eselamu alejkum
deshta vetëm te ceki diçka sa i lexova postimet e jua me duket se askush nuk kishte postuar diçka se cilët jan ''KUSHTET E HIXHABIT''sa po e shoh fjalime te shumta por argumenta askund deshta vetëm të postoj se qfar ka than një dijetar shqiptar ndoshta edhe e njihni Muhammed Nasirud-din Albani,reth ''KUSHTET E HIXHABIT'' edhe njëherë kerkoj hallall edhe nqofse kam gabu dikund pres këshillën e juaj se ka then Muhamedi a.s.;;dini është keshill;;
Kushtet e Hixhabit
___________________ ___________________ __
Falenderimi i takon Allahut, Zotit të botërave.

Kushtet e hixhabit janë:

Së pari: (duhet të mbulojë të gjithë trupin përveç asaj që mund të duket)

Allahu thotë:

"O Pejgamber, Thuaji grave të tua dhe vajzave të tua dhe grave të besimtarëve le të vëjnë shamitë (mbulojë) e veta mbi trupin e tyre pse kjo është më afër që ato të njihen (se nuk janë rrugaçe) e të mos ofendohen."[El-Ahzab: 59]

Ky ajet dëshmon qartë që është e obligueshme për të mbuluar të gjithë bukurinë e gruas dhe zbukurimet e saja dhe të mos i shfaq asgjë përpara një jo-mehremi përvec asaj që shfaqet joqëllimisht në të cilin rast nuk do të ketë gjynah nëse ato nxitojnë ta mbulojnë.

El-Hafiz Ibn Kethir ka thënë në tefsirin e tij:

"Kjo do të thotë që ato duhet të mos shfaqin asnjë pjesë të zbukurimeve të tyre burrave jomehrem përvec asaj që është e pamundur për tu mbuluar.Ibn Masudi ka thënë: "E tillë është xhilbabi dhe roba cfarë gratë arabe vishnin një veshje të jashtme që mbulon të gjithë atë që gruaja është duke veshur përvec asaj që duket nga poshtëë rrobës së jashtme.Nuk ka gjynah mbi një grua përsa i përket kësaj sepse është e pamundur për tu mbuluar"

Së dyti: (nuk duhet të jetë një veshje e zbukuruar)

Allahu thotë:

"....dhe mos të shfaqin zbukurimet e tyre.."[Surah el-Nur: 31].Kuptimi i përgjithshëm i kësaj frazë përfshin veshjen e jashtme sepse nëse është e zbukuruar do të tërheq vëmendjen e burrave tek ajo.Ky është i mbështetur nga ajeti në Surahn Ahzab:

"Dhe qëndroni në shtëpiat tuaja dhe mos shfaqni vetetettuaja si në kohën e injorancës".[Surah el-Ahzab: 33]është gjithashtu i mbështetur nga hadithi në të cilin profeti salallahu alejhis ua selam ka thënë: "Ka tre për të cilët mos më pyesni një njeri i cili e lë xhematin nuk i bindet prijësit të tij dhe vdes i pabindur;një femër ose burrë rob i cili arratiset dhe pastaj vdes dhe një grua burri i së cilës është larguar dhe e ka lënë me çdo gjë që ajo ka nevojë dhe pasta ai është larguar dhe ai e ka zbuluar veten e saj.Mos pyet për ta".

(I transmetuar nga el-Hakimi, 1/119;Ahmedi 6/19 nga hadithi i Fadalah bint Ubejd.Zingjiri i tij është sahih dhe është në el-Adab el-Mufrad)

Së treti: (duhet të jetë i trashë dhe jo transparent)

-sepse nuk mund të mbulohet në mënyrë korrekte ndryshe.Rrobat transparente e bëjnë një grua më të dëshirueshme dhe të bukur.Pëër sa i përket kësaj profeti salallahu alejhis ua selam ka thënë: "Gjatë ditëve të fundit të ummetit tim do të ketë gra të cilat janë të veshura por janë lakurice me diçka mbi kokat e tyre si gungat e deveve.Mallkoni ato sepse ato janë të mallkuara".Në një tjetër hadith thuhet: "Ata nuk do të hynë në Parajsë ose madje nuk do ta ndiejnë as erën e saj megjithëse era e saj mund të arrijë një distancë e atillë dhe këtillë".

(I transmetuar nga Muslimi nga raporti i Ebu Hurejrahs)

Ibn Abd el-Barr ka thënë: "Cfarë profeti salallahu alejhis ua selam nënkuptojë ishte që gratë të cilat veshin rroba të bëra me materiale të lehta të cilat janë të tejdukshme dhe nuk mbulojnë.Ata janë rroba me emër dhe jo në realitet.

I transmetuar nga el-Sujuti në Tanuir el-Haualik 3/103.

Së katërti: (duhet të jetë i gjërë jo i ngushtë që nxjerr në pah format e trupit)

Qëllimi i veshjes është për të penguar fitnan dhe kjo mund të arrihet nëse veshjet janë të gjëra dhe jo të ndheshura.Teshat e ngushta madje edhe nëse mbulojnë ngjyrën e lëkurës ende e përshkruajnë madhësinë dhe formën e trupit ose një pjesë të tij dhe krijojnë një imazh të gjallë në mendjet e burrave.Fitnah ose ftesa për në fitneh që ekziston është krejtësisht e dukshme.Kështu rrobat duhet të jenë të gjëra.Usamah ibn Zejd ka thënë: "I Dërguari i Allahut salallahu alejhis ua selam më dha një rrobë egjyptiane të trashë që ishte një nga dhuratat e dhëna nga Duhiat el-Kalbi dhe unë ia dhashë graus time ta veshë.Ai tha: "Pse nuk të shoh që e veshën atë rrobën egjyptiane?"Unë i thashë "Unë ia dhashë atë gruas time për ta veshur".Ai tha"Thuaji asaj të veshë diçka nën të pasi unë frikësohem se mund të nxjerrë format e kockave të saj".[I transmetuar nga el-Dija el-Makdisi në el-Ahadith el-Mukhtarah, 1/1442 dhe nga Ahmedi dhe el-Bejhaki me një zingjirë të mirë]

Së pesti: (nuk duhet të parfumoset me bakhur ose parfum)

Ka shumë hadithe që e ndalojnë gruan të parfumoset kur ajo del nga shtëpia e saj.Ne do të citojmë këtu disa prej tyre të cilët kanë zingjire të sakta:

1.Ebu Musa el-Ashari ka thënë: "I dërguai i Allahut salallahu alejhis ua selam ka thënë: "Çdo grua që parfumoset e pastaj kalon para njerëzve kështu që ata mund të ndiejnë erën e parfumit të saj është një lavire"

2.Zejneb el-Thakafijah ka raportuar që profeti salallahu alejhis ua selam ka thënë: "Nëse ndokush nga ju (gratë) shkon për në xhami letë mos përdorë asnjë parfum".

