Mbreme qenka skualifikuar Xhensila Myrtezai nga Tirana.

Në "vrapim" me shtatë etheistët

Janë në kërkim të suksesit. "Ethet" ua krijojnë këtë mundësi. Të talentuar, të rinj dhe ambiciozë, "në garë" me njëri-tjetrin.

Dorina Garuci, Dorina Xërxa, Kejsi Tola, Himena Ymeri, Marjeta Billo, Fatlum Zeka, Rezarta Smaja janë emrat e shtatë finalistëve të mbetur në edicionin e katërt të "Etheve", që këtë vit realizohet në Top Channel, pas skualifikimit të Xhensila Myrtezait, Simona Karafilit dhe Ervin Thanës. Spektakli me ide dhe skenar të Adi Krastës e regji të Pali Kukes, duket se është bërë "stacioni" më joshës për të rinjtë që duan "të udhëtojnë" më tej në muzikë. Dhe me sa duket mundësitë që iu ofrohen nga kjo pjesëmarrje nuk do të mungojnë. Kështu, mendohet se dhjetëshja më e mirë do të marrë pjesë në Top Fest, si aktiviteti më i afërt, si dhe në aktivitete të tjera që kanë lidhje me muzikën pop. Por tani për tani ajo që duhet është shumë punë...


E dashuruar pas "hard-rockut"

Dorina Xërxa, 17 vjeç

10.11.1990, Gjakovë

Kishte parë reklamën, e thjesht vendosi të shkojë në "Ethe". Ishte babai "metalar", siç e quan ajo, që e shtyu të mësojë kitarën e më pas të këndojë. Edhe pse ende një nxënëse shkolle, punon si gazetare radioje por edhe për Televizionin Kombëtar për rrafshin e Dukagjinit. Ndërkohë që angazhimet muzikore nuk i kanë munguar, pasi këndon edhe muzikë hard-rock në lokale. Kështu, edhe këngëtarja e preferuar e saj, (Anouk) nuk kishte si të mos i përkiste kësaj rrymëëëë.

Vajzës gjakovare i pëlqen të vazhdojë studimet për muzikë, ndërsa shprehet se për momentin ende nuk ka gjetur dikë që "t'i rrëmbejë zemrën". Megjithatë, e ka të vizatuar qartazi në mendjen e saj partnerin ideal: metalar, me flokë të gjatë dhe t'i bjerë kitarës.


Për herë të dytë në "Ethe"

Rezarta Smaja, 24 vjeç

23.3.1984, Shkodër

E ka për herë të dytë, pjesëmarrjen në "Ethe". Konkurrente edhe në edicionin e parë të konkursit, shkodranes Smaja duket se i ka ecur më mbarë këtë herë. Pse jo edhe për shkak të një përvoje të përftuar dhe të një pune më të madhe. Mendon se një nga arsyet pse u eliminua herën e parë, ku nuk arriti të futej as në 10-shen më të mirë, ishte edhe fakti që u sëmur. "Profesorët më thanë të provoja përsëri. Për disa vite nuk provova, por vendosa këtë vit".

Pohon se "dëshirën" për muzikën në radhë të parë e ka kultivuar brenda familjes, edhe pse asnjë prej pjesëtarëve të saj nuk është muzikant. Ndërsa thekson se lloji i muzikës që parapëlqen është xhazi.

Studente e Gjuhë-Letërsisë në Fakultetin e Shkodrës, Rezarta vëren se njeriu që e ka shtyrë më së shumti të konkurrojë në "Ethe" është i fejuari i saj, Jetmiri, i cili është kitarist.

Tani mendon se e pret një "sfidë" e madhe, për më tepër, pasi në mbrëmjen e kësaj të diele do të interpretojë po atë këngë me të cilën u skualifikua në edicionin e parë të "Etheve". Këngëtaret e preferuara të saj janë të shumta, por ndër to mund të veçojë pa hezitim Uitni Hjuston, Patricia Keyse, Mariah Carey, Christina Aghuilera apo Beyonce.


"E prirë" nga "Gjeniu..."

