Mvaret kush si e sheh, personalisht nuk ndjehem e diskriminuar kur sma zgjat dikush doren, e respektoj kete vendim dhe me mjafton nje pershendetje e sinqerte ne menyre verbale. Rrespekti dhe miresjellja shprehet ne shume menyra Siri00.
Poashtu nuk kisha dasht te ma puthin doren, cme duhet te ma mbushin doren me jarg. (shaka pak lol)

E per te dyten qe the ne lidhje me perendimoret, je i sigurte se gjith jane ashtu?
E them sepse ke edhe te tille qe skane asnje grimce miresjellje ne vehte ndaj gjinise se kundert.


Kush thote se meshkujt musliman nuk ngrihen ne kembe kur afrohet nje zonje ne tavoline?
Si duket Siri00 paske pas rastin te njohish njerzit e gabuar, prandaj ke krijuar nje imazh te tille!:)
Nuk duhet te bejme gjeneralizime dhe paragjykime. Igru ka dhene pergjegje me vend.

Virtytet e Sahabijeve dhe rëndësia e edukimit të gruas
Nga dijetarja Umm Abdillah el-Uedije, Allahu e ruajtë
Burimi: Nasihati lin-Nisa





Imam el-Buhari ka thënë [7/133]:"Muhamedi më ka treguar se Abdeh na e ka transmetuar nga Hisham bin Urweh nga babai i tij se ai ka thënë:'Kam dëgjuar Abdullah bin Xhafer të thotë:'Kam dëgjuar Aliun, radijallahu anhu, të thotë:'Kam dëgjuar të dërguarin e Allahut, salallahu alejhi ue selam, të thotë:'Më e mira ndër gratë e tij [Xhenetit] është Merjem dhe më e mira ndër gratë e tij është Hatixha'". Po ashtu e transmetuar nga Muslim [4/2430].



Është me vend për ne gratë, që ta ilustrojmë me shembull këtë grua virtuoze dhe poashtu edhe me gratë tjera virtuoze si A'isha, Allahu qoftë i kënaqur me të. Ajo ka aq shumë virtyte, saqë disa nga dijetarët i dhanë përparësi A'ishes më shumë sesa Hatixhes, Allahu qoftë i kënaqur me të, për shkak të dëshmive të shumta që gjenden lidhur me virtytet e saj. Ajo përhapi dituri dhe konsiderohet të jetë midis atyre që transmetuan më së shumti thënie të pejgamberit, salallahu aljehi ue selam. Siç ka thënë poeti:



"Shtatë sahabë kallëzuan më shumë se një mijë [hadithe] dhe ata cituan
Hadithin nga i zgjedhuri, më e mira krijesë
Ebu Hurejra, Sa'd, Xhabir, Enes,
Sidikah [dmth A'isha], Ibn Abas, dhe poashtu Ibn Umer."




Dhe, es-Sujuti ka shkruar një tjetër poezi dhe tha:



Ata që transmetuan me bollëk,
Ebu Hurejra, dhe ai që e vijon atë është Ibn Umer,
Enes, el-Hibr [dmth Ibn Abas], el-Hudri [dmth Sa'd],
Xhabiri, dhe bashkëshortja e pejgamberit [dmth A'isha].




Imam et-Tirmidhi, Allahu pastë mëshirë ndaj tij, ka thënë [nr.3883]:"Na është transmetuar nga Humeid bin Mes'edeh, se Zijad bin er-Redi na ka treguar, se Halid bin Selemeh el-Mekhzumi na ka treguar, se Zijad bin er-Rebi na ka treguar, nga Ebu Berdeh nga Ebu Musa se ai ka thënë:'Kurrë nuk ka pasur hadith që ka qenë i vështirë për ta kuptuar nga shoqëruesit e të dërguarit të Allahut, salallahu alejhi ue selam, dhe që e pyesnin A'ishen, përveçse ata gjenin se ajo kishte njohuri lidhur me të". Zinxhiri i transmetimit është Hasan.



Kështu qëndron puna edhe me pjesën tjetër të bashkëshorteve të pejgamberit, salallahu alejhi ue selam, si Umm Sulejmë, gruaja e devotshme, prika [mehri] e së cilës qe Islami.



Imam el-Buhari ka përmendur në Sahi-në e tij:



"Umm ed-Derda po rrinte ulur në një tubim burrash që kishte të bëjë me namazin, dhe ajo ishte Fekihe [dmth dijetare]. Disa nga sahabijet thanë:'O i dërguar i Allahut, jemi mundur nga burrat me numër, pra na e cakto një ditë që të mësojmë atë çfarë Allahu të ka mësuar ty'. Kështu që ai u tha atyre:'Mblidhuni në këtë-e-këtë ditë'. Ato u mblodhën dhe ai u shkoi atyre, i këshilloi e i urdhëroi ato. Nga ajo çfarë ai u tha atyre:'Nuk ka grua që i rritë [edukon] tre fëmijë përveçse se kjo do të jetë mburojë për të nga zjarri'. Një grua tha:'E dy?' Ai tha:'Edhe dy'".



I dërguari i Allahut, salallahu alejhi ue selam, ishte i patundur në lejimin e tyre për të dëgjuar mirësi dhe ai u jepte atyre këshilla të veçanta për to.



Nga Ibn Xhubejr nga Ataa nga Xhabir bin Abdillah se ai ka thënë:



"Pejgamberi, salallahu alejhi ue selam, u çua për ditën e bajramit [të Fitrit]. Ai filloi me namazin pastaj mbajti hutben. Pasi e mbaroi, erdhën gratë. Kështu që ai i këshilloi ato ndërsa mbështetej në supin e Bilalit dhe Bilali kishte veshur një rrobe të gjerë. Ai përkujtoi gratë për lëmoshën".