3.Ebu Hurejrah ka thënë: "I dërguri i Allahut salallahu alejhis ua selam ka thënë: Çdo grua e cila është parfumosur me bakhrur le të mos vijë të falet për jaci me ne"

4.Musa Ibn Jasar ka thënë që një grua ka kaluar pranë Ebu Hurejras dhe era e saj ishte shpërndarë.Ai ka thënë: "O robëresha e el-Xhabarit a je duke shkuar në xhami?Ajo ka thënë: "PO".Ai ka thënë: "Dhe ke vënë parfum për këtë?Ajo ka thënë: "Po".Ajo ka thënë: "Kthehu mbrapa dhe laje veten sepse e kam dëgjuar të dërguarin e Allahut salallahu alejhis ua selam të thotë: "Nëse një grua shkon në xhami dhe era e saj shpërndat Allahu nuk do t'ia pranojë asnjë falje derisa ajo të shkojë në shtëpi dhe të lajë veten".

Këto hadithe janë në aplikim të përgjithashëm.Ashtu si ndalimi përfshin parfumimin e trupit gjithashtu përfshin edhe parfumin që aplikohet në rroba vecanërisht në hadithin tretë, ku bakhrur është përmendur sepse parfumi është i përdorur vecanërisht për të parfumosur rrobat.

Arsyeja për këtë ndalesë është krejt e qartë e cila është e qartë që parfumi i gruas mund të shkatojë provokime dëshirash.Dijetarët gjithashtu ka përfshirë gjëra të tjera që të shmangen nga gratë të cilat duan të shkojnë në xhami të tilla si rrobat e bukura xhevahiret që mund të shihen zbukurime të tepruara.Shiko Fath el-Bari 2/279.

Ibn Dakik el-Id ka thënë:

"Kjo tregon që është e ndaluar për një grua e cila dëshiron të shkojë në xhami të parfumoset sepse kjo shkakton provokime në dëshirat e meshkujve.Kjo është raportuar nga el-Manaui në Fejd el-Kadir në komentimin e hadithit të parë të Ebu Hurejrahs të cituar më lart.

Së gjashti: (nuk duhet t'i ngjajë rrobave të burrave)

është raportuar në hadithe autentike që një grua e ilca imiton burrat në veshjet e tyre ose në rrugët e tjera është e mallkuar.Mëposhtëë janë disa hadithe që ne i dimë:

1.Ebu Hurejrah ka thënë: "I Dërguari i Allahut salallahu alejhis ua selam e ka mallkuar burrin që vesh rrobat e grave dhe gruan që vesh rrobat e burrave".

2.Abd Allah Ibn Amër ka thënë: "Unë kam dëgjuar të dërguarin e Allahut salallahua alejhis ua selam të thotë: "Ata nuk janë prej nesh, gratë të cilat imitojnë burrat dhe burrat që imitojnë gratë".

3.Ibn Abbas ka thënë: "Profeti salallahu alejhis ua selam i ka mallkuar burrat e feminizuar dhe gratë e mashkulluara.Ai ka thënë: "Nxirrini ato prej shtëpiave".Ai ka thënë: "Profeti salallahu alejhis ua selam i ka përzënë këtë dhe këtë dhe Umari ka përzënë këtë dhe këtë".Sipas një versioni tjetër: "I dërguari i Allahut salallahu alejhis ua selam i ka mallkuar burrat që imitojnë gratë dhe gratë që i imitojnë ata".

4.Abd Allah Ibn Amër ka thënë: "I dërguari i Allahut salallahu alejhis ua selam ka thënë: "Tre persona nuk do të hynë në xhennet dhe Allahu nuk do ti shikojë ata në ditën e gjykimit: një i cili nuk i bindet prindërve të tij, një gruaje që imiton burrat dhe dujudh (burrë i dobët që nuk ndiehet xheloz për gruan e tij)".

5.Ibn Ebu Malika emri i të cilit ishte Abd Allah Ibn Ubejdallah ka thënë: "I është thënë Aishah-s radiallahu anhe: "Cfarë është nëse një grua vesh sandale burrash?Ajo ka thënë: "I dërguari i Allahut salallahu alejhis ua selam i ka mallkuar gratë që veprojnë si burrat".

Këto hadithe tregojnë qartë që është e ndaluar për gratë të imitojnë burrat dhe e kundërta.Kjo zakonisht përfshin veshjen dhe cështje të tjera përvec hadithit të parë të cituar më sipër i cili i referohet veshjes vetëm.

Ebu Daudi ka thënë në Masail el-Imam Ahmed (faqe 261): "Unë kam dëgjuar Ahmedin se është pyetur rreth një burri i cili e vesh robëreshën e tij me një xhaketë verore për burra.Ai ka thënë: "MOs e vesh atë me rroba burrash mos e bëj atë të duket si një burrë".Ebu Daudi ka thënë: "Unë i kam thënë Ahmedit a mund ti jap asaj sandale burrash për ti veshur?Ai ka thënë: "Jo, veçse nëse ajo i përdor për të marrë abdes".Unë i kam thënë: "Cfarë thua për bukurinë e saj?Ai ka thënë: "jo".Unë i thashë a mund ti presë flokët shkurt?Ai ka thënë: "Jo".

Së shtati: (nuk duhet ti ngjajë veshjeve të grave kufare)

është e dëshmuar në sheriah që muslimanët burra dhe gra nuk duhet ti ngjajnë ose ti imtojnë kufarëve me respekt të adhurimit, festivaleve ose veshjes që është vecanërisht për ata.Kjo është një princip i rëndësishëm islam të cilin në ditët tona fatkeqësisht është e neglizhuar nga shumë musliman madje edhe nga ata që kujdesen për fenë dhe i thërrasin të tjerët në fe.Kjo është ose për shkak të injorancës ndaj fesë së tyre ose për shkak se ata ndjekin dëshirat e tyre ose për shkak të devijimit, të kombinuar me zakonet moderne dhe imitimit të kafirve të Europës.Kjo është një nga shkaqet e muslimanëve dhe dobësisë e cila i aftëson të huaj për ti pushtuar dhe kolonizuar ata."...Me të vërtetë, Allahu nuk do ta ndryshojë gjendjen e një populli përderisa ata nuk ndryshojnë vetveten e tyre..."[Surah Er-Rad: 11]

Duhet të dihet që ka shumë fakte të sakta për këto principe të rëndësishme të Kur'ani dhe Sunnetit dhe që fakti në Kur'an është i përforcuar nga Sunneti siç është gjithmonë rasti.

Së teti: (nuk duhet të jetë një veshje fame dhe mendjemadhësie)

Ibn Umar radiallahu anhu ka thënë: "I dërguari i Allahut salallahu alejhis ua selam ka thënë: "Kushdo që vesh një veshje fame dhe mendjemadhësie në këtë botë, Allahu do ta veshë atë më një veshje poshtëërimi në ditën e gjykimit, pastaj Ai ta bëjë zjarrin për ta djegur atë".


