Bombe fare ishtee

Tek për tek me Barby Silikon     
   
Ingriti, është më e vogla ndër tri motrat e saj. Të trejave jo krejt rastësisht i fillon emri me “I” – Ilda ia ka vënë emrin Inisit dhe Inisi ia ka vënë emrin Ingritit. E mbani mend këngën: “Ne jemi dy motra”? Gati-gati çdo gjë di Inisi për të dhe anasjellas. Dhe pikërisht motra më e vogël, Ingrit Gjoni, është femra në rolin e modeles së muajit shtator në revistën ONE Ingriti, është më e vogla ndër tri motrat e saj. Të trejave jo krejt rastësisht i fillon emri me “I” – Ilda ia ka vënë emrin Inisit dhe Inisi ia ka vënë emrin Ingritit. E mbani mend këngën: “Ne jemi dy motra”? Gati-gati çdo gjë di Inisi për të dhe anasjellas. Dhe pikërisht motra më e vogël, Ingrit Gjoni, është femra në rolin e modeles së muajit shtator në revistën ONE. Në vitin 2002 ajo u cilësua si femra më e suksesshme e kopertinave, por ajo është edhe një nga fotomodelet e para në Shqipëri. Të shikojmë se çdo të ndodhë këtë muaj me revistën ONE, vetëm pak kohë pas daljes së këngës “Barbi Silikon”?! Duket krejt e qetë për set-in foto, ndërsa kjo ndodh pikërisht pas një periudhe ndarjeje, lidhje e cila zgjati për vite të tëra me ish të dashurin e saj. Ka rënë 5 kilogramë falë vrapit që bën çdo ditë. Ndihet thjesht në formë për gjithçka dhe ka vendosur pikat mbi “I”... Nga Edmond Prifti Ingrit Gjoni Set-i fotografik: Venue Park Veshja e përdorur: Rezarta Skifteri Vendlindja: Tiranë Datëlindja: 24/12/1982 Shenja e horoskopit: Bricjapi Gjatësia: 1.70 cm Pesha: 58 kg Ambiciet: Aktrimi Vlerëson…Karakterin e saj të fortë Nuk i pëlqejnë: Llafet Një gjë që do ta ndryshojë nesër: Makinën Gjëja më e papritur që ka bërë ndonjëherë: Shumë gjëra…por do t’i ngelet hatri çmendurive të tjera në qoftë se them një prej tyre Filmi që e ka terrorizuar më shumë: Kodrat që kanë sy Si i vëzhgon femrat e tjera: Në qoftë se kanë një pikë feminitet dhe nga ngjyrat Po të ishte mashkull, ç’karakter femre në do të preferonte: Në radhë të parë FEMËR dhe madje nga ato me shumë klas Fëmijëria dhe Familja “Një e bukur”, por ndryshe nga moshataret e saj. Që në moshën nëntëvjeçare futet si soliste e grupit Spekter. Atëherë udhëtonte me qese, ndërsa tani me valixhe dhe e shoqëruar gati gjithmonë nga mbesa e saj, tashmë që nuk ka më përkrah të dashurin e saj. Gjithmonë e grimuar dhe një jetë të tërë me turne. “Kam qenë tepër harkate. Zgjidhja meshkujt që të rrija. E fillova me karrocat me kushineta dhe më pas me motorët... Sa e sa herë jam rrëzuar as e mbaj mend”, është shprehur Ingrit Gjoni për ONE. Kështu në moshën 12 vjeçare i ati i saj i blen motorin, - një Piaggio e bardhë, - ndërsa binte xhiro përreth pallatit, kurse pasditeve luante futboll me çunat e lagjes. “Që asokohe fillova t’i diskutoja të gjitha problemet që kisha, me mamin dhe pastaj me Inisin, ndërsa tani i diskutoj edhe me mbesën time 15 vjeçare, e cila do të bëhet me siguri, një balerinë e suksesshme”, është shprehur Ingriti para set-it fotografik, duke kujtuar një pjesë të fëmijërisë së saj. Në weekend e sheh gati gjithë familjen në një nga restorantet më popullore të Tiranës. Ende nuk i ka marrë pushimet, ndonëse kishte menduar të paktën 5 ditë të vetme në fundin e muajit gusht ose ndërmjet koncerteve të shumta... Për ta bërë sa më reale këtë gjë, jep e merr për të nxjerrë prej çantës një bllok shënimesh ku ka të shkruara tërë koncertet e saj, nga data 17 korrik deri në 5 shtator, - duke filluar nga qyteti i Ulqinit, në Maqedoni, një rikthim në Lezhë, Durrës, Përmet dhe deri në Borsh apo Himarë dhe jo së fundmi në ditët e para të daljes së revistës ONE, në një koncert Zvicër dhe Greqi (Athinë). “Jek e jek” me Ingritin Nuk është një vendosje ballë për ballë si në sallën e gjyqit, por pothuajse “ti e bëre, unë