jë ndër filmat më të shikuar në botë gjatë vitit që sapo lamë pas është shënuar "Pirates of the Caribbean 2: Dead Man's Chest", i cili kap shifrën e 423 milionë biletave të shitura në kinematë amerikane dhe mbi 1 miliard dollarë nga shitjet botërore. Ndonëse "Piratët e Karaibeve" mund të ketë fituar çmimin e filmit të vitit, padyshim nuk ishte ai që solli më shumë debate dhe replika. "Borati" ishte një tjetër film që i bëri admiruesit e tij të qeshin dhe në të njëjtën kohë zemëroi gjithë Kazakistanin. Zyrtarët kazakë u nervozuan me komedianin anglez Sascha Cohen, i cili e portretizon Boratin kazak si antisemit, seksist dhe të paskrupullt. Filmi grumbulloi 116 milionë dollarë. Aktori më i mirë i vitit u shpall Philip Seymour Hoffman për rolin e tij në "Capote". Reese Witherspoon fitoi Oskarin si aktorja më e mirë për rolin në "Walk the Line".