Muhammed Nasir ud-Din Albani

Marrë nga: "Hixhab el-Marah el-Muslimah (faqe 54-67)"

Përktheu: (Ammar) Ardit Kraja


Muhammed Nasirud-din Albani,

ndoshta kjo mjafton për kushtet e hixhabit eselamu alejkum

eselamu alejkum

vllau gysi tha
Po kështu, kjondrydhja nga epshi me kujton një ngjarje qe ma kanë treguar disa miq me Shuajb Arnautin.
Kur vinin dhe disa muslimane ne xhamine e shejhut i ankoheshin për gratë qe te vinin nikab sepse bëheshin fitne ne xhami ai u thoshte: "përse tu them atyre te vënë nikabin, kur Zoti s'i ka urdheruara për këtë? Ulni juve shikimin!"[/font]
për këtë qe hoxha Shuajb Arnauti Allahu e shperbleft me te mira qe ka then se Zoti nuk i ka urdhëruar për ti mbuluar fytyren ja disa argumenta nga kurani dhe sunneti i pejgamberit a.s.pose këtu ka dy mendime një thot qe sunnet është mbulimi i fytyres e njera an thot qe farz po mendimi me i sakt është qe mbulimi i fytyres është farz (obligushme) ja pra disa argumenta
I drejtohem çdo muslimanit dhe muslimanes të cilëve ju intereson haku (e vërteta), me të cilin All-llahu subhanehu ue teala na ka obliguar të punojmë. Në këtë shkrim modest kemi për qëllim që t'i forcojmë nënat, motrat, gratë dhe bijat tona në ruajtjen e nderit…

Falënderimi dhe lavdërimi i takon vetëm All-llahut, Atë e adhurojmë dhe vetëm prej Tij ndihmë dhe falje kërkojmë. Kërkojmë që të na mbrojë prej sherrit dhe punëve të këqija. Kë e udhëzon All-llahu nuk ka kush e lajthit dhe kë e humb All-llahu, nuk ka kush e udhëzon. Dëshmoj se nuk ka të adhuruar me të drejtë pos All-llahut, I Cili nuk ka ortak dhe dëshmoj se Muhammedi është rob dhe i Dërguar i Tij sal-lall-llahu alejhi ue sel-lem.

Fjala më e mirë është fjala e All-llahut subhanehu ue teala dhe udhëzimi më i mirë është udhëzimi i Resulull-llahut sal-lall-llahu alejhi ue sel-lem, punët më të këqija janë ato të shpikurat në fe, çdo punë e shpikur është bidat, çdo bidat është dalalet dhe çdo dalalet të çon në xhehennem.

I drejtohem çdo muslimanit dhe muslimanes të cilëve ju intereson haku (e vërteta), me të cilin All-llahu subhanehu ue teala na ka obliguar të punojmë. Në këtë shkrim modest kemi për qëllim që t'i forcojmë nënat, motrat, gratë dhe bijat tona në ruajtjen e nderit, të largohen nga thirrjet e përëndimorëve në poshtëërsi dhe amoralitet, të cilët e kanë parë se Islamin i cili është ruajtur 14 shekuj të plotë nuk munden ta luftojnë me forcë. Mu edhe për këtë mundohen çdo ditë të zbulojnë metoda të ndryshme për luftimin e Islamit. Prej metodave të tyre është edhe ajo se ata dëshirojnë ta bashkojnë hakun me batilin, të mirën me të keqen, sunnetin me bidatin, apo atë që i përmbahet sunnetit me atë i cili është bidatxhi, bile më e rrezikshmja është se ata dëshirojnë ta përzijnë Kur'anin me librat tjera të cilat janë te deroguara, bile tani edhe të falsifikuara. Dëshirojnë të bashkojnë xhaminë me kishën, muslimanin me kafirin, dëshirojnë të jetë një fe. E kjo nuk do të ndodhë asnjëherë.

Në njërin prej aspekteve në të cilin punojnë më së shumti është thirrja e tyre që gruaja muslimane të bëhet si gratë e tyre, "E barabartë" me burrin. Koncentrimi më i madh i tyre në këtë thirrje është që gruaja ta zbulojë trupin e saj pa marrë parasysh para kujt, të punësohet në një vend me burrat, të marrë pjesë në çdo vend ku është edhe burri, etj. Për fat të keq, shumë muslimanë i kanë pranuar këto thirrje.

Muslimani i vërtetë të gjitha këto i refuzon, ngase e di se Krijuesi i tij është All-llahu subhanehu ue teala I Cili nuk e ka krijuar për kot, nuk e ka krijuar që të jetojë si kafshët, por i ka dhënë mend dhe ia ka dërguar fenë që të dijë se si të veprojë në këtë botë. Muslimani e di se të gjithë kafirat (të pafetë) nuk vlejnë as sa kafsha, ngase për këtë i ka treguar Krijuesi i të gjitha krijesave, i njerëzve dhe kafshëve, i muslimanëve dhe i kafirave, ku thotë: "Mos vallë mendon se shumica e tyre (kafirave) dëgjojnë ose kuptojnë?Ata nuk janë veçse si bagëti- jo, ata janë edhe më të humbur" (Furkan 44). Njeriu i mençur nuk pranon asnjë mendim prej kafshëve (nëse ka mundësi kjo), e ku më prej dikujt që është më poshtëë se kafsha?!

E lus All-llahun subhanehu ue teala që t'i mbrojë të gjithë muslimanët prej thirrjeve të këtilla, dhe t'i forcojë në fenë islame me dituri dhe praktikë të çdo gjëje bile edhe gjërat më të imta.

Mendoj se shumica e muslimanëve janë të njohur me këto gjëra dhe dinë se si të veprojnë. Mirëpo, mirë është që t'i përmendim disa argumenta prej Kur'anit dhe sunnetit të vërtetë që tregojnë se mbulesa Islame për gruan është farz (obligim i domosdoshëm) dhe t'i tregojmë gruas muslimane se ajo është në rrugë të drejtë dhe nën ndihmën dhe mëshirën e All-llahut subhanehu ue teala.

Ne e dimë fort mirë se ne jemi të urdhëruar që pas Kur'anit dhe Sunnetit të pasojmë rrugën e sahabeve. Ajo është rruga më e mirë dhe sqarimi më i mirë i sheriatit islam (Kur'anit dhe Sunnetit). Sa i përket veprës së grave besimtare për këtë çështje (mbulesën), dihet fort mirë se ato kanë qëndruar në shtëpitë e tyre dhe nuk kanë dalur përveç kur e kanë pasur të patjetërsueshme. Ato para burrave të huaj kanë dalë me mbulesë, duke e pasur edhe fytyrën e mbuluar, duke mos zbuluar gjë prej stolive të tyre e ku më diçka prej trupit të tyre. Shumica e muslimanëve janë të një mendimi për këtë çështje. Gjendja e grave besimtare nëpër të gjitha vendet Islame vazhdoi kështu derisa nuk filluan të mashtrohen me thirrjet e punëtorëve të shejtanit të mallkuar. Kështuqë kah mesi i shekullit XIV hixhrij filloi heqja e mbulesës prej fytyre. Për herë të parë në Egjipt, pastaj në Turqi, Siri, Irak, Maroko kështuqë i kaploi shumicën e vendeve Islame. Ngase k[ta të mallkuar e dinin se turpi i femrës është te fytyra e saj, e nëse prej fytyrës largohet turpi atëherë lehtë do ta kenë për gjërat tjera. Ashtu edhe ndodhi, kjo heqje e mbulesës nga fytyra, pas një kohe të shkurtër "përparoi", në atë mënyrë që e arriti kulmin e lakuriqësisë, zbulimin e plotë të trupit të femrës, All-llahu na ruajt nga çdo e keqe.

