Pastaj, këtë pyetje unë e kuptoj si me dy pjesë: 1) cili është besimi i saktë i krishtere (meqë ra fjala, a është i saktë besimi yt, Kont?... ) dhe 2) sipas këtij besimi, si konsiderohet (ne c'kuptim?) një musliman, ortodoks etj.
Sipas besimit tënd: praktikantet e islamit, ortodoksizmit dhe katoliçizmit a konsiderohen besimtare apo jo? Dhe cili do të jetë vendi i tyre ne jetën tjetër: parajsa apo ferri (nuk e di nëse ne ti beson apo jo ne ekzistencën e parajses apo ferrit)?
Atehere, ne radhe te pare dua te sqarohem ne lidhje me besimin e sakte te krishter. Dihet qe te gjitha dogmat dhe denominacionet e krishtera thojne: "Ne kemi besimin e sakte." Po te pyesesh nje katolik, do thote se mesimet e kishes se tij jane me te saktat dhe nje i krihster i vertete duhet te ndjeke vetem ato. Te njejten pergjigje do jape nje ortodoks dhe dhe po keshtu nje protestant luterian, presbiterik, babtist, karismatik, etj. Ironia e fatit eshte se te gjithe besojne se ata kane besimin e drejte dhe te gjithe sjellin vargje nga bibla per te mbeshtetur "drejtesine" ose ndryshe thene "ortodoksine" e tyre.
Kesaj radhe po me shtrohet kjo pyetje mua dhe po me jepet mundesia te jap nje pergjigje dhe per kete falenderoj Besimtaren qe me shtroi kete pyetje.
Para se te pergjigjem une, dua te theksoj se po te pyesesh nje katolik, ortodoks, apo akoma edhe nje protestant per sa i perket besimit tim, po te ishte ne duart e tyre, do me kishin hedhur menjehere ne turren e druve, pra, do me konsideronin nje heretik te rrezikshem.
Atehere, a eshte besimi im i drejte? Po besimi i dogmave te tjera te krishtera, a eshte i drejte? Eshte shume e veshtire per t'ju pergjigjur kesaj pyetje shkurt. Por para se te jap nje pergjigje te detajuar, dua te theksoj se jo, une nuk besoj se vetem besimi dhe praktikimi i besimit tim eshte me i drejti dhe me i sakti dhe si rrjedhim te gjithe te krishteret duhet te ndjekin ate qe bej une dhe ata me te cilet mblidhem. Te besoja dicka te tille nuk do isha asgje me shume se nje sektarian dhe grupi apo kisha me te cilen mblidhem do ishte nje sekt i krishter.
Por ajo qe dua te theksoj eshte se une kam dale jashte sistemit fetar te Krishter qe njihet sot (ne kete sistem permblidhen te gjitha kishat e njohura, Katolike, Ortodokse, Protestante), pikerisht se kam kuptuar se kane devijuar kaq shume nga Krishterimi i hershem, saqe zor se sheh ndonje ngjashmeri me ta.
Nderkohe, gjate gjithe historise se kishave, gjate gjithe shekujve, Zoti ka ngritur njerez, grupe dhe levizje te ndryshme qe nuk kane pranuar te behen pjese e ketij sistemi, duke rrezikuar akoma edhe jeten e tyre per hir te pasionit te tyre te ndjekin Krishtin dhe mesimet e Tij dhe per te perjetuar jeten e kishes ashtu sic ishte ne shekullin e pare. Une e fus veten ne keto kisha megjithese nuk jam imitues identik i menyres se si kane funksionuar keto kisha. Vetem sot, ka shume kisha qe mblidhen ne menyre informale, neper shtepirat e njeri-tjetrit, te cilet nuk kane as emra as tabela, as ndertesa fetare. Keto kisha mund te mos kene fare lidhje me njera-tjetren, akoma mund te mos njohin egzistencen e shume prej tyre, mund te ndryshojne nga menyra se si funksionojne, sipas kultures se nje vendi etj., por keto kisha kane dicka te perbashket, dashurine per Jezu Krishtin, dashurine per njeri-tjetrin, dashurine per armikun, dashurine per cdo njeri ne kete bote.
I kthehem perseri pyetjes: "A eshte besimi im i drejte, ose me i drejte se te tjereve, ose i vetmi i drejte?" Nga pergjigja e mesiperme mund te kuptoni se une besoj se ne Dhjaten e Re kisha mblidhej ne nje menyre informale, spontane, nen drejtimin e vetem nje Personi, Jezu Krishtit, pa lidera fetare, pa rite fetare dhe pa tempuj dhe ndertesa fetare. Kushdo grup qe mblidhet keshtu, ne cdo skaj te botes, pavaresisht nga ndryshimet qe mund te kemi ne menyren e funksionimit te kishes si dhe ne disa ndryshime doktrinale, pavaresisht se per shume prej tyre nuk mund te di akoma edhe egzistencen e tyre, te gjitha keto kisha pra, qe udhehiqen nen drejtimin e Jezu Krishtit vetem, jane kishat qe kane nje ecuri te sakte dhe me te cilat pajtohem plotesisht.
