Nora Istrefi dhe Blero gjobiten nga Policia

Nora Istrefi dhe Blero janë gjobitur nga policia vetëm para pak ditësh duke shkelur rregullat e qarkullimit rrugor. Nëse Nora ka tentuar të evitojë procedurat e gjata duke shlyer menjëherë gjobën pasi ka kontaktuar me drejtues të lartë të policisë ende nuk dihet se ç’është bërë më Bleron. Kështu Nora ka evituar menjëherë bllokimin e makinës nga policia, duke e harruar këtë ngjarje aspak të këndshme për të.

Miriam Cani dhe Alban Skenderaj se shpejti me një kenge

Vetëm para disa kohësh Alban Skenderaj dhe Miriam Cani janë  bërë subjekt i medias rozë për një hamendësim lidhjeje midis tyre. Vera e kaluar të një viti më parë ata janë parë duke kaluar pushimet në plazhin e Dhërmisë. Megjithatë ata vijnë sërish përballë publikut duke gjysmë deklaruar një lidhje të mundshme mes tyre, edhe pse shpesh herë përpiqen ta fshehin, është parë sërish që Albani është larguar për në Gjermani, atje ku Miriami jeton prej disa vitesh, për të qenë më pranë saj dhe për të realizuar një projekt muzikor që do e startojnë së bashku.

Elsa Lila

Në 28 prill këngëtarja Elsa Lila do të jetë protagonistja kryesore në premierën e musicalit, një sfidë e madhe për këngëtaren që shfaqet pas prezantimit në festivalin e fundvitit në një formë të re estetike. Moulin Rouge do të jetë në shqip, ku Elsa ka bërë një punë titanike në përkthimin e gjithë teksteve të këngëve të këtij spektakli, i cili që do të jetë një dallim nga musical të tjerë jo vetëm me këngë por edhe me aktrim. Skena përpara pallatit të kulturës do të përshkohet nga një mulli i kuq në lëvizje. Elsa do të aktrojë edhe rolin e Satinës kurtizanes së klasit të lartë që këndon dhe kërcen.

Eliza Hoxha

Këngëtarja e njohur Eliza Hoxha shumë shpejt do të lançojë në tregun muzikor një përmbledhje me këngë të rrymave dance dhe pop. Këngëtarja pasi ka mbaruar suksesshëm specializimin për degën e arkitekturës, për të cilën edhe ka studiuar, shprehet se rikthimi në këngë e bën atë të ndihet mjaft mirë edhe pse muzika dhe profesioni që ajo ushtron janë dy fusha krejt të ndryshme.

Revista Shqip

Ermal Fejzullahu duet me Elvana Gjaten



Këngëtari Ermal Fejzullahu, ashtu siç kanë paralajmëruar edhe kolegët e tij, pritet që të hedhë në tregun muzikor albumin e tij më të ri, të shoqëruar edhe me një videoklip, i cili do të realizohet në Maqedoni. Por miq të afër konfirmojnë se surpriza e këtij albumi pritet të jetë një bashkëpunim, i cili nuk ka pikë dyshimi që do të jetë mjaft i rëndësishëm, pikërisht një duet me këngëtaren enjohur shqiptare Elvana Gjata, me të cilën u përfol para dy muajsh, se ata do të prezantoheshin me këtë këngë edhe në edicionin e fundit të “Top Fest”. Albumi pritet që të hidhet në treg gjatë muajit korrik, atëherë, madje pritet edhe një turne i Ermalit në vendet bregdetare