Prej argumenteve më të njohura për atë se mbulimi i fytyrës është i obligueshëm për gratë besimtare janë këto:

Argumenti i parë: (që tregon se mbulesa është farz) Thotë All-llahu subhanehu ue teala në suren el-Ahzab 32-33: "O gratë e Pejgamberit! Ju nuk jeni si çdo grua tjetër. Nëse ju i keni frikë All-llahut, atëherë mos u llastoni në të folur e të lakmojë ai që ka sëmundje në zemrën e tij, po thuani fjalë të matura. Rrini në shtëpitë e juaja e mos shfaqni bukuritë tuaja ashtu si shfaqej në kohën e xhahilijetit (injorancës), falni namazin, jepni zeqatin dhe respektoni All-llahun dhe të Dërguarin e Tij". Në këtë ajet All-llahu subhanehu ue teala u drejtohet grave të Resulull-llahut sal-lall-llahu alejhi ue sel-lem dhe grave të besimtarëve në përgjithësi, ndërsa i ka përmendur vetëm gratë e Resulull-llahut sal-lall-llahu alejhi ue sel-lem për shkak të vendit të lartë që posedojnë ato në Islam dhe për shkak se ato janë shembëlltyrë për gratë tjera besimtare. Dihet se gratë e Resulull-llahut sal-lall-llahu alejhi ue sel-lem kanë qenë gratë më të ndershme dhe do të jenë përgjithmonë, por All-llahu subhanehu ue teala u është drejtuar atyre që të kuptojnë edhe gratë tjera, sepse ato gra nuk janë sikurse gratë e Resulull-llahut sal-lall-llahu alejhi ue sel-lem.

Argumenti i dytë: Thotë All-llahu subhanehu ue teala në ajetet 53-55 të sures el-Ahzab: "…dhe kur ju i pyetni (gratë e Resulull-llahut) për ndonjë send, atëherë pyetini ato pas perdes, kjo është më pastër për zemrat e juaja dhe të tyre. Juve nuk ju takon që ta mundoni të Dërguarin e All-llahut, e as të martoheni kurrë me gratë e tij pas (vdekjes së) tij. Këto tek All-llahu janë mëkat i madh. E shprehët ju ndonjë send apo e fshehët atë, s'ka dyshim se All-llahu çdo send e di. Nuk është mëkat për ato (gratë të jenë të pambuluara) ndaj baballarëve të tyre, bijve të tyre, vëllezërve të tyre, djemve të vëllezërve të tyre, djemve të motrave të tyre ose para grave të tyre (besimtareve) apo para robëreshave të tyre. E, frikësohuni All-llahut (o ju gra), All-llahu është Dëshmitar për çdo gjë". Ky ajet njihet si ajeti i hixhabit (mbulesës), ku urdhërohen gratë e Resulull-llahut sal-lall-llahu alejhi ue sel-lem dhe gratë e besimtarëve që të mbulohen me mbulesë Islame. Ky ajet ka zbritur në vitin e pestë të hixhretit të muajit Dhul-ka'deh. Nga ky ajet kuptojmë se cilëve burra gruaja ka të drejtë t'ia zbulojë bukuritë e saja, dhe se të gjithë burrave tjerë përveç këtyre është haram tu zbulohet bukuria e tyre. Daja edhe mixha nuk janë të përmendur në këtë ajet, por janë të përmendur në ajet tjetër (en-Nisa' 23)

Argumenti i tretë: Ajeti i dytë i hixhabit i cili urdhëron mbulimin e fytyrës me ferexhe. Thotë All-llahu subhanehu ue teala: "O Pejgamber! Thuaju bashkëshorteve tua, bijave tua dhe bashkëshorteve të besimtarëve ta lëshojnë xhilbabin (ferexhenë) e tyre mbi gjithë trupin e tyre. Kjo do të ishte më e mirë që ato të mund të dallohen që të mos i shqetësojë askush. All-llahu falë gabimet e kaluara, Ai është Mëshirues. (el-Ahzab 59) Ka thënë Sujutiu rahimehull-llah: "Me këtë ajet All-llahu u drejtohet të gjitha grave muslimane ku i urdhëron që t'i mbulojnë kokat dhe fytyrat e tyre njëkohësisht. All-llahu subhanehu ue teala në ajetin e lartëpërmendur ka thënë: "…le ta lëshojnë xhilbabin (ferexhenë) …"; xhilbab në gjuhën arabe d.m.th. rrobë e gjërë me të cilin mbulohet i tërë trupi. Nga ky ajet nuk mund të kuptohet diçka tjetër pos urdhërit për mbulimin e fytyrës, sepse dihet se gratë në kohën e injorancës nuk kanë qenë të zbuluara sikur që janë të zbuluara disa gra sot, por ato i kanë pasur të zbuluara fytyrat. E, kur erdhi Islami i urdhëroi që t'i mbulojnë edhe fytyrat. Në këtë mendim na ndihmon edhe vet ajo se gratë e sahabëve e kanë kuptuar kështu. Këtë na e vërteton fjala e Aishes radijall-llahu anha e cila ka thënë: "All-llahu i mëshiroftë gratë e besimtarëve, kur e zbriti All-llahu ajetin "…le ta lëshojnë xhilbabin (ferexhenë)…" ato morën (shkynë) prej mbulesave të tyre (ku kishte tepricë) dhe me të mbuluan fytyrat, e kur faleshin pas Resulull-llahut dukeshin sikurse mbi kokat e tyre kanë shpend" Transmeton Ibën Merdujeh

Argumenti i katërt: thotë All-llahu subhanehu ue teala: "Thuaju besimtareve t'i mbrojnë shikimet e tyre (prej harameve) dhe të ruajnë trupin e tyre (nga imoraliteti), si dhe të mos i zbulojnë stolitë (zinetin) e tyre, pos asaj që duket, le të vejnë ferexhenë e tyre mbi gjithë trupin e tyre dhe të mos i zbulojnë stolitë (zinetin) e tyre përveç para bashkëshortëve të tyre, baballarëve të tyre, vjehrrive të tyre, bijve të tyre ose bijve të burrave, vëllezërve të tyre ose djemve të vëllezërve të vet, apo djemve të motrave të veta, ose grave të veta (besimtareve) apo robëreshave të cilat i kanë në pronat e veta, ose shërbëtorëve (meshkuj) që nuk kanë ndjenja seksuale apo fëmijëve që ende nuk u zgjohen ndjenja turpi nga të shikuarit e gjinisë tjetër. Edhe le të mos i përplasin këmbët e tyre për të zbuluar diç nga stolitë e tyre. Të gjithë ju lutjuni All-llahut që t'iu falë o besimtarë, në mënyrë që të gjeni shpëtim." (en-Nur 31)

