cilat nuk i arrijnë objektivat.
Pasi të keni përcaktuar mirë objektivat dhe afatet kohore, është koha që të zgjidhni Internet-faqet e reklamimit. Përsëri, testimi është i rëndësishëm për të përcaktuar rezultatin e arritur si dhe për të krijuar reputacionin si kompani. Muaj pas muaji testoni faqe të ndryshme për të gjetur nëse mesazhi juaj dhe reklamat për të cilat paguani po çojnë në shtimin e shitjeve.  

Ndjekja e rezultatit
Bukuria e reklamës me internet është sasia e informacioneve që ju mund të grumbulloni nga fushata juaj. Kur ju e keni vënë në vijë fushatën e reklamave me internet, kompania që ju ofron shërbimin e reklamës ju bën një raport, ku ju tregon se sa sukses ka pasur fushata juaj. Megjithatë, shumë analistë marketingu bëjnë një gabim duke analizuar vetëm rezultatin. Ka rëndësi që ata të bëjnë një hap më tej për të përcaktuar se çfarë veprimesh ka bërë blerësi kur ka hyrë në faqen tuaj të internetit. A është larguar ai nga site-i juaj menjëherë pasi ka klikuar reklamën? Apo ka qendruar më gjatë aty duke lënë emrin në formular ose duke blerë diçka? Kjo mund të gjendet duke përdorur programe të tillë si Urchin, Web Trends ose WebSideStory.
Shikojini me kujdes të gjitha shifrat, sidomos ato që kanë të bëjnë me koston e blerjeve. Duke bërë këtë, ju do të filloni të kuptoni kontributin që jep fushata juaj e reklamës me internet në strategjinë tuaj të përgjithshme të marketimit.


Artikulli i marre nga: http://www.albpr.org/g-news/modules.php?name=News&file=article&sid=25

Marketingu Online dhe Biznesi nga Shtepia
Nga Timothy Spaulding

Disa njerëz paguajnë gati verbërisht shume para për reklamat, por ka edhe nga ata që nuk kanë ndonjë buxhet për reklamat e në shumicën e rasteve nuk bëjnë fare reklama. Të dyja janë të dëmshme për biznesin tuaj dhe nuk ka ku te shkoj me keq se nga ç'ka vajtur.
Ka shumë mënyra të reja dhe krijuese për të tregtuar produktet dhe shërbimet të paktën jo shumë të kushtueshme në mos të lira, kështu që të harxhosh shumë para për të do të ishte shumë e tepërt. Por nëse ju nuk keni para për të harxhuar ndoshta e keni paracaktuar të dështojë biznesin tuaj për shkak të mos reklamimit. Në këtë situatë njerëzit duhet të jenë tepër të kujdesshëm për të kërkuar mënyrat e lira të reklamimit.

Kur vjen puna për reklamimin ka mjaft mundesi online dhe offline, të cilat do t'iu ndihmojnë të përhapni fjalën mbi faqen e Internetit dhe produktin tuaj dhe ju do të rrisni trafikun dhe të ardhurat për shkak të tij.

Në fillim, përzgjidhni botime lokale si p.sh. gazeta, stacione televizive dhe radiofonike të cilat mund të jenë të gatshme për të pranuar reklama të lira. Shpesh herë këto lloje mediash jane në kërkim të bizneseve lokale të cilat duan të theksojnë debatet ose pjesë të ndryshme të biznesit të tyre. Kjo është një reklamë mjaft e lirë në të cilën duhet të përfshiheni menjëherë. Gjithashtu sigurohuni që adresa juaj e Internetit të jetë në të gjitha materialet e printuara  qofshin këto në formë dhurate ose jo. Vendosja e URL-se tuaj aty i bën njerëzit të kujtohen për te madje dhe të bëjnë kërkime mbi atë që ju ofroni.
Pra, ndërkohë që po e bëni të njohur adresen tuaj, sigurohuni që faqja juaj e Internetit është profesionalisht e përshtatshme dhe mjaft komode për konsumatorin tuaj. Sigurohuni që proçesi i kërkimit të jetë i lehtë dhe i pershtatshem po aq sa i sigurt. Përdorimi i sistemeve me pagesë si p.sh. Paypal mund të jetë një ide mjaft e mirë për ju, sepse ai të jep munësinë e kryerjes së pagesave në disa lloje të ndryshme kartmonedhash.

