Rrallë më tërheqin bisedat boshe që bëhen nëpër studiot shqiptare, ku përgjithësisht qarkullojnë të njëjtat fytyra, të njëjtat tema dhe të njëjtat broçkulla.

“Opinioni” i te enjtes ishte ndryshe.

Kryeministri Berisha përballë katër “kolosëve” të editorializmit shqiptar (Rakipllari, Nazarko, Peza dhe Haxhia), në studion e mbushur më së shumti me përfaqësues nga UT-të private, nën moderimin e kujdesshëm dhe dashamirës së të zakonshmit Fevziu ( i zakonshëm katër herë në javë).

Analistët ishin kapardisur shtrëmbra-gëmbra në karriget e tyre luksoze, me gishta nëpër fytyrë, ngërdheshje nëpër fjalë, ndërprerje nëpër mendime dhe shtriqje të këmbëve, kokës, veshëve e diskutimeve bashkë. Gjestikulacioni yll!

Audienca ishte shumë më e qartë, më e informuar, më e drejtpërdrejtë dhe më e saktë në pyetjet që formuloi. Fevziu një herë në gjysmë ore kujtohej të bëhej i gjallë…kurse kryeministri dhe analistët përballë tij dhanë një shfaqje që nuk ka regjisor ta përsërisë.

Nazarko pyeste për ca ambasadorë, Haxhiu për një vlerësim universitetesh bërë në Kosovë, Rakipllari u kap me burimin e ca të dhënave shifrore, Peza flinte gjumë; kurse kryeministri e pati një përgjigje gati për të gjitha pyetjet fodulle, të çakorduara, të pamenduara, të pa-strukturuara që vinin nga “kolosët” e gazetarisë përpara tij.

Ne shume momente, kryeministri vuri pikat mbi “i”. 1.- Më e lehtë është të gjesh një eskimez në fshatrat shqiptare, sesa një gazetar.2.- Unë kam kohë t’i lexoj mesazhet në celularin tim, se e kam ditën të gjatë. Dhe dita ime nuk harxhohet në kafene si e jotja, mor zotëri.3.- Vajza ime është përzier me kompani që marrin pjesë në tendera? Më emërtoni një!4.- Po humba zgjedhjet, fajin e ka vetëm një njeri; Sali Berisha. Por humbja e tij është e largët :D5.- A takohem me Fatos Nanon?…Ku është ai?!

Nga të gjashtë njerëzit në panel, Sali Berisha ishte ai që e analizoi me kujdes dhe e mbajti situatën nën kontroll. Romuzet dhe të qeshurat gjoja ironike të “analistëve” të pranishëm vetëm sa nxorën në pah interesin dhe familjaritetin e madh që kishte kryeministri për çdo pyetje që i bëhej. Veçanërisht në krahasim me fodullëkun, boshësinë, mungesën e informacionit  dhe pa-përgatitjen e analistëve që kishte përballë, Sali Berisha ia doli shumë mirë mbanë ta përqendronte gjithë emisionin tek fjala e tij.

Sa të jetë përballë një fodullëku e amatorizmi të tillë egoist, kryeministri duket me të vërtetë fatlum në parashikimin e tij për një humbje të largët. Vërtet të largët.

http://www.peshkupauje.com/analistet-v-analizuesit/2008/10/04/

  Po marr vetem kete paragraf per te filluar mendimin tim.

  Eshte me te vertete i goditur ky perfundim! "Cdo popull eshte i denje per qeverine qe zgjedh" (Dicka e tille me duket se ka thene Curcilli) E pra, me te tille "opinion publik" c'te presesh tjeter?

   Nga ana tjeter, si mendoni ju? Do te lejonte Berisha t'i benin pyetje, per te cilat nuk do te ishte pergatitur qe me pare?