po bëj të njëjtën”, një prej këngëve të para të Ingritit në bashkëpunim me motrën e saj Inisin. Më pas do të vinte edhe kënga “I Ziu ti”. Pas kësaj kënge të fundit do të vinte një bashkëpunim me këngëtarin Stine për këngën “Jek e jek”...E motra e saj, Inisi do të shkëputej, pasi sipas Ingritit, “ajo nuk ishte aspak natyrë e diskotekave”. Për këngën “Përse me mua” nga mass-media u komentua se ishte një kopje e këngës së kënduar nga grekja Keti Garbi “Esena Mono”, gjë të cilën Ingriti nuk e ka mohuar. Më pas Ingriti duket se ka gjetur vendin dhe këngën “Parajsa” me Sabianin, duke vijuar me “Do të marr me vete”. Më së fundmi u shfaq në një klip të quajtur: “Barbi Silikon”. Kjo e fundit ishte vajza që imitonte imazhin e ekranit në një format bardh e zi. Më pas shfaqet imazhi i Ingritit gjithë ngjyra dhe shkëlqime e mbuluar me xixa dhe me një lepur në duar që e përkëdhelën (imazhi të kujton lepurushin Playboy), ndërsa ajo e veshur me një pelush dhe një kokore ngjyrë rozë. Ingriti i thotë që s´është mirë një gjë e tillë... Po mendoni për idenë e këtij teksti? Për çfarë bëhet fjalë kur ajo bëhet një barbi silikonato... Në fund të klipit Ingriti gjendet në sallën e baletit dhe shihet e veshur me pantallona gjysmë kauboj (dallohen nga pjesa e poshtme) të lidhura me disa shiritë të kuq me një palë të brendshme të së njëjtës ngjyrë (kuptohet mbulohet pjesa e së ndenjurave). Klipi kishte një fabul, atë që ndoshta Ingriti e sheh veten: Aktrimin. Ingriti mbaroi Akademinë e Arteve një vit më parë. “Mendoj që aktrimi nuk funksionon në Shqipëri dhe kur e them këtë nuk e mendoj thjesht vetëm anën ekonomike. Nuk kam pranuar madje një rol të vogël në një film, pasi më është dukur sikur personazhi jam unë...dhe jo thjesht unë Ingriti si aktore”, është shprehur ajo. Së shpejti Ingriti do të ketë një bashkëpunim me mikeshën e saj të ngushtë Çiljetën, me një kompozim të Florian Mumajezit. Dy femra në ring ndërsa në sfond komentatori, Ahmet Golemi. Më tej Ingriti nuk di asgjë se çdo bëhet, nëse “do ta fitojë trofenë apo jo!”. Në ring për një mashkull? Shumë komente u përhapën për Ingritin që pas ndarjes nga Enea, deri tek ajo që këngëtarja do t´i drejtohet ringut për një mashkull me Çiljetën. Zyrtarisht ato do të ndeshen me njëra-tjetrën së shpejti, të veshura me doreza boksi, pantallona të shkurtra dhe kanotiere. E gjitha kjo për një trofe? Tashmë me sa duket dy mikeshat do të jenë tek për tek me njëra-tjetrën për të fituar trofenë e quajtur “mashkull”. E ndërsa ai e ka të vështirë zgjedhjen ato do të përballen në një sfidë. Mashkulli i panjohur deri tani, do të ndihet i privilegjuar midis Çiljetës, modeles së muajit gush në revistën ONE dhe Ingritit, ndërsa do t´i ndjekë ato LIVE, duke u zënë me grushte. Komentatori i shquar Ahmet Golemi, do të ketë fatin e mirë të drejtojë këtë ndeshje! Por pse ka shkuar deri në këtë pikë situata? Në fakt, të gjitha të mësipërmet do të jenë nën fokusin e kamerave. Kjo do të jetë fabula e klipit të një këngë që Ingrit Gjoni dhe Çiljeta Xhilaga do të realizojnë deri në mesin e muajit shtator... Realisht ato janë dy mikesha të ngushta dhe së fundmi akoma edhe më shumë. Mos shkoni deri në ekstreme sidoqoftë! Gazetat e komentuan se “prishja e fejesës së Ingritit me Enean ka qenë një shkak që Çili t´i qëndronte më afër mikeshës së saj në këto ditë mërzie”. Ndërkohë që koncertet nuk e lanë Çiljetën të festonte përvjetorin e saj në 6 gusht me Romeon, siç e kishte parashikuar, të dy mikeshat e ngushta gati ftohen njëherësh për koncertet turne. Megjithatë edhe në qoftë na duhet të supozojmë se Ingriti ka gjetur dikë, ajo e vijon duke thënë: “Deri më 5 shtator jam thuajse çdo ditë në koncerte, kështu që nuk kam kohë për asnjë mashkull. Madje nuk kam kohë as