Fotografi nga Ermal Fejzullahu 

Ermal Fejzullahu, blen një vilë 300 mijë euro



Tani që edhe kanë nisur të dëgjohen të parat thashetheme për një lidhje dashurore, Ermal Fejzullahu ka vendosur që të jetojë i pavarur. Miq të tij të afërt kanë konfirmuar se nga kursimet e tij, të mbledhura nga koncertet, ai ka blerë një shtëpi të re, në zonën më të pasur të Prishtinës. Por kjo nuk është aspak për t’u marrë në konsideratë, pasi vlera e shtëpisë është marramendëse. Plot 300 mijë euro për një apartament që duket se është edhe shtëpia e ëndrrave të Ermalit, për të jetuar i pavarur dhe larg familjes së tij, e cila deri më tash është kujdesur kaq shumë për Ermalin.Shtëpia e re e Ermalit ndodhet në fshatin Ndërkombëtar në Prishtinë, i cili po ndërtohet në Veternik, një zonë ku prej kohësh kanë prenotuar banesat e tyre, disa nga njerëzit më të pasur të Kosovës. Shtëpia është një vilë e vërtetë, por duke iu referuar çmimit, nuk ka pikë dyshimi që për blerjen e pronës së re të Ermalit ka kontribuar edhe i ati, këngëtari Sabri Fejzullahu. Blerja e shtëpisë vjen menjëherë pas xhirimeve të fundit për videoklipin e tij më të ri, i cili u realizua në Maqedoni dhe pritet që të shfaqet këto ditë fillimisht në televizionet kosovare dhe më pas në Shqipëri. Miqtë e tij të afërt konfirmojnë se këto të ardhura kanë ardhur nga një pjesë e fitimeve që ka siguruar nga shitja e këngës dhe klipit të tij të fundit. Pas suksesit të albumit të vitit të shkuar i cili solli të ardhura të mjaftueshme për këngëtarin, ky i fundit duket se këtë verë ka vendosur që të menaxhojë veten akoma më mirë, duke shitur të drejtat e këngës së re, me shifra disa herë më të larta se këngët e mëparshme. Vetëm para pak ditëshErmali u përfol në shtypin rozë për një histori të re dashurie mes tij dhe një vajzë bukuroshe nga Prishtina, e cila quhet Adriana. Ndoshta me blerjen e shtëpisë së re, Ermali ka vendosur të realizojë atë që gjithmonë e ka thënë nëpër intervista, që sapo të njohë vajzën e jetës, do e prezantojë me familjen dhe do fejohet menjëherë.

Nora Istrefi, pushime në Ohër



Zhvendosja e radhës e Nora Istrefit në Maqedoni, ka zgjatur pak më shumë jo vetëm për arsyet e videoklipit të saj të ri, por edhe për pak ditë pushime. Ajo gjendet në Ohër të Maqedonisë me të fejuarin e saj prej disa ditësh, ndërkohë që ka lënë në pauzë realizimin e videoklipit, i cili është duke u realizuar nga një prej regjisorëve më të mirë serbë. Këngëtarja pritet që të hedhë në tregun muzikor klipin e saj më të ri, ndërkohë që në vjeshtë, ka planifikuar që të lançojë edhe albumin e saj të ri, i cili vjen dy vjet pas albumit “Opium”, i cili u prit mjaft mirë nga publiku. Ajo zyrtarizoi në maj lidhjen e saj dashurore prej më shumë se dy vjetësh me Robertin, një artist i njohur nga Kosova.

Genta Ismaili, bezdiset nga fansat



Këngëtarja Genta Ismaili është kthyer në Kosovë pasi ka mbajtur një turne të gjatë koncertesh në Amerikë.Bukuroshja ka qenë e pranishme në sfilatën “Dita e Modës së Prishtinës”, e cila u mbajt në kryeqytet. Por ajo nuk është ndier aspak rehat nga fansat e saj, të cilët i kanë kërkuar gjatë gjithë kohës autografe dhe dëshironin të bënin foto me të. Kjo e ka detyruar këngëtaren që të lërë gjithçka në mes dhe të largohet, pas një ore qëndrimi në evenimentin më të rëndësishëm të modës kosovare. Flitet se gjatë qëndrimit në Amerikë ajo ka lidhur edhe kontratë me MTV për një këngë, që do ta publikojë së afërmi në gjuhën angleze.

