AGIM
Koha kur nis të zbardhë dita; drita e parë e mëngjesit para se të dalë dielli.

BALENË
Kafshë gjitare shumë e madhe, me trup si të peshkut, me gojë shumë të gjerë që jeton në oqeane e dete dhe gjuhet për mishin e për dhjamin e saj.

CENTIMETËR
Një e qindta pjesë e metrit.

ÇADËR
Mjet për tu mbrojtur nga shiu ose nga dielli i nxehtë, i përbërë prej një pëlhure të nderë mbi tela të hollë, që hapen e mbyllen rreth një shkopi, zakonisht me dorezë.

DAFINË
Dru a shkurre që rritet në vendet mesdhetare, me gjethe gjithmonë të gjelbra e me erë të këndshme, që bën kokrra të vogla me ngjyrë
të errët.

DHEN
Delet, deshtë dhe shqerrat.

EGJIPTIAN
Banor vendas i Egjiptit ose ai që e ka prejardhjen nga Egjipti.

ËMBËL
Që ka shijen e sheqerit ose të mjaltit; që është bërë a është përgatitur me sheqer, me mjaltë, me reçel.

FA
Nota e katërt e shkallës muzikore.

GAFORRE
Kafshë e ujërave të ëmbla e të kripura, që e ka trupin të mbuluar me një guaskë të fortë, me dhjetë këmbë të nyjëzuara e me kthetra në majë, të cilat i japin mundësi të ecë në të gjitha drejtimet.

GJAH
Gjetja e ndjekja e kafshëve dhe e shpesëve të egra për t'i vrarë ose për t'i zënë.

HAMBAR
Kasolle e thurur me thupra a me dërrasa, që shërben për të mbajtur drithë.

ILAÇ
Lëng, pluhur, hape, melhem etj. që përgatitet për mjekimin e një sëmundjeje ose për shërimin e një plage.

JAKË
Pjesa e sipërme e palltos, e këmishës etj, zakonisht e palosur, që rrethon qafën.

KALAMA
Djalë ose vajzë deri tetë a nëntë vjeç; fëmijë i vogël.

LAB
Banor vendës nga Labëria ose ai që e ka prejardhjen nga Labëria.

LLAMBË
Mjet ndriçimi me vajguri a me një lëndë djegëse tjetër dhe me fitil, që mbulohet me një poç të gjatë prej qelqi.

MOLLË
Dru frutor me trung jo shumë të lartë, me gjethe pothuaj të rrumbullakëta dhe me lule të mëdha e të bardha, që bën kokrra të rrumbullakëta e të tulta.

NGORDH
Pushon së jetuari, vdes (për kafshët).

NJËSHEKULLOR
Që ka zgjatur një shekull, që është kryer gjatë një shekulli.

OBJEKT
Çdo gjë materiale, që mund të kapet nga organet e shqisave si diçka më vete; send.

PARVAZ
Korniza e derës a e dritares.

QOFTE
Mish i grirë, i përzier me qepë, me vezë e me erëza dhe i ngjeshur si petull a si shkop i shkurtër, që piqet a skuqet.

RINI
Mosha e re e jetës së njeriut në mes të fëmijërisë dhe të pjekurisë; të qenët i ri.

RRËFENJË
Tregim i shkurtër për një ndodhi të vërtetë ose të trilluar, zakonisht me shtjellim të thjeshtë.

STUHI
Erë e fortë dhe e shpejtë, që mund të shoqërohet me shi ose me borë

SHI
Reshje që formohet nga kthimi i avujve të atmosferës në ujë gjatë ftohjes dhe që bie pika-pika nga retë në tokë.

TOKË
Planeti ynë, si një nga planetët e sistemit diellor.

THANË
Bimë që rritet e lartë a si shkurre, me dru të fortë, me gjethe të vogla vezake e të ashpra, që lulëzon herët në pranverë dhe bën kokrra të kuqe.

