Javen qe shkoi, Greta ishte ne nje koncert ne Struge, dhe me la nje pershtypje shume te mire.

Dhe, cka me pelqeu me teper, ajo vozitej me nje HAMMER te zi qe me la me goje hapur.

Sikur ta posedoja........... Hammerin

hej mund ti skanosh dhe hidhi ktu pastaj  

Mua Greta me duket shum e shëmtuar ama këndon bukur......

Mua me pëlqen kënga "Kam mall",qe nga ajo këngë me pëlqen edhe Greta

.

GRETA KOCI

Asnjë djalë nuk do guxonte të më afrohej

Kur u shfaq për herë të parë si këngëtare në duetin me Erion Korinin, Greta Koçi ende nuk i kishte mbushur të 14-at, ndonëse falë shtatit të saj të lartë, kishte arritur të merrte pamjen e një zonjushe deri diku të rritur. Por pavarësisht moshës së re duket se bukuroshja shumë shpejt do të hynte në botën e muzikës, duke synuar dalëngadalë edhe skenat e festivaleve. Pas shpalljes fituese në edicionin e radhës të festivalit “Mikrofoni i artë”, muajin e ardhshëm ajo do të jetë në tregun shqiptar me albumin e saj të parë, ndërkohë që një tjetër sfidë mendohet të jetë festivali i fundvitit në Televizionin Publik Shqiptar. Por jashtë skenës dhe sukseseve duket se Greta jeton në një botë krejt ndryshe nga ajo e bashkëmoshatareve të saj. Të vetmit persona me të cilët ajo ndan gëzimet janë prindërit dhe motra Eni, ndërkohë që nuk ka miq, apo mikesha dhe për më tepër asnjë djalë që t'i vijë rrotull për t'i pushtuar zemrën.

Ke nisur të këndosh në moshë shumë të re, ende pa mbushur 14 vjeçe. Nuk e ke menduar ndonjëherë që kjo hyrje në botën e muzikës mund të krijonte një konsumim të imazhit tënd?
Jo. Nuk e kam menduar asnjëherë, sepse kam qenë shumë e sigurt në vetvete. Për më tepër përvojat e të kënduarit live, më kanë lënë të besoj që nuk kam arsye pse të trembem.

Përse dalja jote e parë ka qenë duet?
Në fakt, ai që më bëri ftesën për të dalë në duet ka qenë presidenti i BBF televizion. Në fillim nuk pranova sepse nuk më nxiste ideja e dueit, por pasi dëgjova këngën më pëlqeu dhe e pranova.

Dhe si e gjen veten tani në botën e muzikës?
Shumë mirë. Jam pozicionuar.

Mendon që do të vazhdosh me muzikën, apo është dëshirë kalimtare e nxitur nga mami?
Për mua primare është shkolla. Jam nxënëse në vitin e dytë të shkollës së gjuhëve të huaja “Eurolingua” dhe kam dëshirë që studimet e larta t'i vazhdoj për Juridik, megjithatë edhe muzika natyrisht që nuk do të mbetet pas.

Fakti që je shumë e re në moshë, të krijon ndonjë inferioritet në krahasim me këngëtaret e tjera kur je në skenë?
Jo. Jam shumë e sigurt si në komunikim me njerëzit, ashtu edhe në skenë. Madje shpesh ndjehem më shumë se e barabartë. Pavarësisht moshës kam arritur të këndoj live, gjë që të tjera këngëtare më të pjekura se unë nuk e kanë arritur, ndaj mendoj që nuk kam motive përse të ndjehem inferiore.

Shpesh këndon në pub-e. Javën e shkuar ke qenë te “Honey”. Të kënduarit në lokalet e natës është diçka komerciale dhe një zgjedhje që Greta e bën vetëm për lekë, apo ka diçka më shumë?
Së pari kur marr oferta të tilla e ndiej që vërtet jam në treg, jam e kërkuar nga publiku. Pastaj është kënaqësia e të kënduarit live dhe mënyra se si fansat të presin dhe të duartrokasin. Natyrisht edhe vlerësimi financiar ka ndikimin e vet.

