“Ring the alarm”, një album me këngë moderne

Beyoncé sapo ka lançuar këngën e saj “Ring the alarm”. Ajo është pjesë përbërëse e albumit të ri “B'Day”, që do të dalë në shtator dhe që pretendohet të ketë suksesin e “Dangerously in Love”.

Kjo pritet të jetë nga më agresivet për ish lideren e “Destiny's Child”, që i këndon këtë herë xhelozisë që ka ndaj një burri (ndoshta ndaj të fejuarit të saj Jay Z). “Bie një alarm, kam qenë larg për pak kohë, por unë lëndohem nëse shoh një tjetër në krahët e tu” - kështu këndon Knowles, e cila vazhdon: “Më thuaj si duhet të ndihem kur zbuloj atë që zbuloj dhe intuita ime femërore më thotë që je një qen”. Duket që kjo do të jetë një këngë agresive dhe shumë e fuqishme e këngëtares. Për shumë fansa, të cilët e kanë dëgjuar, është kuptuar që Beyoncé kërkon të reagojë ndaj fjalëve që janë përhapur për lidhjen, e cila mund të jetë vetëm thashethem, mes të fejuarit të saj Jay Z dhe këngëtares së re, Rihanna.

“Ring the alarm” është tashmë në Internet, kurse “B'Day” do të lançohet në 4 shtator, që është dhe ditëlindja e këngëtares. Krahasimi me albumin “Dangerously in love”, i cili pati një shitje prej 11 milionë kopjesh, duket se nuk do të jetë i lehtë. Për momentin Knowles i duhet të kënaqet me spektrin e mbretëreshës së R&B, pasi ka marrë 4 nominime për “Mobo Awards”. MOBO (Music Of Black Origin) janë çmime që do të jepen në Britani për këngëtarët më të mirë zezakë. Këngëtarja e “Crazy in love” është kandidate për këngën më të mirë, artistja më e mirë femër, video më e mirë dhe këngëtari më mirë i R&B.

Nëse një ditë mund të dështojë si këngëtare, Beyoncé ka ngritur një linjë veshjeje se bashku me të ëmën, Tinën. Gjithashtu, ajo ka dëshirat e çdo femre për të patur fëmijë dhe familje. Këto ëndrra që ajo ka, bashkë me martesën duken se mund të realizohen së shpejti me të fejuarin e saj Jay Z. Së fundi, ajo dëshiron shumë të fitojë një Oskar si aktorja më e mirë. Për të realizuar këtë ka vendosur të kalojë në kinema për të plotësuar kurrikulumin që deri tani shënon pjesëmarrjen në “Austin Powers in Goldmember” dhe “Pantera Roze”.

Beyonce ia ka atribuar Shakirës lëvizjet e reja që ka përdorur në klipin e duetit “Beautiful liar” (Gënjeshtari i bukur). “Shakira më mësoi se si të kërceja me bark. Gjithnjë më ka pëlqyer se si kërcente ajo kur e shikoja në videoklipet e këngëve të saj”. Beyonce shprehet se ato të dyja nuk kanë pasur shumë kohë që të krijonin një koreografi të plotë dhe se pjesa më e madhe e lëvizjeve ka ardhur natyrshëm gjatë xhirimeve dhe duke parë Shakirën teksa kërcente. “Ia kemi kaluar shumë mirë. Ishte me të vërtet këndshëm të punoje me Shakirën”, shprehet Beyonce. Dueti i dy divave të muzikës pop ka mbërritur këtë javë në krye të klasifikimeve muzikore.

Me propozim zyrtar për martese nga këngëtari Jay-Z, Beyonce i jep fund beqarise ne vjeshte.Për te dita kur u caktuar data e marteses ka qenë me e lumtura e jetës se saj. Martesa do zhvillohet ne vjeshte ne ishujt Hawai. " Dua te martohem dhe dëshiroj një familje. Do te me pelqente te kisha 3 fëmijë, 2 meshkuj dhe një femër " - është shprehur Beyonce.