Dorina Garuci, 15 vjeç

29.1. 1993, Shkodër

Vajza shkodrane që fitoi "Gjeniun e vogël" para katër vjetësh, nuk kishte si të mos binte në sy edhe në "Ethe". Duke e vlerësuar këtë eksperiencë të re, Garuci shprehet se për të fituar konkursin, ajo që mund të ndihmojë është shumë punë dhe pasion. Adhuruese e Vaçe Zelës, Celine Dion e Uitni Hjuston, Garuci është studente e violinës në vitin e parë të shkollës artistike "Preng Jakova" në Shkodër. Tip i dashur dhe që miqësohet shpejt, Dorina vëren se njerëzit më të rëndësishëm në jetën e saj janë prindërit "e mrekullueshëm" dhe motra më e madhe që jeton në Itali me bashkëshortin e vet. E veçanërisht, babai që merret më së shumti me të. Në moshën pesë vjeç e gjysmë u ngjit për herë të parë në skenë në Festivalin e Fëmijëve në Shkodër, si një "këngëtare-imituese" kafshësh e shpendësh. Të ardhmen padyshim e sheh te muzika: kënga dhe violina, si një kantautore. Për Garucin, që një këngëtar të jetë sa më i kompletuar "duhet të dijë tepër nga arti, pse jo nga violina", me të cilën merret prej nëntë vjetësh.


Këngëtare që... dy vjeç e gjysmë...

Marjeta Billo, 20 vjeç

11.07.1988, Lushnjë

Adhuruese e muzikës pop dhe xhaz, Billo vendosi pa hezitim të merrte pjesë te "Ethet" , konkursin-spektakël që e sheh si më prestigjiozin për nxjerrjen e talenteve të reja në Shqipëri. Me sa duket ajo është "e prerë" për të qenë këngëtare. Sjell ndër mend një moment që edhe prindërit ia kujtojnë shpesh, kur ishte dy vjeç dhe ndodhej e sëmurë në spital. Edhe pse aq e vogël dhe në buzë të shtratit, Marjeta këndonte këngët e Eli Farës, të cilat i dinte përmendsh të gjitha.

Fillimisht iu fut "seriozisht" rrugës së muzikës, si një "vazhdim" i ëndrrës të së ëmës, që në rininë e vet kishte dashur të bëhej këngëtare. Ndërsa i ati i kudogjendej me kitarën e tij. Porse më vonë, Marjeta, e angazhuar vazhdimisht në koncerte, aktivitete shkollore, etj., si këngëtare, vazhdoi studimet për kanto në Akademinë e Arteve. Vaçe Zelën e quan idhullin e saj, por veçon edhe një sërë artistësh të huaj, si: Frank Sinatra, Louis Armstrong, Natalie Cole, Ella Fitzgerald.

Vajza që pohon se nuk ka një rreth të zgjeruar shoqëror, veçon megjithatë miqtë e saj të ngushtë: katër shokë dhe një shoqe të mirë, e cila i ka qëndruar pranë në çdo moment e që ka qenë një nga shtysat që të merrte pjesë në "Ethe".


Liceistja e kantos, me "klasiken" dhe "të lehtën"

Kejsi Tola, 16 vjeç

3.05.1992, Tiranë

Dikur ka kënduar në Festivalin e Fëmijëve. Më pas te "Gjeniu i vogël", ku arriti të futej deri në 10-shen e parë të këngëtarëve. Ndërsa tanimë, disa vjet më vonë, Kejsi "provon" zërin dhe talentin e vet në "Ethet". Mendon se është një shans i mirë për të kjo pjesëmarrje, ndërsa shpjegon se shtysa më e fortë për të konkurruar, përveç dëshirës së saj, kanë qenë prindërit dhe motra e vogël 10-vjeçare, e cila gjithashtu këndon.

Nxënëse e kantos në Liceun Artistik "Jordan Misja", Tola e sheh të ardhmen e vet në muzikën klasike, por njëkohësisht pohon se nuk do të lërë pas dorë edhe muzikën e lehtë. Këngëtaret e preferuara të saj janë Uitni Hjuston dhe Vaya Con Dios.


Mes baletit dhe muzikës

Fatlum Zeka, 18 vjeç

1.11.1990, Prishtinë

I vetmi djalë që ka mbetur në konkurrim, Zeka vendosi të vijë në "Ethe" i shtyrë më së shumti nga dëshira e vëllait të madh, që e kishte parë të arsyeshme se kjo "është mënyra më e mirë dhe më e lehtë për të arritur famën."

I paraqitur para publikut disa herë me këngët e veta në stacionet televizive të Kosovës, Fatlumi është njëkohësisht balerin, anëtar i trupës së baletit të Kosovës.

Pas përfundimit të shkollës së mesme të muzikës "Prenk Jakova" në Prishtinë, dega e baletit, këtë vit studion në Akademinë e Muzikës si këngëtar.