Dhe, në një transmetim nga Ibn Abas:"Ai mendoi se gratë nuk e kishin dëgjuar, kështu që i këshilloi ato dhe i urdhëroi ato për lëmoshë".



Ibn Xhurejxh i tha Ataas:"A mendon se është me vend që imami t'i këshillojë ato [dmth gratë]?" Ai tha:"Kjo padyshim është e drejtë e tyre [imamëve], dhe çfarë të keqe që ata mos ta bëjnë këtë?"



Ndaj, kjo çështje s'është diçka e veçantë për të dërguarin e Allahut, salallahu alejhi ue selam. Kështu, është me vend që dijetarët dhe pushtetarët t'u kushtojnë vëmendje çështjeve të grave mu sikur që i dërguari i Allahut, salallahu alejhi ue selam, iu drejtohej atyre.



Selefus-Salih [paraardhësit e devotshëm] iu drejtoheshin atyre dhe u transmetonin dituri mu sikur që vepronin me burrat, që ato të udhëzoheshin për në çelësat e shkëlqesisë dhe të parandaloheshin nga e keqja. Pra, bindja nuk mbështetet në mënyrën e duhur përveçse me anë të diturisë, dhe dituria është absolutisht akti më i dobishëm i bindjes.



Kjo është thënë qartë nga një Zahide [askete], Fekihe, Alime [dmth dijetare]. Ajo është Umm Derda, Allahu qoftë i kënaqur me të, dhe ajo tha:"Kam kërkuar adhurim në gjithçka, dhe nuk kam gjetur gjë më të mirë dhe më të kënaqshme për veten time sesa ndenjia me dijetarët dhe përfitimi nga këshillimi i tyre". Pra gratë e sotshme kanë nevojë edhe më shumë për të ngjashmet me të, të cilat janë askete, virtuoze, dhe dijetare që edukojnë të tjerët.1



--------------------------------------------------------------------------------
1. Citat nga libri 'Inajetun Nisa bil Hadith en-Nebeui' nga Meshur bin Hasan, f.13.

 
Për çdo Motër
që beson në All-llahun dhe Ditën e Gjykimit
Përmbledhi dhe përgatiti:
Ebu Muslim Mexhdi bin AbdulUehab el-Ahmed



E lavdëruan:
Shejh Ali bin Hasen el-Halebi el-Etheri,
Unejstete el-Albani Ummu Abdallah, e bija e shejh Albanit



Përktheu:
Unejs Shuajb Murati





- Hyrje (lavdërim)
nga shejh Ali bin Hasen bin Ali el-Halebi el-Etheri



E falënderojmë All-llahun me një falënderim të sinqertë. Paqa dhe shpëtimi i All-llahut qofshin mbi të dërguarin e tij, familjen e tij, shokët e tij dhe pasuesit e tij.



Në “Sahihu Muslim” në hadithin e Temim ed-Dari, All-llahu qoftë i kënaqur me të, Pejgamberi, alejhi selam, ka thënë: “Feja është këshillë. E pyetën: Për kënd, o i Dërguar i Allahut? Ai tha: Për Allahun, Librin e Tij, të Dërguarin e Tij, për udhëheqësit e muslimanëve dhe për njerëzit e rëndomtë.”



Dhe nga njerëzit e rëndomtë është edhe motra (femra) e cila është nënë bujare, motër e sinqertë, bijë respektuese, grua e mirësjellshme. Me rregullimin e gruas rregullohet e gjithë shoqëria; kur ajo të jetë ndikuese dhe e ndikuar, e ditur dhe praktikuese e saj (diturisë) në vendet e duhura me një qëndrim të bindur.



….Këto janë fjalë këshilluese, shprejhe udhëzuese, thënie drejtuese, përgatitur dhe përmbledhur nga vëllai ynë në islam, Ebu Muslim - Lusim All-llahun që të kemi dobi prej saj, me shpresë se do të has në zemra dhe vesh të hapur dhe shpirtëra të etur… me të vërtetë All-llahu është dëgjues dhe përgjegjës…



Dhe lutja jonë e fundit është: Falënderimi i takon Zotit të Botëve.
Shkruar nga Ebul-Harith Ali bin Hasen bin Ali el-Halebi.


19/6/1418 h, Zerka, Jordan.




- Hyrje



Falënderimi i takon All-llahut, Zotit të botëve. Paqa qoftë mbi të dërguarin e All-llahut, familjen e tij, shokët e tij dhe këdo që e pason udhëzimin e tyre deri në Ditën e Gjykimit.



Kjo broshurë është e vogël në formatin e saj, megjithatë madhështore në kuptim, që i është kushtuar motrave respektuese dhe të përqendruara, përkujtuese dhe frikësuese për kundërshtaret, thirrje në përkushtim ndaj mbulesës islame nga një musliman këshillues e xheloz ndaj ndalesave të All-llahut, pikënisje e së cilës është besimi në All-llahun dhe Ditën e Gjykimit; duke qartësuar disa shkaqe që ndikojnë tek motra në neglizhencën ndaj përkushtimit - duke pasuar kënaqësitë e kota dhe epshet e ndryshme - që përmban përkujtim të Ditës së Fundit - llogarinë dhe dënimin - duke thirrur në sinqeritet ndaj All-llahut dhe kujdesin ndaj asaj çka ka urdhëruar dhe ndaluar Ai, posaçërisht në atë që ka të bëjë me mbulesën islame, e që pajisja me të është obligim i çdo motre nëse del nga shtëpia e saj apo nëse del para atyre me të cilët i është lejuar martesa.