Ky ajet na e bën të qartë se mbulimi i gjithë trupit të gruas është farz. Kjo shihet nga fjala e All-llahut subhanehu ue teala: "…dhe të mos i zbulojnë stolitë (zinetin) e tyre…"; ku ka për qëllim mbulimin e tërë trupit. E ata që thonë se lejohet zbulimi i duarve dhe fytyrës duke argumentuar me fjalën e All-llahut subhanehu ue teala "…pos asaj që duket…", ku thonë se këtu është për qëllim duart dhe fytyra, si dhe në të njëjtën kohë na tregojnë se kështu e kanë komentuar këtë ajet edhe shumë dijetarë. Për të treguar se ky komentim i ajetit nuk është i qëlluar, po sjellim fjalën e Muhammed Emin esh-Shenkitit rahimehull-llah në lidhje me këtë ajet, ai në tefsirin e tij v.4 fq. 101 nga botimi i "Ihjau Turathil Arabij", pasiqë i përmend fjalët e dijetarëve të cilët e kanë komentuar këtë ajet duke thënë se është për qëllim fytyra dhe duart, thotë: "Pasiqë i lexove këto fjalë, tani kujtoje atë që e kemi thënë në hyrjen e këtij librit të bekuar, se prej mënyrave të sqarimit (komentimit) është kur dikush prej dijetarëve të thotë një fjalë lidhur me atë ajet, por në ajet ka diç që të tregon se kjo fjalë nuk është e qëlluar. Poashtu kemi thënë se prej mënyrave të sqarimit është edhe ajo se kur për një fjalë në Kur'an ka disa mendime se çfarë kuptimi ka ajo fjalë, në atë rast ajo fjalë komentohet me atë kuptim me të cilin është përdorur në të shumtën e rasteve në Kur'an, dhe për këtë kemi përmendur disa shembuj në Hyrjen e librit. Pra, pasiqë e mësove këtë … dije se të dyja këto mënyra gjinden te ky ajet, për të cilin po flasim. E para: Ata që e komentojnë fjalën e All-llahut: "…të mos i zbulojnë stolitë (zinetin) e tyre, pos asaj që duket…", se është për qëllim fytyra dhe duart, në vet ajetin ka shenjë që të tregon se kjo fjalë nuk është e saktë. Ajo shenjë është se fjala "zinet" (stoli) në gjuhën arabe përdoret për atë me të cilën zbukurohet gruaja, që nuk është nga esenca e fizionomisë së saj siç janë ari dhe të tjera. Pra, komentimi i fjalës "zinet" se është për qëllim fytyra dhe duart është në kundërshtim me këtë rregull, dhe nuk lejohet të komentohet kështu përderisa nuk ka ndonjë argument që aludon se duhet të komentohet ashtu… . Ndërsa mënyra e dytë është kjo: Përdorimi i fjalës "zinet" është i shumtë në Kur'an, fjalë me të cilën është për qëllim stolimi i jashtëm i një gjëje, e assesi nuk është për qëllim ndonjë pjesë e asaj gjëje. Sikur që është në fjalët e All-llahut -subhanehu ue teala- "O bijtë e Ademit, merreni zinetin për çdo namaz" d.m.th. vishuni bukur. (el-A'raf 31); "Thuaj: Kush i ndaloi zinetet (bukuritë) dhe ushqimet e mira që All-llahu i krijoi për robët e Vet" (el-A'raf 32); "Gjithçka që është mbi Tokë, Ne e bëmë stoli të saj" (el-Kehf 7); "Dhe çdo gjë që u është dhënë juve është kënaqësi dhe stoli (zinet) e kësaj botë…" (el-Kasas 60); Vërtetë, Ne e kemi stolisur qiellin më të afërt më bukurinë (zinetin) e yjeve" (es-Saffat 6); "Edhe kuajt, (i krijoi) mushkat edhe gomejt, për t'ju hipur atyre dhe stoli (zinet)" (en-Nahël 8); "E ai (Karuni) doli para popullit të vet me stolinë (zinetin) e vet" (el-Kasas 79); "Pasuria dhe fëmijtë janë stoli (zinet) e kësaj botë" (el-Kehf 46); "…se jeta e kësaj botë nuk është tjetër vetëmse lojë, kalim kohe në argëtim, stoli (zinet)…" (Hadid 20); "Tha: Koha e caktuar le të jetë dita e stolisë-zinetit (festës)…" (Taha 59); "…porn e ishim ngarkuar me barrë të rënda nga stolitë (zinetet) e popullit…" (Taha 87); dhe: "Edhe le të mos i përplasin këmbët e tyre për të zbuluar diç nga stolitë (zinetet) e tyre". Me fjalën "zinet" në të gjitha këto ajete është për ajo më të cilën stoliset apo zbukurohet diçka, e ky stolim dhe zbukurim nuk është nga esenca e asaj gjëje, por është i përfituar, siç je duke e parë edhe ti…". Deri këtu me fjalën e dijetarit Muhammed Emin esh-Shenkiti rahimehull-llah.

Lidhur me këtë ajet mirë është të përmendim edhe fjalën e Abdull-llah ibën Mes'udit radijall-llahu anhu, i cili thotë: "Në këtë ajet është për qëllim vetë mbulesa e gruas". Ngase edhe vetë mbulesa është stoli në vete, por ajo nuk ka mundësi që të fshihet, mu edhe për këtë All-llahu -azze ue xhel-le- e ka përmendur. Vall-llahu a'lem.

Argumenti i pestë: Transmeton Tirmidhiu nga Muhammed ibën Beshshar, ky nga Amër ibën Asim nga Hammami ky nga Katade nga Meuriku nga Ebul Ahves nga Abdull-llahi se Resulull-llahu sal-lall-llahu alejhi ue sel-lem ka thëhë: "Gruaja është avret, e kur të dalë nga shtëpia, atë e udhëheq shejtani". Tirmidhiu thotë se hadithi është hasen, por Muhammed Nasiruddin elAlbani rahimehull-llah në librin "Iruaul Galil" thotë se hadithi është sahih.

Ky hadith na tregon se gruaja e tëra është avret, e dihet se avreti duhet të mbulohet.