Gazeta Panorama

Getoari feston ditëlindjen live në TV

Mes shumë kritikash, të cilat kanë ardhur fill pas publikimit të albumit të tij të fundit, Getoar Selimi, ka gjetur pak kohë që të festojë ditëlindjen e tij, pikërisht 26-vjetorin. Ai ka festuar 26-vjetorin e tij në një nga lokalet e kryeqytetit të Kosovës, mes një rrethi të ngushtë miqsh dhe larg vëmendjes së medias, madje mes tyre nuk ka munguar as e dashura e tij Hana, vajza e njohur e ekranit të televizionit RTK. Por surprizat për Getoarin nuk kanë mbaruar me kaq. Një tjetër surprizë që i është bërë Getit ka qenë live teksa ishte ftuar të merrte pjesë në një emision televiziv, ku drejtuesi i solli në studio një tortë me qirinj, të cilën reperi i njohur e fiku publikisht, por nuk tha me zë të lartë dëshirën e tij. Ndërkohë që kënga dhe videoklipi "Pika për vesh", i sapopublikuar i grupit "Tingulli 3nt", ka pasur shumë polemika, sidomos një prej grupeve rivale që quhet "TBA".

Çiljeta & Ingriti "Puci-puci" në Kosovë

Tani që të gjithë e mësuan të vërtetën e "përleshjes" në ring
mes Ingridit dhe Çiljetës, të dyja vajzat superseksi kanë preferuar që të ndajnë së bashku edhe frytet e suksesit të tyre. Pas koncerteve në Tiranë, ato do të zhvendosen drejt Kosovës, ku i presin disa ditë të zjarrta "grushtimesh", këtë herë në skenë. Arsyeja që vajzat janë ftuar në Kosovë, nuk ka pikë dyshimi që është suksesi i tyre i fundit me këngën "Puç-puçi", me të cilën pritet që të "djegin" një nga sallat më prestigjioze të koncerteve në Kosovë me qindra të ftuar, të cilët po presin me ankth udhëtimin e dy bukurosheve drejt Prishtinës. Nga burime tejet konfidenciale, mësuam se të dyja artistet do të marrin plot 1 500 euro secila për çdo koncert, një shumë kjo e cila nuk është as më pak, as më shumë veçse fryti i bashkëpunimit të tyre të fundit. Më pas pritet që të dyja vajzat të kenë të prenotuar një udhëtim akoma më të paguar drejt një skenë shqiptare në SHBA.