Patjetër duhet të ndalemi, që ta di çdo motër se All-llahu mbulesën nuk e bëri respekt dhe nderim vetëm për të, por e bëri të jetë pengesë për rrugët e degjenerimit të meshkujve dhe rënien e tyre në mëkate sado të vogla që të jenë ato. Siç u përmend më lart kuptojmë se dalja e saj nga shtëpia në këtë gjendje jo vetëm që përmban në peshorën e saj mëkatin ndaj urdhërit të All-llahut, por edhe mëkatet e çdo njërit që ndikohet nga ajo!! Të kenë kujdes motrat në thëniet e tyre: “se braktisja e mbulesës është liri personale” ose “nuk mbulohem derisa të bindem.” Këto janë gjëra të cilat ua luhatin besimin e tyre.



Porosia ime për motrat muslimane është që të shpejtojnë në përkushtim ndaj urdhërave të All-llahut, duke ua rikujtuar atyre fjalën e All-llahut subhanehu ue teala:”Kur All-llahu ka vendosur për një çështje, ose i dërguari i Tij, nuk i lejohet asnjë besimtari dhe besimtareje që në atë çështje të tyre përsonale të bëjnë ndonjë zgjidhje tjetërfare, e kush kundërshton All-llahun dhe të dërguarin e Tij, ai është larguar shumë larg nga e vërteta.” (Ahzab: 36)



Dhe thënia e Muhamedit, alejhi selam:”Me të vërtetë All-llahu ështe xheloz, e po ashtu edhe besimtari është xheloz. Xhelozia e All-llahut është kur robi i Tij gjindet në atë që All-llahu e ka ndaluar për të.”



Paqa dhe shpëtimi i All-llahut qofshin mbi Muhamedin, alejhi selam, familjen e tij dhe të gjithë shokët e tij.



Shkruar nga Unejsete el-Albani Ummu Abdallah, e bija e shejh Albanit.


27 Rexheb, 1418 h.





Bismilahirr-Rrahmanirr-Rrahim



Falënderimi i takon All-llahut që i krijoi krijesat për ta adhuruar Atë, siç thotë edhe në Kur’an: ”Unë nuk i krijova xhinët dhe njerëzit për tjetër, vetëm se që ata të më adhurojnë Mua.” Edh-Dharijatë: 56. Dëshmoj se nuk ka Zot tjetër që meriton të adhurohet pos All-llahut, i Cili e ka bërë këtë ummet nga ummetet më të mira, dhe dëshmoj se Muhamedi, alejhi selam, është i vetmi që meriton të ndjeket, i cili ngriti flamurin e Njëshmërisë dhe vuri pengesë në çdo rrugë që shpien në shirk (politeizëm) apo që i devijon pasuesit e tij, deri në Ditën e Gjykimit.



"O ju që keni besuar, kini frikë All-llahun me një frikë të denjë dhe mos vdisni, pos duke qenë muslimanë!" (Ali Imran: 102)



"O ju njerëz! Kini frikë Zotin tuaj që ju ka krijuar prej një veteje dhe nga ajo krijoi palën e saj, e prej atyre dyve u shtuan shumë burra e gra. Dhe kini frikë All-llahun që me emrin e Tij përbetoheni, ruajeni farefisin, se All-llahu është Mbikqyrës mbi ju." (en-Nisa:1)





"O ju besimtarë, kini frikë All-llahun dhe thuani fjalë të drejta. Ai (All-llahu) ju mundëson të bëni vepra të mira, jua shlyen mëkatet e juaja. E kush respekton All-llahun dhe të Dërguarin e Tij, ka shpëtuar me një shpëtim të madh." (el-Ahzab: 70-71)



Thënia me e vërtetë është thënia e All-llahut, kurse udhëzimi më i mirë, është udhëzimi i Muhammedit salallahu 'alejhi ue sel-lem. Veprat më të këqija janë ato të shpikurat, çdo shpikje është bid'at dhe çdo bid'at është lajthitje, e çdo lajthitje çon në zjarr...



Me këtë broshurë të cilën e kam shkruar në pika të shkurtra kam synuar disa këshilla për motrat, të cilat kanë humbur rrugën dhe pasojnë shejtanët. Kam shtjelluar në të çështje të rëndësishme, nga të cilat motra duhet të ruhet dhe të kujdeset, dhe e kam titulluar “Për çdo motër që beson në All-llahut dhe Ditën e Gjykimit.”1



Lus All-llahun subhanehu ue teala që kjo broshurë t’iu sjell dobi motrave muslimane dhe të udhëzohen në atë që All-llahu e do dhe është në pëlqim me të.2



Mexhdi bin Abdul Wehab el-Ahmed - Ebu Muslim, All-llahu e faltë



--------------------------------------------------------------------------------
1.Kjo broshurë është botuar më parë duke mos e publikuar emrin tim dhe është shpërndarë falas, dhe në këtë ribotim janë disa shtojca, përmirësime, heqje etj.


2.Hadithet që gjinden në këtë broshurë janë të vërteta, nëse janë në Buhari dhe Muslim apo në njërën prej tyre, unë jam bazuar në to, e nëse jo, jam bazuar në librat e Muhamed Nasirud-din Albanit, All-llahu e meshiroftë.