Argumenti i gjashtë: Transmeton Tirmidhiu rahimehull-llah nga Suvejdi nga Abdull-llahi nga Junus ibën Jezidi nga Ibni Shihabi nga Nebhani, shërbëtori i Ummi Selemes radijall-llahu anha (gruas së Resulull-llahut sal-lall-llahu alejhi ue sel-lem) i cili thotë se Ummu Seleme radijall-llahu anha i ka treguar se ajo dhe Mejmuneja radijall-llahu anhuma kanë qenë te Resulull-llahu sal-lall-llahu alejhi ue sel-lem, dhe duke ndejtur aty, papritmas erdhi Ibën Ummi Mektumi radijall-llahu anhu dhe hyri brenda (kjo ndodhi ishte pas urdhërit të mbulesës) në atë moment Resulull-llahu sal-lall-llahu alejhi ue sel-lem tha: "Mbulohuni prej tij" Thashë: Ja Resulull-llah, po ai është i verbër, nuk na sheh dhe nuk na njeh. Resulull-llahu sal-lall-llahu alejhi ue sel-lem tha: "Po ju a të verbërta jeni, a nuk po e shihni atë?!!". Tirmidhiu rahimehull-llah thotë se hadithi është hasen sahih. Mirëpo Shejh Albani rahimehull-llah këtë hadith e ka bërë daif, për shkak se në senedin e këtij hadithi gjindet Nebhani, e ai është i panjohur (mexhhul). Në shkencën e Hadithit dihet mirë se kur në një sened (zinxhir transmetimi) gjindet dikush i panjohur, për atë hadith thuhet se është daif. Mirëpo, për Nebhanin rahimehull-llah askush prej ulemave të hershëm të hadithit nuk ka thënë se ai është i panjohur, bile disa prej tyre kanë thënë se ai është thikah (i plotëbesueshëm), përveç Ibën Hazmit rahimehull-llah i cili ka thënë se është mexhhul, e në këtë e ka pasuar edhe Imam Albani rahimehull-llah dhe ka thënë të njëjtën gjë për Nebhanin rahimehull-llah sikur që ka thënë edhe Ibën Hazmi.E, Ibën Hazmi nuk ka pasur kurrfarë të drejtë në këtë ngase Nebhani është prej tabiinëve e Ibën Hazmi është prej gjeneratave të vona. E në çka është mbështetur Ibën Hazmi kur ka thënë se Nebhani është i panjohur?! Sidoqoftë, edhe ibën Hazmi edhe Imam Albani rahimehumall-llah kanë hulumtuar për këtë mesele dhe All-llahu do t'i shpërblejë për hulumtimin e tyre in sha All-llah, por kjo nuk do të thotë se ata nuk gabojnë.

Sa i përket hadithit, nuk ka nevojë për shumë koment ngase ai qartë tregon se gruaja patjetër duhet të mbulohet para të huajve, e në mbulesë kemi për qëllim edhe fytyrën dhe duart.

Argumenti i shtatë: Transmetohet nga Aisheja radijall-llahu anha se ka thënë: "Kur ishim muhrime (në kohën e haxhit) kishte njerëz të cilët kalonin pranë neve, e në atë moment ne i lëshonim xhilbabet tona prej kokës dhe e mbulonim edhe fytyrën, e kur largoheshin ata, përsëri i zbulonim (fytyrat)" Këtë e transmeton Imam Ahmedi, Ebu Davudi, Ibën Maxheh, Darekutniu dhe Bejhekiu.

Në këtë hadith Aisheja radijall-llahu anha na tregon një gjë shumë të rëndësishme. Ne e dijmë se gruaja kur është muhrime (në haxh) e ka obligim që ta zbulojë fytyrën, dhe gratë e sahabëve kur kanë qenë muhrime i kanë pasur fytyrat e zbuluara, mirëpo në rast se ka kaluar dikush prej burrave që nuk ka te drejtë t'i shikojë ato, atëherë menjëherë i kanë mbuluar. Këtu po e shohim qartë se fytyra a gruas duhet të mbulohet patjetër.

Argumenti i tetë: Esma' bintu Ebi Bekër radijall-llahu anhuma ka thënë: "Ne i mbulonim fytyrat tona prej burrave të huaj dhe kriheshim para se të bëhemi muhrime". Transmeton Ibën Huzejme dhe Hakimi i cili thotë se hadithi është sahih sipas kushteve të Buhariut dhe Muslimit.

Argumenti i nëntë: Thotë Aisheja radijall-llahu anha kur e tregon rastin me mixhën e saj prej gjirit –Eflah vëllai i Ebul Kajsit- se kur ka ardhur që ta vizitojë Aishen radijall-llahu anha, ajo nuk ia ka hapur derën (duke menduar se e ka të ndaluar të duket para atij) derisa ia ka hapur derën Resulull-llahu sal-lall-llahu alejhi ue sel-lem dhe i lejoi që të hyjë brenda ngase ai është mixha i saj prej gjiri. (Muttefekun alejhi.)

Argumenti i dhjetë: Tregon Ukbe ibën Amir radijall-llahu anhu se Resulull-llahu sal-lall-llahu alejhi ue sel-lem ka thënë: "Keni kujdes nga hyrja te gratë, e njëri prej Ensarëve tha: Po kunati?! Tha: Kunati sikurse vdekja" (Muttefekun alejhi)

Në hadithin e fundit Resulull-llahu sal-lall-llahu alejhi ue sel-lem po na e tërheq vërejtjen nga hyrja te gratë, edhe po e shohim se si i është përgjigjur sahabiut kur e ka pyetur për kunatin. Pra, qenka haram të shihesh me kunatën e ku më të përshëndeturit për dorë, që te ne është e përhapur me të madhe. E kjo padyshim se është në kundërshtim me sheriatin që e ka zbritur All-llahu subhanehu ue teala dhe që ne e kemi pranuar të njëjtin. Mendoj se nuk ka njeri musliman të mençur i cili mundohet të argumentojë se ka të drejtë kunati të përshëndet kunatën e tij për dorë, por ka mundësi që dikush të mundohet të argumentojë se fytyra dhe duart e gruas nuk janë avret dhe nuk e ka obligim që t'i mbulojë ato. Resulull-llahu sal-lall-llahu alejhi ue sel-lem thotë: "Gruaja është avret, e kur të del prej shtëpisë, atë e udhëheq shejtani". Sidoqoftë, ne nuk dëshirojmë të zgjerohemi shumë ne këtë shkrim modest, por mund të tregojmë se të gjitha argumentet e tyre nuk shpëtojnë prej këtyre tri gjendjeve:

1. Argumenti i tyre ose është sahih dhe i qartë por, është mensuh (i deroguar me ajetet e hixhabit) sikurse rasti me Zejneben radijall-llahu anha (bija e Resulull-llahut) e cila në Mina' e ka pasur qafën e zbuluar ku nënkuptohet se edhe fytyrën e ka pasur të zbuluar. E Resulull-llahu sal-lall-llahu alejhi ue sel-lem e ka urdhëruar që të mbulojë qafën e jo edhe fytyrën. Por ky rast ka qenë ende para shpalljes së ajeteve të hixhabit, e ata që kanë argumentuar me këtë kanë menduar se kjo ka qenë në Haxhin Lamtumirës.