Nora Istrefi, fsheh të fejuarin nga xhelozia

Edhe pse ka promovuar videoklipin e saj të ri pak ditë më parë, Nora Istrefi nuk ka dashur që të shfaqet përkrah të fejuarit të saj Robert Berisha. Klipi i saj i ri duket se ka konfirmuar faktin
se këngëtarja pas fejesës po përjeton një "botë tjetër". Madje, kështu e ka titulluar edhe videoklipin e saj më të fundit këngëtarja sharmante nga Kosova, e cila është kthyer pas gati një viti në tregun muzikor, me imazhe plot adrenalinë dhe me ritme të stinës. Këngëtarja, ka vazhduar të mbetet enigmatike për jetën e saj private, madje aq sa shumica kanë dyshuar se gjithçka mes tyre mund të ketë mbaruar. E ftuar në një nga emisionet e mëngjesit, Nora ka evituar të gjitha pyetjet rreth fejesës së saj, madje nuk ka preferuar që ky argument të jetë pjesë e bisedës.Ka qenë mjaft i çuditshëm fakti që, Nora nuk ka folur
fare për të fejuarin e saj, por ka përmendur gjatë intervistës
emrin e një reperi amerikan, çka edhe ka ngritur shumë dyshime mbi lidhjen e saj dashurore me Robert Berishën, me të cilin u fejua zyrtarisht, plot 3 muaj më parë. Megjithatë, një gjë vijon të mbajë gjallë faktin se lidhja mesa tyre funksionon, pasi Nora ka falënderuar Sinan Vllasaliun, me të cilin ka realizuar një duet, që njëkohësisht është mik i ngushtë i të fejuarit të saj.
FEJESA SEKRETE
Edhe pse ka qenë momenti kur duhej të ishte shfaqur përkrah të fejuarit të saj zyrtar, këngëtarja Nora Istrefi, përsëri nuk ka preferuar që të flasë për jetën e saj private. Madje, ajo ka preferuar që të shfaqet në publik e vetme. Nora u fejua me Robert
Berishën në muajin maj dhe para ceremonisë gjithë lidhja e tyre ka qenë tejet sekrete dhe e distancuar nga media. Edhe pse mediat kanë këmbëngulur që ajo të rrëfejë më shumë për jetën e saj private, ajo ka theksuar se "në marrëdhëniet me gazetarët
parapëlqen të flasë vetëm për punën e saj, por nuk do t'u përgjigjet asnjë pyetje tjetër, që ka të bëjë me jetën private". Në këtë mënyrë këngëtarja ka theksuar se nuk dëshiron që çështjet e saj private të bëhen pjesë e thashethemeve mediatike. Por duket se këtë ultimatum, këngëtarja e ka dhënë edhe kur ishte e ftuar në një emision mjaft popullor në Prishtinë, duke i ka kërkuar moderatorit, se në rast se do ta pyeste për jetën private do të largohej nga studioja. Nga informacionet e publikuara tashmë në media, i fejuari i Norës, quhet Robert Berisha, një instrumentist i talentuar dhe një nga bashkëpunëtorët e ngushtë të këngëtarit Sinan Vllasaliu. Çifti është fejuar zyrtarisht në një lokal në periferi të Prishtinës më 22 maj, por që prej mëse 3 muajsh, ata nuk kanë dhënë ende asnjë detaj të ceremonisë së tyre private.
VIDEOKLIPI
Videoklipi i ri është realizuar me shumë mjeshtëri në Maqedoni, ndërsa muzika dhe orkestrimi i këngës ka për autor Enis Preshevën. Premierë e këngës dhe videoklipit u shfaq fillimisht
në televizionet kryesore të Kosovës dhe më pas u paraqit edhe në Tiranë.Ndërkohë, këngëtarja ka deklaruar se shumë shpejt do të përfundojë albumin e saj më të ri, i cili do të dalë në treg me emrin e vet këngëtares, pra do të titullohet "Nora". Vetëm dy vjet më parë këngëtarja hodhi në treg albumin e saj të parë me titull "Opium", i cili pati një sukses të paparashikueshëm në atë periudhë, ndoshta edhe për faktin se asokohe, emri i këngëtares u lakua shumë për ndarjen, që ajo pati me liderin e grupit "Tingulli 3nt". Por duket se këtë herë, ajo po synon që të sjellë diçka krejt ndryshe, edhe pse ajo që po përflitet më shumë është fakti se, këngëtarja po përpiqet që të evitojë kontaktet me median për fejesën e saj, ndërsa nuk kanë reshtur kritikat rreth muzikës që ajo lëvron, e cila ka ngjyrime të dukshme orientale.

Elvana Gjata përgatit një këngë në anglisht



Edhe pse kanë kaluar fare pak ditë që kur ka lançuar këngën e saj më të re, pritet që Elvana të materializojë një tjetër projekt, i cili synon tregun ndërkombëtar muzikor.Bëhet fjalë për një këngë të re në anglisht, të cilën Elvana është duke e punuar dhe synon që të prezantohet edhe në ekranet më prestigjioze muzikore."Po punohet për një këngë në anglisht, që do të jetë në albumin e ardhshëm, kaq mund të them për momentin", ka thënë këngëtarja, duke mbajtur surprizë gjithë projektin e saj. Ndërkohë, ajo ka mohuar të gjitha zërat se mes saj dhe Ermal Fejzullahut do të ketë një duet të mundshëm, madje ka theksuar se gjëja e fundit që ka dëgjuar për të ishte se po flitej se ishte i dashuruar seriozisht me një vajzë, por nuk e di nëse lajmi është i vërtetë.