Për çdo motër që beson në Allahun dhe Ditën e Gjykimit




Për çdo motër që beson në All-lahun dhe në Ditën e Gjykimit…. Por që ka humbur rrugën nga mendjelehtësia e saj, duke e bërë shejtani që ta harrojë këtë e të zhytet në këtë botë të shkurtër dhe të shurdhër, duke e ditur se rinia e saj kalon shumë shpejt, bukuria e saj deformohet, shkëlqimi i saj humbet, ose me vdekje të shpejtë, ose me ndonjë sëmundje prej së cilës nuk ka shpëtim nëse ajo vjen.



“Dhe ruajuni ditës kur do të ktheheni tek All-llahu, dhe secilit njeri i plotësohet ajo që e ka fituar, dhe atyre nuk u bëhet e padrejtë.” (el-Bekare: 281)



Motër! Me të vërtetë frika në All-llahu subhanehu ue teala është çelës i çdo të mire, lumturi në këtë botë dhe në botën e amshueshme. Fatkeqësitë dhe problemet ndodhin si shkak i gabimeve në frikë, humbjes së sinqeritetit apo humbjes së një pjese të saj, përgjigje në urdhërat e All-llahut subhanehu ue teala, largim nga mëkatet - kjo është lumturia në këtë botë, shpëtimi në botën e amshueshme, siç thotë All-llahu në Kur’an: ”E s’ka dyshim se ata që thanë:”All-llahu është Zoti ynë,” dhe ishin të paluhatshëm, atyre u vijnë engjëjt (në prag të vdekjes dhe u thonë:) “Mos u frikësoni dhe mos u pikëlloni, keni myzhde xhennetin që ju premtohej. (u thonë) Ne kujdesemi për ju si në jetën e kësaj bote, ashtu edhe në botën tjetër, ku do të keni atë që dëshironi dhe gjithçka kërkoni.” (Fussilet: 30-31)



Motër! All-llahu e di atë që ke në veten tënde, e di edhe atë çka ti e fshehë në gjoksin tënd: “A nuk e di Ai që ka krijuar, kur dihet se Ai depërton në thellësi të sekreteve, i njeh hollësitë.” (el-Mulk: 14) Andaj ki frikë All-llahun, i Cili të përcjellë në vende të vetmuara dhe të hapura; edhepse ti nuk e sheh Atë, Ai të sheh ty. Punoji të gjitha veprat tua për hir të Tij, se nëse vepra nuk është bërë me sinqeritet ndaj Tij dhe sipas metodës së Pejgamberit, alejhi selam, ajo vepër refuzohet nga kryesi i saj; mbështetur në hadithin e Muhamedit, alejhi selam ku thotë: ”Kush shpif diçka që nuk është nga ne, ajo është e refuzuar,” (Buhariu: 2697, Muslimi: 1718) duke u ngarkuar me atë vepër/mëkat për atë se e ka bërë një vepër jo për hir të All-llahut, e që është dashur të bëhet për hir të All-llahut.



Motër! Dije se orët e ardhshme janë duke u afruar dhe askush nuk mund të të shpëtojë prej tyre. Nuk të sjellë dobi asgjë përveç asaj që ke kaluar në respekt ndaj All-llahut; nuk të sjellë dobi burri, prindi, fëmiu, pasuria, të gjitha këto janë të kota në atë ditë (Ditën e Gjykimit). Dhe ato (motra) që thonë: “se Babai ose burri nuk dëshirojnë që unë të mbulohem” apo arsye të ngjashme, duhet ditur se tek All-llahu nuk do të kenë arsyetim në Ditën e Gjykimit, se njerëzit do të distancohen dhe nuk do ta ndihmojnë njëri-tjetrin, madje as më të afërmin e tyre që e kanë pasur në këtë botë, siç thotë All-llahu në Kur’an: “Atë ditë njeriu ikën prej vëllait të vet, prej nënës dhe babait të vet, prej gruas dhe prej fëmijëve të vet. Atë ditë secilit njeri i mjafton çështja e vet.” (Abese: 34-37)



Motër! Çfarë përmbledh pasuria e kësaj bote dhe zbukurimi i saj, me çdo gjë që ka në të: veturat e saja, paraqitjet e mrekullueshme dhe… Çfarë përmbledh? Çfarë rezultati sjell e gjithë kjo edhe sikur të jetosh 1000 vite e pastaj të jesh nga banoret e zjarrit – All-llahu na ruajt - edhe vetëm një ditë të vetme?!



“Ata kërkojnë prej teje t’ua ngutësh dënimin, por All-llahu nuk e then premtimin e Vet, pse një ditë të Zotit yt është sa njëmijë vjet, si llogaritni ju.” (el-Haxh: 47)



E çka sikur të jesh prej banoreve të zjarrit me mijëra vite?!! Zjarr i cili shkatërron, i cili djeg trupa, lëkura, i cili është shumë frikësues dhe i dhembshëm, ku nuk do të ketë vdekje, siç na e ka përshkruar All-llahu në Kur’an: “Dhe ata thërrasin: ”O Malik, le të na e marrë shpirtin Zoti yt!” Ai u thotë: “Ju do të jeni aty përgjithmonë!” (Zuhruf: 77)



Motër! Çka do të bëhet me ty kur e di se do të kalosh mbi urën e cila është më e mpreht se shpata, më e hollë se qimja e flokut, mbi zjarrin e xhehennemit që kalojnë njerëzit mbi të, e që nuk i shpëtojnë rënies në të përveç atyre që kanë bërë vepra të mira, siç thotë All-llahu në Kur’an:”Dhe nuk ka asnjë prej jush që nuk do t’i afrohet atij. Kjo (pamje e xhehennemit) është vendim i kryer i Zotit tënd. Pastaj (pasi që të kalohet ai) do t’i shpëtojmë ata që janë ruajtur (prej mëkateve), e zullumqarët do t’i lëmë aty të gjunjëzuar.” (Merjem: 71-72)



Pra, motër e dashur, ki frikë All-llahun dhe këtë ditë dhe mos të të lënë gjurmë lavdërimet e njerzëve për bukurinë tënde, veshjen tënde apo kënaqësitë e përkohshme, e që si çmim për të ke paguar jetën e pafund që ka kënaqësi të papërshkruara, me jetën e kotë dhe të rrejshme, pastaj a nuk frikësohesh nga dënimi i All-llahut i cili të shikon, e di atë që ti vepron?!!