URIM
Fjalë që i thuhen dikujt për t'i shprehur një dëshirë të mirë për të ardhmen

VERË
Pije alkoolike që nxirret zakonisht nga tharbëtimi i mushtit të rrushit; një sasi e kësaj pijeje sa nxë një gotë.

XANXAR
Që ka huqe të këqija, që bën dëme që hedh shqelma, i pashtruar (për kafshë shtëpiake).

XHEP
Pjesë e një rrobe në trajtën e një qeseje të qepur nga brenda ose si copë përsipër, e cila shërben për të vënë sendet që mbajmë me vete.

YLL DETI
Kafshë deti me trup të shtypur, që ka pesë a më shumë rreze.

ZAMKË
Lëndë e qullët që përdoret për të ngjitur.

ZHYTËS
Ai që zhytet në thellësi të detit, të liqenit etj. për punë të caktuara, kredhës

AR
Metal i rrallë e i çmuar, me ngjyrë të verdhë, që është i butë e punohet mirë dhe që përdoret për të bërë sende zbukurimi, monedha
etj; flori.

BRETKOSË
Kafshë e vogël pa bisht, me ngjyrë të murrme a të gjelbër, me këmbët e prapme të gjata, që ecën duke kërcyer dhe që mund të jetojë në ujë dhe në tokë.

CENTIMETËR 
Një e qindta pjesë e metrit.

ÇAFKË
Shpend uji, që ka qafë të gjatë e këmbë të gjata, sqep të hollë dhe një tufë puplash të zeza në krye; gatë.

DIAMANT
Gur i çmuar shumë i fortë, i tejdukshëm e me shkëlqim të madh dhe që përdoret për stoli e zbukurime etj.

DHEMB
Ndiej dhembje në trup, ndiej në trup diçka që s'më lë të qetë, që me mundon a me shqetëson; me ther a me sëmbon diçk.

ERRËSIRË
Mungesë e dritës a e ndriçimit; vend i errët.

ËSHTË
Veta e tretë e foljes JAM në numrin njëjës.

FLAMUR
Pëlhurë e hollë dhe e lehtë me forma e me ngjyra të ndryshme, që vihet në një shtizë dhe është simboli i një shteti, i një kombi, i një organizate, i një ushtrie etj.

GRURË
Bimë barishtore e arave, me kërcell të drejtë e të nyjëzuar, që bën kallinj të mbushur me kokrra të vogla e që mbillet zakonisht çdo vit; kokrrat e kësaj bime bluhen e bëhen miell.

GJILPËRË
Fill i hollë çeliku me majë të mprehtë e me vrimë në fund, që përdoret për të qepur.

HAN
Ndërtesë pranë udhës ose në qytete që shërbente si bujtinë për udhëtarët e që kishte edhe vend për kafshët e tyre.

IMAGJINOJ
E përfytyroj, e marr me mend; shkoj nëpër mend,
mendoj sikur, e zë se.

JELE
Tufa e qimeve të gjata që ka kali në qafë, krifë, kreshtë.

KORRIER
Ai që është i ngarkuar të çojë një letër ose korrespondencën nga një vend në një vend tjetër; ai që është ngarkuar të lajmërojë dikë për diçka.

LETËR
Lëndë që nxirret nga përpunimi i drurit, i kashtës etj. dhe që përgatitet e përdoret zakonisht në trajtën e një flete të hollë
me përmasa e ngjyra të ndryshme, që përdoret për të shkruar, për të vizatuar a për të shtypur në të.

LLËRË
Pjesa e sipërme e krahut që nga bërryli deri te supi.

MACE
Kafshë e vogël shtëpiake, gjitare e mishngrënëse, me trup të shkathët, të mbuluar me qime të buta, me sy të mprehtë e me kthetra të forta, që zakonisht gjuan minj.

NDOSHTA
Përdoret për të shprehur dyshimin ose mundësinë për diçka; mbase, ka mundësi, ka të ngjarë, kushedi.

NJËHERË
Dikur, shumë kohë më parë (në të shkuarën).