Hera e dytë e Mirsa Kërçelit



Këngëtarja Mirsa Kërçeli, ka promovuar ditët e fundit një album krejt ndryshe si dhe dy videoklipe të reja. Janë plot 12 këngë, kryesisht të stilit R'n'B, disa këngëve ritmike, por në album është e përfshirë edhe një baladë. Mirsa ka pohuar se i ka qëndruar besnike stilit të saj, duke mos specifikuar që të ketë ndonjë ndryshim apo ndonjë surprizë për fansat e saj. Pjesa më e madhe e këngëve janë krijime të reperit, Genc Prelvukaj, ndërkohë Kërçeli do të udhëtojë për në Ulqin pas disa ditësh, ku do të mbajë disa koncerte gjatë stinës së verës. Këngëtarja është zbuluar si talent në spektaklin "Ethet e së premtes mbrëma", dhe u bë shumë e dashur për publikun, sidomos për të rinjtë, kjo falë hireve të saj, por edhe muzikës të veçantë që bën.

Gazeta Panorama

Tuna nxjerr “inatin” e Eurovizionit



Pas sezonit të trishtë që kaloi, duke mos u kualifikuar për në Eurovizion, Altuna Sejdiu, ka lënë pas gjithë mëritë dhe ka realizuar videoklipin e këngës, me të cilën nuk fitoi dot përballë Adrijan Gaxhës.Madje, si për të treguar se ka hedhur gjithçka pas, ajo ka përshtatur në gjuhën shqipe këngën, që titullohet “Inati”, për të treguar se përpos përplasjeve dhe pakënaqësive që pati nga skualifikimi sipas saj i qëllimshëm, nxjerr inatin për qejfin e vet dhe fansat e saj. Videoklipi mban firmën e disa bashkëpunëtorëve më të mirë, mes të cilëve regjisori serb Dejan Milicevic, ndërsa teksti i këngës ka si autore Aida Barakun. Skualifikimi i Tunës në festivalin maqedonas, pati shumë debate, kjo për shkakun se gjatë interpretimit të saj pati disa defekte në foni, çka u mendua se e gjithë situata ishte e stisur dhe dashakeqe ndaj këngëtares, me qëllim që mos shkonte në Eurovizion. Përpos hatërmbetjeve dhe deklaratave, ajo heshti, për të treguar se sfida nuk ishte mes tre shqiptarëve Big Mamës, Adrian Gaxhës dhe saj, por mes 15 artistëve të tjerë maqedonas. Dhe vërtet për të nxjerrë inatin e saj, këngëtarja premton se pas një muaji do të promovojë një tjetër këngë të re, paralelisht me faqen e saj zyrtare, ku premton se do tëofrojë shumë informacione për karrierën e saj dhe axhendën koncertore.
DASHURIA
Në fillim ka rrëfyer se babai i të dashurit të saj gatuan enkas
për të dhe më pas kur historia e saj intime kishte qenë në kulm,
Tuna pranoi të deklaronte se djaloshi që dashuronte, ishte Ledri, lideri i grupit “Skillz”.Çifti ka bërë publike lidhjen e tyre jo vetëm për të treguar se nuk mund të fshinin gjë, por edhe për arsyen se ata bashkëpunuan në një këngë, ku Tuna ndihej vërtet si e zonja e shtëpisë. Por nuk zgjati shumë dhe kur historia u bë aq publike sa të gjithë drejtuan sytë drejt tyre, dolën thashetheme se mes Ledrit dhe Tunës, kishte filluar kriza e parë. Nëse do të ishte vërtet kështu, Tuna e para nuk do të kishte dashur që të përgjigjej, për të rrëfyer se asgjë çka shkruhej nuk ishte e vërtetë, madje ata kishin planifikuar gjatë verës edhe disa pushime të nxehta në Karaibe. Përveç muzikës, Tuna vijon aktualisht edhe studimet e larta. “Në planin privat doja të thosha se para pak kohësh mbarova vitin shkollor dhe u transferova në Selanik, ku do t’i ndjek studimet për vitin e fundit. Do të jem tre ditë në javë atje dhe ditët tjera duke udhëtuar më shumë në Shkup dhe Prishtinë”, ka thënë këngëtarja, ndërkohë që në planet e saj nuk janë përjashtuar asnjëherë koncertet.