Motër! Çka thua sikur ta kishe ushqyer, furnizuar me veshmbathje një grua gjatë tërë jetës tënde, e pastaj në fund ajo t’i kundërshtojë dhe refuzojë të gjitha mirësitë që ke bërë ndaj saj, a nuk e meriton ky refuzim një dënim të ashpër?



Me të vërtetë All-llau të dhuroi mirësi të shumta, duke filluar nga ajo kur ti ishe në barkun e nënës e gjer në vdekje, siç thotë All-llahu në Kur’an: ”Dhe çdo të mirë që keni, ajo është prej All-llahut, mandej edhe kur ju godet e keqja, ju vetëm te Ai e ngritni zërin (me lutje).” (Nahl: 53)



E çka do të bëhet me ty kur e di se të kanë përfshirë të mirat e All-llahut, të cilat nuk numërohen e që janë shndërruar në mëkate dhe kundërshtim ndaj urdhërave të Tij. Por edhe më e keqe është thirrja në mekate dhe shkatërrimi i robërve përmes zbukurimeve.



Motër! Nëse shfaq bukurinë tënde para njerëzve, kjo është sikur të reklamosh material shitës para njerëzve, kështu që vjen njëri të të shikojë pastaj tjetri, e që kjo ndikon në prishjen e zemrave dhe mendjes së rinisë, duke i habitur ata në humbjen e kohës në mëkat ndaj All-llahut, dhe e gjithë kjo që të jesh e bukur, duke anashkaluar All-llahun dhe kënaqësinë e Tij!!



Motër! A dëshiron që të jesh shkaktare e futjes së vëllait tënd musliman në zjarr në Ditën e Gjykimit!? Pra ki frikë All-llahun!



Motër! Dije se All-llahu është i Butë, Bujar, por mos harro se është edhe ndëshkues i ashpër, pra kërko bujarinë, butësinë, mëshirën e gjerë, faljen e madhe të Tij, dhe kthehu te All-llahu para se të vijë koha e caktuar e që nuk ka kthim mbrapa, thotë All-llahu në Kur’an:”E kur ndonjërit prej tyre i vjen vdekja, ai thotë: o Zoti im, më kthe që të bëjë vepra të mira e të kompenzoj atë që leshova!” Kurrsesi, (kthim nuk ka) e kjo është vetëm fjalë që e thotë, e ata kanë para tyre një perde deri në ditën kur ringjallen.” (el-Mu’minun: 99-100) Thotë All-llahu në Kur’an:”Kush bënë ndonjë të keqe ose e ngarkon veten e pastaj kërkon falje te All-llahu, ai e gjen All-llahun Falës e Mëshirues.” (en-Nisa: 110)

Ruaju motër muslimane!: që ta vësh mbulesën tënde për çështje personale, apo që të dukesh më e bukur, apo për shkak të modës së caktuar, por bëje këtë si respekt ndaj All-llahut dhe të dërguarit të Tij, si mbrojtje, pastrim, siç thotë All-llahu në Kur’an:”E kush është që e shpreson takimin e Zotit të vet le të bëjë vepër të mirë dhe në adhurim ndaj Zotit të tij të mos e perziej askënd.” (Kehf: 110)



Ruaju motër muslimane!: nga ndryshimi i krijesës së All-llahut9. Pejgamberi, alejhi selam ka thënë: ”I ka mallkuar All-llahu ata që vendosin paruka edhe atyre që u vendoset paruka.” Muslimi: 2122,115. Në një transmetim tjetër:”I ka mallkuar All-llahu ata që bëjnë tatuazhe dhe atyre qe iu bëhet tatuazh, ato që ndukin vetullat dhe atyre që iu nduken vetullat,… dhe ato që e ndryshojnë krijesën e All-llahut.”10 Buhariu: 4886, Muslimi: 2125.



Ruaju motër muslimane!: nga shoqërimi me ato që janë të zbuluara, ato që janë të prishura në moral, që gjithnjë dëgjojnë vetëm gjëra të këqija, duke marrë për bazë fjalën e Muhamedit, alejhi selam:”Shembulli i shoqërimit të mirë dhe shoqërimit të keq është si shembulli i atij që mban (shet) parfum dhe i farkëtarit; ai që mban parfum, ose të dhuron, ose ta shet atë apo së paku thithë nga ai erë të këndshme, ndërsa farkëtari të djegë rrobet apo së paku thithë nga ai erë të papëlqyer.” Buhariu: 5534



--------------------------------------------------------------------------------
9. Këto janë tetë kushtet dhe argumentet e mbulesës në pika të shkurtra, të marra nga libri i dobishëm “Xhilbabul-Meretul-Muslimetu” nga dijetari i shekullit el-Albani, All-llahu e shperbleftë.

