Dashuria e Hyjit!


"Po, Hyji aq shumë e deshi botën, saqë e dha Birin e tij të vetëm, që kushdo që beson në tëqë të mos humbë kurr , por të ketë jetën e përjetshme" (Gjoni 3:16).

Pse shumica e njerëzve nuk po e jetojnë këtë jetë me bollëk? Sepse...


Sepse njeriu është mëkatarë!

Njeriu është mëkatar dhe i ndarë nga Hyji Krijuesi i vet. Prandaj, ai nuk mund të njohë dhe të përjetojë dashurinë dhe planin që ka Zoti për të.
"Të gjithë u bënë fajtorë dhe humbën madhështinë që u dha Hyji" (Romakëve 3:23).

Njeriu u krijua që të ketë shoqëri me Zotin dhe të qendroj pranë Tij, por për shkak të egoizmit të tij ai zgjodhi të ndiqte rrugën e vet të pavarur dhe shoqëria me Hyjin u ndërpre. Këtë mënyrë të jetës pa Hyjin që tregon indiferencë dhe rebelim kundër Tij, Bibla e quan mëkat.

Pasi që vërtetë njeriu është ndarë nga Hyji, cila është ura e vetme që bashkon njeriun me Të?

Jezu Krishti është e vetmja zgjidhje e Hyjit për mëkatet e njeriut. Vetëm përmes Krishtit mund të njohim jetën tonë. Ai vdiq që té mos vdisnim ne:

"Por Hyji e tregon dashurinë e tij ndaj nesh në atë që, kur ende ishim mëkatarë, Krishti vdiq për ne" (Romakëve 5,8).

Është ngjallur vetëm Jezusi apo ngjallja është edhe për njerëzit e tjerë?


Kështu, pra, nëpër një njeri (Adamin) erdhi vdekja, përsëri nëpër një NJERI vjen ngjallja prej së vdekuri. Dhe, sikurse në Adamin vdesin të gjithë njerëzit, ashtu nëpër Krishtin të gjithë njerëzit do ta rifitojnë jetën. Pra; Jezusi është fryti i parë i të vdekurve!


Por, në qoftë se predikohet se Krishti është ngjallur prej të vdekurish: si atëherë disa prej jush thonë: “Nuk ka ngjallje prej të vdekurve.”?

Po qe se të vdekurit nuk do të ngjallen ‑ atëherë as Krishti nuk është ngjallur.

"Por, në qoftë se Krishti me të vërtetë nuk është ngjallur, [atëherë] i kotë është predikimi ynë ‑ i kotë besimi juaj. Atëherë edhe ne do të ishim dëshmitarë të rrejshëm kundër Hyjit, sepse kemi dëshmuar kundër Hyjit duke pohuar se Hyji e ngjalli Krishtin, të cilin nuk e ka ngjallur, në qoftë se të vdekurit nuk ngjallen. Sepse, në mos u ngjallshin të vdekurit, as Krishti nuk është ngjallur. Po në qoftë se Krishti nuk është ngjallur, e kotë është feja juaj, ende jeni në mëkatet tuaja. Atëherë edhe ata që vdiqën në Krishtin, u borën. E në qoftë se në Krishtin shpresojmë vetëm në të mirat e kësaj jete, atëherë ne jemi njerëzit më të mjerët."

"Por, vërtet, Krishti u ngjall prej të vdekurve! Ai është fryti i parë i të vdekurve!"(1 Korentiasve 15, 12-20)