Aktualisht me çfarë po merresh?
Po punoj për albumin tim të parë që do të dalë në treg në fund të muajit nëntor nga “Eurostar”. Aty do të ketë disa nga hitet e mia më të mira, këngë të reja, si dhe një duet me këngëtarin kosovar Labinot Tahiri. Ndërkohë, sapo kam përfunduar regjistrimin për videoklipim tim të fundit, që do të shfaqet brenda këtij muaji.

Kam mësuar se do të jesh pjesëmarrëse edhe në festivalin e fundvitit në RTSH. Cilët do jenë bashkëpunëtorët?
Në këtë rast dua të mbeten sekret.

Zakonisht janë kompozitorët që kërkojnë Gretën, apo është Greta që kërkon një emër të caktuar?
Ndodhin të dyja.

Ke ndonjë preferencë të veçantë kur është rasti të zgjedhësh?
Genti Lako, Adrian Hila, Flori Mumajesi, Shpëtim Saraçi. Emra që njihen tashmë.

Eshtë shkruar për ty si “një këngëtare që kudo është e shoqëruar nga mami”. Ndihesh mirë kështu, apo do të doje të ishe më e lirë?
Kjo është e vërtetë, por kanë harruar të shkruajnë që me ne është edhe babi. (qesh) Jam shumë mirë kështu. Ndoshta të tjerët mund të mendojnë që prindërit gjithmonë i rrinë në kokë Gretës dhe e ruajnë ngado që shkon. Unë vetë kam nevojë për prindërit. Ne dalim bashkë, rrimë bashkë, shumë biseda i konsumojmë bashkë, si shokë. Ndjehemi shumë mirë të tre së bashku.

Nuk të duket ndonjëherë vetja si vajzë e përkëdhelur që gjithmonë shoqërohet nga prindërit?
Përderisa jam në këtë moshë, mendoj që është nder të jem e shoqëruar me prindërit.

Po mikesha të ngushta me të cilat flet për gjërat e tua private si çdo vajzë e kësaj moshe, nuk ke?
Jo. Kam shoqe klase dhe kolege arti, por mikesha të ngushta nuk kam.

Gjërat personale dhe intime Greta i bisedon vetëm me prindërit? Je e lirë për të folur me ta?
Po, ne jemi bërë si shokë.

Dhe gjithmonë vepron sipas këshillave të tyre?
Ne kemi një gjuhë që kuptohemi me njëri-tjetrin dhe diskutojmë gjithçka.

Ke një shok zemre?
Jo.

Sigurisht që të vijnë shumë djem rrotull…
Jo.

E pamundur. Nuk më dukesh nga ato vajza që mund të kalojnë pa u vënë re nga një mashkull…
Nuk kanë ku të më vënë re.(qesh) Unë lëviz gjithmonë me makinë. Gjëja e vetme, që më ndan nga familja është koha e shkollës. Në kafe, apo takime që mund të kem me njerëz të ndryshëm shkoj me prindërit. Edhe në pub-e kur këndoj jam e shoqëruar me ta.

As në shkollë, nuk ke ndonjë djalë që të vjen rrotull?
Jo. Natyra ime është e tillë, që edhe nëse dikush do ta mendonte, nuk do të guxonte.

Fakti që je gjithmonë e shoqëruar nga prindërit, nuk e ndjen se të privon nga disa argëtime të moshës tënde, siç mund të jetë të shkuarit në pub-e, apo daljet me shoqërinë jashtë syrit të mamit dhe babit?
Jo. Për moshën time janë gjëra të papjekura.

Dhe kur të arrish moshën e pjekurisë mendon se do të arrish ta fitosh “lirinë”?
Unë nuk bëj një jetë si gjithë moshatarët e mi. Jam shumë më ndryshe.

Në ç'kuptim?
Jam më e lidhur me familjen, jam person publik, ndaj dhe jam më e veçuar në këtë drejtim. Më pëlqen kjo jetë që bëj.

Prindërit rrinë kaq shumë pas teje vetëm se je person publik, apo të njëjtën gjë bëjnë edhe me motrën tënde?
Jo, nuk ka lidhje me faktin që jam person publik, por sepse kjo është natyra ime. Sa për motrën më të vogël, Enin, ajo ka tjetër natyrë.

Mua me pelqen, por nuk eshte mire qe t'ja rrisin cmimin qe tashti, se do i rritet mendja, si e re qe eshte.