2. Ose është sahih, mirëpo nuk është i qartë. Kështuqë me kësisoj argumenta nuk mundemi që t'i hedhim poshtëë argumentet që janë të vërteta dhe të qarta. Të dijetarët e mëdhenj është i njohur rregulli se argumentet e tilla (që quhen muteshabih) kuptohen sipas argumenteve te qarta (që quhen muhkem). Sikurse argumentimi me ajetin: "…dhe të mos i zbulojnë stolitë e tyre pos asaj që duket…"; dikush prej ulemave këtu mund të thotë se qëllimi i fjalës "pos asaj që duket" është fytyra dhe duart, e tjetri mund të thotë se qëllimi është vet veshja (mbulesa) apo qëllimi është për atë që mund të duket rastësisht ose për nevojë të patjetërsueshme. Pra, me këtë argument nuk mund të mohojmë argumentimin me ajetet dhe hadithet që janë plotësisht të qarta, sikurse ajeti: "Thuaju bashkëshorteve tua, bijave tua dhe bashkëshorteve të besimtarëve të lëshojnë ferexhen (mbulesën-xhilbabin) e tyre mbi gjithë trupin e tyre". Apo hadithi: "Ne i mbulonim fytyrat tona prej burrave të huaj dhe kriheshim para se të bëhemi muhrime".

3. Ose është i qartë mirëpo nuk është i vërtetë (sahih). Me kësisoj argumenti nuk argumentohet e ku më të kundërshtohen argumentet e vërteta dhe të qarta.

Mendoj se këto argumenta mjaftojnë sa për të treguar se gruaja muslimane e ka obligim hixhabin (mbulesën Islame) dhe me të ta mbulojë tërë trupin e saj, duke e mbuluar edhe fytyrën dhe duart.

Vëllezër dhe motra! Ky është sheriati që All-llahu subhanehu ue teala na ka urdhëruar ta praktikojmë dhe neve nuk na vjen aspak turp që ta tregojmë hakun, edhepse ndonjë musliman ose ndoshta edhe ndonjë hoxhë mund të thotë se kjo është prapambeturi dhe padrejtësi ndaj gruas. Por, unë jam i bindur se ky njeri edhepse ndoshta jetën më të mirë të tij e ka kaluar duke kërkuar dituri, ky ende nuk ka kuptuar gjë prej Islamit. Të ky më së tepërmi kanë ndikuar traditat e popullit dhe thirrjet e ndryshme të kafirave sesa fjalët e All-llahut subhanehu ue teala dhe të Të Dërguarit të Tij sal-lall-llahu alejhi ue sel-lem. Kjo ka ndodhur ngase ata janë turpëruar para botës kafire që të tregojnë të vërtetën për Islamin. Kanë dashur që t'i japin "të drejta" gruas më shumë se sa i ka dhënë All-llahu subhanehu ue teala. All-llahu na mbroftë prej këtyre mendimeve.

Pas kësaj mund të thotë dikush se kjo nuk mund të praktikohet assesi. Unë i them atij se kjo mund të praktikohet me vështirësi në fillim e jo "assesi". Sepse All-llahu subhanehu ue teala nuk e ngarkon robin e Tij sa nuk mundet. Nëse pak i kthehemi historisë, do të shohim se të gjitha gjyshet tona kanë mbajtur xhilbab (ferexhe), mirëpo kur kafirat e pushtetit Jugosllav, në krye me Titon All-llahu e mallkoftë, kanë urdhëruar që gratë muslimane t'i heqin mbulesat islame, shumë prej grave muslimane kanë qarë me zë të lartë, shumë prej muslimanëve kanë bërë hixhret nëpër vende ku kanë menduar se do të munden ta praktikojnë Islamin ashtu siç do All-llahu dhe shumë hoxhallarë të sinqertë kanë qëndruar me vite të tëra nëpër burgjet e kafirave dhe nuk kanë pranuar që të japin fetva se gruaja muslimane ka të drejtë ta heqë ferexhenë.

Poashtu edhe si problem për praktikimin e kësaj gjëje disa e paraqesin edhe atë se kjo të pengon në thirrjen e të tjerëve në Islam. Mirëpo në këtë nuk ka asgjë të vërtetë, sepse All-llahu -subhanehu ue teala- është vigjilent për atë që urdhëron, ashtuqë nuk ka mundësi të urdhëron në diçka, e ky urdhër të vijë në kundërshtim me praktikimin e një urdhëri tjetër. Mirëpo nëse has në probleme duhet të dihet se kështu është natyra e këtij sheriati, dhe muslimani duhet të adoptohet në këtë, e padyshim se All-llahu -subhanehu ue teala- do t'u ndihmojë muslimanëve të sinqertë.

Kemi dëshirë që t'i tregojmë motrës tonë të dashur se ajo në Islam ka pozitë të lartë, duhet të bindet se praktikimi i Sheriatit është i vetmi shpëtim për të në veçanti e më vonë edhe për gjithë ummetin në përgjithësi. Ajo duhet të jetë e kënaqur për atë vlerë që ia ka dhënë All-llahu subhanehu ue teala në shoqërinë Islame, dhe të ketë kujdes nga thirrjet e kota antiislame. Duhet të sakrifikojë çdo gjë për All-llahun subhanehu ue teala, nëse ka nevojë edhe jetën e saj. E nëse ndonjëra prej motrave ka dyshim për disa gjëra, sikurse të thotë: unë kam kaluar jetën time më të mirë në mësime dhe kam qenë e shkëlqyeshme çdo herë, dhe nëse unë bëhem ashtu si thotë Sheriati, atëherë gjithë ajo për të cilën jam munduar kohë të gjatë nuk paska kurrfarë vlerë. Ne i themi kësaj motreje të dashur e cila ka dëshmuar se All-llahu subhanehu ue teala dhe I Dërguari i Tij janë më të dashur se çdo gjë: Mos u pikëllo motër e dashur, nuk është ashtu si mendon ti. Dihet se çdo gjë, për tu praktikuar duhet së pari t'i plotësojë kushtet e veta. Sikurse, për të falur namazin, patjetër duhet të marrish abdest. E njëjta gjë është edhe për shkollimin e femrës, punësimin e saj apo inkuadrimin e saj në ndonjë sferë tjetër pune. Kusht për të gjitha këto është që ato mos të kenë kurrfarë kontakti me burrat e huaj. Nëse ky kusht nuk plotësohet atëherë e gjithë ajo është e ndaluar. Oj motër, kështu është ligji i All-llahut subhanehu ue teala, andaj mos dysho në të, dhe hiqju dyshimeve të shejtanit. Oj motër, Muhammedi sal-lall-llahu alejhi ue sel-lem, të cilin ti e ke pranuar si pejgamber ka thënë: "Kush largohet prej diçkaje për hirëë të All-llahut, All-llahu ia zëvendëson me diçka më të mirë". Andaj, nëse ti largohesh prej ndonjë pune vetëm për hirëë të All-llahut subhanehu ue teala, bëhu e sigurt se nëse All-llahu subhanehu ue teala nuk ta zëvendëson me diçka më të mirë në këtë dunja, do ta zëvendësojë me diçka shumë të shtrenjtë në Ahiret, të jesh e bindur se ai është xhenneti që All-llahu subhanehu ue teala e ka krijuar për ata që e respektojnë mu ashtu si ti. Prandaj, mos u pikëllo oj motër dhe mos dysho në praktikimin e ligjeve të Krijuesit tënd. Duhet të mos harrosh asnjëherë se për çdo gjë All-llahu është I Vetmi që ndihmon, andaj kërko ndihmë, forcë dhe iman të fortë prej Tij pandërprerë. Duhet të gjithë të kemi kujdes shumë prej postierëve të shejtanit, e ata janë aq shumë saqë shpeshherë nuk mund t'i vëresh. Ata mund të jenë kafira dhe mushrikë, bidatxhinj dhe munafika, bile mund të jenë edhe musliman të mirë te të cilët kanë filluar të ndikojnë thirrjet antiislame. Ata e kanë një detyrë, ti largojnë njerëzit nga adhurimi i All-llahut subhanehu ue teala, dhe e kanë kuptuar se nuk munden që t'i largojnë nga ky adhurim shumë shpejt, por hap pas hapi, edhe nëse një hap zgjatë kohë të gjatë. Kur jemi ndonjëherë së bashku me kësisoj njerëz, e kemi për borxh që mos t'i lejojmë që t'i lexojnë letrat e shejtanit para neve, e nëse nuk kemi mundësi që ta bëjmë këtë atëherë duhet të largohemi automatikisht nga ai mexhlis. All-llahu na ndihmoftë.