Megjithate, kjo nuk do te thote se ne institucionet fetare (katolike, ortodokse dhe protestante)nuk ka njerez te sinqerte dhe qe e duan Zotin me zemer dhe qe e kane pranuar ate dhe Ai ka banuar brenda tyre. Te gjithe keta persona, qe Zoti i njeh se kush jane, jane edhe vellezerit dhe motrat e mi, pavaresisht se disa prej tyre nese degjojne per mua mund te me konsiderojne heretik. Prandaj edhe une, qe te mos bie ne te njejten gracke, nuk gjykoj asnje here njerezit qe ndodhen brenda ketij sistemi, por vete sistemin e rene dhe te kalbur.
Pasi i jam pergjigjur pyetjes ne lidhje me besimin e sakte, po i pergjigjem tani pyetjes ne lidhje se kush do shkoje ne parajse.
Me lejoni me pare te bej nje pershkrim te feve me te njohura sot. Te gjitha fete e njohura te botes kane nje bosht te perbashket. Edhe feja cifute, edhe feja e krishtere edhe ajo muslimane, sillen rreth te njejtit bosht. Deshira dhe qellimi i tyre eshte qe te shkojne ne parajse pas vdekjes.
Akoma edhe menyrat se si mund te shkojne ne parajse deri ne nje grade jane te perbashketa. Vetem mjetet ndryshojne. Te Krishteret thone: "Duhet te shkosh ne kishe sa me shpesh, te lutesh sa me shume, te lexosh biblen sa me shume, te agjerosh sa me shume te ndihmosh te varferit, te besh mire", etj, etj. Muslimanet po ashtu: "Duhet te shkosh ne xhami sa me shpesh, te lutesh sa me shume, te lexosh kuranin sa me shume, te ruash festat dhe t'i bindesh kuranit sa me shume, te agjerosh, te besh mire, te besh bamiresi", etj, etj.
Me sa shohim, jane vetem mjetet qe ndryshojne, por te gjithe sillen rreth te njejtit bosht. Te gjithe duan te kenaqin Zotin ne menyre qe me veprat e tyre te "blejne" nje bilete per ne parajse. Qender e ketyre mesimeve fetare behet njeriu!
Tani, me lejoni ta le menjeane besimin musliman dhe te merrem me ate te Krishter. A eshte ky krishterimi qe pershkrova me siper, krishterimi qe vete Jezu Krishti themeloi?
Absolutisht jo! E perseris, absolutisht jo! Zoti yne, nuk eshte nje Zot manjak, qe i peleqen te torturoje njerezit me barra qe nuk mund t'i ngrene dot dhe te kenaqet tek sa i sheh ata te deshtojne vazhdimisht. Zoti e di qe njeriu nuk mund ta kenaqe dot Ate, sado te medhaja te jene mundimet dhe perpjekjet e tij. Njeriu nuk mund te jetoje dot nje jete te shenjte, nje jete te paster, nje jete pa mekate. Zoti e di shume mire kete gje. Njeriu eshte i destinuar te vdese(perjetesisht). Nuk ka asnje shprese per te, megjithate, njeriu ne erresiren qe ndodhet, vazhdon te kembengule si mushka, te perpieqet te kenaqe Zotin.
Me lejoni t'ju sjell nje shembull. Eshte njesoj sikur te marresh derrin dhe ta mesosh te mos lahet ne lluce. Sado ta lash, sado ta pastrosh, sado ta stervisesh, derri sapo te shohe gropen me lluce do zhytet aty tere qef. Eshte ne DNA a derrit te kenaqet duke u placaritur ne lluce. Keshtu pra njeriu nuk mund te jetoje jeten e Zotit. Eshte ne DNA e njeriut te mekatoje dhe nuk ka shpetim prej jetes se tij mekatare sado qe njeriu te perpiqet.
Pikerisht pra, duke ditur kete gje Zoti, beri dicka qe mendja e njeriut nuk mund ta konceptoje. Ai vendosi t'i beje njeriut nje dhurate. T'i jape njeriut vete Jeten me te larte, nje Jete, me te cilen njeriu mund te jetonte dhe te kenaqte Zotin. Dhe kushdo qe do pranonte kete dhurate do mund ta shijonte. Me ane te vdekjes dhe te ringjalljes se Jezu Krishtit, Ai mbolli Jeten (Krishtin) brenda njeriut ne menyre qe njeriu te mos mundohet me kot duke u perpjekur te kenaqe Zotin, por nepermjet kesaj Jete, te mund te jetoje nje jete te shenjte, te paster dhe te pelqyeshme para Zotit, ne nje menyre spontane.