Reklamimi online nuk ka pse të jetë i shtrenjtë. Ju mund të dërgoni buletine informative në gazetat online dhe të gjitha kutitë e botimeve me informacionin tuaj, lidhjeve tregtare dhe disa faqeve të tjera Interneti që kanë të bëjnë me këtë. Sigurisht ju mund të bëni banera ose forma të tjera reklamimi, por nuk keni buxhetin e mjaftueshëm për t'i provuar të gjitha opsionet. Ndërsa ju rriteni, dhe buxheti i juaj i reklamave rritet gjithashtu.
Përsa kohë që ju jeni krijues dhe prokrijues në gjetjen e reklamave të lira/ falas biznesi juaj do të rritet, fitimi juaj do të rritet dhe kështu ju nuk do të shpenzoni shumë për reklamat. Mbani mend, sa më shumë njerëz e vënë re faqen tuaj të Internetit aq më shumë rriten blerjet. Sigurohuni që adresa juaj të jetë e dukshme për sa më shumë njerëz dhe në sa më shumë vende të jetë e mundur.

Artikull i marre nga: http://www.albpr.org/g-news/modules.php?name=News&file=article&sid=240

Jam student I vitit te IV-apsollvent ne Universitetin e Evropes Jug-Lindore apo sic njihet Universiteti I Shtulit, Studjoj Biznesin drejtimi Menaxhimi I Marketingut.


Nga teksti qe e pash me lart verejta nje keqkuptim te Termit apo Shences me Vete te Marketingut. Ne pjesen me te madhe verejta se ai “Marketingu”definohet vetem se reklam,cka ne realitet nuk eshte ashtu. Arsya pse nuk eshte ashtu qendron na faktin se reklama apo Promovimi eshte faza e fundit e 4elementet kryesor te marketingut,dmth e katerta me rradh. Po cka vjen para Reklames? 4p apo 4elemtet jane:Produkti,Cmimi,Shperndarja dhe Promovimi ose“Reklama”.  Nga kjo ndarje kuptojme se Marketingu nuk qenka vetem reklam,po ai kryen nje pun shum ma te madh duke filluar nga ideja e prodhimit se cka te prodhohet,si te prodhohet,kur dhe per ke te prodhohet-faza e pare apo faza e produktit, dmth duhet qe ne filimi te bejme segmentimin e tregut, te bejme hulumtimin e tregut dhe ta zgjedhim target grupen qe kujt t'ia shesim. Pastaj fillon faza e dizajnimit te prodhimit, i percaktohet cmimi dhe hudhet ne treg. Kjo faz tani ka fillu te aplikohet bukur shum qe njihet si faza test,se sa eshte I pranishem nga ana e konsumatorve potencial. Pas lansimit, qe te njihemi se sa blehet prodhimi dhe sa jan te knaqur klientella, duhet bere nje intervist ne lidhje me kualitetin e cmimin dhe dizajnin dhe nga rrezulltatet e marra del produkti final, dmth nga ai test ne ate final. Shperndarja,ky element ka te beje me ate se si ta shesim, me shumic duke hap filialet tona apo,me pakic apo duke e shitur produktin tone ndermarjeve tregtare. Dhe faza e fundit pra vjen Reklama dmth e promovojme nepermes kanaleve te ndryshme si media te shkruara apo elekronike. Nga e gjith kjo shihet qarte se Marketingu nuk qenka rerklam, por shkenc dhe se po bejka shume pune te madhe.
E bera nja kronologji te ketill per arsye se bizneset tona kane nevoj qe njihet hollesisht me Marketingun,ta dijne se eshte shkenc e jo vetem reklma, dhe se imlementimi I tij ne biznes kerkon pak ma shume angazhim por percillet me sukses te shumta. Kam kryer praktik ne Prishtin nje nje Agjension Marketingu,porn e fakt eshte marre vetem me elementine fundit reklamen,ku ka bashkpunim me 3TV krysore ne Kosov RTK,KTV dhe TV21
Shpresoj se te kete debat me shum

marketingu  me i mire per mendimin tim eshte "shoqeria" dhe "cilesia" qe sot per sot ne shqiperi po nuk i pate je i deshtuar.

Besoj se e ke fjalen per "Kater P-te e Marketingut," apo jo? (Ne anglisht: Product, Price, Place, Promotion). Kohet e fundit eshte shtuar edhe nje P e peste: Personat (People), qe do te thote personat qe bejne pjese ne ekipin tend te shitjeve dhe/ose sherbimeve. Disa te tjere permendin Paketimin si P-ne e peste.

Sidoqofte, disa te tjere i quajne te vjeteruara P-te e permendura me siper dhe propozojne 5 P te reja: Paradoksi, Perspektiva, Modeli (Paradigm), Bindja (Persuasion) dhe Pasioni.
http://merzlikin.com/articles/marketing/5p-marketing.html

Kërkoj informata më shumë për marketingun sportiv në veqanti...