Mbaj mend një rast tek universiteti x meqë s'dua te përmend emra ku Seretarja ithote studentit.
- ç'bëre këtu, te kam pare qe nuk futesh ne mësim dhe rrin jashtë duke pire kafe gjatë gjithë orës.
Studenti i përgjigjet.
-Po ty ç'të intereson, a ti paguaj kestet rregullisht, puna ime se c'bëj.
Raste te tilla ka plot në shkolla private. Madje janë kaq shumë raste saqë bizneset e vogla si lokalet apo klubet lulezojne nga këta te ashtuquajtura "universitete apo shkolla".
Ne një kohe ku papunsia dhe paaftesia kanë arritur kulmin a mendoni se këta shkolla private duhet te hapin aktivitetet e tyre? Ju si studente C'mendoni për këta shkolla?

E dashur mishel ne rastin e studentit desha te paraqes se ne pothuajse të gjitha shkollat private bëhet një rrumpall e papare. Dhe me e keqja është se nuk ka rregulla as disipline. Ne rastin e studentit, ai nuk u tregua arrogant por ai tregoje sinqeritetin e tij dhe arsyen e vërtetë për te cilën vjen në shkollë.Kur ai paguan dhe nuk e perzene njeri për sjelljen e tij arrogante atëherë kush e ka fajn? Pra ai si shumë te rinje qe frekuentojne shkolla private e shikojne se atje mund te kaloje dhe ngelesi me ordiner pa le pastaj ato qe vijnë për qejf dhe gallate. Unë nuk them se te gjithë ato qe frekuentojne universitetet private kan qenë me pare ngelsa, por them se nga imazhi i ngelesit prishet dhe imazhi i te tjerëve qe janë studenta te shkelqyeshem. (nga bari i thate digjet dhe i njomi, thotë një proverb)
Unë dua te paraqes këtu se këta "sholla" janë shtuar kaq shumë sa me kollai e ke te gjesh një te tillë sesa një furre buke.
Do përmend një fakt qe ne vendin fqinj Greqine para disa kohësh ca biznesmene donin te hapnin një Universitet privat. A e di c'ndodhi me vonë? Qindra studente dolen ne rrugët e Athines për te protestuar qe këta shkolla mos hapeshin. A e di përse? Sepse po të hapeshin këta shkolla nxenesit do gjenin ç'do komoditet dhe kushte dhe nga ana tjetër do dobesonin imazhin e shtetit.
Pra nëse te gjithë studentet se bashku duan te permiresojne shtetin dhe kushtet qe shteti ofron, atëherë duhet qe si studente te bëjnë një kërkesë te vetme për një Universitet shtetëror ku te gjithë studentet te kenë kushte dhe kondita te barabarta dhe jo te hedhim para këtu e atje për te gjetur cilesine me te mirë se universitetet fundja nuk janë furra buke apo minimarkete. Këtu pikërisht doja te dilja

Universitetet private, piramida me leje të Genc Pollos

Sistemi piramidal i diplomave në universitetet private rrezikon të shkaktojë inflacionin më të madh të diplomave në vend. Gjithçka ndodh nën dijeninë e ministrit Pollo, duke e vënë kështu arsimin në dilemën më të madhe të cilësisë së studentëve që diplomohen nga këto universitete. Mungesa e kushteve dhe licenca mbi lista joreale pedagogësh janë dy prej të metave teknike. Ndërkohë që paradoski duket se vijon të ndihet e të bëhet edhe më i rrezikshëm për sistemin arsimor shqiptar, kur aplikantët më të dobët, të ardhur nga gjimnazet kthehen në diploma me dhjeta, duke përmbysur kështu çdo rregull dhe respekt mbi arsimin. “Jo vetëm kaq, por ky sistem rrezikon të kthejë në një fushë pa zgjidhje të ardhmen e arsimit, i cili, në momentin që duhej të futeshin universitetet private, duhej të kishte nisur ngjitjen dhe jo degradimin”, - thonë mjaft nga drejtuesit e universiteteve shtetërore, të cilët ndihen të kërcënuar, pasi, përveç manipulimit me stafin e tyre pedagogjik, është abuzuar edhe me lëndët, që janë ekskluzivitet i universiteteve shtetërore. “Në dëm të universiteteve shtetërore, por edhe të buxhetit të shtetit, është marrë vendimi për të kufizuar sistemin part-time për universitetet publike dhe për ta lejuar pa limit atë në sistemin privat, duke ndërtuar kështu një piramidë të rrezikshme për gjithë sistemin arsimor”, - thuhet në një raport të bazuar nga verifikimi i vendimit të Ministrisë së Arsimit dhe konfliktit me disa dekanë, mes të cilëve atë të Fakultetit Ekonomik, i cili ka denoncuar pranë Autoritetit të Konkurrencës këtë fenomen.

Nga Alketa Alia G.Tema

...

