Ciljeta Xhilaga!

Flet show-girl e njohur e skenës dhe ekranit

Cilët janë miqtë e çiljeta Xhilagës? Nëse pyet dikë, mund të përgjigjet se ata mund të jenë artistë, modele, njerëz të medias dhe ekranit. Por, në një intervistë dhënë dje për gazetën "Tirana Observer", artistja 21-vjeçare zbulon një sekret të vogël. Tashmë miqtë e rinj të saj janë edhe policët rrugorë. Gjatë kësaj interviste ajo shpjegon të gjitha planet e saj për të ardhmen, ndoshta si politikane ose si diplomate, projektet në fushën e muzikës si dhe bashkëpunimet e reja për këtë sezon vere.

Pas përfundimit të Top-Festit, me çfarë po merreni aktualisht?
Momentalisht po merren me mbylljen e albumit tim të dytë, mbas dy vjetësh e gjysmë pas të parit. Ky album do të përmbajë 10 këngë, do të realizojë edhe dy bashkëpunime besoj në këtë album. Ky album do të shoqërohet me 3 videoklipe dhe me koncerte të shumta jashtë dhe brenda vendit. Po kjo nuk do të thotë që e kam lënë pas dore shkollën. Jam angazhuar dhe me të. Shumë shpejt do të nxjerr në televizion edhe një reklamë.
Kënga është hobi apo keni një të ardhme në muzikë?
Këngën e bëj për hobi, sepse e kam pasion, pastaj të ardhurat vijnë vetë, nuk i eviton dot. Thjesht është për hobi.
çiljeta tek 0900-ta. A ju ka prishur imazhin tuaj ky lloj shërbimi?
Mund të ketë ndikuar fillimisht, kur të tjerët, publiku, nuk e dinte se për çfarë bëhej fjalë. Thjesht e shikonin si një 0900-të, një hotline. Unë e kam sqaruar shumë herë edhe nëpër televizione të ndryshme, që nuk bëhej fjalë absolutisht për një hotline, por për një friend-line. Aty ishte thjesht zëri im, ku thoshte "çiljeta line, shtyp butonin 1 për të lënë mesazh, shtyp butonin 2 për të folur me djem edhe vajza dhe shtyp butonin 3 për të marrë informacione për karrierën time". Pastaj e kuptuan që nuk isha unë, u zhgënjyen, se mendonin se isha unë, kështu që ra edhe ai shërbim, u prish kontrata.
Si u erdhi ideja për të bashkëpunuar me "Tingullin 3"?
Me "Tingullin 3" ka nja katër vjet që njihemi me ata djemtë. Kishim kohë që e mendonin një bashkëpunim, dhe si duket ishte momenti më i përshtatshëm për të nxjerrë këtë këngë tani. Kjo këngë është një super-hit në Kosovë, por edhe në Shqipëri, me sa di. S'jam bërë pishman fare (qesh). Vërtetë që ka një tekst të tillë, por në videoklipin që është realizuar janë hequr ato momente.
Në shumë televizione apo edhe në media të shkruara, theksoni se në të ardhmen do të bëheni një politikane. Është i vërtetë ky fakt?
Momentalisht s'e mendoj veten në politikë. Absolutisht mendoj mbas nja dhjetë vjetëve, ndoshta. Mendoj t'i hyj kësaj fushe kur të kem mbaruar shkollën dhe masterin.
Mos është kënga, varianti i dytë për të ardhmen?
Të ardhmen time e imagjinoj tek fakulteti që po ndjek. Besoj se arti është diçka, pasion i momentit që mund të zgjasë edhe dhjetë vjet të tjera ose mund të jetë edhe gjithë jetën, por baza për jetën time do të jetë shkolla.
Me shkollën?
Studiojë në vit të dytë, Shkenca Politike. Shkojë dhe e frekuentojë, ndoshta jo sa studentët e tjerë. Ky mos frekuentim i rregullt është për efekt kohe. Po, kështu, e ndjek shkollën normalisht.
Të qenit person publik, ju sjell probleme apo ju zgjidh probleme?
Të qenit personazh publik të ndihmon, por edhe s'të ndihmon. Ka avantazhet dhe disavantazhet e veta. Komplekset e ngacmimeve në rrugë i kam kaluar, tashmë nuk më bëjnë përshtypje as shikimet.
Makina juaj është me targa të huaja. Ju shqetësojnë policët rrugorë?
Jo, jo. Absolutisht që nuk shqetësohem, përkundrazi kam marrëdhënie shumë të mira me ta. I kam bërë miq tashmë, sepse kam një vit që qarkullojë me makinë në të gjithë Shqipërinë.
Ndonjë eveniment që jeni duke përgatitur?
Atëhere, kemi hapur edhe një organizatë që quhet Iniciativa Rinore. Përbëhet prej disa anëtarësh, unë jam në rolin e shefes me marrëdhëniet me publikun. Prezantoj çdo projekt që merr përsipër organizata jonë. Momentalisht duan të më dërgojnë në Serbi për seminaret që organizojnë qeveritë studentore. Përfaqësoj Shqipërinë me një grup prej katër vetash. Për këtë udhëtim s'e kam vendosur ende.

çiljeta me Sabianin dhe Tingullin 3

Bashkëpunimi mes këngëtares çiljeta Xhilaga dhe grupit nga Kosova "Tingulli 3", është një ndër hitet më të pëlqyera në Shqipëri dhe Kosovë. Sot kënga "Dridhe" dëgjohet jo vetëm në pub-e, disko dhe lokale, por edhe një sfond muzikor në aparatet e celularëve. I njëjti sukses ka arritur edhe me këngëtarin shqiptar Sabiani. Të dyja këngët janë publikuar si super-hitet për pranverën e këtij viti. Së shpejti këngëtarja 21-vjeçare pret bashkëpunime të reja, por që ende nuk mund të thuhen, mbahen sekret.