10.a) heqja e qimeve në përgjithësi ose krejtësisht përveç nën sqetulla dhe në pjesët e turpshme ku duhet te heqen.
b) vendosja e parukës apo zgjatja e flokëve me bistek artificial.
c) që të shpojë ndonjë pjesë të trupit e më pas të vendosë ngjyrë të kaltër.
d) në ndryshimin e krijesës së All-llahut hyn edhe qëllimi për zbukurim.

--------------------------------------------------------------------------------

Ruaju motër muslimane!: nga shikimet që ka ndaluar All-llahu subhanehu ue teala në meshkujt, televizion apo revista degjeneruese që thirrin në prishjen e moralit, duke përkujtuar fjalën e All-llahut subhanehu ue teala: ”Thuaju edhe besimtareve të ndalin shikimet e tyre, të ruajnë pjesët e turpshme të trupit të tyre.” (en-Nur: 31)



Ruaju motër muslimane!: në zhveshjen e rrobave nëpër butiqe, në rrobaqepësi, në sallone të frizereve apo në çdo vend përveç në shtëpinë tënde, duke u frikësuar se mos po hyn në rangun e thënies së Muhamedit, alejhi selam: ”Çdo grua e cila zhvesh rrobat e saja në tjetër pos në shtëpinë e saj, vetëm se është larguar turpi mes saj dhe All-llahut.” Adabu Zefaf: 141.



Ruaju motër muslimane!: nga të përshëndeturit me dorë burrat e huaj edhe nëse është shok i burrit tënd, biri i axhës, biri i hallës, biri i dajës, biri i tezës dhe të gjithë ata që hyjnë në këtë dispozitë.



Bazuar në fjalën e Muhamedit, alejhi selam:"Unë nuk e preku dorën e gruas (së huaj)." Sahihul-Xhami: 7177 apo “Unë nuk përshëndes me dorë gratë.” Sahih: 529 apo fjalën e Muhamedit, alejhi selam:”Sikur të shpohet ndonjëri nga ju me shufër të hekurt në kokë, është më e mirë sesa të prek dorën e një femre që nuk i lejohet atij.” Sahih: 226.



Ruaju motër muslimane!: nga të llastuarit në fjalë, duke u bazuar në fjalën e All-llahut subhanehu ue teala:”O gratë e pejgamberit, ju nuk jeni si ndonjë grua tjetër, nëse keni kujdes e ruheni, andaj mos u llastoni në të folur e të lakmojë ai që ka sëmundje në zemrën e tij, po thuani fjalë të matura.” (el-Ahzab: 32)



Ruaju motër muslimane!: nga dalja e shpeshtë nga shtëpia përveç nëse është nevoja, dhe mos dil pëveç kur ke nevojë, duke u bazuar në fjalën e All-llahut:”Dhe rrini në shtëpitë tuaja.” (el-Ahzab: 33)



Ruaju motër muslimane!: që nëse del nga shtëpia për nevoja të domosdoshme mos të ecësh në mes të rrugës, duke marrë për bazë fjalën e Muhamedit, alejhi selam: ”… Me të vërtetë për to nuk është mesi i rrugës.” Sahih: 2/512 nën hadithin 856.

Ruaju motër muslimane!: nga muzevir11, duke u bazuar në fjalën e All-llahut subhanehu ue teala: ”Mos e respekto askënd që betohet shumë dhe është i poshtëër! Që është përgojues e bart fjalë ndër njerëz, shumë koprrac ndaj rrugës së mbarë, i pafrenushëm, mëkatar, që është shumë i vrazhdë, e më në fund edhe kopil (nuk i dihet baba).” (el-Kalem:10-13) Muhamedi, alejhi selam, thotë:”Nuk hyn në xhennet bartësi i fjalëve.” Sahih: 1034. Gjithashtu thotë: ”Do t’i gjesh hipokritët njerëzit më të k�

 
A janë gratë më të ulëta se burrat?
Shqyrtuar dhe modifikuar nga asaala.com




Keqkuptim: Në Islam, gratë janë më të ulëta se burrat, sepse:



- Burri mund të martohet me katër gra, gruaja mund të martohet me vetëm një burrë
- Hisja e trashëgimisë së burrit është më e madhe sesa e gruas
- Burri mund të martohet me një jomusliman, gruaja s'mund ta bëjë këtë
- Gruaja duhet të mbartë mbulesën



Pak është e mundshme që ky keqkuptim i përhapur të vijë nga arsyet e përmendura. Shqyrtimi i parë dhe më i rëndësishëm lidhur me pyetjen e mirënjohur "A janë burrat të barabartë me gratë" është se kjo pyetje s'është e formuluar si duhet dhe paraqet një pyetje pa përgjigje. Problemi që shumë njerëz e injorojnë është se fjala "barabartë" nuk është përkufizuar. Për shembull, gratë mesatarisht kanë epërsi ndaj burrave, nëse pyesim cili është më i shkurtër se tjetri. Gratë, po ashtu, mesatarisht kanë epërsi, nëse pyesim për kë janë fëmijët më të lidhur, për nënat apo për baballarët. Gratë, po ashtu, mesatarisht kanë epërsi, nëse pyesim kush ka prirje më shumë për shoqërizim. Në anën tjetër, burrat mesatarisht kanë epërsi, nëse pyesim kush është më i gjatë. Dhe kështu më radhë. Pra, çdo pyetje mund të ndryshohet krejtësisht, dhe, çka është më me rëndësi, këto janë rekuizita të parëndësishme.