ORAKULL
Vendi a tempulli ku në kohën e lashtë priftërinjtë paganë gjoja parashikonin të ardhmen ose parathoshin diçka gjoja në emër të hyjnive; që besohej se parashikonte të ardhmen ose paralajmëronte diçka.

PRE
Kafshë, shpend etj., që e zë dhe e ha një tjetër; ajo që zëmë a vrasim kur dalim për gjah ose kur peshkojmë, gjah.

QAFORE
Rrip i bardhë pëlhure që qepet ose mbërthehet nga brenda në jakën e xhaketës me grykë të mbyllur.

RAKI
Pije alkoolike, që nxirret nga mushti i rrushit ose i disa pemëve të tjera, duke e zier e duke i ftohur avujt; një sasi e kësaj pijeje sa nxë një gotë e vogël.

RRËFENJË
Tregim i shkurtër për një ndodhi të vërtetë ose të trilluar, zakonisht me shtjellim të thjeshtë.

SAFIR
Gur i çmuar me ngjyrë të kaltër ose të gjelbër, që është i tejdukshëm dhe gjendet në natyrë si mineral.

SHAJ
I them dikujt fjalë e shprehje të pahijshme, fyese e të rënda, e quaj një njeri me një emër të keq, i vë një nofkë të keqe për ta tallur a për ta fyer.

TRIM
Ai që është guximtar e i patrembur në luftë ose përpara çdo rreziku a vështirësie, që nuk ka frikë e nuk thyhet para asgjëje.

THARTË
Që ka shije të fortë si të limonit a si të uthullës e që të mpin dhëmbët, shumë i athët.

UBUBU
Përdoret kur shprehim shqetësim a frikë përpara një të keqeje ose kur shprehim një dhembje.

VAPOR
Anije me avull; anije e madhe për udhëtarë dhe për
mbartur mallra në rrugë të largëta.

XUNKTH
Bimë barishtore që rritet në brigjet e lumenjve, të liqeneve ose nëpër këneta, me shumë kërcej pa gjethe, të cilët përdoren për të bërë shporta, fshesa etj.

XHEZVE
Enë e vogël prej metali, me bisht të gjatë e zakonisht me grykë të ngushtuar, që përdoret për të bërë kafen etj.

YLBER
Hark i ndritshëm në qiell, që ka shtatë ngjyrat e spektrit të dritës dhe që krijohet zakonisht pas shiut nga thyerja e rrezeve të diellit e nga pasqyrimi i tyre në pikat e ujit të reve.

ZABEL
Pyll i vogël e i dendur a pjesë pylli e ndarë me vete, korije; vend me drurë e me shkurre të dendura.

ZHAVORR
Rërë e trashë e përzier me gurë të vegjël, që gjendet zakonisht në brigjet e në shtratin e lumenjve dhe që përdoret në ndërtim, për të shtruar rrugët, për të përgatitur beton etj.

Nuk i lexova te gjitha, por vetem postimin e pare megjithate BRAVO TE LUMTE TY BERNARD qe na sjell fjale dhe tema nga me te mirat e me te larmishmet, ketu! Ketu ka plot fjale qe edhe ne te rriturit mund te mesojme me mire se c'fare jane.

Do i kthehem temes prape te mesoj me shume, te mesoj fjale te tjera.

ANEKDOTË
Tregim i shkurtër zbavitës për një ngjarje për të qeshur, të vërtetë a të trilluar, ose që vë në lojë të metat e dobësitë e njerëzve a shpreh një mendim edukues.

BAKLLAVA
Ëmbëlsirë, që bëhet si byrek me petë të holla, të mbushura në mes me arra të shtypura dhe që, pasi piqet, përvëlohet me sherbet; një copë nga kjo ëmbëlsirë, e prerë zakonisht në trajtë rombi.

CILINDËR
Trup gjeometrik, që formohet duke rrotulluar një katërkëndësh kënddrejtë rreth njërës brinjë të tij.