Jam dakort me ty. Pa dyshim qe ka shkolla private me kushte dhe kondita dhe mesimdhenje te mirë, por mos harro se janë nja dy a tre ne gjithë Tiranen.
Unë e kam fjalën për ato universitete private qe kanë një ambjent tepër te vogël, një oborr skandaloz qe s'ke as ku me e kaluar kohën ne kohën e pushimit, laboratoret pjeset e materjaleve apo dhe mesimedhenja është qesharake. Jo vetëm kaq por dhe vete stafi pedagogjik është i manget. Kesilloj rastesh ka me qindra. Si thua ti Universitete i quan ato? Me thuaj dhe diçka tjetër, mos valle duhet te quheshin kurse ne vendse universitete?
Imagjino vetëm një gjë. Degjova para disa ditesh se ka akoma vende boshe nëpër universitetet private dhe ky numer eshte4000!
Avash njëherë ku do shkojnë te gjithë këta. Mua me duket se te gjithë po bëhen jurista, ekonomista. Ku do gjejne pune nesër këta? Se e thame shteti është i dobët, papunsia ka arritur kulmin, dhe ta garantoje se ne te nesërmen do jetë akoma me keq. Sepse lejet qe jepen nëpër këta shkolla mua me duken si leje për hapjen e një pubi ose te një diskoje. Po ta lexosh me vëmendje artikullin qe ka perzgjedhur Berni do kuptosh se me ke problem përballemi sot. Ai e ka parashtruar ne një mënyrë pe përkryer. Gjithsesi te falenderoje për komentin dhe sinqerisht me bëhet qejfi qe je ne një shkolle te rregullt private.

Universitetet private, dry mbi filialet e rretheve

Drejtoresha e arsimit, Hoxha: Funksionojnë pa licencë të gjithë fakultetet rajonalë

Universitetet private kanë mbirë gjithandej nëpër Shqipëri. Me një licencë për ushtrim aktiviteti në Tiranë, disa syresh kanë hapur degë edhe në rrethe. Mijëra të rinj kanë rendur të regjistrohen, pasi shkolla iu vajti në derë. Por tani, vetëm një muaj nga nisja e vitit akademik janë para një vendimi të vështirë. Të ndërpresin shkollën apo të transferohen në Tiranë. Filialet e universiteteve private në rrethe janë të palicencuara. Kështu është shprehur për "Shqip" drejtoresha e arsimit të lartë në Ministrinë e Arsimit, Elida Hoxha. Gjatë një prononcimi për gazetën, ajo tha se "asnjë nga universitetet jopublike nuk ka të drejtë të hapë filiale". Ajo pranoi se është në dijeni të përhapjes së tyre dhe deklaroi se do të merren masa.

Ministria e Arsimit nuk është në gjendje të veprojë menjëherë kur shkollat private thyejnë kontratën. Privatët tashmë e kanë bërë traditë të marrin licencë për një degë dhe të çelin edhe disa të tjera më vonë. Kështu ndodh me shkollat e larta të kryeqytetit, të licencuara për laborant dentar, por që japin edhe diploma për laborant mjekësor, apo infermieri. Por, përveç çeljes së degëve në Tiranë, ato tashmë janë shtrirë edhe në rrethe. Tani në qytetin e Kukësit, Lezhës, Beratit apo Fierit, ka degë për infermier, laborant, inxhinier apo ekonomi. Të gjitha këto, përkundrejt pagesës. Studentët e regjistruar në universitetet private të rretheve paguajnë nga 2 mijë euro në vit për fakultetin.

Për këto, drejtoresha e arsimit të lartë, Hoxha, thotë se është vënë në dijeni vetëm pasi degët janë hapur dhe kanë nisur aktivitetin mësimor. "Universitetet private kontrollohen nga ne dhe nga tatimet", tha ajo, ndërsa shtoi se "inspektorët tanë kontrollojnë, pasi procesi mësimor ka filluar". Kështu nuk kemi të bëjmë me ndonjë universitetet fantazmë, pasi këto shkolla kanë licencë, por për degët në Tiranë, jo për filialet. E pyetur për "fatin" e studentëve të regjistruar në këto degë, Hoxha tha se "Ministria e Arsimit është në proces shqyrtimi të këtyre universiteteve rajonale dhe do të vendosë nëse ato do të mbyllen apo do të nisin procesin e licencimit". Në rast se ato mbyllen, studentët mund të transferohen në filialet ligjore të universiteteve private që gjenden në Tiranë. Gjithashtu, në ligj është e parashikuar që nëse "Ministria e Arsimit mbyll një universitet privat me licencë, por që ka thyer pjesë të kontratës, studentët transferohen në universitetin më të afërt shtetëror".

Nisur nga fakti që studentët tashmë janë regjistruar dhe kanë derdhur një pjesë të pagesës, për dikasterin e Arsimit vendimi bëhet më i vështirë. Një komision ekspertësh është duke shqyrtuar të gjitha rastet flagrante të universiteteve private. Po kështu, edhe drejtoritë e tatimeve në rrethe kanë ushtruar kontrolle dhe kanë hartuar relacione për këto filiale universitare. Pritet që gjatë këtij muaji, Ministria e Arsimit të dalë me një vendim të formës së prerë për to.

Në Shqipëri janë plot 12 universitete private. Numër i barabartë ky me ato shtetërore. Cilësia e tyre është debatuar disa herë nga specialistë të fushës dhe analistë, të cilët kanë theksuar se "privatët lënë për të dëshiruar". Gjithsesi, dikasteri i Arsimit është justifikuar me faktin se ky është një shkollim në zhvillim dhe se ka në gjirin e saj vetëm 6 për qind të studentëve shqiptarë. Nga ana tjetër, profesorë të universiteteve shtetërore, si dekani i Gjuhëve të Huaja, Nonda Varfi, thotë se "shteti duhet të marrë masa ndaj tyre, pasi ato nxjerrin të njëjtin produkt si shtetërorët, qoftë edhe me pakicë".

G.Shqip

Nëse dëshironi te dini për te zezat e univerziteteve private, me shkruani me MP dhe ua them të gjitha, pa perjashtim.

Nuk dua te shprehem ne publik sepse rrezikoj 4 vite te jetës.