Atëherë, cila është karakteristika e cila vërtet është me rëndësi, kur kemi të bëjmë më barazinë gjinore? Natyrisht, nga pikëpamja e Kur'anit dhe e Sunetit, karakteristika evidente është: kush është më i dashur për Allahun, burri apo gruaja? Në këtë pyetje Kur'ani përgjigjet prerazi:



« Kushdo që bën punë të mira, qoftë mashkull a femër, dhe duke qenë besimtarë, do të hyjnë në xhenet, dhe atyre s'do t'u bëhet aspak padrejtësi » [en-Nisa,124]



« Për muslimanin dhe për muslimanen, për besimtarin dhe për besimtaren, për të devotshmin dhe për të devotshmen, për të sinqertit dhe për të sinqertat, për durimtarët dhe për durimtaret, për të përulurit dhe për të përulurat, për mirëbërësit dhe mirëbërëset, për agjëruesit dhe për agjërueset, për ruajtësit e nderit dhe për ruajtëset e nderit, dhe për përkujtuesit dhe për përkujtueset e Allahut, për ta Allahu ka përgatitur falje dhe shpërblim të madh » [el-Ahzab: 35]



Kur'ani dhe Suneti e përsërisin vazhdimisht faktin se Allahu e favorizon një person mbi tjetrin vetëm bazuar në vetëdijen, frikën, dashurinë dhe shpresën që ai ka për Allahun [dmth takua; devotshmëri]. Të gjitha kriteret tjera përjashtohen: gjinia, grupi etnik, vendi, origjina, etj.



Duke pasur parasysh se Allahu nuk favorizon një gjini mbi tjetrën në vëmendjen e Tij ndaj nesh, tash mund të shqyrtojmë dallimet mes gjinive në Islam. Së pari, gratë dhe burrat nuk janë të njëjtë, siç e dimë. Allahu ka thënë në Kuran:



« ... dhe burri s'është njëjtë si gruaja ... » [Al Imran, 36]



Burrat dhe gratë janë të ndryshëm në konstrukt dhe në përgjegjësinë e tyre në Islam. Mirëpo, të dy janë të lidhur me obligime ndaj njëri-tjetrit, posaçërisht në zbatimin e më të rëndësishmes që duhet të kuptohet në cilindo diskutim rreth burrave dhe grave.



« Martoni të pamartuarit dhe të pamartuarat midis jush, si dhe robërit dhe robëreshat që janë të ndershëm. Nëse janë nevojtarë, Allahu do t'i furnizojë ata. Allahu jep shumë, është i dijshëm » [en-Nur, 32]



Në këtë ajet, Allahu thekson se muslimanët duhet fuqishëm të përpiqen për martesë, dhe gjendja e beqarisë nuk duhet të mbahet. Duke pasur parasysh këtë, mund të fillojmë të kuptojmë katër arsyet e përmendura më lart për, megjithatë, përfundimet e gabuara.



Burrat dhe gratë janë të ndryshëm në përgjegjësitë e tyre ndaj familjeve, për vendosjen e të cilave ata inkurajohen fort. Gratë nuk janë të obliguara të punojnë, kurse burrat janë të obliguar. Burri duhet të furnizojë familjen, por gruaja nuk është e obligueshme të harxhojë nga paratë e saj në këtë, ndonëse ajo shpërblehet për këtë. Allahu i lartësuar ka thënë:



« Burrat janë përgjegjës për gratë, sepse Allahu e ka bërë njërin prej tyre të tejkalojë tjetrin, dhe ngaqë ata harxhojnë nga pasuria e tyre [për mbajtjen e grave]. Ndaj, gratë e drejta janë të devotshme e të nënshtruara [ndaj Allahut dhe burrave të vet], dhe ruajnë atë që Allahu i ka urdhëruar të ruajnë [nderin, pasurinë e burrit, etj], kur burrat mungojnë... Sa për gratë me sjellje jo të mirë, qortoni ato, [pastaj] mos i pranoni në shtrat, [dhe në fund] rrihni [lehtësisht, nëse ka dobi në këtë]. Por, nëse ato bëhen të bindura, mos i bezdisni. Vërtet, Allahu është më i larti, më i madhi » [en-Nisa, 34]



Në Sunet, posaçërisht në Sahih Buhari, gjejmë:



Nga Amr bin el-Harith, bashkëshortja e Abdullahut:"Isha në xhami dhe pashë pejgamberin [salallahu alejhi ue selam] të thotë:'O gra, jepni lëmoshë, qoftë edhe nga stolitë tuaja'.
Zejneb furnizonte Abdullahun dhe jetimët që ishin nën kujdesin e saj. Kështu, ajo i tha Abdullahut:
- Pyete të dërguarin e Allahut se a është e mjaftueshme të harxhoj një pjesë të zekatit në ty dhe në jetimët që janë nën kujdesin tim.
- A nuk do ta pyesësh ti? – ia ktheu ai.
[Zejneb tha] Kështu, unë shkova te pejgamberi dhe pashë një grua nga ensarët, e cila po qëndronte të dera [e pejgamberit] për një problem si timin. Pranë nesh kaloi Bilali dhe ne e pyetëm atë:
- Pyete pejgamberin se a është e lejueshme për mua të harxhojë zekatin në burrin tim dhe në jetimët që janë nën kujdesin tim.
Bilali hyri brenda dhe pyeti pejgamberin për problemin tonë. Pejgamberi pyeti:
- Kush janë ato?
- Bilali i tregoi se ajo ishte Zejneb. Pejgamberi tha:
- Cila Zejneb?
- Gruaja e Abdullahut [Ibn Mes'ud] – u përgjigj ai.
- Po [është e lejueshme]. Dhe ajo do të ketë shpërblim të dyfishtë për këtë: një për atë se ndihmon të afërmit, tjetrin për dhënien e zekatit'".



