Po pra... iken serbet, erdhen burazerat e tyre.

Lëvizja Vetëvendosje ka shumë të drejtë për protestat e saj dhe aktivitetet tjera. Qe shtatë vite ndërkombëtarët ua qajtën kokën shqiptarëve me "të drejta të njeriut", kurse vetë nuk e respektojnë të drejtën e shqiptarëve për vetëvendosje.
Kjo lëvizje i ka rrënjët në popull, lideri i saj është patrioti, i pakorruptueshmi Albin Kurti. Por lëvizja është e të gjithë qytetarëve.

A është momenti për lëvizje të tilla?

Nëpër mediat tona të cilat kryekëput i kontrollon UNMIK-u (kolonizatorët ndërkombëtarë), mund të shohësh çdo gjë përveq të vërtetës. Programet muzikore, humoristike, dokumentarët që u kushtohen kinse-prosperitetit ekonomik në Kosovë, largojnë vëmendjen e popullit nga problemet kryesore. Edhe me 10, 11, dhe 12 shkurt kur ishin protestat si dhe varrimet e dy dëshmorëve Mon Balaj dhe Arben Xheladini, muzika nuk ka pushuar në TV-të e Kosovës. E tërë kjo me urdhër të kolonizatorëve ndërkombëtarë, dhe me pajtim të politikanëve që thirren në emër të popullit. Pakoja e Ahtisarit e cila ka të bëjë me fatin e çdo shqiptari, nuk i është shfaqur popullit e t'i tregohet qartë se çfarë është dhe çfarë përmban. Paketa ka mbetur diçka e paarritshme për shumë qytetarë, e shumë prej tyre nuk e dinë se çka përmban ajo pako, por falë aktivitetit të lëvizjes "Vetëvendosje" populli po informohet çdo ditë e më shumë. Mediat kanë krijuar një situatë ku njerëzit mendojnë se çdo gjë është në rregull, me qëllim që populli të qetësohet dhe me metodën "qesh e ngjesh" në realitet Kosova po i kthehet sundimit serbo-fashist.

A është dëgjuar ndonjëherë vullneti i popullit?

Asnjëherë qe 8 vite sundim kolonial, nuk është dëgjuar vullneti i popullit. Sikur të ishte dëgjuar vullneti i popullit, ne do ta kishim mbajtur referendumin qysh në '99 menjëherë pas lufte. Por ndërkombëtarët premtuan se do të mbahej referendumi në 2002 dhe politikanët e pranuan këtë e pastaj e çarmatosën edhe UÇK-në, në mënyrë që kur të kthehet Serbia të gjejë të gatshëm therrorin e saj. Në vitin 2002 nuk u mbajt ndonjë referendum, e as në vitin 2003. Në 2004 trazirat e Marsit filluan e mbaruan si një gjenocid kundër shqiptarëve; serbët, të llastuarit e ndërkombëtarëve, ndoqën fëmijët tanë me qenë derisa i hodhën në lumin Ibër sepse këtë e lejonte UNMIK-u. Të nesërmen dhe të pasnesërmen kur populli protestonte, KFOR gjuante në njerëzit tanë pa asnjë dhimbtë. E tregoi se për çka kishte ardhur. Edhepse u vranë dhjetëra shqiptarë, prapë faji i trazirave iu hodh shqiptarëve dhe tash çmimi ishte shtyrja e pavarësisë. Ndërkombëtarët nuk donin të merrnin përgjegjësi për gjendjen që vetë e kishin krijuar, prandaj u hodhën fajin shqiptarëve. Këtë e bënin lehtë sepse klasa politike nuk ishte e interesuar që të kundërshtojë UNMIK-un e t'ia hidhte këtij fajin, sepse UNMIK-u ia lejonte kësaj klase politike lluksin dhe pasurimin në kurriz të popullit. Pastaj filluan përrallat mbi paketën e shumëfolur. Edhe kjo kur erdh u pa se ishte një tallje me gjakun e popullit tonë: statusi përfundimtar i Kosovës së pushtuar nga Serbia dhe nga ndërkombëtarët.

Përse lëvizja "Vetëvendosje!" nuk regjistrohet si parti politike?

Regjistrimi si parti politike bëhet në zyrat e UNMIK-ut famëkeq që po vret vëllezërit tanë. Regjistrimi si parti politike automatikisht nënkupton t'a pranosh pushtetin e UNMIK-ut në Kosovë. Kurse, lëvizja "Vetëvendosje!" ka dalë haptas kundër këtij regjimi shtypës dhe nuk e njeh si pushtet legal. Votat janë demokratike kur krijohet shteti i vërtetë, e ky krijohet me shprehjen e lirë të vullnetit të popullit, me vetëvendosje, me referendum. Votat janë demokratike atëherë kur nuk ekziston pushtet tjetër përveq atij të zgjedhur nga populli. Përderisa votat janë jo-demokratike dhe vetëm një mashtrim për t'u hedhur hi syve popullit tonë pjesëmarrja në zgjedhje në realitet është vetë-mashtrim: tërë pushtetin e ka UNMIK-u dhe ata që zgjedhen si "përfaqësues të votës së popullit" vetëm sa shërbejnë si dekor për diktaturën fashiste të UNMIK-ut.

Përse populli është i detyruar të merret me politikë?