Gjykon se vallëzimi dhe muzika lidhen me njëra-tjetrën dhe e bëjnë një artist më të kompletuar, ndaj edhe pohon se i pëlqen të ushtrohet tek të dyja. Thekson se zhanri i tij i preferuar në muzikë është pop-dance, ndërsa në vallëzim stili pop. Kurse këngëtarët e tij të preferuar janë Majkëll Xhekson dhe Mario Asher.


Një këngëtare ekonomiste

Himena Ymeri, 20 vjeç

11.05.1988, Tiranë

Adhuron të këndojë dhe pohon se kjo ka qenë një ëndërr e saj që e vogël, të cilën ka synuar ta realizojë. Dalja e parë në skenë për Ymerin ka qenë në Festivalin Evropian në vitin 1998, kur ishte 10 vjeç. Më pas, në Festivalin e Fëmijëve, ku ka marrë disa çmime dhe në "RinFest" e "Elefant Shou" ku është vlerësuar me çmim të parë. Maturante, në vitin e pestë të Shkollës Ekonomike, Himena është e vetmja konkurrente që të ardhmen e saj e sheh të ndarë mes ekonomisë dhe muzikës. "E orientuar" kryesisht drejt baladave, janë pikërisht këto këngë që përpiqet t'i përvetësojë më shumë, porse pohon se pëlqen goxha edhe muzikën pop. Ditën e saj e ndan mes studimeve, kursit të matematikës e gjuhës së huaj dhe shoqërisë, veçanërisht të shokut të saj të ngushtë që e njeh prej 13 vjetësh e të cilin e çmon për sinqeritetin dhe besnikërinë. Të dëgjojë muzikë, të këndojë, të lexojë libra dhe të "vërdalloset" në internet janë disa prej gjërave që "mbushin" jetën e Himenës, e cila nuk mund të rrijë pa përmendur afeksionin e veçantë që ka për vëllain e vogël 9-vjeçar, Dankon, i cili gjithashtu di të këndojë mirë.


Gazeta "Metropol"

Etheistja qe u largua këtë te djele ishte shkodrania Rezarta Smaja .

Vazhdojne garen:

* Dorina Xerxa
* Fatlumi
* Marjeta
* La Garuci
* Himena
* Kejsi

un jam  100% e sigurt qe kejsi do fitoj.. e ka zërin te jashtezakonshem dhe shum unik...është vetëm 15 vjeçe edhe zerri i asaj  dhe pushton skenen dhe publikun.

ajo është kengtare shum shum e mirë edhe e meriton fitoren.

Kam dëgjuar qe njera nga Etheistet e skualifikuara gjatë finales, ka thënë (ne konfidence) qe Kejsi ka paguar për te fituar. Kejsi ka goxha ze, vetëm paraqitje skenike nuk ka. Duket sikur e kanë vënë te kendoje me zor, nuk buzeqeshe fare. Nuk mendoj se kjo është mënyra e saktë për te treguar qe e ka marrë seriozisht konkurimin.
Për mua Xerxa duhet te fitoje. Më ka hyrë shumë ne zemër edhe ajo edhe Fatlumi. Madje do me bëhej qejfi ta fitonte njeri prej tyre, jo vetëm prej talentit te padiskutueshem qe kanë, por edhe për sakrificen qe bëjnë (meqë janë nga Kosova e nuk i kanë te afermit pranë).

Nuk ishte radha ime të lija "Ethet"

Intervistë/Flet Himena Ymeri, e skualifikuara e radhës në spektaklin e madh të garës së këngës



Himena Ymeri, vajza që dy net më parë u nda nga "Ethet" si e skualifikuar, ka bindjen se nuk ishte radha e saj për ta lënë spektaklin. Në moshën 19-vjeçare, maturante në shkollën e mesme ekonomike, ajo ndryshon nga konkurrentët e tjerë, sepse: 1) Nuk studion për muzikë (ngjashëm dhe Dorina Xërxa), 2) Ka provuar të gjitha çmimet, të parat, të dytat dhe të tretat, si pjesëmarrëse e rregullt në Festivalet e Fëmijëve në Tiranë dhe Shkodër. Himena është dhe e para këngëtare, e cila ka përfaqësuar Shqipërinë në Festivalin Evropian të Fëmijëve që u zhvillua në Tiranë më 1998, duke interpretuar këngën "Hapa dollapa". Ndaj, as skena e as çmimet për të nuk kanë qenë të reja. Por skena e "Etheve", mbetej një sfidë për të që edhe pse nuk ia arriti ta zotëronte deri në fund, sërish ndien se e ka sfiduar...

