Kostoja rajonale e transferimit të parave të emigrantëve është 47 për qind, ndaj dhe rekomandimet për Shqipërinë kanë të bëjnë me luftën ndaj monopoleve, që realizojnë transferimin e parave të emigrantëve

Shqipëria, ashtu si edhe vendet
e tjera të rajonit, duhet të ulë kostot
e transferimit të të
ardhurave të emigranteve në
ekonominë vendase. Kërkesën e
ka bërë Banka Botërore,
nëpërmjet zyrtarëve të saj. Sipas
një studimi, që BB ka bërë për
këtë qëllim, kostoja rajonale e
transferimit të parave të emigrantëve
është 47 për qind, ndaj
dhe rekomandimet për Shqipërinë
kanë të bëjnë me luftën
ndaj monopoleve, që realizojnë
transferimin e parave të emigrantëve.
Për Shqipërinë, operatorët
e transfertave të parave si
Western Union dhe Money-
Gram janë metoda që përdoren
tepër shpesh për të dërguar
pará në Shqipëri. Western
Union ka 180 agjentë në Shqipëri.
Shumica e pikave të
shërbimit ndodhen në ALBA
Postë, UnionB, Unixel, Ardiva
dhe Agim Union. MoneyGram,
me 18 agjentët e tij, ndodhen,
më së shumti, brenda degëve të
Raiffeisen Bank. Këto agjentë
nuk kërkojnë që dërguesi apo
marrësi të ketë llogari me to.
Zakonisht, paratë transferohen
menjëherë. Në qoftë se, si
dërguesi, ashtu dhe marrësi,
mund të përdorin internet-in,
metodat e transferimit me anë të
tij mund të përdoren gjithashtu.
Ka operatorë që ofrojnë shërbime
transfertash vetëm për
përdoruesit e internet-it, si për
shembull MooneyBookers. Në
mënyrë që të përdoret Moneybookers,
dërguesi duhet të hapë
një llogari internet-i dhe të fusë
pará në të, ose nëpërmjet internetit,
ose me kartë bankare apo
krediti. Transfertat çohen tek
marrësi me e-mail duke cituar
shumën e dërguar. Sapo të arrijnë
paratë e dërguara, marrësi
mund të regjistrojë detajet e
llogarisë së tij/saj bankare apo të
një karte krediti-viza dhe paratë
hyjnë menjëherë aty.
Shumica e bankave europiane
janë në gjendje të transferojnë
pará në çdo bankë në Shqipëri.
Në shumicën e rasteve, si
dërguesi, ashtu edhe marrësi,
duhet të kenë llogari bankare.
Është e rëndësishme të kihet
parasysh se, edhe në rastet kur
dërguesi i mbulon të tëra shpenzimet
e transfertës, banka mund
t’i kërkojë një shumë edhe marrësit.
Kjo shumë ndryshon
shumë, ku disa banka kërkojnë
minimumi 5 euro dhe disa 15
euro. Në qoftë se prisni pagesa të
rregullta nga jashtë, ju sugjerojmë
që të hapni një llogari
bankare me një bankë, që nuk
kërkon shumë për tërheqjen e
parave të transferuara. Kur të
transferoni pará me anë të një
banke, është i domosdoshëm
posedimi i kodit Swift të bankës,
ku do të hyjnë paratë, si dhe
numri Iban i personit marrës.
Ky informacion ndodhet në letrat e
bankës, drejtuar marrësit. Në
qoftë se jo, atëherë duhet pyetur
në bankë. Në rastet kur nuk i keni
numrat Swift dhe Iban, duhen
emri, adresa dhe kodi i bankës ku
do të hyjnë paratë, si dhe emri i
marrësit, adresa e tij/saj dhe detajet
e llogarisë bankare.