Të paktën në shtetet e Europës politikanët janë me të vërtetë politikanë. Nuk lëshojnë pe kur janë në pyetje interesat madhore të shteteve të tyre. Ata e kryejnë me përgjegjësi të lartë punën e tyre dhe qytetarëve nuk u mbetet tjetër pos të mendojnë për punët e tyre të përditshme, për familjet dhe kënaqësitë e tyre. Ata mund t'i bëjnë hile çdo kujt tjetër përveq shtetit të vet.
Në Kosovë politikanët duket se kanë kryer shkollën e aktrimit. Ata më shumë janë aktorë se sa politikanë. Në "filmat" e tyre  mund të shohësh sharje, gënjeshtëra, shantazhe, e deri te grushtimet. "Filmi" u shfaqet popullit në TV, për t'u treguar se me rëndësi është lufta e tyre për karrika, e jo problemet e qytetarëve. Kur politikanët janë gjithçka tjetër përveq politikanë, populli është i detyruar të merret me politikë.

Përse shtyhet pavarësia?

Pavarësia nuk shtyhet për shkak të trazirave as për shkak të protestave. Nëse dikush thotë se pavarësia shtyhet pse populli doli në rrugë, ky është kërcënim i hapur kundër më shumë se dy milionë njerëzve. T'a kërcënosh një popull të tërë me humbje të pavarësisë me qëllim që t'a largosh nga protesta është tentim për të shkelur të drejtat e njeriut. Pavarësia u shty edhe në vitin 2002 kur ishte paraparë referendumi. E siç e dimë në vitin 2002 nuk ka pasur farë trazirash. Por pavarësia u shty. Aty nga fundi i 2005 të gjithë politikanët pohonin njëzëri se pavarësia do të vijë më 2006 më saktë në mes të 2006. E sot është 15 mars 2007 e ende nuk ka farë pavarësie. Pavarësia shtyhet sepse bashkë me këtë vazhdohet edhe jeta luksoze e politikanëve parazitorë dhe ndërkombëtarëve në kurriz të popullit tonë. Pavarësia po shtyhet përsëri me Pakon e Ahtisarit për të mos ardhur më kurrë. Dhe është fakt se nuk do të vijë sepse pavarësia nuk vijë nga shtete të tjera (nuk është mall importi), por duke e hedhur poshtëë këtë pako, pavarësia do të krijohet këtu në mesin e popullit, nga vetë populli. Me vetëvendosje.

Ju te dy e keni me vend, së pari pamvarsia e pastaje të drejtat e pakicave.
Ndërsa ata te huajt dojne qe te krijojne një shtete të ri te pakicave e pastaj nëse mbetet diçka do ua lejne shqiptarve.
E kjo qe mbetet, nuk ia vlene fare, as sa kushtetuta e 1974-tes.

Si duhet te veprojmi ne ,

Së pari pamvarsia përndryshe as ata nuk do të kenë te drejta fare mbi trojet tona te okupuara.

Nuk kemi ç'te humbim asgjë me shumë se sa atë autonomi, pra mos u frigohuni....

Përshëndetje te gjithëve forumista
Me vjen mirë shumë, për hapjen e kësaj teme ne këtë forumin tuaj, por po e shoh një tendence për te fajesuar Levizjen VETEVENDOSJE! ("jo nga msuneria, jo nga amerika"), veç diçka ju kisha thënë se me 1968 ne demonstratat e atehershme nëpër rrugët e Prishtinës edhte kërkuar VETEVENDOSJE! me parulla dhe me thirrje kurse ju mund ta merrni me mend se kush e kush ka mundur te merre pjesë ne atë kohe ne ato demonstrata kështu qe pyetni baballarat ose gjysherit dhe ju tregojnë për këtë me mirë. Edhe unë nuk mendoj se cilido levizje ose parti qe e përkrah vullnetin e popullit dhe punon për te, jo për tu thirrur ne vullnet se ashtu kemi sa të duash 30 parti e me shumë.
falemnderit
ditë te mbarë

Ne e dimë nga përvoja e hidhur se shtypësi kurrë nuk ta ndanë lirinë vullnetarisht.
Ajo duhet të kërkohet nga të shtypurit.
Martin Luther King, Jr.

Lavdi Deshmoreve te Kombit Arben Xheladini, Mon Balaj dhe te gjithë te tjerëve

Edhe njëherë u pergjak rruga e cila pati një histori te pafund te pergjakjeve nga okupatori serb e tash nga UNMIKU, me 10 shkurt 07, ne kohën ku e gjithë bota thirret ne demokraci dhe të drejtat e njeriut këtu ndodhi me e tmerrshmja, edhe Vrasesit enden te lirë por edhe u dekoruan ne vendin e tyre për vrasjen e shqiptareve njëjtë sikur serbet.
Drejt dhe deri ne VETEVENDOSJE!

U bënë dy vjet jetë të Lëvizjes VETËVENDOSJE!, lëvizjes së vullnetit të popullit drejt lirisë. E filluam më 10 qershor 2005, ditën kur programit politik të regjimit shtypës me numër 1244 automatikisht po i vazhdohej mandati edhe për një vit tjetër. Të gjitha proceset politike në vendin tonë janë po sikur rezoluta: vijnë nga lart, i imponohen popullit, askush nuk i pyet qytetarët e Kosovës për to. Kurse janë po këto projekte që e definojnë jetën e punëtorit, mësuesit e pensionistit, bujkut e biznesmenit. Populli i Kosovës prej vitit 1999 është shndërruar në objekt eksperimentimi e zbatimi projektesh për të cilat ai nuk mund të vendos fare. Por ashtu sikurqë populli i Kosovës gjithmonë nxori nga zemra mekanizmat e rezistencës kundër asaj që është e huaj për vullnetin e tij, njëjtë veproi edhe ndaj UNMIK-ut. Lëvizja VETËVENDOSJE! është këtu për ta mirorganizuar mobilizimin e popullit për vetëvendosje dhe referendum.