Jehona Sopi vjen me “Marramendje”



Jehona Sopi pritet që të lançojë këto ditë singëllin e saj më të ri “Marramendja”.Vargjet e këngës janë shkruar nga Aida Baraku, ndërsa muzika me orkestrim të Darko Dimitrov. Kënga ka për temë
dashurinë, është ritmike dhe i takon stilit pop, ka bërë të ditur këngëtarja. Ajo ka thënë të ndihet e kënaqur për këtë rikthim,
prandaj dhe e cilëson atë një hap përpara në karrierën e saj. Videoklipi i këngës është xhiruar në Shkup dhe pritet që të ketë imazhe tejet profesionale.Jehona ka bërë të ditur se për fansat e
saj do të jetë e pranishme në koncerte të ndryshme në të gjitha plazhet, ndërsa në fund të këtij muaji do të udhëtojë me pushime, ende nuk e ka vendosur ku, por do ta vendosë në momentin e fundit.

Arta Bajrami provokon me imazhe seksi



Nuk mund të vinte kurrësesi ndryshe, edhe këtë herë këngëtarja Arta
Bajrami. Ajo ka pushtuar qytetin e Prishtinës me postera gjigantë që promovojnë më shumë hiret, sesa videoklipin dhe singëllin e saj më të ri. Promovimi i këtij klipi pritet të bëhet se shpejti dhe sipas një burimi, ajo pritet që këtë ta bëjë jo vetëm në
Prishtinë, por edhe nëpër qytetet e ndryshme të Kosovës, duke filluar kështu një turne në të gjitha trevat ku flitet shqip. Këngëtarja sjell sërish imazhe shumë provokuese me trupin e saj, ndoshta më shumë për të treguar se nuk zhvishet për arsye të stinës, por sepse kështu e ka zakon, pasi media e ka komentuar
gjithmonë se zhvishet së tepërmi. Në videoklipin e fundit Bajrami
ka pasur shumë komente për pozat pothuajse erotike në një shtrat, ndaj të cilave këngëtarja reagoi duke thënë se, nuk e fsheh bukurinë e saj, për asnjë arsye, qoftë edhe ndaj kritikave.

Gazeta Panorama

Meda martohet në gusht
Shumë pak kohë na ndajnë nga martesa e këngëtarit më të njohur të muzikës tallava në Kosovë, Meda.

Sipas një familjarit të tij, Meda do të martohet në gusht, në qendër të Prishtinës, në hotelin Grand, mirëpo për shkak të kërkesës së këtij familjari, telegrafi.com nuk do të bëjë të ditur datën e martesës së këngëtarit.

Mësohet se në dasmën e këngëtarit do të marrin pjesë pothuajse e tërë estrada kosovare, me përjashtim të atyre këngëtarëve që ia kanë inati Medës, kurse muzikën dhe atmosferën do të mbaj Afrim Muçiqi.

Meda i cili me këngët e tij ka famë vetëm në vendet rurale të Kosovës dhe në diasporë, ku muzika tallava është shumë e zhvilluar, flitet se fiton deri në 300.000 euro në vit, por asnjë para prej këtij tatimi ai nuk i investon në buxhetin e Kosovës.

Por, njihet si humanitar pasi që i ka ndërtuar tri shtëpi familjeve të dëshmorëve nëpër Kosovë.