PLANI B OSE BASHKIMI I KOSOVËS ME SHQIPËRIN     
Shkruar nga Koço DANAJ     
Saturday, 23 June 2007 
 
Duket se zhvillimi i ngjarjeve të fundit rreth dhe për Kosovën dhe statusin e saj, duket se deklarimet e aleatëve më të ngushtë të saj, SHBA dhe Angli apo kundërdeklarimet e Rusisë dhe disa vendeve europiane, po çojnë pashmangshmërisht kalimin në një stad të ri. Tashmë për këdo që njeh sadopak politikën dhe zhvillimet rajonale, është e qartë se Plani Ahtisari është i tejkaluar. Dhe Pakoja e Ahtisarit është konsideruar si Plani A.

Ai është i tejkaluar nga të gjithë, nga ata që e pranonin dikur dhe nga ata që e kundërshtonin dikur. Shikoni me kujdes : Ata që e mbështesnin dikur tashmë ju thonë politikanëve shqiptarë se duhet edhe 4 muaj kohë. Çfarë jane këto katër muaj? Zyrtarisht thuhet se janë kohë për të bindur Rusinë. Por realisht duket se është kohë që SHBA dhe miqtë e tjerë të shqiptarëve duan për të kaluar në Planin B.

Cili është Plani B?

Plani B duket se është bashkim i Kosovës me Shqipërinë. Për të gjithë të habiturit e mëposhtëm po bëjmë një arsyetim të thjeshtë.
Ja arsyetimi:
E para : As rusët, as serbët dhe as lobi serb në Europë nuk u pajtua me Planin A që në thelb ishte lëshim kolosal i shqiptarëve ndaj serbëve. Pse nuk u pajtuan? Duket se serbët duan të marrin Kosovën Veriore dhe pas saj Republikën Sërpska. Dhe për të arritur këtë ata me anë të rusëve, nuk do të lejojnë kalimin e Planit A ose Ahtisari ose Pavarësi e coptuar.
Nga ana tjetër duket se SHBA nuk ka ndërmend të lëshoje pe lidhur me të ardhmen e Kosovës. Nënteksti i deklarimit të hapur dhe të prerë të presidentit Bush në Tiranë lidhur me Kosovën dhe rolin e Shqipërisë në statusin e saj, ishte i kuptueshëm dhe i paraprin hartimit të Planit B.
Prandaj Tirana dhe Prishtina duhet të hedhin në Tavolinën Politike, Planin B që do të thotë bashkimin e Kosovës me Shqipërinë. Tirana e ka më të lehtë, është në fazën e zgjedhjes së presidentit të Shqipërisë. Dhe është rasti më i mirë për të mos zgjedhur as filorus dhe as filoserb, por thjesht një shqiptar në krye të shtetit.
E dyta ka të bëjë me faktin se ideja e bashkimit të Kosovës me Shqipërinë është pjesë e tezës universale mbi vetvendosjen. Pra nuk kemi të bëjmë me shkelje apo herezi, por thjesht me demokraci. Për kujtesë na duhet të pohojmë se shtetet nacionale janë shumë herë më efikase për zbatimin e demokracisë se sa shtetet multinacionale apo ato artificiale.
Dhe e fundit : Ndryshimi i kufijve artificiale midis shteteve është i papranueshëm me dhunë, por është i pranueshëm kur dhuna përjashtohet.
 


Mendimet dhe komentet e juaja jan me se te nevojshme ,ne nej koh te pa koh,ne nej jet te pa barabart me njerz vetem ne jemi ata qe na sundojn ligjet e huja kurse te tjeret i sundojn kafshet, apo kafshet neve.

Askush nuk mund te pranoje një ndryshim kufijsh ne Ballkan dhe një bashkim te dy shteteve.

Si e pranuan bashkimin e gjermaneve?

Ne qofse gjermonit i ka bashkuar Helmut kol ather besoj se
edhe shqiptart do ti bashkoj Aksh-Fbksh - Gafurr adili

Sirion , ne Populli shqiptar sod e kemi kohen ta perkrahemi Unitetin ,bashkimin e te gjitha forcave shqiptar ne gjith trollinn Shqiptar si e vetmja menyrè e Shpetimit nga ndarja e politikanve ton anti shqiptar.

Mos po te dhimben greket ty qy

Me duket e pamundur, shkaqet i ka permendur Sirio me siper. Amerika nuk eshte aq budalle sa te beje nje gje te tille, dhe Rusia nuk eshte aq e dobet sa te mos kunderveproj. Edhe pse jemi drejt globalizimit te politikave boterore realizmi dhe ekuilibri i fuqivi ende qendrojne. euforizma te tilla patriotike patjeter qe i kemi te gjithe dhe te gjithe do ta donim nje gje te tille, por realiteti eshte ndryshe.

sorry Arbias, po asgje nuk te kuptova.

Dmth: mua nuk me dhimbset askush, dhe nuk ka pse te me dhimbset. As greket, as serbet, as amerikanet, dhe nuk kane pse me dhimbsen pasi nuk me interesojne ne kuptimin e dhimbjes. Ajo qe me intereson eshte trajtimi realist i nje teze sic eshte ajo e bashkimit te Kosoves me Shqiperine dhe per kete arsye kam paraqitur mendimet e mia te logjikuara. Ju ftoj te beni te njejten gje, larg pasioneve romantike qe jane te bukura per letersine por fatkeqesisht jo per politiken reale.