Njëra nga surprizat e filmit të fundit të regjizorit Spike Lee është edhe një protagonist krejt i papritur. As më pak as më shumë por ish diktatori Enver Hoxha bëhet personazhi i vetëm real në filmin e ri INSIDE MAN, që nisi shfaqjet më 24 Mars 2006 në kinematë amerikane. Filmi, që u prit pozitivisht nga kritika më e rreptë, përshkruan ngjarjet që ndodhin gjatë një bastisjeje të një banke në Manhattan.

Hajdutët, jashtëzakonisht të sofistikuar kanë menduar për të gjitha. Ndër të tjera ata janë përgatitur që në mikrofonët përgjues brenda bankës të luajnë një fjalim origjinal të Enver Hoxhës të rrëmuar nga arkiva të vjetra.

E ndërsa policët njujorkezë harxhojnë kohë për të zbuluar se gjuha që dëgjohet nga përgjimi është shqip dhe se ai që flet është një ish udhëheqës tashmë i vdekur, vjedhësit kanë përfituar kohën që u nevojiej për të zbatuar planin e tyre.

Clive Owen, Jodie Foster, Denzel Washingon, Williem DaFoe, Christopher Plummer, Regjia Spike Lee, INSIDE MAN, 2006.

Blendi Salaj - Peshkupauje.com

edhe ajo femra qe u tregoj se gjuha ishte shqiptare, ajo vet nuk ishte shqiptare. thjesht luajti rolin si femer shqiptare.

Kete filmin e pashe ne avion rruges per ne ishujt e virgjera Ngaqe isha pak pergjumesh nuk e mora vesh mire fundin, po me pelqeu fakti qe Spike Lee kishte aq informacion per te kaluaren e Shqiperise. Nga ana tjeter, kaq veshtire ishte te gjesh nje femer shqiptare ne NYC per te luajtur rolin e shqiptares ?