Duke ditur që burrat janë të obliguar t'i furnizojnë gratë dhe martesa është një synim i rekomanduar në Islam, është lehtë të kuptosh përse hisja e trashëgimisë së gruas është sa gjysma e asaj të gruas. Përmendëm edhe se burrat janë të obliguar t'ia japin gruas një prikë [mehr] të përshtatshme për martesë. Në fakt, në këtë kontekst është e preferuar të flitet në kuptimin e bashkëshortit e bashkëshortes në vend të burrit e gruas. Allahu i lartësuar ka thënë:



« Dhe jepuni grave prikat e tyre si një dhuratë. Por, nëse ato vetë dëshirojnë t'ua dhënë një pjesë nga ajo, atëherë pranojeni atë pa frikë dhe me kënaqësi » [en-Nisa, 4]



« ... Dhe ato [gratë] kanë të drejta të ngjashme me të atyre [burrave] që janë përgjegjës mbi to në një mënyrë ma'ruf [dmth e gjithë ajo që është e pranueshme në kuptimin e mirësisë, zakoneve dhe fesë], kurse burrat janë një shkallë mbi to...» [el-Bekare, 228]



Kjo shkallë në asnjë mënyrë nuk ndikon në pozitën e Krijuesit, për të cilën Ai ka pohuar se nuk i konsideron gratë më të dashura se burrat apo anasjelltas. Mirëpo, kjo thjesht është një mënyrë e ndarjes së përgjegjësive në shtëpinë e dy të rriturve: dikush duhet të sjellë vendime për çështjet ditore, ndonëse vendimi përfundimtar i takon burrit. Vendimet më së miri arrihen me konsultime reciproke.



Ndërsa burrave u lejohet të marrin deri në katër gra, atyre, po ashtu, u rekomandohet të përmbushin parakushtet e të qenit financiarisht të zotë për t'i mbështetur ato. Ata duhet ta trajtojnë drejtësisht secilën grua sa u përket obligimeve ekonomike dhe martesore. Allahu i lartësuar ka thënë:



« Nëse keni frikë se s'do të mund të jeni të drejtë ndaj jetimeve, martohuni me gratë që doni, me dy, me tri apo me katër. Por, nëse keni frikë së s'do të përmbushni nevojat e tyre, atëherë vetëm me një, apo me atë që posedon dora juaj e djathtë [që janë në pronësinë tuaj]. Kjo është me e përshtatshme për të parandaluar padrejtësinë » [en-Nisa, 3]



Për më shumë, grave u lejohet të refuzojnë çfarëdo propozimi martesor që u bëhet nga kërkuesit e mundshëm. Kështu, nëse ajo ndjen se nuk mund t'u përmbahet rregullave të Kur'anit dhe Sunetit, nëse martohet me një person të caktuar, ajo mund ta refuzojë propozimin e tij. Ndonëse është e parëndësishme për Islamin, vlen të përmendet se judaizmi dhe krishterimi e lejojnë poligaminë. Kjo ide s'është e panjohur për jomuslimanët, siç pohohet shpesh.



Në fund, mbartja e mbulesës nga gruaja, po ashtu, është një premisë e palogjikshme për të pohuar se gratë janë më të ulëta se burrat. Është më me vend të akuzohet një shoqëri e eksploatimit femëror, nëse e lejon pornografinë, sesa një shoqëri që detyron mbulesën. Allahu i lartësuar nuk i bën të dashur njerëzit bazuar në gjininë e tyre, duke ditur që Krijuesi kujdeset për të gjithë ne, meshkuj e femra, dhe duke ditur që prirja seksuale dhe prirja për dhunë te burri është më e fortë sesa te femra... duke ditur tërë këtë, është e palogjikshme që urdhrat e Kuranit të kuptohen negativisht.



« O pejgamber, thuaju grave tua dhe bijave tua, si edhe besimtareve të mbulohen [kur të dalin jashtë apo janë midis burrave]. Kjo është më mirë, me qëllim që të njihen [si gra të ndershme] dhe të mos bezdisen... » [el-Ahzab, 59]



« Thuaju besimtarëve t'i ulin shikimet [nga gjërat e ndaluara] dhe t'i ruajnë vendet e turpshme [nga aktet e paligjshme seksuale]. Kjo është më mirë për ta. Vërtet, Allahu është i mirinformuar rreth asaj çfarë ata bëjnë. Dhe thuaju besimtareve t'i ulin shikimet [nga gjërat e ndaluara] dhe t'i ruajnë vendet e turpshme [nga aktet e paligjshme seksuale], dhe të mos shfaqin bukuritë e tyre, përveç asaj çfarë shihet. Dhe le të vendojnë mbulesën e të mos shfaqin bukuritë e tyre, përveç para burrave të tyre » [en-Nur, 30-31]



Lidhur me këtë keqkuptim, ka vend të shkruhet goxha shumë, sidomos të tregohet sesi veprimet në shumë vende muslimane bien në kundërshtim me urdhrat e Kur'anit dhe Sunetit, vende ku gratë trajtohen si pronë [jo islamikisht], janë të pamësuara, u mohohen të drejtat ekonomike, etj. Veçanërisht rreth kësaj pike nxisim çdonjërin të konsultohet me Kur'anin dhe Sunetin para se ta fajësojë Islamin. Gjithmonë kini ndër mend se Islami është një mënyrë e kompletuar e jetës nga Krijuesi, dhe muslimanët janë njerëz që pohojnë ndjekjen e kësaj mënyre të jetës. Një musliman mund të pohojë se zbaton Islamin, por të jetë i gabuar.