T'i vendosësh fëmijës tënd emrin Bretk, Ballokume, Arançatë apo Përshëndetjeç e Xhenaze duhet të parashikosh dhe riskun psikologjik që mund të mbartë tek ai në moshë të rritur.

Nga verifikimi i listave të gjendjeve civile në të gjithë vendin ka rezultuar se prindërit, pavarësisht nga mosha apo zona ku jetojnë, zgjedhin për të porsalindurit e tyre emra jo vetëm nga më të rrallët, por dhe më nga të çuditshmit. Emrat janë realë, të regjistruar nëpër fshatra e qytete, kryesisht gjatë viteve të fundit. Por, prej disa ditësh është urdhëruar nxjerrja e tyre jashtë qarkullimit në të gjithë territorin e shtetit shqiptar. Një studim i kryer mbi këto lista nga psikologë ka nxjerrë përfundimin, se pasja e një identiteti të tillë mund të ndikojë në formimin e fëmijës gjatë rritjes së tij. Madje, në disa raste nuk kanë munguar dhe raste vetëvrasjeje apo reagime të dhunshme, kur personat me emra të pazakontë janë bërë objekt fyerjesh. Për të shmangur krijimin e këtyre situatave të rënda, Ministria e Brendshme ka urdhëruar gjendjet civile që të mos lejojnë regjistrimin e fëmijëve me këta emra. "Në bazë të ligjit për gjendjen civile, Drejtoria e Përgjithshme e Gjendjes Civile ka përcaktuar listën me emrat e papërshtatshëm për shtetasit shqiptarë. Janë të lutur të gjithë banorët që të mos kërkojnë vendosjen e këtyre emrave që janë konsideruar si të papërshtatshëm", është urdhëresa e afishuar tashmë nëpër zyrat e gjendjeve civile në të gjithë vendin. Bëhet fjalë për plot 61 emra, të cilët sipas dikasterit përkatës nuk mund të vendosen për të porsalindurit. Në këtë listë ka emra që përfaqësojnë ushqime, që nisin nga Arançata, Ballokume, Groshe, Meze apo Spece; pyetjet çbane apo Pseerdhe e deri te përcaktimi i fatkeqësive e i dëshpërimeve, si: Burgim, Jermësinë, Keqan, Pikëllime, Xhenaze e Zehere. Ndonëse prindërit, sipas njoftimit, luten që të mos i vendosin këta emra, gjendjet civile janë urdhëruar të mos lejojnë në asnjë rast përdorimin e tyre, pavarësisht dëshirës apo këmbënguljes. Një qarkore e tillë e Ministrisë së Brendshme është shpërndarë pikërisht në vitin 2006, kur fëmijët shqiptarë nuk merren më me lojrat tradicionale, por që katër-pesë vjeç mësojnë internetin dhe gjuhët e huaja. Sipas psikologëve, vendosja e këtyre emrave përbën një risk të përballjes së fëmijës me realitetin, ku ai mund ta ndjejë veten inferior ndaj shokëve me emra të bukur shqiptar, por jo rrallë edhe të huaj. Madje nuk përjashtohet edhe mundësia e rasteve të vetëvrasjeve, kur fëmijët gjenden nën presionin e talljeve nga bashkëmoshatarët e tyre për emrat e çuditshëm që mbajnë.

 
Ministria e Brendshme shpërndan listën në Gjendjet Civile

Lista e emrave të ndaluar

• Ankim
• Arançatë
• Avash
• Bretk
• Berr
• Burgim
• Ballokume
• Car
• Cub
• Curranë
• Currelë
• Careva
• Carina
• çbane
• Dert
• Derman
• Dovlet
• Durak
• Ekran
• Eros
• Ferman
• Federatë
• Fodulle
• Gazep
• Gallata
• Gabime
• Groshe
• Gjezap
• Hyzmet
• Përshëndetjeçe
• Hafije
• Helme
• Ironi
• Jermësinë
• Keqan
• Keqe
• Kralicë
• Lëvere
• Meze
• Mëshirë
• Mjaftë
• Mjaftime
• Mjaftoni
• Mbarime
• Mbete
• Mbylle
• Marrëzi
• Ndalime
• Pikëllime
• Pafate
• Pseerdhe
• Rikë
• Rakita
• Spece
• Sose
• Stenatë
• Sherre
• Shkurte
• Shkurtime
• Xhenaze
• Zehere

Gazetapanorama

Edhe unë kur e lexova kam qeshur shumë,po disa emra qe janë vënë aty kam dëgjuar,ndërsa ato te tjerët duken me te vërtetë te çuditshëm dhe sbesoj se i vendos njeri.

Mua me qudit pse e kan ndaluar emrin Shkurte qte keq ka aj emër këtu ne Kosov është nji emër i perkdhelur,ndoshta dikush din te tregoj pse e kan ndaluar ket emër.

se tani e lexova shkrimin unë ....Berni po thotë qe gjendja civile ka nxjerr një urdher qe të mos lejohen këto emra......

Kush mund te me ndaloje mua t'ia ve emrin femijes sim Rike ajo është e drejta ime

ne disa aspkte vërtetë qe lame nam ne shqiptarët, sidomos tani mbas lirimit nga burgu komunist

si p.sh. me tendencen për te emeruar jo vetëm lokalet etj, por edhe kalamajt me emra nga me te cuditshmit

si puna emrit Federate

"Federate, sa here te kam thënë mos ta besh cicin ne breke pa treguar?"

ca emra te çuditshëm këta me shkrine fare ,çuditem si mund te këtë njerëz qe vendosin te tillë emra

Hajde hajde o Pseerdhe Eros, Mbylle Hafije ahahahahha

   


një pjesë e em,rave qenka llahtari fari  pu pu pu