ÇOMLEK
Gjellë e gatuar me thela mishi të ziera me qepë të plota ose të grira në copa të mëdha, me thelpinj hudhrash, me erëza dhe me pak uthull.

DREJTËSI
Të qenët i/e drejtë; cilësia e atij që është i drejtë; vërtetësi

DHANORE
Rasa dhanore: rasa e tretë e lakimit në gjuhën shqipe.

ESËLL
Pa vënë gjë në gojë, pa ngrënë (zakonisht mëngjesin).

ËNDRRASHUMË
I mbushur me ëndrra, plot me ëndrra, tërë ëndrra.

FASHITET
Pushon a resht dalëngadalë (zhurma, një veprim a diçka tjetër që është në lëvizje a veprim), ulet, bie; bie në qetësi.

GOSTIT
U shtroj gjëra për të ngrënë e për të pirë miqve e të ftuarve.

GJYSMË
Çdonjëra nga dy pjesët e barabarta ose afërsisht të barabarta, në të cilat ndahet diçka a një sasi; njëra pjesë e diçkaje a e një sasie të ndarë në mes a përgjysmë; një e dyta.

HENDEK
Vijë e thellë a kanal i ngushtë, që hapet rreth një are, në dy anët e rrugëve, në vendstrehimet etj. për të mbledhur ujërat, për t'u mbrojtur, për t'u strehuar, për t'u fshehur etj.

IJË
Ana e djathtë ose ana e majtë e trupit të njeriut a të kafshëve midis brinjëve dhe kërdhokullës; ana e djathtë ose ana e majtë e mesit.

JAMAKE
Poçe e madhe prej balte, që përdoret për të zier gjellën.

KODËR
Pjesë toke e ngritur si breg i lartë me pjerrësi të butë; mal i ulët nën një mijë metra dhe me shpate të buta.

LOT
Lëng pa ngjyrë e i tejdukshëm si uji, me shije si të kripur, që del nga gjëndrat e syrit kur kemi ngacmime në sy, kur qajmë etj.

LLOMOTIT
Flas mbyturazi e nëpër dhëmbë, them diçka me vete me zë të mbytur.

MUSHKONJË
Kandërr e vogël, me trup të hollë, që rri zakonisht pranë pellgjeve e në vende moçalore dhe që të pickon, thith gjakun e mund të përhapë sëmundje të ndryshme.

NEPËRKË
Gjarpër helmues, me kokën të shtypur në trajtë trekëndëshi, me trupin të mbuluar nga luspa me ngjyra të ndryshme, me dy dhëmbë në gojë dhe me bisht të shkurtër.

NJOLLË
Një vend i vogël me ngjyrë pak më të ndryshme nga pjesa tjetër e një sipërfaqeje njëngjyrëshe, pullë.

ORKESTËR
Tërësia e veglave, që përdoren kur luhet një pjesë a një vepër muzikore; muzikantët që luajnë së bashku një pjesë a një vepër muzikore, duke u rënë veglave të ndryshme.

PLEQËSI
Këshill burrash, të zgjedhur në një fshat a në një lagje, që vendosnin për punët e fshatit a të lagjes.

QETËSI
Mungesë e zhurmës ose e lëvizjes me zhurmë; heshtje.

ROSTO
Mish kofshe me erëza e me hudhra, që piqet pak nga pak në zjarr të ngadaltë dhe që pritet në thela të holla; një pjatë me thela nga ky mish.

RRËMUJË
Gjendje në të cilën mungon rregulli, çrregullim i plotë, pështjellim i madh.

SEMESTËR
Gjysma e vitit shkollor ose e vitit mësimor.

SHAMI
Një copë pëlhurë, e prerë në trajtë katërkëndëshi, që mbahet për të fshirë hundët, djersën etj.

TROKAS
I bie derës, dritares etj., zakonisht me gisht, për të lajmëruar se dua të hyj brenda ose që dikush duhet të ma hapë.