Jezu Krishti - Rruga, Jeta dhe e Vërteta


"Hyji krijoi njeriun në përngjasimin e vet, e krijoi në përngjasimin e Hyjit" (Zan 1,27) me dëshirë që me të ta ndajë jetën e vet hyjnore, gëzimin e vet hyjnor, lumturinë e vet hyjnore.
Jezusi erdhi në botë për të përmisuar atë çka njeriu e kishte prishur dhe për t'ia mundësuar hyrjen në jetën e Hyjit. Me jetën, mësimin, vdekjen dhe ringjalljen e vet na hapi dyertë për në jetën e Hyjit, jetën e amshuar. Në Darkën e Mbrame u tha apostujve: "Kur të shkoj e t'ju përgatis vendin (pas vdekjes dhe ringjalljes) do të vij prapë e do t'ju marr tek unë, që aty ku jam unë, të jeni edhe ju" (Gjn 14,3). E lut Atin që t'i pranojë në Mbretërinë e tij: "Atë, dua që ata, të cilët m'i dhe, të jenë aty ku jam unë, bashkë me mua, që të kundrojnë lavdinë time" (Gjn 17,24).
Çka është për njeriun e pamundshme, për shkak të natyrës së plagosur me mëkat, atë e realizon në të Shpirti Shenjt. Jezusi u thotë apostujve edhe ne: "Ati do t'ju japë një Mbrojtës tjetër, që të jetë me ju përgjithmonë: Shpirtin e së Vërtetës... Ai do t'jua mësojë të gjitha... Ai do t'ju udhëzojë ta njihni tërë të Vërtetën" (Gjn 14,16.26; 16,13).
Shën Pali flet nga përvoja e vet: "E, prejse vërtet jeni bij: Hyji e dërgoi në zemrat tona Shpirtin e Birit të vet, i cili gërthet: 'Abba - o Atë!'... E, mbasi je bir, atëherë, për vullnet të Hyjit, je edhe trashëgimtar" (Gal 4,6-7).
Njeriu, pra, është i krijuar dhe i ftuar që të jetojë krejtësisht i lumtur, edhe me jetën natyrore njerëzore edhe me jetën hyjnore që i është dhënë prej Hyjit si dhuratë.
Pse sot është e nevojshme të flitet për këtë? Pse është e nevojshme sot të vihet në dukje kjo? - Për arsye se njeriu, nga njëra anë, beson se mund ta realizojë lumturinë e vet në jetën e këtushme të kësaj bote, mirëpo vetë, pa Hyjin, kurse nga ana tjetër, kur e sheh se pa Hyjin s'mund të jetë krejtësisht i lumtur, atëherë nuk beson më se mund të jetë fare i lumtur.
A e keni takuar njeriun i cili me të vërtetë është i qetësuar, i gëzueshëm, i lumtur? A keni besuar ndonjëherë plotësisht se edhe ju vërtet mund të jeni të tillë? A besoni se fshehtësia e lumturisë është ekskluzivisht në ju, në zemrën tuaj, e jo jashtë jush, në sende, persona, ndodhi? A besoni se nuk ka mu asnjë pengesë që do t'jua bënte të pamundur realizimin e paqes, kënaqësisë dhe plotësisë së jetës tuaj?

Ne duhet ta pranojmë Jezu Krishtin?

PO!


"Drita e vërtetë që shndrit çdo njeri, erdhi në botë.

Ishte në botë e bota u krijua prej Saj, e bota nuk e njohi.

Erdhi ndër të vetët, e të tijtë nuk e pranuan.

Atyre që e pranuan u dha zotësinë të bëhen bijtë e Hyjit: atyre që besojnë në Emrin e tij." (Gjoni 1,10-12).

Kur pranojmë Jezuin, fillojmë një jetë të re?

PO!


"Në të vërtetë, në të vërtete po të them që nëse një nuk lind përsëri prej së larti, nuk mund ta shohë mbretërinë e Hyjit. Nikodemi i tha: "Po si mund të lindë njeriu kur është plak? A mund të hyjë ai për së dyti në barkun e nënës së vet dhe të lindë?".

Jezusi u përgjigj: "Në të vërtetë, në të vërtetë po të them se kush nuk ka lindur me anë të uji dhe të Shpirtit, nuk mund të hyjë në mbretërinë e Hyjit. Ç'ka lindur nga mishi, mish është; por ç'ka lindur nga Shpirti, shpirt është. Mos u mrrekullo që të thashë: Duhet të lindni përsëri prej së larti. (Lexo Gjonin 3,1-8)