Shumë interesante. Rrofsh qe e solle këtu këtë informacion.

Për pëlqeu kështu ne pamje të parë dhe uroj te jetë vërtetë ashtu siç thotë dhe reklama e tyre:

 

Kjo do të ndryshonte shumë gjëra, sepse ajo qe komuniteti i Linux nuk ka pas kuptuar deri tani ka qenë pikërisht nevoja për një OS për masat, pasi jo te gjithë janë "computer geeks".

Pershendetje,

Nuk jam njohes i sisntemit Linux dhe nuk mund te them shume, por mbase ky variant i gOS eshte nje tentative per te afruar me shume njerez drejt ketij sistemi dhe kjo mund te sherbeje dhe nje si ure kalimi nga Windows ne Linux.

Vertet do te doja te degjoja dhe mendime te tjera nga perdorues te Linux:)

Une e pashe shkarazi sistemin gOS dhe doja te thoja se duke qene qe shkume aplikacione kompjuteri jane bere te mundura dhe online, si psh.: Office Onlinewww.thinkfree.com - gOS eshte bazuar me shume ne zvogelimin e resurseve te kompjuterit nepemjet sistemi Linux dhe perdorimit te ketyre aplikacioneve online qe bazohen vetem tek koneksioni me Internetit.

(Përshëndetje pas një kohe të gjatë.

Administratorit: mund ta fshish llogarinë time, atë që i përket BB, ngaqë ka qenë e lidhur me një email timin Spymac të cilin nuk e hap dot më, për pasojë edhe marrja e fjalëkalimit të ri nuk funksionon. Pra nuk e përdor dot më atë llogari. Por të lutem kaloji, shoqëroja postime e BB-së emrit tim të ri të përdoruesit. Mund ta fshish këtë postim më pas. Falemnderit)   

Punimi i sistemeve operativë që funksionojnë online shtron pyetjen:

çfarë ndodh me të dhënat që krijoj unë gjatë shfrytëzimit të një sistemi operativ të tillë?

Ma do mendja që depozitimi dhe ruajtja e tyre bëhet në shërbyesat e atij që ofron shërbimin, Google-it në rastin tonë. Pyetja pasuese logjike: a dua unë vërtet që gjithçka që krijoj, faqet që shfletoj në Internet, mesazhet email, letrat e mia të dashurisë, projektet për një biznes të ri, pjesëmarrjen time në grupe antiqeveritare apo në bashkësi që kundërshtojnë një pushtet, një projekt, një fe a një ideologji të caktuar, etj, dikush në Google, apo dikush që paguan në Google, të mund t'i kontrollojë kur të dojë?

Dhe për raste specifike si ai i Shqipërisë, punimi vetëm në linjë ka problemet e veta.

Në vend të tij unë do të ktheja sytë ose në një variant Linux-i, ose në një zbatim webOS, i cili mund të instalohet lokalisht në një shërbyes rrjeti vendor dhe të mbulojë kështu nevojat e vendeve të punës që lidhen në këtë rrjet, të themi kompjuterat e një shkolle, ose të një organizmi. Duke qenë i mbështetur në një shërbim vendor ose më mirë në një shërbyes (server) vendor, kontrolli mbetet i kufizuar në duart e atij që kontrollon rrjetin.

Për më tepër shihni XAMPP, si zbatim shërbyesi web vendor, i cili mund të instalohet në kompjuterin e kujtdo, dhe eyeOS që është një shembull i sistemeve webOS.

Max,

meqë ne jemi larg njërit tjetrit, mundësia konkrete për të të ndihmuar të kapërcesh këtë pengesë psikologjike është zero. Por të ftoj të bësh një provë të thjeshtë:

të kërkosh LUG-un (Linux User Group) më të afërt karshi vendit ku banon.
të vihesh në lidhje me ta dhe tu kërkosh ndihmën konkrete që të nevojitet.

Mund të thuhet që nuk është kjo rruga për t'ia filluar për këdo. Por kur, për shumë arsye, nuk arrin një gjë vetë, ndihma është e domosdoshme. Kjo nuk ka të bëjë me natyrën e Linux-it. Po të njëjtën situatë do kishim për një që prek për herë të parë me dorë një kompjuter me Windows.

Edhe për rastet kur nevojitet pak kohë për të mësuar ca gjëra të domosdoshme në Linux, apo për t'ia përshtatur nevojave specifike të një përdoruesi të thjeshtë të dhënë, investimi në kohë është i vogël, minimal në krahasim me OS-e të tjerë, dhe ja vlen barra qeranë po të kihen parasysh përfitimet nga punimi me Linux.

Për një që dëgjon për herë të parë këtë diskutim, dhe që ka interes të provojë Linux-in, unë do të këshilloja një LiveCD. Kjo metodë lejon provën e një shpërndarjeje Linux pa prekur asgjë në sistemin OS aktual të kompjuterit. Më pas mund të ecet më tej hap pas hapi.

Nuk ma do mendja se i ke seriozisht këto që thua. Përndryshe jep një shembull krejtësisht të dëmshëm mënyre të menduari. Nuk ka asgjë falas në këtë botë, në kuptimin filozofik të fjalës, ndoshta me përjashtim të ajrit dhe forcës së rëndesës. Çdo gjë ka çmimin e vet. Sikur ti të ishe 100% i lumtur me OS-in që ke, nuk kishe për ta kthyer kokën te kjo temë.
Por kjo zgjidhje që kërkon për problemin tënd është e pamundur. Të ofrohet një OS falas, teknikisht shumë më i mirë se sa gjithçka tjetër e mundshme, me mundësi zgjedhje kaq të larmishme sa duket e pabesueshme, me një bashkësi të gatshme për të të ofruar zgjidhje për problemet që mund të kesh. Dhe ta hedhësh poshtë në çast, sepse nuk dëshiron të mësosh gjë të re?!

Nuk ka vend për të imagjinuar sepse është tashmë realitet. Linux dhe Firefox ndajnë të njëjtën filozofi. Më thuaj ti ku ndryshojnë.