THËLLËZË
Zog i madh sa një pëllumb, zakonisht me ngjyrë të murrme në të përhime me sqep të kuq, që jeton në tufa fushave e maleve dhe që këndon bukur.

UNIVERSAL
Që përfshin gjithçka pa përjashtim, që ka të bëjë me gjithçka, i përgjithshëm i gjithësishëm.

VENITET
Humbet njomësinë, nuk zhvillohet më dhe i varen degët e gjethet, fishket, thahet (për bimët).

XIBËRRISHTË
Vend i pjerrët e me tokë të keqe; tokë që nuk prodhon; xibërrakë, xibërrimë.

XHAGAJDUR
Njeri i pacipë, që bredh rrugëve dhe që ngrefoset e kapardiset.

YSHYR
Taksë a e dhjetë në natyrë që u merrej bujqve gjatë sundimit osman.

ZAP
E bëri zap: e shtroi dikë, e detyroi të veprojë a të sillet në një mënyrë të caktuar, i vuri fre, e mblodhi, ia mblodhi rripat; e mposhti, e vuri nën urdhra.

ZHAJOLLË
E çarë në gjethet e bimëve kur janë goditur me diçka.

ANKOHEM
Shpreh dhembjen me fjalë e psherëtima për një
sëmundje a një të keqe.

BULKTH
Kandërr si karkalec i vogël, me krahë të errët, që rron zakonisht në vrimat e dheut a të mureve të vjetra dhe që natën nxjerr një zë si të gjinkallës.

CINGARE
Zile a këmborë e vogël, që u varet në qafë bagëtive.

ÇATI
Mbulesa e sipërme e një ndërtese a e një shtëpie, zakonisht e pjerrët dhe e përbërë prej një skeleti druri ose metali, mbi të cilin vendosen tjegulla ose një shtesë tjetër.

DRE
Kafshë gjitare përtypëse e dythundrake, me brirë të gjatë ose të degëzuar, që rron në tufa nëpër pyje malore.

DHËMBALLË
Secili nga dhëmbët e mëdhenj nga të dy anët e gojës që vijnë pas dhëmbëve të syrit dhe që shërbejnë për të përtypur e për të thërrmuar ushqimin.

ESHTËR
Secila nga pjesët e forta e të ngurta që formojnë skeletin e trupit të njeriut dhe të kërbishtoreve të tjerë; kockë.

ËNDËRR
Ajo që shohim në gjumë, varg vegimesh, figurash, ngjarjesh etj. që na shfaqen kur flemë.

FAJ
Veprim a sjellje që shkel rëndë rregullat ose normat morale të shoqërisë, të një organizate etj. dhe që duhet dënuar; gabim i rëndë.

GOSTI
Drekë a darkë me të gjitha të mirat, që shtrohet në raste gëzimi dhe ku marrin pjesë miq e të ftuar të tjerë.

GJUNJËZOHEM
Bie ose ulem në gjunjë para dikujt a diçkaje, përgjunjem.

HAKËRRIMË
Britmë e fortë dhe me të egër, qortim me zë të lartë e me kërcënim, kanosje, egërsi.

IDEOR
Që lidhet me një ideologji të caktuar, që shpreh, përçon e mbron ide të caktuara a që udhëhiqet prej tyre, ideologjik.

JAVË
Njësi kohe prej shtatë ditësh, që nga e hëna deri
tek e diela.

KOT
Pa dobi, pa ndonjë përfitim; pa ndonjë përfundim të mirë, pa nxjerrë gjë në krye.

LULISHTE
Vendi i mbjellë me lule, ku pushojnë njerëzit, kopsht me lule.

LLAHTARI
Frikë e madhe, tmerr; ankth i madh.

MUAJ
Njëra nga të dymbëdhjetë pjesët e vitit, e cila shërben si njësi për matjen e kohës; kohë prej rreth tridhjetë ditësh me radhë.

NIVEL
Lartësia që arrin një sipërfaqe uji e lirë; lartësia e një lëngu në një enë.