Si u përfshive në "Ethe"

Është hera e dytë që marr pjesë në "Ethe". Herën e parë jam futur në konkurrim në edicionin e dytë ku arrita deri në njëqindëshe dhe u eliminova si efekt i moshës së njomë dhe papjekurisë së zërit.

Kush ta vuri re këtë, pra papjekurinë e zërit?

Juria, të gjithë anëtarët e jurisë me të njëjtin mendim ishin.

Dhe më pas i thatë vetes...

Dhe i vura si synim vetes që kur të jem mjaftueshmërisht gati, të shkoj në "Ethe", siç dhe erdha këtë edicion.

U fute në "Ethe" thjesht për sadisfaksionin e pjesëmarrjes, apo me synimin për të qenë fituese?

Nuk e di, por them se kisha zgjedhur gjithçka në momentin e duhur dhe për këtë nuk do mjaftohej vetëm pjesëmarrja. Synoja për më shumë. Ndaj duhet theksuar fakti që unë ecja me kohën. Për shembull, kur isha në tetëdhjetëshe, pretendoja tridhjetëshen, më pas dhjetëshen dhe kështu gradualisht duke pretenduar për pesëshen, por nuk e kapa dot.

Pse mendon që nuk e kape?

Thjesht, podiumi ishte shumë i lartë për gjatësinë time. (qesh)...

Ju ndërkohë edhe radhën e kaluar u nominuat si humbëse. Por parmbrëmë e menduat që do ishit afër humbjes?

E mendoja skualifikimin. Shumë njerëz e kishin parashikuar ikjen time. Por ama e them me bindje se këndova mirë...edhe se nuk ishte radha ime që të largohesha.

Por e kujt?

Nuk e them e çdokujt, por e dikujt...

Thatë pasi u eliminuat se "ndiheshit e lumtur që kishit arritur deri në finale, sepse përveç teje e Dorina Xerxës, të gjithë konkurrentët e tjerë studiojnë në shkolla muzikë".Jeni e sinqertë në këtë që thatë?

Absolutisht po dhe mund ta përsëris në çdo intervistë.

Përse nuk keni ndjekur një shkollë muzikë, por keni zgjedhur të studioni Ekonomi?

Sepse e kam parë më tepër veten si një ekonomiste e mirë...ose si një ekonomiste dhe këngëtare e mirë

A të erdhi të qaje, kur e pe veten të humbur?

Momentet e para doja vetëm të falënderoja pafundësisht njerëzit që më kanë ndenjur pranë; familjen, shoqërinë, shkollën. Duhet të përmend dhe ata që më kanë mbetur peng, ata që kanë punuar shumë për mua, stafin e "Pentium" dhe "Frontera", si dhe publikun që ka shpenzuar e votuar për mua. Lotët nuk i mbajta dot vetëm në momentet që takova babin dhe shokun e ngushtë.

Tanimë që jeni në radhët e spektatorit, kush është konkurrenti më i mundshëm për të fi tuar “Ethet” sipas jush?

“Dua me gjithë shpirt që ta fi tojë “La Garuci”, pasi ajo është më e mira e të gjithëve, por që të fl as me siguri se kush do ta fi tojë, kjo është një çështje që vetëm “fallxhorët” mund ta dinë”.

Si ishte më pas mbrëmja, pas daljes nga teatri i Operës?

Kam kaluar orët e vona në një klub nate me kushërinjtë dhe shoqërinë e pastaj u ktheva në shtëpi me babin duke folur rreth eksperiencës së "Etheve", kësaj aventure të bukur e të vështirë.

Tani do merrni pjesë në "Top-Fest", pra do jeni sërish në skenë para publikut. Keni filluar të mendoni për këngën?

Do nis të mendoj kur të më jepet kënga.

Si është tani afeksioni me këngën?

Skualifikimi nuk cenon aspak lidhjen time me këngën

Do vazhdoj të këndoj për të treguar se cila është Himena se mbase nuk e tregova gjer në fund...

G.Shqip

A është " ETHET " një gare mes te barabartesh ???   

Zor se mund ta thuash , pasi një pjesë e mirë e konkurrenteve janë MUZIKANTE ... për të mos shkuar me tej qe janë KENGETARE !

Unë tani sa po pash disa video,se nuk i pata pare Ethet këtë vit,po me aq sa dëgjova besoj se ka për ta fituar Dorina Garuci ose Kejsi Tola njera nga këto 2-ja po besoj se Dorina ka për ta marrë.

Hapa dhe një Album me videot e Etheve te galeriashqiptare  http://www.galeriashqiptare.net/thumbnails-442.html