Adhuro Zotin, Hyjin tënde!
Mt 4, 9-10

dhe i tha: ``Unë do të t`i jap të gjitha këto, nëse ti bie përmbys para meje dhe më adhuron``.

Atëherë Jezusi i tha: ``Shporru, Satan, sepse është shkruar: "Adhuro Zotin, Hyjin tënde, dhe shërbeji vetëm Atij"``.

Nëse dikush do të vijë pas meje, le ta mohojë vetveten!
Lk 9, 23-26


Pastaj u tha të gjithëve: Nëse dikush do të vijë pas meje, le ta mohojë vetveten, ta marrë çdo ditë kryqin e vet dhe të më ndjekë. Sepse kush do ta shpëtojë jetën e vet, do ta humbasë; por kush do ta humbasë jetën e vet për shkakun tim, do ta shpëtojë.


E pra, ç'dobi ka njeriu po të fitojë tërë botën, dhe pastaj të shkatërrojë veten dhe të shkojë në humbje?


Sepse, nëse dikujt i vjen turp për mua dhe për fjalët e mia, edhe Birit të njeriut do t'i vijë turp për të, kur të vijë në lavdinë e vet dhe të Atit e të engjëjve të shenjtë.

Mos e shkel kurorën!
Mt 5, 27-32


Ju keni dëgjuar se të lashtëve u qe thënë: Mos shkel kurorën.

Por unë po ju them se kushdo që shikon një grua për ta dëshiruar, ka shkelur kurorën me të në zemrën e vet.



Qe thënë gjithashtu: Kush e lë gruan e tij, le t`i japë letrën e ndarjes.

Por unë po ju them: Kushdo që e përzë gruan e tij, me përjashtim të rastit të kurvërisë, e bën atë të shkelë kurorën; dhe kushdo që martohet me një grua të ndarë, shkel kurorën.

Unë jam Mesia, unë që po flas me ty!
Gj 4, 24-26


Hyji është Shpirtë, dhe ata që e adhurojnë duhet t'a adhurojnë në shpirtë dhe në të vërtetën.

Gruaja i tha: "Unë e di se do të vijë Mesia, që e quajnë Krisht; kur të ketë ardhur, ai do të na kumtojë çdo gjë.

Jezusi i tha: Unë jam Mesia, unë që po flas me ty!

Sepse kështu na ka hije!
Mt 3,13-15


Atëherë erdhi Jezusi nga Galileja në Jordan te Gjoni për t`u pagëzuar prej tij. Por Gjoni e kundërshtoi fort duke i thënë: ``Mua më duhet të pagëzohem prej teje dhe ti po vjen tek unë?``. Dhe Jezusi, duke iu përgjigjur, i tha:


``Lëre tani! Sepse kështu na ka hije të kryejmë çdo gjë që përkon me vullnetin e Hyjit.

Biri i njriut do të vijë në atë orë që nuk e mendoni!
Lk 12, 37-40


Lum ata shërbëtorë, që zotëria, kur të kthehet, do t'i gjejë zgjuar! Në të vërtetë po ju them se ai vetë do të ngjeshet dhe do t'i vendosë ata në tryezë, dhe ai vetë do t'u shërbejë. Dhe, në se do të vijë në të dytën a në të tretën rojë të natës dhe t'i gjejë kështu, lum ata shërbëtorë.

Por ta dini këtë: se po ta dinte i zoti i shtëpisë në cilën orë i vjen vjedhësi, do të rrinte zgjuar dhe nuk do të linte t'i shpërthenin shtëpinë.

Edhe ju pra, jini gati, sepse Biri i njriut do të vijë në atë orë që nuk e mendoni.

Duhet të lindni përsëri prej së larti!
Gj 3, 3-7


Jezusi iu përgjigj dhe tha: "Në të vërtetë, në të vërtete po të them që nëse një nuk lind përsëri prej së larti, nuk mund ta shohë mbretërinë e Hyjit.

Nikodemi i tha: "Po si mund të lindë njeriu kur është plak? A mund të hyjë ai për së dyti në barkun e nënës së vet dhe të lindë?".

Jezusi u përgjigj: "Në të vërtetë, në të vërtetë po të them se kush nuk ka lindur me anë të uji dhe të Shpirtit, nuk mund të hyjë në mbretërinë e Hyjit. Ç'ka lindur nga mishi, mish është; por ç'ka lindur nga Shpirti, shpirt është.

Mos u mrrekullo që të thashë: Duhet të lindni përsëri prej së larti.