NJOFTOJ
Jap një lajm, bëj një njoftim; lajmëroj; bëj të njohur një vendim, një udhëzim a një urdhër.

OAZ
Vend me ujë dhe i gjelbëruar në mes të shkretëtirës, ku mund të jetojnë njerëzit.

PAPARE
Përshesh me bukë të grunjtë e me erëza, që përvëlohet me ujë të nxehtë e me gjalpë a me vaj dhe hahet zakonisht në mëngjes.

QOFTE
Mish i grirë, i përzier me qepë, me vezë e me erëza dhe i ngjeshur si petull a si shkop i shkurtër, që piqet a skuqet.

RADHIT
Vë në radhë, vendos njërin pas tjetrit ose njërin përbri tjetrit sipas një rregulli; rreshtoj, rendit.

RROPAMË
Zhurmë e madhe me krismë, zhurmë e mbytur, e cila vjen nga diçka që përplaset.

SAHAN
Enë gjelle prej bakri si pjatë e thellë, çanak, misur;
sasia e gjellës që nxë kjo enë.

SHOFER 
Punonjës i përgatitur që nget automobilin.

TIMONIER
Ai që rri në timonin e anijes dhe e drejton atë për lundrim; ai që punon në timon.

THUPËR
Shkop i hollë dhe i përkulshëm, zakonisht i prerë, nga dega e një peme a nga një shkurre.

ULOK
Ai që nuk ngrihet a nuk ecën dot, ai që nuk lëviz dot gjymtyrët për shkak të një sëmundjeje ose nga pleqëria.

VARFËR
Që nuk ka as mjetet më të nevojshme për jetesë, që nuk ka të hajë e të vishet.

XËGITEM
Ngacmohem me dikë i hedhim thumba njëri-tjetrit s’e lëmë të qetë njëri-tjetrin.

XHADE
Rrugë e gjerë zakonisht e shtruar ku kalojnë mjetet dhe njerëzit; rrugë për automjete.

ZBATICË
Ulje e nivelit të ujit të detit, që përsëritet dy herë
në ditë.

ZHUZHAK
Kandërr me dy palë krahë, nga të cilët të sipërmit janë të fortë e të ndritshëm, ndërsa të poshtmit, që hyjnë në punë për fluturim, janë të hollë.

Kot e kam vendos une per femijet,disa nga keto dhe neve te rriturit nuk i dime 

AHUR
Pjesa përdhese e shtëpisë, ku mbahen kafshët dhe ushqimi i tyre; kasolle për gjënë e gjallë.

BATAK
Vend me ujë të ndenjur e me baltë, që ka zakonisht edhe lëmishte të kalbura; lerë, llucë.

CUBAK
Pjesa e kërcellit ose e trungut të hollë, që mbetet
në tokë pasi korret misri, pasi pritet një dru etj.

ÇELËS
Mjet prej metali, i përbërë nga një pjesë e dhëmbëzuar, i cili përdoret për të hapur e për të mbyllur një brave ose një dry.

DUKË
Titull i lartë aristokratësh, më i ulët se ai i princit; sundimtari i një dukate; ai që mbante këtë titull.

DHEMIHËS.
Punëtor që mih dheun për hapjen e kanaleve, të hendeqeve etj.; ai që mih dheun.

ERACAK  
Që e ka shumë të zhvilluar shqisën e të nuhaturit, që nuhat mirë.

ËMBËLOSH
Që është pak i ëmbël, që vjen si i ëmbël.

FQINJ
Ai që banon afër me dikë tjetër, ai që e ka shtëpinë a banesën ngjitur me atë të një tjetri.

GORILLË
Majmun i madh pa bisht, që rron zakonisht në pyjet e Afrikës Perëndimor.

GJËMË
Fatkeqësi e rëndë, mynxyrë e madhe, e lidhur zakonisht me vdekj.

HABERMADH
Që mëson lajme të ndryshme andej e këtej dhe i përhap ato, që i çon fjalët lart e poshtë.

