62 vjetori i përfundimit të konfliktit të përgjakshëm

Pas 62 vitesh, ato çfarë mbeten nga Lufta e Dytë Botërore janë statistikat. Të paktë janë të mbijetuarit e asaj lufte që kanë mbërritur deri në ditët e sotme, gërmadhat e atëhershme janë kthyer në ndërtesa madhështore dhe ajo çfarë të kujton në to vitet ‘39-’45, janë vetëm pllakat përkujtimore. Por statistikat qëndrojnë gjithmonë besnike. Në konfliktin më të madh të historisë botërore mbi 70 milionë njerëz u vranë. U mobilizuan 100 milionë ushtarë dhe u përfshinë 61 vende të botës. Numrin më të madh të viktimave e pati Bashkimi Sovjetik me 23 milionë njerëz të vrarë. Këto janë vetëm disa nga statistikat e saj.
Fillimi i “statistikave”
Lufta e Dytë Botërore nisi më 1 shtator 1939 dhe përfundoi më 9 maj 1945, dhe është cilësuar si përleshja më e madhe ushtarake në gjithë historinë e luftërave të zhvilluara deri më sot. Ajo nisi me sulmin kundër Polonisë pikërisht më 1 shtator të ’39-ës, dhe përfundoi me kapitullimin e Gjermanisë 6 vjet më vonë. Pas pushtimit të Polonisë, ushtria gjermane do pushtonte pjesën më të madhe të Evropës, duke përfshirë këtu edhe Francën, e cila iu dorëzua gjermanëve pa bërë rezistencë. Në vitin 1940, pas pushtimit të Francës,  në konflikt përfshihet edhe SHBA-ja. Por në vitin 1941 ushtria gjermane sulmoi Bashkimin Sovjetik, ku brenda një kohe të shkurtër arriti të pushtonte pjesën më të madhe të këtij vendi. Kthesa e luftës në favor të forcave aleate filloi në janar të vitit 1943, kur ushtria ruse arriti të thyejë forcat gjermane në atë që quhet beteja më e përgjakshme e të gjitha kohërave, beteja e Stalingradit.
Beteja e Stalingradit
Beteja e Stalingradit mban edhe numrin rekord të viktimave që arrin në 1,109,000 njerëz. Ajo filloi në verën e vitit 1942 dhe përfundoi me dorëzimin e gjermanëve në 31 janar 1943 dhe zgjati gati 200 ditë. Beteja e Stalingradit nuk ishte vetëm beteja më e madhe e Luftës së Dytë Botërore, por edhe ajo që përcaktoi në mënyrë të pakthyeshme fatin e Rajhut III. Fitorja e Stalingradit ishte sinjali vendimtar për kryengritje, që përshkoi Evropën nga njëri cep në tjetrin dhe që arriti të shkundë nga brenda edhe vendet ku ishte vendosur regjimi nazifashist. Konflikti më i përgjakshëm botëror përfundoi më 8 maj 1945 me kapitullimin e Gjermanisë dhe më 24 gusht 1945 Japonia nënshkroi kapitullimin e saj.

Armand jonuzi

notorius mos ngaterro kinen, se ne ate kohe ka patur edhe luften civile Guomindang - komunistet e Mao tze dong.