Unë jam drita e botës!
Gj 8, 12


Dhe Jezusi u foli atyre përsëri duke thënë: ``Unë jam drita e botës; kush më ndjek nuk do të ecë në errësirë, por do të ketë dritën e jetës``.

Unë jam udha!
Gj 14, 6-7


Jezusi i tha: ``Unë jam udha, e vërteta dhe jeta; askush nuk vjen tek Ati përveçse nëpërmjet meje.

Po të më kishit njohur, do të kishit njohur edhe Atin tim; qysh tani e njihni dhe e keni parë".

Unë jam, para se të kishte lindur Abrahami!
Gj 8. 58


Jezusi u tha atyre: ``Në të vërtetë, në të vërtetë unë po ju them: para se të kishte lindur Abrahami, UNË JAM``.

Ju pastroni për jashta gotën, ndërsa brendinë tuaj...!
Lk 11, 38-46


Dhe Zoti i tha: "Tani ju farisenjtë pastroni për jashta gotën dhe kupëzen, ndërsa brendinë tuaj e keni plot me grabitje dhe ligësi. Të pamend! Ai që bëri anën e jashtme, vallë nuk bëri edhe të brendshmen? Por jepni si lëmoshë atë që është përbrenda, dhe çdo gjë do të jetë e pastër për ju.

Por mjerë ju, o farisenj! Sepse ju paguani të dhjetën e ryzës, të mendrës dhe të çdo barishteje, dhe pastaj lini pas dore drejtësinë dhe dashurinë e Perëndisë. Këto gjëra duhet t'i bënit, pa i lënë pas dore të tjerat.

Mjerë ju, o farisenj! Sepse ju e doni vendin e parë ndër sinagoga dhe përshëndetjet nëpër sheshe. Mjerë ju, skribë dhe farisenj hipokritë! Sepse jeni si varret që nuk shihen dhe njërëzit ecin sipër tyre, pa e ditur".

Atëherë, duke u përgjigjur, një nga mësuesit e ligjit, i tha: "Mësues, duke folur kështu, ti po na fyen edhe ne". Dhe ai thoshte: "Mjerë edhe ju, o mësues të ligjit! Sepse i ngarkoni njerëzit me barrë që me vështirësi baren, dhe ju nuk i prekni ato barrë as edhe me një gisht.

Po të ishte Perëndia Ati juaj, ju do të më donit!Gj 8, 39-44


Ata, duke u përgjigjur, i thanë:

"Ati ynë është Abrahami".

Jezusi u tha atyre:

"Po të ishit bij të Abrahamit, do të bënit veprat e Abrahamit; por ju tani kërkoni të më vrisni mua, që ju kam folur të vërtetën që kam dëgjuar nga Perëndia; Abrahami këtë nuk e bëri. Ju bëni veprat e atit tuaj".

Prandaj ata i thanë:

"Ne nuk lindëm nga kurvërimi; ne kemi një Atë të vetëm: Perëndinë".

Atëherë Jezusi u tha atyre:

"Po të ishte Perëndia Ati juaj, ju do të më donit, sepse kam dalë dhe kam ardhur nga Perëndia; nuk kam ardhur, pra, nga vetja ime, por ai më ka dërguar.

Përse nuk e kuptoni thënien time? Sepse nuk mund të dëgjoni fjalën time.

Ju jeni nga djalli, që është ati juaj, dhe doni të bëni dëshirat e atit tuaj; ai ishte vrasës që nga fillimi dhe nuk qëndroi në të vërtetën, sepse në të nuk ka të vërtetë. Kur thotë të rrema, flet nga vetvetja, sepse është gënjeshtar dhe ati i rrenës.

Pendohuni!
Mt 4, 17


Që nga ajo kohë Jezusi filloi të predikojë dhe të thotë:

"Pendohuni, sepse mbretëria e qiejve është afër!".

Mos u jepni qenve ç`është e shenjtë!
Mt 7. 6


Mos u jepni qenve ç`është e shenjtë dhe mos i hidhni margaritarët tuaj para derrave, që të mos i shkelin me këmbë dhe të kthehen kundër jush dhe t`ju shqyejnë.

Sepse, atij që ka, do ti jepet edhe më!
Mk 4, 24-25


Dhe u tha atyre:

"Vini re atë që dëgjoni! Me atë masë që të matni, me atë do t'iu matet juve! Madje edhe do t'ju shtohet! Sepse, atij që ka, do ti jepet edhe më, e ati që s'ka, do t'i merret edhe ajo që ka.