Pra ceshtja eshte se ndersa njeriu mundohej te bente nje jete te pelqyeshme para Tij dhe deshtonte vazhdimisht, tashme, pasi te kete kaluar nga vdekja ne jete, do shohe per cuditerine e tij se ai do jetoje nje jete te pelqyeshme para Zotit pa u stermunduar.
Pra ajo qe dua te them se ketu nuk eshte ceshtje besimi te sakte apo jo, nuk eshte ceshtje cilet jane ata qe shkojne ne parajse dhe cilet jo. Ketu eshte ceshtje jete! Nese dikush ka marre Jeten, ai ka mundesine te jetoje jeten e Zotit. Nese dikush nuk e ka marre, atehere sado te sakta te jene besimet e tij, ato do te jene te vdekura. Dhe me kete dua te mbyll edhe pergjigjen duke e perseritur. Ata njerez qe kane marre Jeten ndodhen ne te gjitha kishat, edhe ne ato Katolike, edhe ne ato Ortodokse edhe ne ato Protesante.
Eshte e vertete se numri i ketyre njerezve eshte shume i vogel ne keto kisha institucionale, por kjo nuk do te thote se nuk egzistojne. E keqja sot eshte se njerezit "lindin" te Krishtere. Duke "lindur" pra te krishtere ata mendojne se nuk kane nevoje per Krishtin (Jeten) dhe keshtu mbeten ne erresire. Me lejo te jap nje shembull: Ne itali, 99% e njerezve jane katolike. Por nje perqindje shume, shume e vogel shkojne rregullisht ne kishe dhe praktikojne besimin e tyre dhe nje perqindje akoma me e vogel jane nga ata qe me te vertete kane besuar ne Krisht dhe si rrjedhoje Jeta banon ne ta. E njejta gje ndodh edhe me ortodokset e Greqise apo Rusise. Pothuajse te gjithe e konsiderojne veten te Krishtere dhe si te tille mendojne se nuk kane nevoje qe te besojne ne Krisht, por ne realitet, ata kurre nuk kane besuar ne Te dhe Ai kurre nuk ka ardhur te banoje ne ta.
Keshtu pra, per te Krishteret e vertete ceshtja nuk eshte nese do shkojne ne parajse apo jo. Te Krishteret e vertete ndodhen qe tani ne qiell dhe kane filluar ta perjetojne qiellin secili ne stade te ndryshme. Dhe ata ndodhen ne qiell, jo se kane sakrifikuar gjithcka nga jeta e tyre dhe jane perpjekur me te gjitha fuqite e tyre, por se i eshte bere dhurate nga Zoti. Me lejoni t'ju sjell nje shembull nga disa vargje te Dhjates se Re.
1 Ai ju dha jetë edhe juve, që ishit të vdekur në faje dhe në mëkate,
2 në të cilat keni ecur dikur, sipas ecjës së kësaj bote, sipas prijësit të pushtetit të erës, sipas frymës që vepron tani në bijtë e mosbindjes,
3 ndërmjet të cilëve edhe ne dikur jetuam në lakmitë e mishit tonë duke i plotësuar dëshirat e mishit dhe të mendjes, dhe ishim prej natyre bij të zemërimit, ashtu si edhe të tjerët.
4 Por Perëndia, që është i pasur në mëshirë, për shkak të dashurisë së tij të madhe me të cilën na deshi,
5 edhe atëherë kur ishim të vdekur në faje, na dha jetë me Krishtin (ju jeni të shpëtuar me anë të hirit),
6 edhe na ringjalli me të, dhe me të na vuri të rrimë në vendet qiellore në Krishtin Jezus,
7 për të treguar në epokat që do të vijnë pasurinë e pamasë të hirit të tij, me anë të mirësisë ndaj nesh në Krishtin Jezus.
8 Ju në fakt, jeni të shpëtuar me anë të hirit, nëpërmjet besimit, dhe kjo nuk vjen nga ju, po është dhurata e Perëndisë,
9 jo nga vepra, që të mos mburret askush. Ne vargun 6 duket qarte se folja eshte ne kohen e shkuar. Pra, ne realitetin e Zotit, kjo eshte dicka qe ka ndodhur si pasoje e Dashurise dhe Hirit te Tij.
Besimtare, per mua nuk ka rendesi nese dikush quhet apo nuk quhet i Krishter nga te tjeret. Per mua ka rendesi qe dikush te pranoje Krishtin ne jeten e tij/saj. Nese ata kane pranuar Krishtin, ata kane kaluar nga vdekja ne jete dhe tashme jane bere qytetare te qiellit dhe ndodhen ne vendet qiellore.
Mendoj se kam dhene nje pergjigje te detajshme ne lidhje me pyetjet qe me ke bere, gjithsesi, mos hezitoni te me pyesni per cdo paqartesi qe mund te keni.
konti
Krishterimi - Christianity 
Muslimane
Katolike
Ortodokse
Protestante/Ungjillore
Të Krishtere jashtë sistemit fetar
Ateiste