Jezusi buka e jetës!
(Gjn 6; 43-59)


Jezusi iu përgjigj:

“Mos murmurisni me njëri-tjetrin! Askush s’mund të vijë tek unë, po qe se Ati, që më dërgoi, nuk e tërheq.

Atë unë do ta ringjall në ditën e fundit. Profetët shkruan: ‘Të gjithë do të jenë nxënës të Hyjit.’

Kushdo, pra e dëgjon Atin dhe e përvetëson mësimin e tij, vjen tek unë. Kjo s’do të thotë se ndokush e pa Atin, përveç Atij që është te Hyji; vetëm Ai e pa Atin!

Përnjëmend, përnjëmend po ju them: ai që beson, ka jetën e pasosur. Unë jam buka e jetës. Etërit tuaj hëngrën manën në shkretëtirë dhe vdiqën. Kjo është buka që zbret nga qielli: që, kush ta hajë atë, të mos vdesë askurrë.

Unë jam buka e gjallë që zbriti prej qiellit: nëse ndokush ha këtë bukë, do të jetojë për amshim. E buka që unë do ta jap është trupi im ‑ për jetën e botës.”

Atëherë judenjtë filluan të grinden me shoqi‑shoqin e thoshin: “Si mundet ky të na japë trupin (e vet) për ushqim?”


Prandaj Jezusi u tha:

“Përnjëmend, përnjëmend po ju them: nëse nuk e hani trupin e Birit të njeriut e nuk e pini gjakun e tij, nuk keni jetë në vetvete! Kush ushqehet me trupin tim dhe pi gjakun tim ka jetën e pasosur. Unë atë do ta ringjall në ditën e fundit. Sepse trupi im është ushqim i vërtetë e gjaku im është pije e vërtetë. Kush ushqehet me trupin tim dhe pi gjakun tim ai mbetet në mua dhe unë në të.

Sikurse mua më dërgoi Ati i gjallë dhe unë jetoj për Atin, po ashtu edhe ai që më ha mua do të jetojë për mua.

Kjo është buka që zbriti prej qiellit, jo porsi ajo që hëngrën etërit e vdiqën: kush ushqehet me këtë bukë do të jetojë në amshim.”

Këtë mësim Jezusi e dha në sinagogën e Kafarnaumit.

Të pamit shpirtëror!
(Gjn 9;35-41)



....Jezusi e mori vesh se e kishin qitur jashtë. Kur e gjeti, i tha: “A beson ti në Birin e njeriut?”

Ai iu përgjigj: “Po kush është ai, Zotëri, që të besoj në Të?”

“E pe ‑ i tha Jezusi ‑ Është ai që po flet me ty!”

Ai tha: “Besoj, o Zot!” dhe ra përmbys para tij.


Jezusi i tha:

“Erdha në këtë botë të bëj gjyq: që të shohin ata që janë të verbër e të verbohen ata që shohin!”

Disa prej farisenjve që ishin me të i dëgjuan këto fjalë dhe thanë: “Vallë, a thua edhe ne jemi të verbër?”

Jezusi u përgjigj:

“Po të ishit të verbër, s’do të kishit mëkat. Porse ju thoni: ‘Shohim!’ prandaj mëkati juaj mbetet.”

Jezusi është udha që çon tek Ati!
(Gj 16; 6-11)



Jezusi u përgjigj:

“Unë jam Udha, e Vërteta dhe Jeta. Askush nuk shkon tek Ati përveçse nëpër mua. Nëse më njohët mua, do ta njihni edhe Atin tim. Që tani e njihni dhe e keni parë.”


Filipi i tha:

“Zotëri, na e dëfto Atin e na mjafton!”

O Filip ? i tha Jezusi ? kaq shumë kohë jam me ju e nuk më njohe ende? Kush më ka parë mua, ka parë edhe Atin. Si thua, pra: ‘Na e dëfto Atin!’ Po a nuk beson se unë jam në Atin e Ati është në mua?

Fjalët që jua them, nuk jua them prej vetvetes: Ati që banon në mua i kryen veprat e veta.

Më besoni mua: Unë jam në Atin dhe Ati është në mua. Përndryshe, besoni për shkak të vetë veprave!

Pjetër - Shkëmb; Ty do të t’i jap çelësat e Mbretërisë së qiellit!
(Mt 16; 15-20)



“Po ju - u tha atyre ‑ ç’thoni: kush jam unë?”

Iu përgjigj Simon Pjetri: “Ti je Mesia - Biri i Hyjit të gjallë!”


Atëherë Jezusi i tha:

“I lumi ti, o Simon, biri i Jonës, sepse këtë nuk ta zbuloi mishi e gjaku, por Ati im që është në qiell! Edhe unë po të them: Ti je Pjetër - Shkëmb dhe mbi këtë shkëmb unë do ta ndërtoj Kishën time dhe dyert e ferrit s’do të ngadhënjejnë kundër saj!

Ty do të t’i jap çelësat e Mbretërisë së qiellit: gjithçka të lidhësh mbi tokë, do të jetë e lidhur edhe në qiell e gjithçka të zgjidhësh mbi tokë, do të jetë e zgjidhur edhe në qiell.”


Atëherë i urdhëroi nxënësit që të mos i tregojnë askujt se është ai Mesia.

ashtu do të jet fjala e zotit nuk do të mbaroj kurrë
çdo gjë do të mabroj por fjala e tij kurr nuk do të shuhet sespe ajo ehste vet perendia

Përshëndetje,
Nëse keni ndonjë pyetje ne këtë teme apo te tjera për fenë katolike mund te drejtoheni tek rurika: Pyetje drejtuar besimtareve katolike në lidhje me fenë e tyre.


Faleminderit dhe kalofshi mirë

Përshëndetje miq.

Jezu Krishti na me meson se duhet te ruhemi nga mesuesit e reme, sepse kohët e fundit do të dalin mesuesit te reme qe do të flasin kaq bukur , kaq mirë, afër se vërtetës por qe nuk kan lidhje me te vërtetën.
Jezu Krishti na meson se duhet të kemi kujdes edhe ndaj Antikrishtit qe do të shfaqet kohët e fundit. Sot me shumë se kurr është duke punuar Antikrishti ne botë, sa e sa libra janë botuar kundër Bibles, sa e sa libra janë botuar kundër Jezus Krishtit, vetëm hyni ne forume islame, si p.sh.. Islamidhekrishterim i, tmerr pa kurfar fakte.. qe do të thotë vetëm një permbushje e thenjes se Jezusit është duke realizuar.
POr te krishteret e vërtetë nuk duhet te ken frikë nga këto mesime te antikrishtit, sepse askush nuk mund te kundershtoj apo të themi me mirë ta mund Zotin.
atëherë edhe ti krishter je fitues sepse Zoti jonë është Fitues.
tung nga engjelli perfaqesuesi i Zotit