Pastaj, o muslimanë! Ne duhet ta dimë se Xhenneti është i rrethuar me vështirësi dhe nuk fitohet lehtë. Nëse mendojmë vetëm pak se sa mundime ka pasur Resulull-llahu sal-lall-llahu alejhi ue sel-lem, njeriu pa mëkate, njeriu më i dashur tek All-llahu subhanehu ue teala dhe Pejgamberi i fundit, do të na kishte mjaftuar si këshillë dhe do të ishte kurajo për neve që ta praktikojmë sa më tepër Islamin. Edhe një gjë duhet të dimë: secila vepër që ka më shumë vështirësi ka edhe më shumë sevape.

O Zoti ynë, Ti je Ndihmësi ynë dhe Falësi ynë. Na ndihmo në praktikimin e urdhrave Tua dhe na bën muslimanë të sinqertë. Na i fal gabimet tona dhe na e dhuro Xhennetin më të lartë, Xhennetin Firdeus. Na bashko në Xhennet së bashku me Pejgamberët, me të sinqertit, me shehidat dhe me gjithë njerëzit e mirë. Amin


Omer Berisha

Medine, v.1422 hixhri


Literatura e konsultuar:

Kur'ani Famëlartë

Hirasetul-fadhijleh -Bekër Ebu Zejd


eselamu alejkum

eselamu alejkum
po vëlla Hasan Allahu te shperbleft po unë pata qëllimin ti tregoj për nikabin me argumenta ka mundësi qe kam shkru gabimisht aty po prap Allahu te shperbleft për këshillën edhe kam pas qëllim qe diçka kur te flitet për islam duhet te ket argumenta e jo me ja fut kot se ky din është ka than Allahu e ka then pejgamberi .a.s.me argumenta nuk lejohet qe të flasim prej mendjes ton.po vëlla kam pas për qëllim ti tregoj për nikabin qe hoxha shuajb arnauti kishte then ashtu("përse tu them atyre te vënë nikabin, kur Zoti s'i ka urdheruara për këtë? Ulni juve shikimin!") po për nikabin kemi argumenta te shumta se Allahu ka urdheru me i mbelu fetyrat edhe me qense është hoxh nuk do të thot se ja ka qellu po ne gjith jemi njerëz dhe gabojm edhe
 unë kam pas atë qëllim meqense ne islam nuk ka ma mer mendja kshtu është jo vëlla ne i kemi shembull pejgamberin a.s.,sahabet,e nuk mundemi te bëhemi me te mir se ata asnjeher ne jetën ton e ne duhet mar shembull prej atyre sa i përket zbukurimeve kjo është me mir te bëhet ne shtepi para burit te vet te zbukurohet me tesha e jo jasht se siç kam tregu me lart do të jet një fitnjeje e madhe shum për meshkujt e do të futemi ne harame e mendime te llojllojshme etj. ma bani hallall edhe një her Allahu e shperbleft vlla Hasan e sa i përket për vellaun Gysin aj është problem i atij se si mendon aj se si është farzi e si suneti po ne pasojm te paret ton çka kan then për farzin dhe sunnetin
eselamu alejkum

eselamu alejkum  
vlla Igru ashtu është për mendimet askush nuk i mohon ato po nuk po të kuptoj qke dashtë të thuash me fjalën vleresojeni pak me shumë kur thoni "te paret tanë".për çka e ke pas qëllimin unë kam pas për qëllim qe sahabet jan ruajtur prej fitnes jashtë ket qëllim ekam pas e jo qe hixhabi me ngjyra nuk lejohet me i vesh po me se e mira është qe te ruhen kur te dalin jasht kjo është e prap ajo është zgjedhja e tyre Allahu e din me së miri Allahu te shperbleft
eselamu alejkum

selamualejkum musliman

Igru shkruan:
Sa për çështjen e nikabit, nuk me duket se është vetëm Gysi ne këtë botë qe ka këtë mendim. Tek kjo pjesë përfshihen dhe dijetare te njohur, mes te cileve dhe Albani. Së dyti, vleresojeni pak me shumë kur thoni "te paret tanë".

Ore ti ende nuk e ke kuptuar thelbin e meseles me duket , mendimi i Gysit dhe i Albanit rahimehullah dallojn si Nata me ditë.
Së pari nuk dua qe shpesh te permendi atë qe thot gysi se nikabi nuk është as sunet e as farz.

Albani rahimehullah thotë se është sunet Nikabi , qe sipas kohës dhe ixhmas se dijetarëve mund te bëhet vaxhib( mesele fikhu kjo).
Dhe sa për dije Shejkh Albani edhe pse ka thënë se është sunet (ai  kohe fitne e bene vaxhib), ai e ka respektu aq shumë sunetin sa qe nuk ke pas mundësi ta dallosh nga obligimet .
Dhe grat e tij kanë qenë me Nikab sa për dijeni.
Sa i përket fjalës te paret tanë , është fjala siç e kam sqaru për 3 gjeneratat e para (sahab, tabein dhe tabitabein).Po të ishte një sahab ne këtë kohe sa për dije , do të vepronte sipas tradites se mësuar nga Profeti alejiselam.

E sa i përket ngjyrave kjo është mesele tjetër qe me mu nuk ke bisedu, dhe nuk kame shumë kohe te merrem me to.

selamualejkum musliman

Nuk i jam drejtuar askujt si kundërpërgjigje. Thjesht i gjeta ne internet, i perktheva dhe i postova qe te jenë se mund t'i duhen ndokujt.

Nuk je i detyruar të merresh me çdogjë qe shkruhet.