"Raiffeisen Bank" nderohet për të tretin vit radhazi si banka më e mirë në Shqipëri. Ky vlerësim është bërë nga revista "Euromoney", një ndër revistat më të njohura financiare britanike. "Shqipëria po bëhet shumë shpejt një oaz për industrinë e shërbimeve financiare, me një mori bankash ndërkombëtare të vendosura në shtetet e Ballkanit", thuhet në revistën "Euromoney". Lidhur me këtë, drejtori Ekzekutiv i "Raiffeisen Bank" në Shqipëri, Steven Grunerud, u shpreh se "ne jemi shumë krenarë që revista e mirënjohur "Euromoney" ka zgjedhur përsëri "Raiffeisen Bank" si banka më e mirë në vend dhe ne besojme me të vërtetë që do të vazhdojmë të rritemi dhe të përballojmë sfidat e të ardhmes, ashtu siç kemi bërë edhe në të shkuarën". Sipas Grunerud, misioni i kësaj banke konsiston në përmirësimin e Shqipërisë, nëpërmjet ngritjes së standardeve bankare, duke përmirësuar jetën e klientëve në sajë të ofrimit të produkteve më të mira dhe të një shërbimi me një cilësi të lartë.

Drita Çokaj