ISHULL
Tokë në mes të detit, të liqenit a të lumit, e rrethuar nga të gjitha anët me ujë.

JAPRAK
Gjellë me oriz, me mish të grirë, me qepë, me erëza etj. që, pasi kaurdisen ose zihen pak, mbështillen me gjethe të njoma hardhie.

KODËR
Pjesë toke e ngritur si breg i lartë me pjerrësi të butë; mal i ulët nën një mijë metra dhe me shpate të buta.

LODËRTAR  
Që të argëton me diçka të gëzueshme; që bën lëvizje a kërcime të gëzueshme, që i pëlqen të luajë.

LLANGJASH
Që e ka zërin të ngjirur që flet me zë të ngjirur.

MËSHIRË
Ndjenjë e thellë dhembshurie e keqardhjeje për një njeri të mjerë a fatkeq dhe dëshira për t'i ndihmuar atij.

NOFKË
Emër i dytë që i vihet dikujt për tallje, për shaka apërkëdhelje, duke u nisur nga ndonjë e metë fizike a ndonjë tipar tjetër dallues i tij.

NJANJË
Bukë e papjekur mirë, bukë që ka mbetur si qull; babanace.

OAZË
Vend me ujë dhe i gjelbëruar në mes të shkretëtirës, ku mund të jetojnë njerëzit.

PILIVESË
Kandërr me trup të hollë, me krahë të gjatë, të tejdukshëm e me deje, që i lëshon larvat në vende me lagështirë.

QUKAPIK
Zog që jeton në zgavrat e drurëve nëpër pyje dhe që ka sqep të gjatë e të fortë, me të cilin godet lëvoren e drurëve që të nxjerrë krimba e kandrra për t'u ushqyer.

RANISHTË
Brez a rrip toke anës detit, liqenit a lumit i mbuluar me rërë; sipërfaqe toke e mbuluar me rërë.

RRËZALL
Bimë me degë e me kallinj së bashku me rrënjën.

SAPUNIS
E bëj me sapun a me shkumë sapuni, i shkoj sapun përsipër; u vë sapun rrobave, enëve etj., e fërkoj me sapun.

SHABLLON
Që bëhet duke përsëritur diçka të njohur ashtu siç
është, pa i ndryshuar e pa i shtuar gjë.

TUTELË
Kujdes i tepruar për dikë, që i ndrydh lirinë e veprimit, të mendimit a të sjelljes; kujdestari e rreptë.

THELË
Copë e vogël mishi, pjepri etj., zakonisht e prerë nga e tëra ose nga një pjesë më e madhe.

UDHËÇELËS
Ai që çan i pari e me guxim rrugën për të zbuluar vende të panjohura.

VETËTIMTHI
Shumë shpejt, me shpejtësinë e vetëtimës, si rrufeja.

XËC
Errësirë e madhe kur po thuajse nuk shihet dot asgjë, terr.

XHAMBAZ
Ai që shet e blen kuaj a kafshë të tjera për të nxjerrë fitim; ai që shtron e stërvit kuajt.

YEJ
Kaloj gjithë natën pa gjumë, e gdhij gjithë natën.

ZABEL
Pyll i vogël e i dendur a pjesë pylli e ndarë me vete, korije; vend me drurë e me shkurre të dendura.

ZHABËRDINË
Rroba të gjera, që varen e tunden andej-këtej; këpucë të mëdha, që të dalin nga këmbët kur ecën, zhabllaqe.

ABAZHUR
Mbulesë prej qelqi, prej metali ose prej një lënde
tjetër, që shërben për ta mbledhur dritën e llambës
elektrike në një drejtim.

BEZHË
Që ka ngjyrë kafe të çelur në të trëndafiltë a në të verdhë.

CAK
Vija që kufizon diçka, kufiri; buza në skajet e një sendi.

ÇAFËR
Peshk pendëkuq i ujërave të ëmbla, i gjatë një pëllëmbë, me bark të gjerë e me shumë hala.