për familjen time, me mamanë flas vetëm në telefon ngaqë jam gjithmonë në lëvizje”, tregon ajo. Gjithsesi problemi qëndron kur t’i shohin meshkujt e ONE-it këto foto të saj, çdo të ndodhë...me krahun e saj të djathtë kur të japë autografe mbi foton e saj?! Meshkujt dhe femrat, ndoshta EX-i gjithashtu “Është femra ajo që e krijon marrëdhënien dhe pikërisht ajo që vendos pikiatat. Janë ato që i kthejnë meshkujt sipas formës që ato duan”, është shprehur Ingriti për marrëdhëniet meshkuj-femra. Ajo ka vijuar më tej duke thënë se, “Çdo çift ka probleme të natyrave të ndryshme, por ndryshon puna kur një ose të dy janë persona publikë”. Ingriti është shprehur gjithashtu e nevrikosur për marrëdhëniet e saj me ish të fejuarin Enea, duke thënë se, “nuk ngeli gazetë pa e përmendur qoftë edhe një rresht emrin tim. Do të thotë që unë jam tepër e suksesshme atëherë që merren me mua?!”. Ndërsa për sa i përket femrave shqiptare Ingriti ka thënë se “ato, ose më saktë pjesa më e madhe e tyre janë materialiste fatkeqësisht. Shumë prej tyre s´kanë nivel kulturor dhe nuk arrijnë ta gjejnë veten e tyre. Ndodhen përherë në disnivel dhe shumë prej tyre përfundojnë dorë pas dore. Tentojnë të përdorin të njëjtin parfum të shtrenjtë ashtu edhe si të tjerat, por harrojnë se duhet të shtrish këmbët sa ke jorganin”. Normale që Ingriti e pranon që ka femra shumë të mira, madje disa prej tyre “që të jetojnë të ndershme bëjnë edhe kamerieren” dhe për të, nuk është aspak turp. Dëshira ekziston për çdo një prej nesh që të ketë një të ardhme sa më të mirë, por kjo arrihet vetëm kur të arrish stadin e pamvarsisë nga të tjerët”. Ndërkohë që për ndarjen u përfol gjithçka e mundshme nga mediat, Ingriti ka deklaruar se, “ishte thjesht mospërputhje karakteresh”. Më tepër për kuriozët? “Unë e kam dashur Enean, por gjërat mes nesh mbaruan për arsye të tjera. U ndamë se nuk funksiononte dhe kaq...”. Libri, gazetat dhe tik-u i saj I ka tmerr gazetat, pasi gati çdoherë sheh emrin e saj të shfaqet dhe “pyetje pa lidhje” - siç thotë ajo - “që ata tentojnë të abuzojnë me intervistën që jap unë. Mjaftohen që më telefonojnë dhe i shtojnë vetë shumë gjëra”. “E jap intervistën për informacione dhe jo që të më akuzojnë për mendjemadhësi” ka shtuar Ingriti. Për sa i përket librave, Ingriti është ende në fazën e personazhit Çiçikov, të novelistit Çehov – një i ri i cili ngelej gjithmonë në faqen 11 të librit. Quhet “Ana Karenina” – libri në duart e saj – dhe që ka pasur pothuajse fatin e njëjtë me atë personazh. Ingriti gati çdo muaj avancon, ama vetëm me ndonjë faqe, pasi koha për koncerte vjen të nesërmen. Pëlqen të dëfrehet nën tingujt e muzikës House në diskotekë, por edhe nën ritmet R&B. Po “fare, fare, fare” (asgjë, asgjë, asgjë) nuk tha gjë Ingriti këtu. Pak kohë më parë Ingriti u kap mat nga fokusi i reporterëve Paparazzi në lokalin “Golden Gate” në Maqedoni, me rikthimin e flokëve të saj në kaçurrelat origjinalë, duke i rezistuar për pak kohë dëshirës për t’i drejtuar. Këtë verë Ingriti mendon të zgjedhë Spanjën, - gjë të cilën e ka shtyrë dita ditës për shkak të koncerteve - vendin ku do të kalojë disa ditë me miqtë dhe normalisht e pandashme nga motra e saj më e madhe, Inisi. 

revistaone.com

Ingridi esht shum e mir dhe nga afer,se e takova gjithashtu teper e dashur kur erdhi muajin e kaluar  ketu ne Greqi per koncert i ngeci disku dhe i hypen nervat hiku fare nga skena dhe nuk u fut mo se cdo keng qe venin i ngecte nga mesi hahahaha.

---

shum me pelqen ingrid gjoni por me pelcen dicke tek ajo se e ka vetullen e bukursepse eshte nje kengetare e shkelqyer me pelqen shum ingrit vazhdo me  karrieren tende igrid se dukesh eme e forta prej te terave gjithashtu dhe ciljeta  vazhdo te jesh cool ingrid bay[/color]