DADO
Grua që ushqen me gji fëmijën e dikujt tjetër, mëndeshë, tajë.

DHJETËFISH
Edhe dhjetë herë aq sa është; dhjetë herë më shumë.

ELEGJI
Poezi lirike a pjesë muzikore me përmbajtje të trishtuar, të përvajshme e plot dhembje shpirtërore.

ËHË
Përdoret për të shprehur keqdashje, përbuzje, mospërfillje, dyshim a mosbesim, habi etj.; aha.

FA
Nota e katërt e shkallës muzikore; shenja për këtë notë.

GOSTIT
U shtroj gjëra për të ngrënë e për të pirë miqve e të ftuarve në një gosti.

GJOBË
Detyrim, zakonisht në të holla, që caktohet si dënim
për thyerjen e një rregulli, për mosplotësimin e kushteve të një marrëveshjeje ose për shkelje jo të rënda të ligjeve.

HIENË
Kafshë e egër gjitare, mishngrënëse e grabitqare, me trup sa të ujkut, me qimet ngjyrë hiri a të kuqërreme, që rron në vendet e shkreta të Azisë e të Afrikës.

INDIAN
Banor vendës i Indisë ose ai që e ka prejardhjen nga India.

JAR
Fill pambuku, zakonisht i gërshetuar me fije ari, që përdoret për qëndisje të ndryshme ose për të zbukuruar veshjet etj.

KËLLËF
Pëlhurë e qepur si qeskë a si thes i vogël, që mbështjell jastëkun ose dyshekun për ta mbajtur pastër.

LOTOJ
Derdh lot, më rrjedhin lotët nga sytë; qaj me lot, vajtoj.

LLËRË
Pjesa e sipërme e krahut që nga bërryli deri te supi.

MUNDËS
Ai që ka dalë fitues mbi një tjetër në një ndeshje, në një luftë etj., ai që ka mundur dikë.

NOJMË
Shenjë që i bëjmë dikujt me sy, me kokë a me dorë për t'i dhënë të kuptojë diçka.

NJA
Afër, përafrisht, rreth asaj sasie, rreth atij numri.

ORIENTAL
Që ka të bëjë me vendet ose me popujt e Lindjes, i Lindjes; që është karakteristik për vendet e Lindjes.

PELTE
Ëmbëlsirë si qull i trashë, që përgatitet me niseshte e sheqer.

QAR
Fitimi që kemi nga shitja a nga blerja e diçkaje ose nga një punë; leverdi.

ROBTOHEM
Punoj rëndë, mundohem shumë, rripem së punuari, më bie bretku.

RRABE
Tokë djerrinë me gurë e me kaçuba, që jep prodhim të pakët.

SOL
Nota e pestë e shkallës muzikore që fillon me «do»; shenja për këtë notë.

SHKALARIS
Shkel e shtyp grurin e regjur për të nxjerrë niseshtenë.

TEBDIL
Krejt ndryshe në veshje, në fytyrë, me pamje tjetër a me rroba të tjera për të mos u njohur.

THUTHUQ
Që nuk mund të shqiptojë mirë tingujt fishkëllyes (s, z, sh, zh) dhe në vend të tyre shqipton tinguj ndër dhëmborë (th, dh).

UDHAKOJ
Shkoj dendur në një vend, e bëj shpesh rrugën për diku.

VAGËLLIMË
Dritë e zbehtë, dritë si e agut; zbardhëllima e vagët e diçkaje.

XËGIT
Shpoj me diçka të mprehtë ose me majë; ngacmoj me dorë trazoj diçka a dikë.

XHAHIL
Njeri i paditur dhe i prapambetur, njeri i pagdhendur dhe i trashë.

YJESHUAR
Që nuk i duken më yjet, ngaqë ka aguar.

ZAKONOR
Që ka të bëjë me doket e zakonet e një populli, të një fisi, të një klase a shtrese shoqërore etj.

ZHABINORE
Familje bimësh barishtore e shkurresh, ku bëjnë pjesë zhabina, kulpra etj.